ដឹងថ្ងៃដែលឡាន Alfa Romeo ប្រភេទសាកភ្លើង នឹងបង្ហាញខ្លួនហើយ

January 6, 2021

នៅពេលដែលក្រុមហ៊ុន Alfa Romeo បានប្រកាសចេញរថយន្តម៉ូដែល Giulia និង Stelvio ស៊េរីឆ្នាំ២០១២ កាលពីខែធ្នូឆ្នាំមុន ក្រុមហ៊ុនអ៊ីតាលីនេះក៏បានបញ្ជាក់ថា ពួកគេនឹងបញ្ចេញរថយន្តប្រភេទ Plug-in Hybrid ដែលនឹងចាប់ផ្តើមផលិតនៅឆ្នាំនេះ។

ខណៈពេលដែលក្រុមហ៊ុនបាន និងកំពុងតែបិទមាត់យ៉ាងជិតអំពីរថយន្ត SUV សាកភ្លើងនេះ គេហទំព័រ Motor.es បានរាយការណ៍ថា រថយន្ត Alfa Romeo Tonale ប្រភេទ Launch Edition នឹងចេញលក់នៅខែវិច្ឆិកា ឆ្នាំ២០២១។ បន្ទាប់មកទៀត ម៉ូដែល Tonale ប្រភេទធម្មតា (ស្តង់ដារ) នឹងបង្ហាញខ្លួននៅដើមឆ្នាំ២០២២។

គួររំលឹកឲ្យដឹងថា រថយន្ត Alfa Romeo Tonale បានបង្ហាញខ្លួនជាគំរូរថយន្ត នៅក្នុងកម្មវិធី 2019 Geneva Motor Show។

ថ្វីបើក្រុមហ៊ុនមិនទាន់បានបញ្ជាក់ពីជម្រើសម៉ាស៊ីនរបស់វា ប៉ុន្តែរបាយការណ៍អះអាងថា វានឹងប្រើម៉ាស៊ីនដូចរថយន្ត Jeep Renegade គឺ ម៉ាស៊ីនសាំង turbocharged ចំណុះ ១,៣លីត្រ ដំណើរការជាមួយកញ្ចប់អាគុយអគ្គិសនីមួយទំហំ ១១,៤គីឡូវ៉ាត់ម៉ោង ដែលផ្តល់ថាមពលឲ្យទៅម៉ូទ័រអគ្គិសនីមួយ មានកម្លាំងសរុប ១៨៧សេះ ហើយអាចរត់ដោយប្រើថាមពលអគ្គិសនីសុទ្ធបានចម្ងាយ ៤២គីឡូម៉ែត្រ៕

ផ្ទាំងផ្សាយពាណិជ្ជកម្ម

FCA វិនិយោគលុយ ២៥០ លានដុល្លារនៅឥណ្ឌា ដើម្បីផលិតឡាន Jeep

January 6, 2021

ក្រុមហ៊ុន Fiat Chrysler Automobiles កំពុងតែវិនិយោគទឹកប្រាក់ចំនួន ២៥០ លានដុល្លារអាមេរិក ទៅក្នុងប្រទេសឥណ្ឌា ដើម្បីបង្កើនវត្តមានរបស់ខ្លួននៅក្នុងស្រុក ក៏ដូចជាដើម្បីបើកដំណើរការរថយន្ត SUV ម៉ាក Jeep ស៊េរីថ្មីចំនួន ៤ ម៉ូដែលក្នុងរយៈពេលពីរឆ្នាំខាងមុខ។

ការវិនិយោគនេះនឹងនាំឲ្យមានផលិតកម្មក្នុងស្រុក នៃប្រភេទ SUV ខ្នាតកណ្តាល, SUV កៅអី៣ជួរ ក៏ដូចជាការដំឡើងរថយន្ត Jeep Wrangler និង Jeep Cherokee បូករួមនឹងការបញ្ចេញម៉ូដែល Compass ស៊េរីថ្មីផងដែរ។

