ឡានអត់ប្រើសាំង Audi e-Tron Sportback ឆ្នាំ២០២១ តម្លៃចាប់ពី១០ម៉ឺនដុល្លារ

September 1, 2020

ក្រុមហ៊ុន Audi បានប្រកាសអំពីតម្លៃនៃរថយន្តអគ្គិសនី e-Tron Sportback ស៊េរីឆ្នាំ២០២១ ជាផ្លូវការ សម្រាប់ទីផ្សារប្រទេសអង់គ្លេស។

រថយន្ត Audi e-Tron Sportback នេះ ចែកចេញជា ៣ម៉ូដែល គឺ 55 quattro S តម្លៃចាប់ពី ១០៦ ៦០០ដុល្លារ, 55 quattro Launch Edition តម្លៃចាប់ពី ១១៤ ៧០០ដុល្លារ និង 55 quattro Vorsprung តម្លៃចាប់ពី ១២៦ ៩០០ដុល្លារ។

គ្រប់ម៉ូដែល e-tron Sportback ទាំងអស់ មានបំពាក់កញ្ចប់អាគុយអគ្គិសនីកម្លាំង ៩៥គីឡូវ៉ាត់ម៉ោង ជាមួយម៉ូទ័រអគ្គិសនី២ ដែលអាចបង្កើតកម្លាំងសរុបបាន ៣៥៥សេះ។

ជាមួយគ្នានេះ វាក៏មានបំពាក់ប្រព័ន្ធជំនួយការបើកបរ ដោយក្នុងនោះរួមមានមុខងារ ដូចជា cruise control, lane departure warning, កាមេរ៉ាក្រោយពេលចូលចត, កាមេរ៉ា ៣៦០ដឺក្រេ ក៏ដូចជា adaptive cruise assist ជាដើម។

យ៉ាងណាមិញ ម៉ូដែល 50 quattro ដែលមានបំពាក់កញ្ចប់អាគុយអគ្គិសនីកម្លាំង ៧១គីឡូវ៉ាត់ម៉ោង ដែលបង្កើតកម្លាំងបាន ៣០៨សេះ នឹងចេញលក់នៅខែក្រោយ៕

ផ្ទាំងផ្សាយពាណិជ្ជកម្ម

ឡាន Sedan កម្លាំងខ្លាំង និងលឿនបំផុតលើលោក ចេញតម្លៃលក់ហើយ!

September 1, 2020

ក្រុមហ៊ុនរថយន្តអាមេរិក Dodge បានប្រកាសពីតម្លៃនៃត្រកូល Charger ស៊េរីឆ្នាំ២០២១ ជាផ្លូវការ សម្រាប់ទីផ្សារសហរដ្ឋអាមេរិក។

ក្នុងនោះ រថយន្ត Dodge Charger SRT Hellcat Redeye ដែលជាម៉ូដែលកប់បំផុត មានតម្លៃចាប់ពី ៧៨ ៥៩៥ដុល្លារ បំពាក់ម៉ាស៊ីនចំណុះ ៦,២លីត្រ Supercharged V8 មានកម្លាំង ៧៩៧សេះ ប្រើប្រអប់លេខអូតូ ៨វគ្គ មានល្បឿនអតិបរមាដល់ ៣២៥គីឡូម៉ែត្រក្នុងមួយម៉ោង។

Dodge អះអាងថា ម៉ាស៊ីននេះធ្វើឲ្យរថយន្ត Charger SRT Hellcat Redeye ក្លាយជា Sedan ដែលគេផលិតច្រើនគ្រឿងមានកម្លាំងខ្លាំង និងលឿនបំផុតលើពិភពលោក។

ក្រៅពីម៉ូដែលខាងលើ Dodge ក៏មានជម្រើស Charger SRT Hellcat ធម្មតា ដែលមានតម្លៃចាប់ពី ៦៩ ៩៩៥ដុល្លារ បំពាក់ម៉ាស៊ីនចំណុះ ៦,២លីត្រ Supercharged V8 មានកម្លាំង ៧១៧សេះ។ បន្ទាប់មកគឺ Charger Scat Pack មានតម្លៃចាប់ពី ៤១ ០៩៥ដុល្លារ បំពាក់ម៉ាស៊ីនចំណុះ ៦,៤លីត្រ V8 មានកម្លាំង ៤៨៥សេះ។

