BMW ចេញម៉ូដែលពិសេស យក Style ដូចរថយន្ត Maybach មួយគ្រឿងតម្លៃ ៤០ម៉ឺនដុល្លារ

April 22, 2021

រថយន្ត BMW 7-Series Shining Shadow Special Edition ទើបតែត្រូវបានក្រុមហ៊ុន BMW ប្រកាសចេញជាផ្លូវការនៅក្នុងពីព័ណរថយន្តទីក្រុងស៊ាងហៃ ដែលជារថយន្តមួយដែលមាន Style ដូចគ្នានឹងរថយន្ត Mercedes Maybach។

រថយន្តប្រណីតខ្នាតធំមានពណ៌តួរខ្លួនពីរពណ៌ដោយដំបូលមានពណ៌ទឹកប្រាក់(Cashmere Silver) និងតួរខ្លួនខាងក្រោមមានពណ៌ក្រហមឈាមជ្រូក(Aventurine)។ រថយន្ដនេះផលិតឡើងដោយមានចំនួនកំណត់ត្រឹមតែ ២៥ គ្រឿង សម្រាប់តែទីផ្សារប្រទេសចិនប៉ុណ្ណោះ ដោយក្នុងមួយគ្រឿងមានតម្លៃ ២,៦ លានយ័ន ឬ ៤០ ម៉ឺនដុល្លារ។

ក្រុមហ៊ុន BMW និយាយថា ខ្លួនបានចំណាយពេល ៦-៧ ថ្ងៃ ដើម្បីប៉ូលា និងបាញ់ថ្នាំលើរថយន្តនេះ។ លើសពីនេះទៀតថាសកង់ស្ព័រមានទំហំដល់ទៅ ២០ អ៊ីញ ដែលជួយឱ្យរថយន្តមើលទៅឆើតឆាយថែមទៀតផង។

កាន់តែពិសេស ផ្នែកខាងក្នុងនៃរថយន្ត BMW 7-Series Shining Shadow Special Edition បានបំពាក់ជាមួយគ្រឿងបរិក្ខា និងវត្ថុធាតុដើមថ្មីៗ និងទំនើបៗ ដើម្បីបង្កើនអោយកាន់តែមានពិសេសទ្វេឡើង។ តួរយ៉ាងដូចជាកៅអីអង្គុយត្រូវបានគ្របដណ្ដប់ដោយស្បែក Merino ពណ៌ស ជាដើម។

រថយន្ត BMW 7-Series នេះដំណើការដោយម៉ាស៊ីនចំណុះ ៦,0លីត្រ Turbocharged ទំហំ ១២ស៊ីឡាំង មានកម្លាំងចំនួន ៥៧៧ សេះ និងកម្លាំងបង្វិល ៨៥០ញ៉ូតុនម៉ែត្រ ព្រមទាំងអាចស្ទុះពីល្បឿនកុងទ័រ ០-១០០គ.ម/ម៉ ដោយចំណាយពេលត្រឹម ៣,៨វិនាទីប៉ុណ្ណោះ៕

ផ្ទាំងផ្សាយពាណិជ្ជកម្ម

ឡាន SUV ថោកបំផុតរបស់ VW តម្លៃត្រឹមតែ ២ម៉ឺនដុល្លារស្ដើង

April 22, 2021

រថយន្ត Volkswagen Taos ស៊េរីឆ្នាំ២០២២រំពឹងថានឹងចេញលក់នៅសហរដ្ឋអាមេរិកនៅខែមិថុនាខាងមុខនេះ ហើយពេលនេះក្រុមហ៊ុនបានបង្ហាញតម្លៃលក់របស់រថយន្ត SUV ខ្នាតតូចនេះហើយ។

រថយន្តនេះមានផ្ដល់ជម្រើសចំនួនបីគឺប្រភេទ S, SE និង SEL ដែលមានតម្លៃចាប់ផ្ដើមពី ២២ ៩៩៥ដុល្លារ មិនទាន់បូកបញ្ចូលថ្លៃដឹកជញ្ជូន ១ ១៩៥ដុល្លារ។ នេះធ្វើឲ្យរថយន្ត Taos ក្លាយជារថយន្ត SUV ធូរថ្លៃជាងគេបំផុតនៅសហរដ្ឋអាមេរិក ហើយថែមទាំងធូរថ្លៃជាងរថយន្ត Nissan Rogue Sport ឆ្នាំ២០២១ ចំនួន ៩៦៥ដុល្លារផងដែរ។

