ទីបំផុត Hummer អគ្គិសនីកម្លាំង ១០០០សេះ ចេញជាផ្លូវការហើយ

October 21, 2020

ក្រុមហ៊ុន GMC បានបង្ហាញចេញជាផ្លូវការនូវរថយន្ត Hummer ប្រភេទអគ្គិសនី ដែលមានរចនាបថទាន់សម័យ ជាមួយនឹងកម្លាំងដ៏ខ្លាំងមហាសាលសម្រាប់រថយន្តភីកអាប់។

រថយន្តសម្រាប់បើកបរលើផ្លូវ Off-Road មួយនេះមានបំពាក់មកជាស្តង់ដារនូវសម្បកកង់ Goodyear Wrangler All Territory MT ទំហំដល់ ៣៥អ៊ីញ ដែលអាចឲ្យរថយន្តនេះបើកបរលុយទឹកបានជម្រៅដល់ ៦១០មិល្លីម៉ែត្រ។

ក្នុងនាមជារថយន្តអគ្គិសនី Hummer ស៊េរីថ្មីនេះក៏មានបំពាក់គ្រឿងបរិក្ខារទំនើបៗនៅខាងក្នុងមានដូចជាកុងទ័រប្រភេទឌីជីថលទំហំ ១២,៣អ៊ីញ និងមានអេក្រង់កម្សាន្តទំហំ ១៣,៤អ៊ីញ។ អេក្រង់ទំហំ ១៣,៤អ៊ីញ អាចងាយស្រួលក្នុងការប្រើប្រាស់ប្រព័ន្ធ UltraVision ដែលអាចឲ្យគេមើលឃើញទិដ្ឋភាព ១៨ខុសៗគ្នាពីកាមេរ៉ាបំពាក់ជុំវិញរថយន្ត។ រថយន្តនេះនឹងមាននូវប្រព័ន្ធបើកបរស្វ័យប្រវត្តិពាក់កណ្ដាលឈ្មោះថា Super Cruise ផងដែរ។

ថាមពលដ៏ខ្លាំងក្លានៃរថយន្ត Hummer គឺបានមកពីម៉ូទ័រអគ្គិសនីចំនួនបី ដែលផលិតកម្លាំងសរុបបានប្រមាណ ១០០០សេះ។ កម្លាំងនេះអាចឲ្យរថយន្តដែលប្រើប្រព័ន្ធបើកបរវិលកង់បួននេះ ស្ទុះពី ០-៩៦គ.ម/ម៉ ក្នុងពេលប្រហែល ៣វិនាទី ពេលប្រើប្រាស់ប្រព័ន្ធ “Watts to Freedom”។

ម៉ូទ័រអគ្គិសនីទទួលបានថាមពលពីអាគុយលីចូមដែលអាចឲ្យរថយន្តបើកបរបានចម្ងាយ ៥៦៣គីឡូម៉ែត្រ ពេលសាកភ្លើងពេញ ហើយការសាកភ្លើងត្រឹម១០នាទី អាចឲ្យរថយន្តបើកបរបានចម្ងាយ ១៦១គីឡូម៉ែត្រ។

Hummer អគ្គិសនីនឹងត្រូវចេញលក់ប្រភេទ Edition 1 មុនគេ ដែលមានតម្លៃ ១១២ ៥៩៥ដុល្លារ ចេញលក់នាឆ្នាំក្រោយនេះ។ នៅឆ្នាំ ២០២២ នឹងមានប្រភេទ Hummer EV 3X ដែលមានតម្លៃ ៩៩ ៩៩៥ដុល្លារ ហើយនៅអំឡុងឆ្នាំ ២០២៣ នឹងមានប្រភេទ Hummer EV 2X តម្លៃ ៨៩ ៩៩៥ដុល្លារ និងចុងក្រោយគេនៅឆ្នាំ ២០២៤ នឹងចេញលក់ប្រភេទ Base ជាមួយតម្លៃ ៧៩ ៩៩៥ដុល្លារ៕