គួរឲ្យដឹងថា បច្ចុប្បន្ននេះក្រុមហ៊ុន FCA កាន់កាប់តិចជាង ១ ភាគរយនៃទីផ្សាររថយន្តដឹកអ្នកដំណើរនៅក្នុងប្រទេសឥណ្ឌាដូច្នេះការបន្ថែមរថយន្តម៉ូដែលថ្មីនោះ គួរតែអាចធ្វើឲ្យវាកាត់បន្ថយការចំណាយ និងជំរុញការលក់ទូទៅ។

លោក Partha Datta នាយកប្រតិបត្តិក្រុមហ៊ុន FCA India បាននិយាយថា “ការវិនិយោគថ្មីរបស់យើងចំនួន ២៥០ លានដុល្លារនេះ នឹងផ្តល់នូវយើងនូវការប្រគួតប្រជែងនៅក្នុងផ្នែកជាច្រើន”។ លោក Partha ក៏បានបន្ថែមឲ្យដឹងដែរថា គោលដៅថ្មីមួយទៀតរបស់ខ្លួន គឺបង្កើនចំនួនគ្រឿងបន្លាស់ដែលផលិតនៅក្នុងស្រុក សម្រាប់រថយន្តរបស់ខ្លួន៕

ផ្ទាំងផ្សាយពាណិជ្ជកម្ម

Toyota ទំនងជានឹងបញ្ចេញឡាន Highlander ប្រភេទថ្មី ទំហំកាន់តែទូលាយ

January 5, 2021

រថយន្ត Toyota Highlander ឆ្នាំ ២០២១ អាចនឹងធ្វើឲ្យអតិថិជនដែលចង់បានរថយន្តមានទំហំធំទូលាយខកចិត្ត ដោយសាររថយន្ត SUV កៅអីបីជួរដទៃទៀតដូចជា Chevrolet Traverse, Kia Telluride និង Hyundai Palisade ជាដើមនោះ មានផ្ដល់ជូននូវទំហំដែលធំទូលាយជាង។

ដើម្បីបន្ថែមភាពទាក់ទាញលើរថយន្ត SUV របស់ខ្លួន Toyota ទំនងជាពង្រីកជម្រើសរថយន្ត Highlander ជាមួយប្រភេទថ្មីមួយ។ ថ្មីៗកន្លងទៅនេះគេបានប្រទះឃើញពាក្យសុំចុះបញ្ជីឈ្មោះ “Grand Highlander” ពីសំណាក់ Toyota។

តាមរយៈឈ្មោះ Grand Highlander នេះធ្វើឲ្យគេរំពឹងទុកថា Toyota នឹងបញ្ចេញនូវរថយន្ត Highlander ប្រភេទថ្មីដែលមានទំហំធំទូលាយជាងមុន ជាពិសេសនៅផ្នែកកៅអីអង្គុយជួរទីបីដែលមានលក្ខណៈចង្អៀតជាងរថយន្តគូប្រជែង៕

ផ្ទាំងផ្សាយពាណិជ្ជកម្ម

ស្ដាប់ចុះ! នេះសំឡេងម៉ាស៊ីន V8 លើឡាន Ford F-150 Raptor ឆ្នាំ ២០២២

January 5, 2021

ជាច្រើនលើកច្រើនសាមកហើយ ដែលគេបានដឹងឮថារថយន្ត Ford F-150 Raptor ជំនាន់ថ្មី នឹងមានមកជាមួយជម្រើសម៉ាស៊ីន Supercharged ៨ស៊ីឡាំង ដើម្បីប្រកួតប្រជែងនឹងរថយន្ត Ram TRX ដែលប្រើម៉ាស៊ីន Hellcat។

ថ្មីៗនេះដែរគណនី YouTube ឈ្មោះថា Motrolix បានបង្ហាញវីដេអូលួចថតរថយន្ត F-150 Raptor ដែលប្រើម៉ាស៊ីនថ្មី ដែលអ្នកអាចស្ដាប់សំឡេងម៉ាស៊ីនលាន់ឮរងំតាមរយៈវីដេអូខាងក្រោមនេះ ៖