មុខងារស្តង់ដារលើរថយន្ត Taos នេះគឺមានប្រើប្រាស់អំពូលប្រភេទ LED, កង់ទំហំ ១៧អ៊ីញ, មានអេក្រង់កម្សាន្តទំហំ ៦,៥អ៊ីញ, មាន Bluetooth, មានកុងទ័រឌីជីថលទំហំ ៨អ៊ីញ និងកាមេរ៉ាសម្រាប់ពេលថយក្រោយផងដែរ។

រថយន្ត Taos ទាំងបីប្រភេទគឺមានប្រើប្រាស់ម៉ាស៊ីន ១,៥លីត្រ ប្រភេទ Turbocharged ដូចគ្នាដែលផលិតកម្លាំងបាន ១៥៨សេះ ភ្ជាប់ទៅនឹងប្រអប់លេខស្វ័យប្រវត្តិ៨វគ្គ និងប្រព័ន្ធបើកបរវិលកង់មុខ ហើយក៏មានជម្រើសប្រអប់លេខ DSG ៧វគ្គជាមួយប្រព័ន្ធបើកបរវិលកង់ទាំងអស់ផងដែរ៕

ផ្ទាំងផ្សាយពាណិជ្ជកម្ម

ឡានអគ្គិសនី៧កៅអីរបស់ Mercedes សាកម្ដងជិះបានជាង ៤០០គីឡូម៉ែត្រ

April 22, 2021

នៅក្នុងកម្មវិធីតាំងបង្ហាញរថយន្ត Shanghai Auto Show ឆ្នាំ២០២១ រថយន្ត Mercedes-Benz EQB បានបង្ហាញរូបរាងជាផ្លូវការ ដែលជារថយន្តអគ្គិសនីខ្នាតធំមួយមានជម្រើសកៅអីអង្គុយចំនួន៧ ហើយវានឹងចេញលក់មុនគេលើទីផ្សារប្រទេសចិន។

រថយន្តនេះមានបំពាក់មកជាស្តង់ដារនូវអាគុយចំណុះ ៦៦,៥គីឡូវ៉ាត់ម៉ោង ដែលអាចជិះបានចម្ងាយ ៤១៩គីឡូម៉ែត្រ ដែលមានមកជាមួយនូវដុំសាក ១១គីឡូវ៉ាត់ ហើយក៏អាចគាំទ្រការសាកកម្លាំងដល់ ១០០គីឡូវ៉ាត់ផងដែរ។ ចំពោះកម្លាំងរបស់រថយន្តនេះមានជម្រើសច្រើនប្រភេទ ប៉ុន្តែសម្រាប់ប្រទេសចិនមួយមានផ្ដល់ជូននូវប្រភេទ AMG Line ដែលអាចផលិតកម្លាំងបាន ២៨៨សេះ។

និយាយអំពីរចនាបថរូបរាងនៃរថយន្ត EQB នេះមានលក្ខណៈស្រដៀងទៅនឹងរថយន្ត Mercedes GLB ដែលជាប្រភេទប្រើម៉ាស៊ីនពីស្តុង ហើយប្រវែងពីកង់មុខទៅកង់ក្រោយរបស់វាគឺមានប្រវែង ២៨២៩ម.ម ដូចគ្នាទៅនឹងរថយន្ត Mercedes GLB អ៊ីចឹងដែរ។

នៅផ្នែកខាងក្នុងមានរចនាបថស្រដៀងនឹង Mercedes GLB ដែរប៉ុន្តែមានការផ្លាស់ប្ដូរមួយចំនួនតូចដែលធ្វើឲ្យរថយន្តនេះមើលទៅកាន់តែទំនើប និងទាន់សម័យ។ រថយន្ត EQB នេះមានបំពាក់នូវប្រព័ន្ធកម្សាន្ត MBUX ដែលមានគួបផ្សំដោយមុខងារនាំផ្លូវវៃឆ្លាត។