ផ្ទាំងផ្សាយពាណិជ្ជកម្ម

ឡានតម្លៃ ១,៦លានដុល្លារ បំបែកកំណត់ត្រាលឿនបំផុតលើពិភពលោក

October 21, 2020

ជើងឯករថយន្តមានល្បឿនលឿនបំផុតលើពិភពលោក “World’s Fastest Production Vehicle” ឥឡូវនេះបានធ្លាក់ទៅលើរថយន្ត SSC Tuatara របស់សហរដ្ឋអាមេរិក។

រថយន្តស្ព័រដែលមានកម្លាំងរហូតដល់ទៅ ១ ៧៥០សេះនេះ ដណ្តើមបានកំណត់ត្រាថ្មី កាលពីថ្ងៃច័ន្ទ ទី១៦ ខែតុលា ឆ្នាំ២០២០ កន្លងទៅនេះ ដោយអាចរត់ដល់ល្បឿន ៣៣១ម៉ាយ៍ក្នុងមួយម៉ោង (៥៣២គីឡូម៉ែត្រក្នុងមួយម៉ោង) បើកបរដោយលោក Oliver Webb។

គួរឲ្យដឹងថា កំណត់ត្រានេះគឺសម្រាប់តែរថយន្តដែលមានលក់លើទីផ្សារ និងអាចបើកបរលើដងផ្លូវស្របច្បាប់ប៉ុណ្ណោះ។

SSC Tuatara បំពាក់ម៉ាស៊ីនចំណុះ ៥,៩លីត្រ twin-turbocharged V8 ដែលនឹងមានផលិតត្រឹមតែ ១០០គ្រឿងប៉ុណ្ណោះ ជាមួយនឹងតម្លៃចាប់ពី ១,៦លានដុល្លារ៕

ផ្ទាំងផ្សាយពាណិជ្ជកម្ម

Tesla ចាប់ផ្តើមនាំយក Model 3 ផលិតនៅចិន ទៅលក់ឲ្យអឺរ៉ុប

October 21, 2020

ក្រុមហ៊ុន Tesla Motors បានប្រកាសថា ខ្លួននឹងចាប់ផ្តើមដឹកជញ្ជូនរថយន្ត Model 3 ដែលផលិតនៅរោងចក្រចិន ទៅកាន់ទីផ្សារអឺរ៉ុប នៅក្នុងខែតុលានេះតែម្តង។

ប្រទេសដែលនឹងទទួលបាន Tesla Model 3 ផលិតនៅចិន រួមមានទាំង អាល្លឺម៉ង់ បារាំង អ៊ីតាលី និង ស្វីស ផងដែរ។

គួរឲ្យដឹងថា រោងចក្រ Tesla នៅក្នុងទីក្រុងសៀងហៃ ប្រទេសចិន បានចាប់ផ្តើមចេញលក់រថយន្តនៅក្នុងខែធ្នូ ឆ្នាំ២០១៩។ រោងចក្រនោះមានបំណងចង់ផលិតរថយន្តឲ្យបាន ១៥០ ០០០គ្រឿងនៅក្នុងឆ្នាំ២០២០ នេះ។

Tesla ដែលលក់ដាច់រថយន្ត Model 3 ជាង ១១ ០០០គ្រឿងកាលពីខែមុន នៅក្នុងប្រទេសចិន បានធ្វើការអាប់ដេតខ្លះៗលើរថយន្ត Sedan អគ្គិសនីរបស់ខ្លួន ដោយឥឡូវនេះ Model 3 ប្រភេទ Long Range Dual Motor អាចបើកបរបានចម្ងាយ ៥៦៨គីឡូម៉ែត្រ រាល់ពេលសាកភ្លើងម្តង៕