តាមរយៈសំឡេងនេះគេអាចប្រាកដចិត្តបានថាវាជាប្រភេទម៉ាស៊ីន ៨ស៊ីឡាំងពិតមែន ប៉ុន្តែមិនច្បាស់ថាជាម៉ាស៊ីន Supercharged មែនឬយ៉ាងណានោះទេ។ ចម្លើយពិតប្រាកដនឹងត្រូវដឹងក្នុងពេលខាងមុខនេះ ដោយ Ford បានរំពឹងថានឹងប្រកាសចេញរថយន្ត F-150 Raptor ជំនាន់ថ្មីក្នុងឆ្នាំ ២០២១ នេះ៕

ផ្ទាំងផ្សាយពាណិជ្ជកម្ម

ពេលមើលវីដេអូមួយនេះហើយ ទើបដឹងថា Hummer EV មើលទៅពិតជាមិនធម្មតា

January 5, 2021

ដូចបងប្អូនទាំងអស់គ្នាដឹងហើយថា ក្រុមហ៊ុន GMC បានបង្ហាញចេញជាផ្លូវការនូវរថយន្ត Hummer ប្រភេទអគ្គិសនី ដែលមានរចនាបថទាន់សម័យ ជាមួយនឹងកម្លាំងដ៏ខ្លាំងមហាសាលសម្រាប់រថយន្តភីកអាប់នេះ កាលពីតុលាកន្លងទៅ ហើយឥឡូវនេះដែរ GMC ក៏បានចេញវីដេអូថ្មីមួយរបស់ Hummer EV នៅក្នុងសកម្មភាពបើកបរមិនខ្លាចឧបសគ្គបន្តិចឡើយ។

View this post on Instagram

A post shared by GM Design (@generalmotorsdesign)

វីដេអូឃ្លីបនេះត្រូវបានគេបង្ហោះចូលក្នុងទំព័រ Instagram របស់ក្រុមហ៊ុន General Motors Design និងបង្ហាញពីការបើកបរឆ្លងកាត់ផ្លូវក្នុងទីក្រុង ទៅកាន់ផ្លូវនៅតាមបណ្តោយផ្លូវព្រៃភ្នំដែលអមជាមួយទេសភាពយ៉ាងស្រស់បំព្រង។

ថាមពលដ៏ខ្លាំងក្លានៃរថយន្ត Hummer EV គឺបានមកពីម៉ូទ័រអគ្គិសនីចំនួនបី ដែលផលិតកម្លាំងសរុបបានប្រមាណ ១០០០សេះ។ កម្លាំងនេះអាចឲ្យរថយន្តដែលប្រើប្រព័ន្ធបើកបរវិលកង់បួននេះ ស្ទុះពី ០-៩៦គ.ម/ម៉ ក្នុងពេលប្រហែល ៣វិនាទី ពេលប្រើប្រាស់ប្រព័ន្ធ “Watts to Freedom”។ ម៉ូទ័រអគ្គិសនីទទួលបានថាមពលពីអាគុយលីចូមដែលអាចឲ្យរថយន្តបើកបរបានចម្ងាយ ៥៦៣គីឡូម៉ែត្រ ពេលសាកភ្លើងពេញ ហើយការសាកភ្លើងត្រឹម១០នាទី អាចឲ្យរថយន្តបើកបរបានចម្ងាយ ១៦១គីឡូម៉ែត្រ។

ផ្ទាំងផ្សាយពាណិជ្ជកម្ម

ចេញហើយ! រថយន្ត Bentley Bentayga ឆ្នាំ២០២១ ប្រភេទ Hybrid

January 5, 2021

Bentayga បានប្រកាសចេញម៉ូដែល SUV ដ៏ប្រណីតរបស់ខ្លួនគឺ Bentley Bentayga ឆ្នាំ ២០២១ ដែលជាប្រភេទម៉ាស៊ីន Hybridជាផ្លូវការ និងព្រមទាំងបានអាប់ដេតផ្នែកខាងក្នុង-ខាងក្រៅផងដែរ។

Bentayga Hybrid មានការរចនាផ្នែកខាងមុខថ្មីជាមួយ ប៉ាណាខាងមុខធំជាងមុន, ចង្កៀងមុខ រចនាជារង្វង់មូល រាងបែបពងក្រពើរប្រភេទ LED Matrix និងឡូហ្គូ Hybrid នៅផ្នែកខាងក្រោយ។