តម្លៃ និងព័ត៌មានលម្អិតអំពីរថយន្ត Mercedes GLB នេះនឹងត្រូវប្រកាសចេញបន្ថែមនៅចុងឆ្នាំនេះ មុននឹងវាដាក់លក់ជាផ្លូវការ៕

ផ្ទាំងផ្សាយពាណិជ្ជកម្ម

Volkswagen Arteon R ឆ្នាំ២០២១ ចេញលក់ជាផ្លូវការ តម្លៃជាង៧ម៉ឺនដុល្លារ

April 22, 2021

ក្រុមហ៊ុន Volkswagen ទើបតែបានប្រកាសចេញនូវតម្លៃនៃរថយន្ត Arteon R និង Arteon R Shooting Brake ស៊េរីឆ្នាំ២០២១ ជាផ្លូវការ នៅក្នុងប្រទេសអាល្លឺម៉ង់។

រថយន្ត Volkswagen Arteon R នឹងមានតម្លៃចាប់ពី ៧៥ ៥៤០ដុល្លារ នៅក្នុងប្រទេសអាល្លឺម៉ង់ ខណៈម៉ូដែល Arteon R Shooting Brake នឹងមានតម្លៃចាប់ពី ៧៦ ៦០០ដុល្លារ។ បើប្រៀបធៀបជាមួយគូប្រជែង គឺ BMW M340i xDrive មានតម្លៃ ៧៨ ០៦០ដុល្លារ ខណៈ Audi S4 TDI មានតម្លៃចាប់ពី ៧៦ ៣២៥ដុល្លារ។

រថយន្ត Arteon R ឆ្នាំ២០២១ ទាំង ២ ម៉ូដែលនេះ បំពាក់ម៉ាស៊ីនសាំងចំណុះ ២,០លីត្រ TSI Turbocharged ទំហំ ៤ស៊ីឡាំង មានកម្លាំង ៣១៥សេះ ដំណើរការដោយប្រអប់លេខអូតូ ៧វគ្គ ប្រភេទ dual-clutch DSG និងប៉ុងពីរ។

វាអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៤,៩វិនាទី ហើយមានល្បឿនអតិបរមា ២៥០គីឡូម៉ែត្រក្នុងមួយម៉ោង ឬ ២៧០គីឡូម៉ែត្រក្នុងមួយម៉ោង ប្រើបំពាក់កញ្ចប់ Option ពិសេស “R Performance Package”៕

ផ្ទាំងផ្សាយពាណិជ្ជកម្ម

អីយ៉ាស់! ឡានអគ្គិសនី Volkswagen ជាប់ឈ្មោះជា “World Car Of The Year” ឆ្នាំ២០២១

April 22, 2021

រថយន្តអគ្គិសនី Volkswagen ID.4 ត្រូវបានគេបោះឆ្នោត និងជាប់ឈ្មោះថា “2021 World Car of the Year”។

រថយន្ត SUV ដំណើរការដោយថាមពលអគ្គិសនីសុទ្ធនេះ បានយកឈ្នះលើគូប្រជែងនៅវគ្គផ្តាច់ព្រ័ត្រ គឺ Honda e និង Toyota Yaris។

ក្រៅពីនោះ រថយន្ត Mercedes S-Class ត្រូវបានជាប់ឈ្មោះជា “2021 World Luxury Car” ដោយយកឈ្នះលើ Land Rover Defender និង Polestar 2។

ដោយឡែក ម្ចាស់ជើងឯក “2021 World Performance Car” គឺបានទៅលើ Porsche 911 Turbo ដោយយកឈ្នះលើ Toyota GR Yaris និង Audi RS Q8។

ក្រៅពីនោះ Toyota Yaris បានជាប់ជា “2021 World Urban Car” ខណៈ Land Rover Defender ឈ្នះពាន “World Car Design of the Year”៕