ផ្ទាំងផ្សាយពាណិជ្ជកម្ម

ក្រុមហ៊ុន អ អិម អេ ខេមបូឌា ចែកអំណោយជូនដល់ប្រជាពលរដ្ឋរងគ្រោះទឹកជំនន់ក្នុងខេត្តកំពង់ស្ពឺ

October 21, 2020

កាលពីថ្ងៃទី ២០ ខែតុលា ឆ្នាំ២០២០ ក្រុមហ៊ុន អ អិម អេ ខេមបូឌា (RMA Cambodia) ដែលដឹកនាំដោយលោក ងន សាំង អគ្គនាយកនៃក្រុមហ៊ុន រួមទាំងបុគ្គលិកនៃក្រុមហ៊ុន អ អិម អេ ខេមបូឌា (RMA Cambodia) បាននាំយកអំណោយសប្បុរសធម៍ជាគ្រឿងឧបភោគបរិភោគជាច្រើនជូនដល់ប្រជាពលរដ្ឋចំនួន ៥០០ គ្រួសារដែលបានរងគ្រោះដោយសារទឹកជំនន់ក្នុងសង្កាត់រកាធំ ក្រុងច្បារមន ខេត្តកំពង់ស្ពឺ ដែលរួមមានៈ អង្ករ ១០តោន ទឹកត្រី ៥០០យួរ ទឹកស៊ីអ៊ីវ ៥០០យួរ ត្រីខរកំប៉ុង ៥០០យួរ មុង ៥០០ ភួយ ៥០០ និងកន្ទេល៥០០។

ដែលក្នុងមួយគ្រួសារទទួលបាន៖

អង្ករ ២០គីឡូក្រាម
ទឹកត្រី ១យួរ
ទឹកស៊ីអ៊ីវ ១យួរ
ត្រីខរកំប៉ុង ១យួរ
មុង ១
ភួយ ១
កន្ទេល ១

ការចុះចែកអំណោយគឺដើម្បីឆ្លើយតប និងការជួយដល់បងប្អូនប្រជាពលរដ្ឋដែលកំពុងរងនូវការប៉ះពាល់នៃទឹកជំនន់នេះ។

ឆ្លៀតក្នុងឱកាសនេះផងដែរ ឯកឧត្តម វ៉ី សំណាង អភិបាល នៃគណៈអភិបាលខេត្តកំពង់ស្ពឺ បានមានប្រសាសន៍ថា៖ ”ខ្ញុំសូមអរគុណនូវទឹកចិត្តដ៏ថ្លៃថ្លារបស់ក្រុមហ៊ុន អ អិម អេ ខេមបូឌា ដែលបានគិតគូរពីប្រជាពលរដ្ឋដែលកំពុងជួបទុក្ខលំបាកមួយនេះ ហើយទង្វើទាំងនេះស្តែងអោយឃើញថាក្រុមហ៊ុន អ អិម អេ ខេមបូឌា បានចូលរួមយ៉ាងសកម្មក្នុងកិច្ចការមនុស្សធម៏ ជួយគ្នាក្នុងគ្រាលំបាក ដោយមិនប្រកាន់នូវវណ្ណះ ពូជសាសន៍ ពណ៍សំបុរនោះទេ។”

លោក ងន សំាង អគ្គនាយកនៃក្រុមហ៊ុន អ អិម អេ ខេមបូឌា ក៏បានមានប្រសាសន៍ថា៖ “ខ្ញុំជឿជាក់ថាអំណោយទាំងនេះពិតជាអាចជួយសម្រួលដល់ការរស់នៅរបស់បងប្អូនដែលកំពុងជួបគ្រោះទឹកជំនន់នេះបានមួយផ្នែកធំ ហើយខ្ញុំសង្ឃឹមថាទឹកជំនន់នេះនឹងបាត់ទៅវិញឆាប់ៗនេះ ជូនពរបងប្អូនទំាងអស់គ្នាទទួលបានសុខសុវត្ថិភាព និងជំនះអោយបាននូវទុក្ខលំបាកមួយនេះ។”

