បើតាមសារព័ត៌មាន Detroit Bureau បានឲ្យដឹងថា កាលពីថ្មីៗនេះលោក Mark Del Rosso នាយកប្រតិបត្តិក្រុមហ៊ុន Genesis បានបញ្ជាក់ច្បាស់ៗថាម៉ាករថយន្តខ្លួនមិនមានគម្រោងផលិតរថយន្ត Hybrid ឬរថយន្ត PHEV នោះទេ ដោយនឹងរំលងទៅកាន់រថយន្តប្រើប្រាស់ថាមពលអគ្គិសនីសុទ្ធតែម្ដង។
គេបានដឹងកាលពីខែមីនាឆ្នាំមុនថា Genesis កំពុងធ្វើការអភិវឌ្ឍន៍លើរថយន្តដែលអាចមានឈ្មោះថា eG80 ជារថយន្ត Sedan ប្រើប្រាស់ថាមពលអគ្គិសនីសុទ្ធ ដែលនឹងជាគូប្រជែងរបស់រថយន្ត Tesla Model S និងរថយន្ត Mercedes EQS ផងដែរ។ គួរដឹងថា Genesis បានដាក់គោលដៅធ្វើឲ្យរថយន្តគ្រប់ម៉ូដែលមានជម្រើសប្រើអគ្គិសនីសុទ្ធឲ្យបានត្រឹមឆ្នាំ ២០២៤៕
Tesla នឹងចាប់ផ្តើមសង្វាក់ផលិតកម្មនៃរថយន្ត Model Y ប្រភេទ៧កៅអី ដែលមនុស្សជាច្រើនកំពុងរង់ចាំ នៅក្នុងខែវិច្ឆិកាខាងមុខនេះ ហើយអតិថិជននឹងទទួលបានរថយន្តនៅដើមខែធ្នូ ឆ្នាំ២០២០នេះតែម្តង។
CEO ក្រុមហ៊ុន Tesla លោក Elon Musk បានបញ្ជាក់ព័ត៌មាននេះនៅលើបណ្តាញសង្គម Twitter ប៉ុន្តែគេមិនទាន់ដឹងឡើយថា កៅអីជួរទី៣ លើ Model Y នឹងផ្តល់កន្លែងអង្គុយធំទូលាយ ឬតូចចង្អៀតប៉ុណ្ណា។
គួរឲ្យដឹងថា អតិថិជនដែលទិញរថយន្ត Model Y ប្រភេទ៧កៅអី នឹងត្រូវចាយលុយលើស ប្រភេទ៥កៅអី ដល់ទៅ ៣ ០០០ដុល្លារឯណោះ។
ទោះជាយ៉ាងណា Model Y មិនមែនជារថយន្តដំបូងរបស់ Tesla ដែលមានបំពាក់កៅអី ៧ នោះទេ ពោលគឺមាន Model X និង Model S ក៏ធ្លាប់មាន Option ៧កៅដែរ៕
ក្រោយពី Tesla បានបញ្ចុះតម្លៃរថយន្ត Tesla Model S ចំនួន ៣ពាន់ដុល្លារ ចុះមកនៅត្រឹម ៧១ ៩៩០ដុល្លារ បានរយៈពេលត្រឹមពីរថ្ងៃ នាពេលនេះលោក Elon Musk បានបញ្ចុះតម្លៃរថយន្តនេះម្ដងទៀតដោយ Model S មានតម្លៃចាប់ពី ៦៩ ៤២០ដុល្លារ ចាប់ពីពេលនេះ។
តាមរយៈការបញ្ចុះតម្លៃនេះរថយន្ត Model S នាពេលនេះគឺមានតម្លៃធូរជាងរថយន្ត Lucid Air ដែលជាគូប្រជែង ដោយរថយន្ត Lucid Air ប្រភេទ Base Option ទើបបញ្ជាក់អំពីតម្លៃលក់នាពេលថ្មីៗនេះថានឹងមានតម្លៃចាប់ពី ៦៩ ៩០០ដុល្លារ។ វាអាចបញ្ជាក់ច្បាស់ណាស់ថា Tesla តែងសង្កេតមើលសកម្មភាពរបស់គូប្រជែង នឹងធ្វើការឆ្លើយតបរហ័សបំផុត។
Tesla Model S ដែលមានតម្លៃចាប់ពី ៦៩ ៤២០ដុល្លារ មានបំពាក់ម៉ូទ័រអគ្គិសនីចំនួនពីរ ដែលប៉ាន់ស្មានថាអាចបើកបរបានចម្ងាយ ៦៤៧គ.ម។ ចំណែករថយន្ត Lucid Air ឯណោះវិញមានបំពាក់ម៉ូទ័រអគ្គិសនីមួយ និងអាចបើកបរបានចម្ងាយ ៦៥៣គ.ម៕
តម្លៃ និងលក្ខណៈសម្បត្តិនៃរថយន្ត Lucid Air ប្រភេទ Base Option ត្រូវបានប្រកាសឲ្យដឹង ដែលរថយន្តនេះគ្រោងចេញលក់នៅលើទីផ្សារសហរដ្ឋអាមេរិកនាឆ្នាំ ២០២២ ខាងមុខនេះ។
រថយន្ត Lucid Air ប្រភេទ Base នឹងមានបំពាក់ម៉ូទ័រអគ្គិសនីចំនួនមួយ ដែលមានកម្លាំង ៤៨០សេះ ប៉ុន្តែអតិថិជនក៏អាចជ្រើសរើសយក Option ម៉ូទ័រអគ្គិសនីពីរដែលមានភ្ជាប់ជាមួយប្រព័ន្ធបើកបរវិលកង់ទាំងបួន។ ប្រភេទ Base នេះមានការប៉ាន់ស្មានថាអាចបើកបរបានចម្ងាយ ៦៥៣គីឡូម៉ែត្រ ហើយនឹងមានតម្លៃចាប់ពី ៧៧ ៤០០ដុល្លារ ដែលតម្លៃនេះចុះនៅសល់ ៦៩ ៩០០ដុល្លារ ប្រសិនបើបូកបញ្ចូលប្រាក់ជំនួយពីរដ្ឋាភិបាល។
អតិថិជនអាចធ្វើការកក់រថយន្ត Lucid Air ប្រភេទ Base នេះដោយតម្រូវឲ្យកក់ប្រាក់ចំនួន ៣០០ដុល្លារ។ អតិថិជនដែលធ្វើការកក់ក៏នឹងទទួលបានការសាកភ្លើងនៅស្ថានីយសាកភ្លើង Electrify America រយៈពេល ៣ឆ្នាំផងដែរ។