ផ្នែកខាងក្នុងផ្តោតលើប្រព័ន្ធកម្សាន្តមាន ទំហំ ១០,៩ អ៊ីញ ដែលមានគុណភាពបង្ហាញខ្ពស់ និងមានមុខងារApple CarPlay និងAndroid Auto, រន្ធបញ្ចូលថ្ម Type-C, Wireless Phone Charger និងMy Bentley Service via Integrated Sim ។

រថយន្ត Bentayga Hybrid ២០២១ ត្រូវបានបំពាក់ដោយម៉ាស៊ីនសាំង ៣,០លីត្រ Twin-Turbocharged V6 និងម៉ូទ័រអគ្គិសនីមួយ ដែលបង្កើតកម្លាំងសរុបបាន ៤៤៣ សេះ និងកម្លាំងបង្វិល ៧០០ Nm។ ហើយយោងតាមស្តង់ដារអឺរ៉ុប លទ្ធផលតេស្តរថយន្តប្រភេទ SUV ប្រណីត Bentley អាចធ្វើដំណើរបានចម្ងាយជិត ៥០ គីឡូម៉ែត្រ ជាមួយម៉ូទ័រអគ្គិសនីដែលមានថាមពល ១៧,៦ គីឡូវ៉ាត់ម៉ោង និងអាចសាកពេញដោយប្រើពេល ២,៥ម៉ោងផងដែរ។

យោងតាមផែនការរបស់ Betley រថយន្ត Bentayga Hybrid ឆ្នាំ ២០២១នេះ នឹងត្រូវដាក់លក់ចាប់ពីពាក់កណ្តាលឆ្នាំ ២០២១នេះ ចំណែកឯតម្លៃនឹងប្រកាសនៅពេលចេញលក់។

ផ្ទាំងផ្សាយពាណិជ្ជកម្ម

Mitsubishi Outlander Sport ឆ្នាំ២០២១ បង្ហាញខ្លួនផ្លូវការ ជាមួយរូបរាងយ៉ាងហំ

January 5, 2021

Mitsubishi បានធ្វើការបង្ហាញនូវរថយន្ត Outlander Sport ឆ្នាំ២០២១ ដែលនឹងចេញផ្លូវការ នៅលើទីផ្សារសហរដ្ឋអាមេរិច នាខែក្រោយ។

ផ្នែកខាងក្រៅនៃរថយន្ត Outlander Sport បានបំពាក់ថ្មីជាមួយ ប៉ាណាខាងមុខ ពណ៍ខ្មៅ, យ៉ាន់កង់ ទំហំ ១៨អ៊ីញ, អំពូលកាត់អ័ព្ទ ប្រភេទ LED Fog Lights និងផ្លិតទឹកដែលមានបំពាក់មកជាមួយបច្ចេកវិទ្យា Rain Sensing ។ ចំណែកក្នុងកាប៊ីនវិញ បានបំពាក់ថ្មីមកជាមួយអេក្រង់កម្សាន្ត ទំហំ ៨អ៊ីញ ដែលមានមុខងារ Android Auto និងApple Carplay និងអេក្រង់បង្ហាញព័ត៍មាន ទំហំ ៧អ៊ីញ ផងដែរ។

បន្ថែមពីនេះ Outlander Sport ឆ្នាំ២០២១ ក៏បានបំពាក់នូវប្រព័ន្ធសុវត្តិភាពស្តង់ដាមកជាមួយ ដែលរួមមាន៖ Automatic High Beam Headlights, Lane Departure Warning, Steering Wheel, Shifter, Parking brake និងForward Collision Mitigation System។

Outlander Sport ឆ្នាំ២០២១ នឹងផ្តល់ជម្រើសដូចជា S, ES, SE, BE និង GT ជាមួយតម្លៃចាប់ពី ២០ ៩៩៥ដុល្លារ និងម៉ូឌែលពិសេស Limited Edition (LE) មានតម្លៃចាប់ពី ២៣ ៩៩៥ដុល្លារ។