ក្រៅពីការធ្វើអាជីវកម្ម ក្រុមហ៊ុន អ អិម អេ ខេមបូឌា (RMA Cambodia) បានដើរតួនាទីយ៉ាងសំខាន់ក្នុងសកម្មភាពមនុស្សធម៌ និងកិច្ចការសង្គមនានាដូចជា ការផ្តល់មួកសុវត្ថិភាព ការកសាងអាគារសិក្សា បណ្ណាល័យ អណ្តូងទឹកស្អាត ឧបត្ថម្ភសម្ភារៈសិក្សា ដាំដើមឈើ ការបរិច្ចាគឈាម និងការផ្ដល់មូលនិធិគាំពារដល់មន្ទីរពេទ្យកុមារគន្ធបុប្ផា កម្មវិធី Ford Driving Skills For Life ដែលជាកម្មវិធីបើកវគ្គបណ្តុះបណ្តាលទាក់ទងនឹងការបើកបរ និងប្រព័ន្ធគ្រប់គ្រងសុវត្ថិភាព ការជួសជុលកែលំអរមជ្ឈមណ្ឌលបណ្ដុះបណ្ដាលបច្ចេកទេស និងកិច្ចការថែរក្សាបរិស្ថានផងដែរ។

ជារៀងរាល់ឆ្នាំ ក្រុមហ៊ុន អ អិម អេ បានចំណាយថវិកាប្រមាណជាង ៥០ម៉ឺនដុល្លារ សម្រាប់ការវិនិយោគលើការបណ្ដុះបណ្ដាលបច្ចេកទេស និងជំនាញផ្សេងៗដល់បុគ្គលិក និងសិស្សនិស្សិតតាមសាលាបច្ចេកទេសនានា ដើម្បីទទួលបានឱកាសមកសិក្សា និងអនុវត្តន៍ផ្ទាល់ ជាមួយអ្នកឯកទេសរបស់យើងនៅតាមបណ្ដាក្រុមហ៊ុននានាដែលជាបុត្រសម្ព័ន្ធរបស់ក្រុមហ៊ុន អ អិម អេ ខេមបូឌា។

កាលពីឆ្នាំ ២០១៩ ក្រុមហ៊ុន RMA Cambodia បានផ្តល់នូវរថយន្ត Ford Pick up ចំនួន ១ គ្រឿង និងត្រាក់ទ័រ John Deere ចំនួន ២គ្រឿង ផងដែរ។ មិនតែប៉ុណ្ណោះកាលពីពេលថ្មីៗនេះ ក្រុមហ៊ុន RMA Cambodia និងក្រុមហ៊ុន Ford បានប្រារព្ធពិធីប្រគល់រថយន្ត Ford ចំនួន ៤គ្រឿង និងដាក់ឲ្យដំណើរការកម្មវិធីបណ្តុះបណ្តាលបច្ចេកវិទ្យារថយន្ត Ford ជូនដល់សាលាបច្ចេកទេសឧស្សាហកម្ម ហើយនៅក្នុងឆ្នាំ ២០២០ នេះផងដែរក្រុមហ៊ុន RMA Cambodia ក៏នៅតែបន្តសកម្មភាពនេះដដែលនោះគឺការបន្តប្រគល់នូវរថយន្ត Ford Pick up ឲ្យបានចំនួន ១០ គ្រឿងជូនវិទ្យាស្ថានជាតិបណ្តុះបណ្តាលបច្ចេកទេស ដែលក្នុងនោះដែរប្រគល់ជូនវិទ្យាស្ថានបច្ចេកទេសឧស្សាហកម្ម (ITI) ចំនួន ៤ គ្រឿង វិទ្យាស្ថានជាតិពហុបច្ចេកទេសកម្ពុជា (NPIC) ចំនួន ២ គ្រឿង វិទ្យាស្ថានបច្ចេកទេសបាត់ដំបង (BIT) នៅខេត្តបាត់ដំបងចំនួន ២ គ្រឿង និងវិទ្យាស្ថានជាតិពហុបច្ចេកទេសអង្គរ (NPIA) នៅខេត្តសៀមរាបចំនួន២គ្រឿង។