ផ្ទាំងផ្សាយពាណិជ្ជកម្ម

រាងមិនធម្មតាមែន ឡានអគ្គិសនី Ford Evos ២០២១ នៅពិព័រណ៍រថយន្តទីក្រុងសៀងហៃ ២០២១

April 22, 2021

នៅក្នុងដំណើរការនៃការតាំងពិព័រណ៍ដ៏ធំប្រចាំឆ្នាំ២០២១ នៅទីក្រុងសៀងហៃប្រទេសចិន យើងសង្កេតឃើញមានការតាំងបង្ហាញរថយន្តជាច្រើន ពីបណ្តារក្រុមហ៊ុនរថយន្តធំៗជុំវិញពិភពលោក និងផលិតផលក្នុងស្រុករបស់ប្រទេសចិន។ យ៉ាងណាមិញ យើងមកមើលរថយន្តអគ្គិសនី Ford Evos ២០២១ ប្រភេទ Crossover ខ្លួនទាបនេះវិញក៏មិនធម្មតាដែរ។ រថយន្តនេះនឹងត្រូវផលិតសម្រាប់ទីផ្សារប្រទេសចិនតែមួយគត់ ដោយទីផ្សារសហរដ្ឋអាមេរិច និងបែកអឺរ៉ុប បាននិយាយថា ខ្លួនមិនទាន់មានគម្រោងដាក់លក់សម្រាប់ទីផ្សាររបស់ខ្លួននៅឡើយទេ។

រថយន្តនេះត្រូវបានផលិតឡើងដោយមានការសហការណ៌រវាង Changan និង Ford ស្ថិតនៅក្រោមគម្រោង Blue Oval’s China 2.0 ផលិតឡើងផ្តាច់មុខសម្រាប់ប្រជាជនប្រជាមានិត។ តែបើមើលទៅហាក់បីដូចជាយកលំនាំតាមរថយន្ត Ford Fusion ២០២២ នៃទីផ្សាររបស់អាមេរិចខាងជើង និង Mondeo នៅបែកខាងអឺរ៉ុប។

Ford បានហៅរថយន្តនេះថាជាប្រភេទ coupe SUV។ ដោយផ្នែកខាងក្នុងវិញ គ្រប់ដណ្តប់ដោយអេក្រង់យ៉ាងវែងទំហំ ៤៣អុីញ ដែលមានកុងទ័រទំហំ ១២,៣អុីញ និងអេក្រង់កំសាន្តទំហំ ២៧អុីញ គុណភាព 4K ប្រើប្រាស់នូវបច្ចេកវិទ្យាកំសាន្ត SYNC+ 2.0 ការរចនាថ្មី រួមជាមួយបច្ចេកវិទ្យា AI របស់ Baidu (Baidu ប្រៀបដូចជា Google ដោយសារចិនមិនអនុញ្ញាត្តអោយប្រើប្រាស់ Google របស់អាមេរិចឡើយ)។ ដូចទៅនឹងម៉ូដែល Mustang Mach-E ដែរ Ford EVOS បំពាក់ជាមួយការអ៊ាប់ដែតតាមរយៈបណ្តាញ E/E architecture ដែលអាចអោយអតិថិជនអ៊ាប់ដែតបានដោយខ្លួនឯងតាមអុីនធឺណែតដែលមានឈ្មោះថា “first Virtual Personal Assistant”។

ម្ចាស់រថយន្តនេះនឹងទទួលបានបច្ចេកវិទ្យាបើកបរពាក់កណ្តាលស្វ័យប្រវត្តិកម្រិត ២ អនុញ្ញាត្តអោយអ្នកបើកបរលែងដៃពីចង្កូត នៅលើផ្លូវហាយវ៉េ។ ទាក់ទងនឹងថាមពលកម្លាំងផ្សេង មិនទាន់មានបង្ហាញនៅឡើយទេ។ រថយន្តនេះនឹងត្រូវដាក់លក់ដោយ Ford NDSD ដែលជាអ្នកចែកចាយដ៏ធំរបស់ខ្លួន។ ក្រៅពី Ford EVOS នេះ នៅក្នុងពិពរណ៍នោះក្រុមហ៊ុនក៏មានបង្ហាញរថយន្តជាច្រើនប្រភេទទៀតដូចជា៖ Escape PHEV, Mustang Mach-e, Equator, Explorer, Edge Plus, Territory S, F-150 LTD និង Mustang។

