ទិន្នន័យនៃការសិក្សាប្រចាំឆ្នាំ J.D. Power U.S. Vehicle Dependability Study ត្រូវបានចេញហើយ ដោយលទ្ធផលបង្ហាញថា ម៉ាក Lexus, Porsche និង Kia ជាប់នៅលើកំពូលតារាង ដែលម៉ាករថយន្តគួរឲ្យទុកចិត្តបំផុត។
Hong Guang Mini EV គឺជារថយន្តអគ្គិសនីខ្នាតតូចតម្លៃធូរថ្លៃបំផុតមួយ ដែលកើតចេញពីការសហការគ្នារវាងក្រុមហ៊ន General Motors និងក្រុមហ៊ុន SAIC Motor ដែលនៅទីផ្សារប្រទេសចិនវាមានតម្លៃប្រមាណ ៤ ៤៦០ដុល្លារ។
ផ្អែកតាម Nikkei Asia បានឲ្យដឹងថារថយន្ត Hong Guang Mini EV នេះអាចលក់ចេញនៅប្រទេសចន្លោះពីខែកក្កដា ដល់ចុងឆ្នាំ ២០២០ បានប្រមាណ ១១២ ០០០គ្រឿង ដែលធ្វើឲ្យវាក្លាយជារថយន្តអគ្គិសនីលក់ដាច់ជាងគេលំដាប់ទីពីរនៅប្រទេសចិន ស្ថិតនៅពីក្រោយរថយន្ត Tesla Model 3។
យ៉ាងណាក្ដី Hong Guang Mini EV នេះបានលក់ដាច់ច្រើនជាងរថយន្ត Tesla Model 3 បើគិតជាប្រចាំខែហើយគេជឿជាក់ថាវាគឺជារថយន្តអគ្គិសនីលក់ដាច់លំដាប់ទីពីរក្នុងលោក ខណៈដែល Tesla Model 3 នៅកាន់កាប់តំណែងលេខ១។
ជាមួយសន្ទុះដ៏ខ្លាំងក្លារបស់រថយន្តអគ្គិសនីតម្លៃធូរនេះ វាអាចនឹងយកឈ្នះរថយន្ត Tesla Model 3 នៅទីផ្សារប្រទេសចិននាឆ្នាំនេះ ប៉ុន្តែមិនអាចយកឈ្នះលើទីផ្សារសកលបាននៅឡើយទេ។ ដើម្បីបង្កើនចំនួនលក់នេះ ក្រុមហ៊ុនមានគម្រោងថានឹងលក់រថយន្ត Hong Guang Mini EV នៅអឺរ៉ុប ដែលតម្លៃអាចឡើងថ្លៃពីរដង៕
ក្រោយពីក្រុមហ៊ុន Chevrolet បានបញ្ចេញរថយន្ត Bolt ស៊េរីឆ្នាំ ២០២២ ជាមួយជម្រើសអគ្គិសនីដែលមានតម្លៃចាប់ពី ៣៣ ៩៩៥ដុល្លារ ក្រុមហ៊ុន Tesla បានធ្វើការឆ្លើយតបវិញដោយបានបញ្ចុះតម្លៃរថយន្ត Model 3 និង Model Y ឲ្យកាន់តែទាក់ទាញជាងមុន។
រថយន្ត Model 3 RWD Standard Range Plus នាពេលនេះគឺមានតម្លៃចាប់ពី ៣៦ ៩៩០ដុល្លារ នៅសហរដ្ឋអាមេរិក ដែលបានថយចុះតម្លៃ ១ពាន់ដុល្លារ។ ចំណែក Model 3 Dual Motor AWD Long Range នៅរក្សាតម្លៃ ៤៦ ៩៩០ដុល្លារដដែល ប៉ុន្តែ Model 3 Dual Motor AWD Performance បែរជាឡើងថ្លៃ ១ពាន់ដុល្លារ ពោលមានតម្លៃ ៥៥ ៩៩០ដុល្លារ។
ដោយឡែកចំពោះ Model Y RWD Standard Range ពេលនេះមានតម្លៃធូរជាងមុន ២ពាន់ដុល្លារ គឺមានតម្លៃចាប់ពី ៣៩ ៩៩០ដុល្លារ។ ចំណែក Model Y Dual Motor AWD Long Range តម្លៃនៅតែ ៤៩ ៩៩០ដុល្លារមិនមានការផ្លាស់ប្ដូរ ហើយប្រភេទ Performance វិញមានតម្លៃចាប់ពី ៦០ ៩៩០ដុល្លារ ឡើងថ្លៃ ១ពាន់ដុល្លារ៕