ផ្ទាំងផ្សាយពាណិជ្ជកម្ម

Porsche បង្ហាញចេញឡាន Panamera មួយប្រភេទដែលមានកម្លាំងខ្លាំងបំផុត

October 20, 2020

Porsche បានបង្ហាញចេញរថយន្ត Panamera ស៊េរីថ្មីកាលពីខែសីហាកន្លងទៅ ហើយពេលនេះក្រុមហ៊ុនបានបន្ថែមប្រភេទថ្មីមួយនៃរថយន្ត Panamera ជាប្រភេទដែលមានកម្លាំងខ្លាំងបំផុត និងជារថយន្ត Porsche លំដាប់ទីពីរដែលមានកម្លាំងខ្លាំង។

នោះគឺរថយន្ត Panamera Turbo S E-Hybrid ស៊េរីឆ្នាំ ២០២១ ជាប្រភេទរថយន្តប្រើប្រព័ន្ធម៉ាស៊ីន Plug-in Hybrid (PHEV) ដែលមានគួបផ្សំដោយម៉ាស៊ីន Twin-Turbo ចំណុះ ៤,០លីត្រ ៨ស៊ីឡាំង ដែលផលិតកម្លាំងបាន ៥៦៣សេះ។ រថយន្តនេះមានបំពាក់នូវអាគុយចំណុះ ១៧,៩គីឡូវ៉ាត់ម៉ោង ដែលផ្ដល់កម្លាំងដល់ម៉ូទ័រអគ្គិសនីមួយដែលផលិតកម្លាំងបាន ១៣៤សេះ។

ប្រព័ន្ធម៉ាស៊ីននេះអាចផ្ដល់កម្លាំងសរុបបាន ៦៨៩សេះ ដែលអាចឲ្យរថយន្តនេះស្ទុះពី ០-៩៦គ.ម/ម៉ ដោយប្រើពេលត្រឹម ៣វិនាទី និងមានល្បឿនអតិបរមា ៣១៥គ.ម/ម៉។

ក្រៅពីបង្ហាញចេញប្រភេទ PHEV នេះ Porsche ក៏បានបង្ហាញចេញនូវ Panamera 4S ស៊េរីឆ្នាំ ២០២១។ វាមានបំពាក់ម៉ាស៊ីន Twin-Turbo ចំណុះ ២,៩លីត្រ ៦ស៊ីឡាំង ផលិតកម្លាំងបាន ៤៤៣សេះ ដោយសម្រាប់ Option Sport Chrono វាអាចស្ទុះពី ០-៩៦គ.ម/ម៉ ក្នុងពេល ៣,៩វិនាទីប៉ុណ្ណោះ ជាមួយល្បឿនអតិបរមា ២៩៥គ.ម/ម៉។

រថយន្ត Panamera ស៊េរីថ្មីទាំងអស់នឹងបើកទទួលការកុម្ម៉ង់ទិញនៅសហរដ្ឋអាមេរិកនាដើមឆ្នាំក្រោយនេះ ដោយតម្លៃនឹងត្រូវបង្ហាញចេញមុនការចេញលក់ជាផ្លូវការ៕

ផ្ទាំងផ្សាយពាណិជ្ជកម្ម

BMW X5 M និង X6 M ស៊េរីពិសេស មានផលិតត្រឹម ២៥០គ្រឿងគត់

October 20, 2020

BMW ទើបបានបង្ហាញចេញប្រភេទ First Edition នៃរថយន្ត X5 M Competition និង X6 M Competition ដែលក្នុងមួយម៉ូដែលមានផលិតត្រឹម ២៥០គ្រឿងប៉ុណ្ណោះ សម្រាប់លក់លើទីផ្សារ។

