ផ្អែកតាមការស្រាវជ្រាវមួយរបស់ carinsurance.ae បានបង្ហាញថាបន្ទាប់ពីសហរដ្ឋអាមេរិកដែលមានលក់រថយន្ត Tesla Model S ធូរថ្លៃជាងគេនោះ គឺប្រទេសអេស្ដូនៀរ ដែលលទ្ធផលនេះគឺចេញពីការសិក្សាតម្លៃលើទីផ្សារចំនួន៣០ផ្សេងគ្នា។

សហរដ្ឋអាមេរិកមានលក់រថយន្ត Tesla Model S ក្នុងតម្លៃចាប់ផ្ដើមពី ៧៩ ៩៩០ដុល្លារ (បច្ចុប្បន្នឡើងថ្លៃដល់ ៨៩ ៩៩០ដុល្លារ) ខណៈដែលប្រទេសអូស្តូនៀរមានដាក់លក់រថយន្តអគ្គិសនីនេះក្នុងតម្លៃ ៩០ ៦៦៥ដុល្លារ។

ប្រទេសបន្ទាប់នោះគឺប្រទេសកាណាដាជាមួយតម្លៃលក់ ៩៣ ៥៥៣ដុល្លារ, ប្រទេសជប៉ុនលក់តម្លៃ ៩៧ ៥១២ដុល្លារ, ប្រទេសន័រវែសលក់តម្លៃ ៩៧ ៥៤៤ដុល្លារ, ប្រទេសមិចស៊ីកូលក់តម្លៃ ៩៩ ៨៧៩ដុល្លារ, កូរ៉េខាងត្បូងលក់តម្លៃ ១០១ ៦២៤ដុល្លារ, អាល្លឺម៉ង់លក់តម្លៃ ១០៣ ៩៥៤ដុល្លារ, ប៉ូឡូញលក់តម្លៃ ១០៤ ៦៥៦ដុល្លារ និងប្រទេសលុចហ្សំបួរលក់តម្លៃ ១០៥ ១៤៩ដុល្លារ។

គួរដឹងថាប្រទេសដែលលក់រថយន្ត Tesla Model S ថ្លៃជាងគេគឺប្រទេសអ៉ីស្រាអែល ដែលលក់រថយន្តនេះក្នុងតម្លៃដល់ទៅ ១៤៧ ៦៨៩ដុល្លារ៕

ផ្ទាំងផ្សាយពាណិជ្ជកម្ម

Toyota បានដាក់ក្ដីសង្ឃឹមលើរថយន្ត SUV ខ្នាតតូចថ្មីចំនួនពីរក្នុងការបង្កើនចំណែកទីផ្សារនៅអឺរ៉ុប ដោយក្នុងនោះមានរថយន្ត Yaris Cross និងរថយន្តដែលជាអ្នកស្នងតំណែងរថយន្ត Aygo ផងដែរ។

រថយន្ត Yaris Cross ដែលជាប្រភេទ B-SUV បានបង្ហាញវត្តមានកាលពីខែមេសាឆ្នាំ២០២០ ហើយវានឹងចាប់ផ្ដើមការផលិតឆាប់ៗនេះនៅរោងចក្រប្រទេសបារាំង។

នៅក្នុងឆ្នាំ២០២០ ទីផ្សារ B-SUV នៅអឺរ៉ុបត្រូវបាននាំមុខដោយរថយន្ត Renault Captur (១៧៧ ៥៥៦គ្រឿង), Volkswagen T-Roc (១៥៨ ៧៧៦គ្រឿង) និងរថយន្ត Peugeot 2008 (១៥៦ ១៥០គ្រឿង)។ Toyota រំពឹងថារថយន្ត Yaris Cross នឹងអាចលក់ចេញបាន ១៥ម៉ឺនគ្រឿងនៅឆ្នាំ២០២២ ដែលអាចស្ថិតនៅចំណាត់ថ្នាក់កំពូលទាំង៥ លើទីផ្សាររថយន្ត B-SUV នៅអឺរ៉ុប។

ចំណែករថយន្ត SUV ខ្នាតតូចទីពីរគឺអ្នកស្នងតំណែងរថយន្ត Aygo ជាប្រភេទរថយន្ត A-Segment ធ្លាប់បានបង្ហាញវត្តមានក្នុងនាមជា Concept ម៉ូដែល Aygo X Prologue Concept កាលពីខែមីនា ឆ្នាំ២០២១។

ជាមួយរថយន្តថ្មីពីរម៉ូដែលនេះ Toyota មានសុទិដ្ឋិនិយមចំពោះអនាគតរបស់ខ្លួននៅលើទីផ្សារអឺរ៉ុប ហើយថ្មីៗនេះ Toyota បានកែសម្រួលគោលដៅលក់របស់ខ្លួនសម្រាប់ទីផ្សារអឺរ៉ុបគឺ ១,២លានគ្រឿងសម្រាប់ឆ្នាំ២០២១ (ឡើងពី ១,១លានគ្រឿង) និង ១,៥លានគ្រឿងសម្រាប់ឆ្នាំ២០២៥ (ឡើងពី ១,៤លានគ្រឿង)៕

ផ្ទាំងផ្សាយពាណិជ្ជកម្ម

ក្រុមហ៊ុន Isuzu បានបន្ថែមនូវជម្រើសរថយន្តភីកអាប់ D-Max តម្លៃត្រឹម ៤៩៩លានដុង ឬស្មើនឹងត្រឹមប្រមាណ ២១ ៨០០ដុល្លារ ធ្វើឲ្យវាក្លាយជារថយន្តភីកអាប់ធូរថ្លៃជាងគេលើទីផ្សារប្រទេសវៀតណាម។