សម្រាប់រថយន្ត Outlander Sport ឆ្នាំ២០២១ ផ្តល់នូវជម្រើសម៉ាស៊ីនចំនួន ២ គឺ ម៉ាស៊ីនចំណុះ ២,០លីត្រ ទំហំ ៤ស៊ីឡាំង កម្លាំង ១៤៨សេះ និងម៉ាស៊ីនចំណុះ ២,៤លីត្រ ទំហំ ៤ស៊ីឡាំង កម្លាំង ១៦៨សេះ។

ផ្ទាំងផ្សាយពាណិជ្ជកម្ម

Kia Carnival ឆ្នាំ២០២១ ជិះបាន១១នាក់ ចេញលក់ហើយ តម្លៃចាប់ពីជាង ៣ម៉ឺនដុល្លារ

January 5, 2021

ក្រុមហ៊ុន Kia នឹងចេញលក់រថយន្ត Carnival ស៊េរីឆ្នាំ២០២១ របស់ខ្លួនជាផ្លូវការ នៅក្នុងប្រទេសអូស្ត្រាលី នាពេលឆាប់ៗខាងមុខនេះ។

រថយន្តប្រភេទ Minivan ឆ្នាំ២០២១ ខាងលើនេះ មានប្រវែងវែងជាងមុន ៤០មីល្លីម៉ែត្រ ហើយមានប្រវែងពីកង់មុខទៅកង់ក្រោយ វែងជាងមុន ៣០មីល្លីម៉ែត្រ ដែលធ្វើឲ្យកាប៊ីនខាងក្នុងរបស់វាកាន់តែធំទូលាយជាងមុន។

រថយន្ត Kia Carnival នេះ មានជម្រើសកៅអីច្រើន ដូចជា កៅអី ៣ជួរ ឬ ៤ជួរ ដែលផ្តល់កន្លែងអង្គុយសម្រាប់អ្នកដំណើរ ៧នាក់, ៨នាក់ ឬ ១១នាក់។ វាក៏មានបំពាក់លក្ខណៈពិសេសមកស្តង់ដារជាច្រើន រួមទាំង អេក្រង់កម្សាន្ត Touchscreen ទំហំ ១២,៣អ៊ីញ, កុងទ័រឌីជីថល និងមុខងារ Live Traffic Info ជាដើម។

ចំពោះទីផ្សារប្រទេសអូស្ត្រាលី រថយន្តនេះផ្តល់ជម្រើសម៉ាស៊ីនចំនួន ២ គឺ ម៉ាស៊ីនសាំងចំណុះ ៣,៥លីត្រ GDI V6 មានកម្លាំង ២៩០សេះ និង ម៉ាស៊ីនម៉ាស៊ូតចំណុះ ២,២លីត្រ CRDI មានកម្លាំង ១៩៨សេះ។ វាដំណើរការដោយប្រអប់លេខអូតូ ៨វគ្គ និងប៉ុងមួយវិលកង់មុខ FWD។

Carnival ឆ្នាំ២០២១ នឹងផ្តល់ជម្រើសដូចជា S, Si, SLi និង Platinum ជាមួយតម្លៃចាប់ពី ៣៨ ៧៦០ដុល្លារ ដល់ ៥៣ ៨០០ដុល្លារ៕

ផ្ទាំងផ្សាយពាណិជ្ជកម្ម

រដ្ឋមួយទៀតនៅអាមេរិក នឹងហាមឃាត់ការលក់ឡានថ្មីប្រើប្រេងឥន្ធនៈ នៅឆ្នាំ ២០៣៥

January 5, 2021

រដ្ឋ Massachusetts កំពុងដើរតាមគន្លងរបស់រដ្ឋ California ដោយបានប្រកាសផែនការហាមឃាត់ការលក់រថយន្តថ្មីដែលប្រើប្រាស់ប្រេងឥន្ធនៈ នៅឆ្នាំ ២០៣៥ តទៅ។