រថយន្តពិសេសទាំងពីរប្រភេទនេះអាចកុម្ម៉ង់ទិញសម្រាប់ប្រភេទពណ៌ BMW Individual Frozen Dark Silver និង BMW Individual Frozen Marina Bay Blue ជាប្រភេទពណ៌គ្រើមដែលស៊ីគ្នានឹងការឌីហ្សាញរបស់រថយន្ត SUV ទាំងពីរ។ អតិថិជនក៏អាចជ្រើសរើសយកជម្រើសកង់ Alloy ទម្ងន់ស្រាលដែលមានពណ៌ Jet Black ដោយមានកាំកង់រចនាជារូបផ្កាយ កង់ខាងមុខទំហំ ២១អ៊ីញ និងកង់ខាងក្រោយទំហំ ២២អ៊ីញ។

BMW ក៏បានតុបតែងរូបរាងខាងក្រៅ និងខាងក្នុងរបស់រថយន្តទាំងពីរឲ្យកាន់តែលេចធ្លោជាងប្រភេទធម្មតាផងដែរ ខណៈដែលផ្នែកគ្រឿងម៉ាស៊ីនមិនមានផ្លាស់ប្ដូរឡើយ។ រថយន្តទាំងពីរគឺមានបំពាក់នូវម៉ាស៊ីន Twin-Turbocharged ចំណុះ ៤,៤លីត្រ ៨ស៊ីឡាំង ដែលផលិតកម្លាំងបាន ៦១៧សេះ។

ទាក់ទងនឹងតម្លៃ និងទីផ្សារដាក់លក់រថយន្តទាំងពីរប្រភេទនេះ ក្រុមហ៊ុន BMW នៅមិនទាន់ប្រកាសឲ្យដឹងនៅឡើយទេ៕

ផ្ទាំងផ្សាយពាណិជ្ជកម្ម

បែបនេះសោះទើប Hyundai Veloster N ២០២១ ហ៊ានលក់ថ្លៃជាងឆ្នាំមុន ជិត៥ពាន់ដុល្លារ

October 20, 2020

រថយន្ត Hyundai Veloster N ស៊េរីឆ្នាំ២០២១ បានឡើងថ្លៃគួរឲ្យកត់សម្គាល់ សម្រាប់ទីផ្សារសហរដ្ឋអាមេរិក ប៉ុន្តែវាមានមូលហេតុសមរម្យរបស់វា។

ឥឡូវនេះ រថយន្ត Veloster N ឆ្នាំ២០២១ មានតម្លៃចាប់ពី ៣៣ ២៤៥ដុល្លារ ថ្លៃជាងស៊េរីឆ្នាំ២០២០ សរុប ៤ ៦៧០ដុល្លារ។ អតិថិជនដែលចង់បាន Option ប្រអប់លេខអូតូ ៨វគ្គ dual-clutch ត្រូវថែមលុយ ១ ៥០០ដុល្លារទៀត សរុបឡើងដល់ ៣៤ ៧៤៥ដុល្លារ។

អ្វីដែលសំខាន់ Hyundai មិនមែនឡើងថ្លៃគ្មានមូលហេតុឡើយ។ បើប្រៀបធៀបនឹងឆ្នាំមុន គ្រប់ម៉ូដែល Veloster N ឆ្នាំ២០២១ ដែលលក់នៅអាមេរិកទាំងអស់ នឹងមានបំពាក់កញ្ចប់ Option “Performance Package” មកស្តង់ដារ ដែលជួយបង្កើនកម្លាំងពី ២៥០សេះ ទៅ ២៧១សេះ ហើយក៏បន្ថែមយ៉ាន់ទំហំ ១៩អ៊ីញ, limited-slip differential និងហ្វ្រាំងធំជាងមុន ទៀតផង។