រថយន្ត D-Max CV ប្រភេទថ្មីដែលផ្ដោតលើការប្រើប្រាស់បែបអាជីវកម្មនោះ កំពុងធ្វើការលក់សាកល្បងនៅឡើយ ដូចនេះគឺមិនទាន់មានការប្រកាសលក់ជាផ្លូវការនោះទេ។ ប្រសិនបើទទួលបានលទ្ធផលវិជ្ជមាន ក្រុមហ៊ុននឹងធ្វើការចែកចាយលក់ទូលំទូលាយនៅក្នុងឆ្នាំ២០២២។

D-Max CV មានបំពាក់ម៉ាស៊ីនម៉ាស៊ូតចំណុះ ១,៩លីត្រ ដែលអាចផលិតកម្លាំងបាន ១៥០សេះ ដូចជារថយន្ត D-Max PC ដែរ ហើយវាប្រើប្រាស់នូវប្រអប់លេខដៃ៦វគ្គផងដែរ៕

ផ្ទាំងផ្សាយពាណិជ្ជកម្ម

ផ្អែកតាមរូបភាពបែកធ្លាយលើអនឡាញ វិបសាយរថយន្តរុស្ស៊ីឈ្មោះថា Kolesa.ru បានចេញផ្សាយរូបភាពឌីហ្សាញដំបូងនៃរថយន្ត Lexus LX ជំនាន់ថ្មី ដែលនឹងមានការផ្លាស់ប្ដូររូបរាងថ្មី។

រចនាបថនៃ Lexus LX ដែលកើតចេញពីការស្រមើស្រមៃខ្លះៗនេះ គឺមើលទៅមានលក្ខណៈស្រដៀងនឹងរថយន្ត Land Cruiser ជំនាន់ថ្មីបន្តិចបន្តួច ប៉ុន្តែខុសគ្នាពីរថយន្ត Lexus LX ជំនាន់បច្ចុប្បន្នទាំងស្រុងតែម្ដង។

រថយន្ត Lexus LX ជំនាន់ថ្មីត្រូវបានគេរំពឹងថានឹងប្រើប្រាស់ម៉ាស៊ីន ៣,៥លីត្រ ៦ស៊ីឡាំង ជាស្តង់ដារដូចជារថយន្ត Land Cruiser ថ្មីដែរ ដោយវាអាចផលិតកម្លាំងបាន ៤០៩សេះ។ ម៉ាស៊ីននេះគឺចូលមកជំនួសម៉ាស៊ីនចំណុះ ៥,៧លីត្រ ៨ស៊ីឡាំង ដែលធ្វើឲ្យគេសង្ស័យថា Lexus LX នឹងលែងប្រើឈ្មោះ LX 570 តទៀតហើយ។

បន្ថែមពីនេះដែរ Lexus LX ក៏ត្រូវបានរំពឹងថានឹងមានប្រៅេទ Hybrid ស៊េរីខ្ពស់ អាចផលិតកម្លាំងបាន ៤៨០សេះផងដែរ៕

ផ្ទាំងផ្សាយពាណិជ្ជកម្ម

ក្រុមហ៊ុន BMW នឹងប្រើប្រាស់កម្មវិធីតាំងបង្ហាញរថយន្ត Munich Motor Show ដើម្បីបង្ហាញចេញរថយន្ត iX5 Hydrogen ដែលជាប្រភេទប្រើប្រាស់ថាមពលអ៉ីដ្រូហ្សែន។

រថយន្ត iX5 Hydrogen នឹងត្រូវប្រើប្រាស់សម្រាប់ការសាកល្បង និងការដាក់បង្ហាញចាប់ពីឆ្នាំក្រោយនេះ ដែលវាធ្លាប់បានបង្ហាញវត្តមានម្ដងរួចមកហើយក្នុងនាមជារថយន្ត BMW i Hydrogen NEXT Concept។

iX5 Hydrogen នេះមានសមត្ថភាពផ្ទុកអ៉ីដ្រូហ្សែនបានចំនួន ៦គីឡូក្រាម ដែលអាចបញ្ចូលបានពេញក្នុងពេលពី ៣ ទៅ ៤នាទី តែប៉ុណ្ណោះ។ BMW មិនទាន់និយាយលម្អិតអ្វីឡើយ ប៉ុន្តែបានបញ្ជាក់ថារថយន្តនេះគឺមានប្រើប្រាស់ម៉ូទ័រអគ្គិសនីជំនាន់ទី៥ ស្រដៀងនឹងរថយន្ត iX ដែរ ដែលអាចផលិតកម្លាំងបានដល់ ៣៦៩សេះ។

ខណៈដែលរថយន្ត iX5 Hydrogen គ្រាន់តែជាប្រភេទរថយន្តគំរូនាពេលបច្ចុប្បន្ន ប៉ុន្តែ BMW បានបញ្ជាក់ថានៅថ្ងៃអនាគតក្រុមហ៊ុនអាចនឹងបញ្ចេញលក់រថយន្តប្រភេទនេះលើទីផ្សារ ប៉ុន្តែក្រុមហ៊ុននឹងត្រូវការរចនាសម្ព័ន្ធស្ថានីយចាក់អ៉ីដ្រូហ្សែនសម្រាប់រថយន្តនេះ៕

ផ្ទាំងផ្សាយពាណិជ្ជកម្ម