ផ្ទាំងផ្សាយពាណិជ្ជកម្ម

Hongqi បង្ហាញគំរូរថយន្តតួរវែងប្រណិត ប្រភេទគ្មានដៃចង្កូត

April 21, 2021

ក្រុមហ៊ុនផលិតរថយន្ត Hongqi បានចូលរួមបង្ហាញវត្តមានរបស់ខ្លួននៅក្នុងកម្មវិធីតាំងបង្ហាញរថយន្ត Shanghai Auto Show ២០២១ ជាមួយការនាំយកនូវគំរូរថយន្តតួរវែងប្រណិត ប្រភេទគ្មានដៃចង្កូត មកធ្វើការតាំងបង្ហាញក្នុងកម្មវិធីដោយរថយន្តនោះមានឈ្មោះថា Hongqi L-Concept។

ផ្នែកខាងក្រៅនៃរថយន្តបានលេងខ្លួនជា ២ ពណ៌ រួមជាមួយកញ្ចក់ខាងក្រោយត្រូវបានជំនួសដោយគម្របដែលមានរូបរាងដូច គំនូរត្បូង។ រីឯផ្នែកខាងមុខរចនាជាមួយផ្ទាំងប៉ាណាមួយផ្ទាំងធំ, ចង្កៀង LED និងមានទ្វាបើកដូចទៅនិងរថយន្ត Rolls-Royce។

នៅខាងក្នុងកាប៊ីន L-Concept ផ្តល់ជូន ៣ កៅអី ទីតាំងខាងមុខដូចនឹងកៅអីអ្នកបើកបរតែគ្មានចង្កូត និងកៅអី ២ ទៀត សម្រាប់អ្នកដំណើរខាងក្រោយ។ កៅអីខាងក្រោយអាចផ្លាស់ប្តូរទិសដៅដោយសេរី ដើម្បីទទួលបានភាពងាយស្រួល។ កៅអីរបស់ L-Concept នេះមានពណ៌ស្បែក ២ពណ៌ រួមជាមួយ អំពូលរំយោល Chandeliersនៅផ្នែកខាងក្រោយ និងអេក្រង់ប្រវែងវែងនៅផ្នែកខាងស្តាំផងដែរ។

ជាមួយនឹងរថយន្តដែលគ្មានដៃចង្កូត វាហាក់បីដូចជាបានបង្ហាញថា Hongqi ចង់អភិវឌ្ឍ L-Concept ទៅជាឡានទំនើបដែលមានសមត្ថភាពបើកបរដោយស្វ័យប្រវត្តិពេញលេញ( Drive Fully Autonomously)។

ទោះបីព័ត៌មានជាក់លាក់របស់រថយន្តមិនត្រូវបានគេបង្ហាញឱ្យដឹងក៏ដោយ ក៏ប្រភពខ្លះសនិ្នដ្ឋានថាក្រុមហ៊ុនផលិតរថយន្តចិនអាចនឹងអាចចេញលក់នូវរថយន្ត L-Concept នេះនៅឆ្នាំ ២០២៣៕

ផ្ទាំងផ្សាយពាណិជ្ជកម្ម

ឡានអគ្គិសនីចិននេះមួយនេះ ដាក់លក់នៅខ្មែរតម្លៃជាង ២៣ម៉ឺនដុល្លារ

April 21, 2021

[ទីផ្សារក្នុងស្រុក] បច្ចុប្បន្ននេះ យើងសង្កេតឃើញថាទីផ្សាររថយន្តថ្មីហាក់មានកំណើនគួរអោយកត់សម្គាល់យ៉ាងខ្លាំង។ នៅក្នុងនោះផងដែរ យើងឃើញមានក្រុមហ៊ុនរថយន្តរបស់ប្រទេសចិនធំៗ ក៏មានវត្តមានផងដែរដូចជា BYD, GAC, BAIC ជាដើម។ ជាក់ស្តែងថ្មីៗនេះ ក៏លេចរូបរាងរបស់ក្រុមហ៊ុនរថយន្តប្រណិតរបស់ចិន HongQi ដែលក្រុមហ៊ុននេះបង្កើតឡើងតាំងពីឆ្នាំ ១៩៥៨មកម្លេះ របស់ក្រុមហ៊ុន FAW ស្ថិតនៅក្រោម FAW Group។ ដើមឡើយរថយន្ត HongQi ត្រូវបានផលិតឡើងសម្រាប់តែមន្ត្រីជាន់ខ្ពស់របស់ចិនតែប៉ុណ្ណោះ រហូតដល់ឆ្នាំ១៩៨១ ហើយរថយន្តជំនាន់ទីមួយរបស់ខ្លួនត្រូវបានប្រើប្រាស់ដោយ លោកម៉ៅសេទុង ដែលជាស្ថាបនិកបង្កើតអោយមាន សាធារណរដ្ឋប្រជាមានិតចិន។ ចំពោះពាក្យថា HongQi នេះវិញមានន័យថា ទង់ជាតិក្រហម។ ហើយបច្ចុប្បន្នលោកប្រធានាធិបតីចិន លោកស៊ីជីនពីញ ក៏កំពុងប្រើប្រាស់រថយន្ត Hongqi L5 ដែលមានតម្លៃ ៨០០ ០០០ដុល្លារ។