គួរឲ្យដឹងថា កញ្ចប់ Option “Performance Package” នេះ ពីមុនមានតម្លៃដល់ទៅ ២ ១០០ដុល្លារឯណោះ។

បន្ថែមពីនេះ រថយន្ត Veloster N ថ្មី មានបំពាក់មុខងារមកស្តង់ដារជាច្រើន ដូចជា automatic emergency braking, forward collision-avoidance assist, lane following assist, lane-keeping assist, driver attention warning, blind spot collision-avoidance assist និង rear cross-traffic collision warning ផងដែរ៕

ផ្ទាំងផ្សាយពាណិជ្ជកម្ម

មុនពេលអស់ជីវិត Land Cruiser ទំនងចេញម៉ូដែលពិសេសមួយ

October 20, 2020

យោងតាមប្រភពព័ត៌មានបានឲ្យដឹងថា ក្រុមហ៊ុន Toyota កំពុងតែមានគម្រោងពង្រីកត្រកូលរថយន្ត GR របស់ខ្លួន ហើយវាក៏អាចកើតឡើងលើម៉ូដែល Land Cruiser 300 Series ផងដែរ។

បច្ចុប្បន្ននេះ Gazoo Racing ដែលជាផ្នែកមួយរបស់ Toyota មានរថយន្តតែ ២ម៉ូដែលប៉ុណ្ណោះ គឺ GR Supra និង GR Yaris ហើយនឹងចូលរួមដោយ GR Corolla ក្នុងពេលឆាប់ៗខាងមុខនេះ។

ជាមួយគ្នានេះ Toyota ធ្លាប់បានបង្ហើបឲ្យដឹងថា GR Hilux និង GR Fortuner គឺជាសន្លឹកបៀរនៅក្នុងដៃ ដែលគេរៀបនឹងវៃ ផងដែរ។ នេះបើតាមអ្នកនាំពាក្យរបស់ Toyota Australia។

យ៉ាងណាមិញ ប្រសិនបើ Toyota ចេញរថយន្ត GR Land Cruiser ពិតមែន វាអាចនឹងទទួលបានការផ្លាស់ប្តូរគួរឲ្យកត់សម្គាល់ទៅលើផ្នែកម៉ាស៊ីន និងសាក់ស៊ី ក៏ដូចជាការឌីហ្សាញផ្នែកខាងក្រៅ និងខាងក្នុងផងដែរ។ Toyota ក៏អាចនឹងផលិត GR Land CruiserGR ផ្តោតលើការ Off-road ផងដែរ។

ទោះជាយ៉ាងណាក៏ដោយ ដើម្បីអាចដឹងច្បាស់ មានតែរង់ចាំមើលតទៀតប៉ុណ្ណោះ៕

ផ្ទាំងផ្សាយពាណិជ្ជកម្ម

ថ្មីៗ តូយ៉ូតា ណែនាំផលិតផលថ្មីមួយ ដែលជំនាញខាងសម្អាតផ្នែកខាងក្នុងនៃម៉ាស៊ីនរថយន្ត

October 20, 2020

ម៉ាស៊ីនរថយន្ត គឺមិនអាចផ្តល់ថាមពលពេញលេញនោះទេ បើមានសារធាតុកខ្វក់ច្រើនស្ថិតនៅក្នុងប្រព័ន្ធដំណើរការរបស់វា។ TOYOTA ENGINE FLUSH គឺជាផលិតផលថ្មីមួយ ដែលមានសារធាតុគីមីផ្សំជាច្រើនដើម្បីលាងសម្អាតកំទេចកំទី ក៏ដូចជាកម្ចាត់សារធាតុកខ្វក់ផ្សេងៗបានយ៉ាងមានប្រសិទ្ធភាព ។ ដោយយោងទៅតាមការណែនាំរបស់អ្នកជំនាញ ផលិតផលថ្មីនេះ គឺស័ក្តិសមបំផុត ចំពោះរថយន្ត ដែលតែងតែធ្វើការធ្ងន់ដូចជា៖