យោងតាមអភិបាលរដ្ឋ Massachusetts លោក Charlie Baker បង្ហាញថា ២៧ ភាគរយនៃការបំភាយឧស្ម័នពុលនៅក្នុងរដ្ឋ គឺកើតចេញមកពីរថយន្តដឹកអ្នកដំណើរ។ គោលដៅចុងក្រោយធំបំផុត គឺរដ្ឋ Massachusetts លុបបំបាត់ការបំភាយឥន្ធនៈផូស៊ីល net-zero fossil-fuel emissions នៅឆ្នាំ ២០៥០។

ផែនការរបស់រដ្ឋអះអាងថា ប្រសិនបើមានលក់តែរថយន្តធុនស្រាលដែលមិនបញ្ចេញផ្សែងពុល នៅឆ្នាំ ២០៥០ វានឹងទទួលបានប្រាក់ចំណេញសុខភាពសរុបចំនួន ២៩៥ លានដុល្លារជារៀងរាល់ឆ្នាំ ជួយជៀសវាងការស្លាប់ចំនួន ២៧ នាក់ដោយសារជំងឺសរសៃឈាមបេះដូង និងផ្លូវដង្ហើមក្នុងមួយឆ្នាំ ហើយបង្កើតបានការងារជិត ៤ ០០០ កន្លែងនៅក្នុងឧស្សាហកម្មរថយន្តធុនស្រាល មធ្យម និងធ្ងន់។

ខណៈពេលដែលរថយន្តអគ្គិសនីនៅតែមានតម្លៃថ្លៃជាងយានយន្តប្រើប្រេងឥន្ធនៈ គេរំពឹងថា តម្លៃរបស់វានឹងបន្តធ្លាក់ចុះ ហើយឈានដល់តម្លៃស្មើគ្នា នាពេលឆាប់ៗនេះ មានន័យថា ពួកវានឹងមានការចំណាយសរុបទាបនៃភាពជាម្ចាស់ដោយសារការសន្សំប្រេង និងថ្លៃដើមថែទាំទាប៕

ផ្ទាំងផ្សាយពាណិជ្ជកម្ម

Lamborghini Urus ប៉ះនឹងភីកអាប់កម្លាំង 770សេះ មួយណាខ្លាំងជាង?

January 4, 2021

រថយន្ត Lamborghini Urus មិនបាច់ធ្វើការរៀបរាប់ច្រើនក៏មានមនុស្សជាច្រើនអាចស្គាល់បានដែរថាវាជារថយន្តតួខ្ពស់ដំបូងគេរបស់ Lamborghini ដែលមានម៉ាស៊ីន Twin-Turbo ចំណុះ ៤,០លីត្រ ៨ស៊ីឡាំង អាចផលិតកម្លាំងបាន ៦៤១សេះ និងអាចស្ទុះពី ០-៩៦គ.ម/ម៉ ដោយប្រើពេលត្រឹម ៣,៥វិនាទី។

មានរថយន្តជាច្រើនមកហើយបានចាញ់ច្រាប Lamborghini Urus ពេលសាកល្បងសមត្ថភាពនៃការបង្កើនសន្ទុះ។ ចុះរថយន្ត Shelby F-150 Super Snake ដែលជាភីកអាប់ឆ្លងកាត់ការកែសមត្ថភាព អាចប្រជែងនឹង Lamborghini Urus បានឬអត់?

Shelby F-150 Super Snake មានបំពាក់ដោយម៉ាស៊ីន Supercharged ចំណុះ ៥,០លីត្រ ៨ស៊ីឡាំង ដែលអាចផលិតកម្លាំងបាន ៧៧០សេះ ហើយវាចំណាយពេលត្រឹម ៣,៤៥វិនាទី ប៉ុណ្ណោះដើម្បីស្ទុះពី ០-៩៦គ.ម/ម៉។

ពេលនេះមកតាមដានវីដេអូខាងក្រោមទាំងអស់គ្នា ថា Lamborghini Urus អាចត្រូវរថយន្តភីកអាប់កម្លាំង ៧៧០សេះ បំបាក់ធ្មង់បានឬអត់ ពេលសាកល្បងលើសមត្ថភាពបង្កើនសន្ទុះ?