បន្ថែមពីនេះ ក៏មានម៉ូដែល Charger R/T តម្លៃចាប់ពី ៣៦ ៩៩៥ដុល្លារ ប្រើម៉ាស៊ីនចំណុះ ៥,៧លីត្រ V8 មានកម្លាំង ៣៧០សេះ និង Charger SXT តម្លៃចាប់ពី ២៩ ៩៩៥ដុល្លារ ប្រើម៉ាស៊ីនចំណុះ ៣,៦លីត្រ V6 មានកម្លាំង ២៩២សេះ៕

ផ្ទាំងផ្សាយពាណិជ្ជកម្ម

មកស្គាល់ឡាន SUV លឿនបំផុតរបស់អង់គ្លេស ល្បឿន ៣១៤គ.ម/ម៉

August 31, 2020

រថយន្ត Lister Stealth ឆ្នាំ ២០២១ ត្រូវបានប្រសិទ្ធិនាមថាជារថយន្ត SUV ល្បឿនលឿនជាងគេបំផុតរបស់ប្រទេសអង់គ្លេស ដោយរថយន្តនេះផលិតឡើងផ្អែកលើរថយន្ត Jaguar F-Pace SVR។

Lister Stealth ឆ្នាំ ២០២១ មានបំពាក់ម៉ាស៊ីន ៥,០លីត្រ V8 ប្រភេទ Turbocharged ដូចជា Jaguar F-Pace SVR ដែរ ប៉ុន្តែគេបានកែសម្រួលវាឲ្យអាចផលិតកម្លាំងបាន ៦៧៥សេះ។ ជាមួយម៉ាស៊ីនកែនេះ អាចឲ្យរថយន្តស្ទុះពី ០-៩៦គ.ម/ម៉ ក្នុងពេលត្រឹម ៣,៦វិនាទី និងមានល្បឿនអតិបរមា ៣១៤គ.ម/ម៉។

ក្រុមហ៊ុន Lister អះអាងថារថយន្ត Stealth ស៊េរីថ្មីនេះគឺជា SUV កម្លាំងខ្លាំង និងមានល្បឿនលឿនជាងគេរបស់អង់គ្លេស មានសមត្ថភាពខ្លាំងជាង Lamborghini Urus, Aston Martin Vantage និង McLaren 570GT ទៅទៀត។

គួរដឹងថារថយន្ត Lister Stealth នេះមានកំណត់ចំនួនផលិតត្រឹម ១០០គ្រឿងប៉ុណ្ណោះ ដោយវាមានតម្លៃចាប់ពីប្រមាណ ១៤៦ ៧២១ដុល្លារ៕

ផ្ទាំងផ្សាយពាណិជ្ជកម្ម

ឡានអគ្គិសនីខ្នាតតូចរបស់ Honda នឹងលក់តែនៅលើទីផ្សារ២គត់

August 31, 2020

Honda ក្រុមហ៊ុនផលិតរថយន្តរបស់ជប៉ុន បានឲ្យដឹងថារថយន្តអគ្គិសនីខ្នាតតូចរបស់ខ្លួននឹងមានដាក់លក់តែនៅទីផ្សារអឺរ៉ុប និងប្រទេសជប៉ុនប៉ុណ្ណោះ ដោយមិនមានផែនការលក់នៅលើទីផ្សារផ្សេងទៀតរួមទាំងអាមេរិកខាងជើង និងប្រទេសចិន។

Honda បានឲ្យដឹងថាខ្លួនបានរំពឹងថារថយន្ត Honda e នឹងអាចលក់ចេញប្រមាណ ១ម៉ឺនគ្រឿងនៅអឺរ៉ុប និង ១ពាន់គ្រឿងនៅជប៉ុន ក្នុងមួយឆ្នាំៗ។ រថយន្តនេះបានចេញលក់នៅអឺរ៉ុបនាដើមខែសីហានេះ ដោយការលក់នៅទីផ្សារក្នុងស្រុកនឹងចាប់ផ្ដើមនៅចុងខែតុលា។

រថយន្ត Honda e ក្រុមហ៊ុនបានបញ្ជាក់ថាមិនមែនសម្រាប់ប្រកួតប្រជែងជាមួយ Tesla ឬក្រុមហ៊ុនដទៃទៀតនោះទេ ដោយរថយន្តនេះគឺផលិតឡើងសម្រាប់ការប្រើប្រាស់ក្នុងក្រុង ការបើកបររយៈចម្ងាយជិត ដែលពេលសាកភ្លើងពេញជិះបានចម្ងាយប្រមាណ ២២០គីឡូម៉ែត្រ៕