បើកបរផ្លូវឆ្ងាយញឹកញាប់
រថយន្តប្រភេទដឹក
រថយន្តប្រើប្រាស់ក្នុងក្រុងដែលជួបប្រទះផ្លូវស្ទះរាល់ថ្ងៃ

ព្រោះម៉ាស៊ីនដែលប្រើប្រាស់ច្រើនបែបនេះ តែងបន្សល់ទុក កំណកកំទេទកំទីច្រើន ដែលកើតចេញពីចំហេះ និងការប៉ះទង្គិចផ្សេងៗ នៅក្នុងដំណើរការនៃម៉ាស៊ីនរថយន្ត ។ ដែលសារធាតុទាំងនេះ វានឹងរាំងស្ទះមិនអោយម៉ាស៊ីនរថយន្តដំណើរការបានល្អ ជាហេតុធ្វើអោយកម្លាំងម៉ាស៊ីនចុះខ្យោយ ផ្តល់ថាមពលមិនពេញលេញក្នុងការអូសទាញយានយន្ត។ ដូចនេះ ការប្រើប្រាស់ TOYOTA ENGINE FLUSH គឺចាំបាច់ ព្រោះវាមានថាមពលខ្លាំង ក្នុងការបំបែក រំលាយ កំណកកំទេចកម្ទី និងសារធាតុកខ្វក់ទាំងឡាយដែលមានក្នុងម៉ាស៊ីនរថយន្តចោល ដើម្បីសម្រួលអោយម៉ាស៊ីនរថយន្តដំណើរការបានល្អដូចដើម។

ហើយលោកអ្នកក៏អាចរកទិញវាបាន នៅគ្រប់ទីតាំងទាំងអស់នៃយានដ្ឋាន តូយ៉ូតា (ខេមបូឌា) ឆ្លៀតឪកាសនេះក៏ចង់ជម្រាបជូនលោកអ្នកផងដែរ សូមប្រើប្រាស់តែគ្រឿងបន្លាស់សុទ្ធដែលមានបិតតែមបញ្ជាក់ពី ក្រុមហ៊ុន តូយ៉ូតា (ខេមបូឌា) ជៀសវាងប្រើប្រាស់ផលិតផលក្លែងក្លាយ ដែលអាចអោយមានបញ្ហាណាមួយនៅថ្ងៃក្រោយ។

សម្រាប់ព័ត៌មានបន្ថែម សូមទំនាក់ទំនងមកកាន់ ០១៧ ២២២ ៣២១ / ០១៧ ៦៦៦ ១៦៩

ទំព័រFacebook ផ្លូវការ Toyota Cambodia After Sales Service

ផ្ទាំងផ្សាយពាណិជ្ជកម្ម

ឡានប្រភេទ Hatchback ដែលមានល្បឿនលឿនជាងគេទាំង១០

October 19, 2020

កាលពីដើមឡើង រថយន្តស្ព័រ Hatchback គឺបានចាប់ផ្ដើមឡើងជាមួយម៉ូដែល Volkswagen Golf GTI, Peugeot 205 GTI ឬ Vauxhall Astra GTE ជាដើម ដែលសុទ្ធសឹងជារថយន្តទម្ងន់ស្រាល និងមានកម្លាំងម៉ាស៊ីនមិនដល់ ១៥០សេះនោះទេ។ រយៈពេលជាច្រើនឆ្នាំកន្លងមកនេះ ក្រុមហ៊ុនរថយន្តបានងាកមកផលិតរថយន្តស្ព័រ Hatchback កាន់តែច្រើនឡើយ។ ទាំង ១០ម៉ូដែលខាងក្រោមនេះគឺជារថយន្ត Hatchback ដែលមានល្បឿនលឿនជាងគេ ៖