ឥឡូវនេះ យើងមកស្គាល់រថយន្តអគ្គិសនីដែលនាំចូលជាផ្លូវការនៅកម្ពុជាវិញ គឺម៉ូដែល HONGQI E-HS9 ប្រភេទ ៤កៅអី ដែលមានតម្លៃ ២៣៥ ៨០០ដុល្លារ (តម្លៃពីទំព័រផ្លូវការ)។ រថយន្តនេះប្រើប្រាស់ម៉ូទ័រអគ្គិសនីចំនួន ២ មានបន្ទុកអាគុយអគ្គិសនី ៩៩គីឡូវ៉ាត់ម៉ោង ផលិតថាមពលកម្លាំងបាន ៤០៥គីឡូវ៉ាត់ កម្លាំងរមួល ៧៥០ញ៉ូតុនម៉ែត្រ អាចជិះបានរយៈចម្ងាយ ៥១០គីឡូម៉ែត្រ អាចជាន់កុងទ័រពី ០-១០០គ.ម/ម៉ ចំនាយពេល ៥វិនាទី សាកភ្លើងមួយពេញចំនាយពេល ៩,៥ម៉ោង។ រថយន្តនេះបំពាក់ជាមួយចង្កៀងមុខក្រោយប្រភេទ LED ដោយចង្កៀងមុខមានមុខងារឡើងចុះ បិទ/បើកស្វ័យប្រវត្តិ រេតាមចង្កូត យ៉ាងឆ្លាតវៃ ថាសកង់ទំហំ ២២អុីញ។

បើនិយាយពីប្រព័ន្ធជំនួយបើកបរ និងសុវត្ថិភាពវិញមានដូចជា៖

រាដាជំនួយចូលចំណត មុខ-ក្រោយ
កាំមេរ៉ាមួយជុំរថយន្ត ប្រភេទ ៣៦០ដឺក្រេ
ប្រព័ន្ធវ៉ាស់សម្ពាធខ្យល់កង់រថយន្ត TPMS
ប្រព័ន្ធចូលចំណតដោយស្វ័យប្រវត្តិ
ប្រព័ន្ធហ្រ្វាំងសុវត្ថិភាព ABS, BA, EBD, TRC, ESP ឬយើងហៅថា VSC
ប្រព័ន្ធជំនួយដល់ការចុះ និងឡើងចំណោត
ប្រព័ន្ធផ្តល់សញ្ញានៅផ្នែកចំហៀង
ពោងសុវត្ថិភាពមួយជុំរថយន្ត
ផ្លិតទឹកស្វ័យប្រវត្តិ
ដំបូលបើកខាងលើ ប្រភេទ Panoramic
មានអង្គចងចាំកំណត់លើដៃចង្កូត

នេះគ្រាន់តែជាការស្រាវជ្រាវប៉ុណ្ណោះ (លក្ខណៈពិសេសប្រភព៖ Chinamobil) រថយន្តក៏នៅមានចំណុចពិសេសផ្សេងៗទៀតជាច្រើន ហេតុនេះបើមានឱកាសខ្ញុំនឹងទៅមើលរថយន្តផ្ទាល់ ដើម្បីអោយកាន់តែច្បាស់។ ក្នុងលក្ខណដែលក្រុមការងាររបស់ក្រុមហ៊ុនផ្លូវការ មានអ្វីចង់បន្ថែម ឬកែប្រែ សូមទាក់ទងមកខ្ញុំផ្ទាល់ដែលមានលេខទូរស័ព្ទ ០១៥ ៨១១ ១១៧។