ផ្ទាំងផ្សាយពាណិជ្ជកម្ម

ឡាន Chevrolet Malibu ថ្មី ដាក់លក់នៅចិន តែ២ម៉ឺនដុល្លារ

August 31, 2020

Chevrolet បានប្រកាសចេញលក់រថយន្ត Malibu ស៊េរីថ្មីរបស់ខ្លួនជាផ្លូវការ នៅក្នុងប្រទេសចិន ដោយបន្ថែមម៉ាស៊ីនថ្មីទៀតផង។

រថយន្ត Chevrolet Malibu XL ថ្មី មានបំពាក់ម៉ាស៊ីនចំណុះ ១,៥លីត្រ turbocharged មានកម្លាំង ១៦៦សេះ ប្រើប្រអប់លេខអូតូ ៩វគ្គ ប្រភេទ Hydra-Matic អាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៩,១វិនាទី ហើយមានល្បឿនអតិបរមាដល់ ២០៥គីឡូម៉ែត្រក្នុងមួយម៉ោង។

រថយន្តប្រភេទ Sedan ដ៏ពេញនិយមមួយនៅចិននេះ មានកម្រិតស៊ីសាំងជាមធ្យម ៦,៣លីត្រ/១០០គីឡូម៉ែត្រ និង ៤,៨លីត្រ/១០០គីឡូម៉ែត្រ នៅពែលបើកលើផ្លូវលាត។

Malibu XL ផ្តល់ជម្រើសចំនួន ៣ម៉ូដែល គឺ Ruixing Edition, Sharp Version និង Ruilian Edition ដែលមានតម្លៃ ២៣ ៩០០ដុល្លារ, ២៥ ៣០០ដុល្លារ និង ២៦ ៨០០ដុល្លារ៕

ផ្ទាំងផ្សាយពាណិជ្ជកម្ម

Toyota Yaris Cross ចេញលក់នៅជប៉ុន តម្លៃតែ ១៧០០០ដុល្លារ

August 31, 2020

ក្រុមហ៊ុន Toyota បានប្រកាសចេញលក់រថយន្ត Yaris Cross ជាផ្លូវការនៅក្នុងប្រទេសជប៉ុន នៅថ្ងៃទី៣១ ខែសីហា ឆ្នាំ២០២១ នេះ។

រថយន្ត Toyota Yaris Cross ដែលដាក់លក់នៅក្នុងប្រទេសជប៉ុន មិនខុសពីម៉ូដែលសម្រាប់ទីផ្សារអឺរ៉ុបឡើយ ដោយប្រើគ្រោងឆ្អឹង TNGA និងផ្តល់ជម្រើសម៉ាស៊ីនចំនួន ២ ដូចគ្នា។

Yaris Cross ប្រភេទ Base Model ប្រើម៉ាស៊ីនចំណុះ ១,៥លីត្រ ទំហំ ៣ស៊ីឡាំង ប្រភេទ Dynamic Force Engine មានកម្លាំង ១១៨សេះ ប្រើប្រអប់លេខអូតូ Direct Shift-CVT ហើយមានជម្រើសប៉ុងមួយវិលកងមុខ FWD និង ប៉ុងពីរ 4WD ជាមួយមុខងារ Multi-terrain Select។

ជាមួយគ្នានេះដែរ Toyota ក៏ផ្តល់ជម្រើសម៉ាស៊ីន Hybrid ដែលគួបផ្សំម៉ាស៊ីនសាំងចំណុះ ១,៥លីត្រ ជាមួយម៉ូទ័រអគ្គិសនីតូចមួយ និងកញ្ចប់អាគុយមួយ ដែលបង្កើតកម្លាំងបានសរុប ១៦៩សេះ។ សម្រាប់ម៉ូដែល Hybrid នេះបំពាក់ប៉ុងមួយវិលកង់មុខ FWD មកស្តង់ដារ តែក៏មាន Option ប៉ុងពីរ 4WD (E-Four) ផងដែរ។ Yaris Cross Hybrid មានកម្រិតស៊ីសាំងជាមធ្យមត្រឹម ៣,២លីត្រ/១០០គីឡូម៉ែត្រ។