ផ្ទាំងផ្សាយពាណិជ្ជកម្ម

Urus ត្រូវប៉ាន់ខ្លាំង ធ្វើឲ្យ Lamborghini បង្កើតកំណត់ត្រាលក់ថ្មីអត់ធ្លាប់មាន

April 21, 2021

ក្រុមហ៊ុនផលិតរថយន្តរបស់អ៊ីតាលី Lamborghini បានប្រកាសអំពីកំណត់ត្រាលក់ថ្មីប្រចាំត្រីមាសទី១នៃឆ្នាំ២០២១ ដែលអាចលក់រថយន្តបានសរុប ២ ៤២២គ្រឿង មានការកើនឡើង ២៥% ធៀបនឹងឆ្នាំ២០២០។

រថយន្តដែលលក់ដាច់ជាងគេបំផុតនោះគឺគ្មានអ្វីក្រៅពីរថយន្ត Lamborghini Urus ដែលក្រុមហ៊ុនអាចលក់ចេញបាន ១ ៣៨២គ្រឿង តាមពីក្រោយដោយរថយន្ត Huracan ដែលលក់បាន ៧៥៣គ្រឿង។ ចំណែករថយន្ត Aventador លក់បាន ២៨៧គ្រឿង។

ក្រុមហ៊ុន Lamborghini និយាយថាពួកគេកត់សម្គាល់អំពីសញ្ញាណវិជ្ជមាននៅសហរដ្ឋអាមេរិក ប្រទេសចិន និងប្រទេសអាល្លឺម៉ង់ ប៉ុន្តែមិនបានបង្ហាញតួលេខលក់ប្រចាំប្រទេសទាំងនេះឡើយ។

គួររំលឹកថា Lamborghini អាចលក់រថយន្តបានសរុប ៧៤៣០គ្រឿងកាលពីឆ្នាំ២០២០ ដែលមានថយចុះ ៩% ធៀបនឹងឆ្នាំ២០១៩ ហើយក្នុងនោះរថយន្ត Urus អាចលក់ចេញបាន ៤ ៣៩១គ្រឿង៕

ផ្ទាំងផ្សាយពាណិជ្ជកម្ម

ឡាន Bugatti Chiron នៅសល់ជិត៥០គ្រឿងទៀតមិនទាន់រកម្ចាស់ឃើញ

April 21, 2021

មានអតិថិជនជាច្រើនបានធ្វើការកុម្ម៉ង់ទិញរថយន្តពី Bugatti ក្នុងរយៈពេល៣ខែដំបូងនៃឆ្នាំ២០២១ ដែលធ្វើឲ្យចំនួនលក់មានច្រើនលើសពីការរំពឹងទុក និងបានបង្កើតជាកំណត់ត្រាអស្ចារ្យមួយសម្រាប់ក្រុមហ៊ុនផងដែរ។

ត្បិតថាបានប្រកាសអំពីកំណត់ត្រាមែន ប៉ុន្តែ Bugatti មិនបានប្រាប់អំពីចំនួនលក់ជាតួលេខជាក់លាក់ឡើយ។ Bugatti អះអាងថាពួកគេអាចបញ្ចេញរថយន្តកំពូលល្បឿនបានជាង ៣០០គ្រឿង ចាប់តាំងពីការផលិតរថយន្ត Chiron បានចាប់ផ្ដើមកាលពីឆ្នាំ ២០១៧។

បន្ថែមពីនេះដែរ Bugatti បានឲ្យដឹងថារថយន្ត Chiron ទទួលការកុម្ម៉ង់ផលិតចំនួន ១៥០គ្រឿងបន្ថែមទៀតផងដែរ ដែលមានន័យថារថយន្តមហាកម្លាំងនេះនៅសេសសល់តែប្រមាណ ៥០គ្រឿងទៀតប៉ុណ្ណោះសម្រាប់មហាសេដ្ឋីកុម្ម៉ង់ទិញ៕

ផ្ទាំងផ្សាយពាណិជ្ជកម្ម