រថយន្ត Toyota Yaris Cross ថ្មីនេះត្រូវបានដាក់លក់ក្នុងតម្លៃ ១៧ ០០០ដុល្លារ សម្រាប់ប្រភេទ Base Model និង ២៦ ៦០០ដុល្លារ សម្រាប់ម៉ូដែល Hybrid Z E-Four៕

ផ្ទាំងផ្សាយពាណិជ្ជកម្ម

ខ្លាំងមែន! ស្រ្តីម្នាក់បើកឡាន Hyundai ដល់ ១លានម៉ាយ៍ ត្រូវក្រុមហ៊ុនឲ្យឡានថ្មី Free

August 30, 2020

ស្រ្តីម្នាក់មានឈ្មោះថា Farrah Haines ដែលជាអ្នកដឹកទំនិញ បានបើករថយន្ត Hyundai Elantra ស៊េរីឆ្នាំ២០១៣ របស់ខ្លួន បានចម្ងាយសរុប ១លានម៉ាយ៍ (១,៦លានគីឡូម៉ែត្រ) ក្នុងរយៈពេលត្រឹម ៥ឆ្នាំប៉ុណ្ណោះ។

បើគិតលេងៗទៅ អ្នកស្រី Farrah ត្រូវបើកចម្ងាយ ២០០ ០០០ម៉ាយ៍ក្នុងមួយឆ្នាំ ឬ ៥៤៨ម៉ាយ៍ជារៀងរាល់ថ្ងៃ។

គួរឲ្យដឹងថា អ្នកស្រី Farrah ត្រូវផ្លាស់ប្តូរប្រេងថ្មីរយៈពេល ២សប្តាហ៍មក ហើយក្រុមហ៊ុន Hyundai បានបញ្ជាក់ថា ម៉ាស៊ីនរថយន្ត Elantra របស់អ្នកស្រីគឺជាម៉ាស៊ីនដើម ដែលវាពិតជាគួរឲ្យភ្ញាក់ផ្អើលខ្លាំងណាស់។

យ៉ាងណាមិញ ដើម្បីជាការអបអរដល់អ្នកស្រី Farrah ក្រុមហ៊ុន Hyundai បានផ្តល់រថយន្ត Elantra ស៊េរីឆ្នាំ២០១៩ ពណ៌ក្រហម ថ្មីសន្លាងមួយគ្រឿងដល់អ្នកស្រី៕

ផ្ទាំងផ្សាយពាណិជ្ជកម្ម

Cute កប់! Abarth 695 70° Anniversario ផលិតតែ ១៩៤៩គ្រឿងគត់

August 30, 2020

ក្រុមហ៊ុន Abarth នឹងដាក់លក់រថយន្ត 695 70° Anniversario Special Edition នៅលើទីផ្សារប្រទេសអូស្ត្រាលី ក្នុងចំនួនមានកំណត់ គឺត្រឹមតែ ១ ៩៤៩គ្រឿងប៉ុណ្ណោះ។

Abarth 695 70° Anniversario ដែលផលិតផ្អែកតាមម៉ូដែល Abarth 595 Competizione ខាងលើនេះ បំពាក់ម៉ាស៊ីនចំណុះ ១,៤លីត្រ turbocharged ទំហំ ៤ស៊ីឡាំង មានកម្លាំង ១៧៧សេះ ហើយមានទាំងជម្រើសលេខដៃ និងអូតូ។ រថយន្តតូចច្រឡឹងនេះអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៦,៧វិនាទី ហើយមានល្បឿនអតិបរមា ២២៥គីឡូម៉ែត្រក្នុងមួយម៉ោង។

លក្ខណៈពិសេសសម្រាប់រថយន្ត Abarth 695 70° Anniversario នេះមានដូចជា កាងកាត់ខ្យល់ខាងក្រោយអាចសារ៉េបាន ១២ទីតាំងពីមុំ ០ ទៅ ៦០ដឺក្រេ, ដុំហ្វ្រាំង Brembo, យ៉ាន់ SuperSport Alloy ទំហំ ១៧អ៊ីញ, កៅអី Sabelt Tricolore និងមានពណ៌ចំនួន ៥ គឺ Exclusive Monza 1958 Green, Pista Grey, Gara White, Scorpione Black និង Podium Blue។ រថយន្តនេះនឹងត្រូវដាក់លក់ក្នុងតម្លៃ ៣២ ៥៦០ដុល្លារ៕

ផ្ទាំងផ្សាយពាណិជ្ជកម្ម

ភីកអាប់ F-Series លក់បានច្រើនជាងគេក្នុងលោកលំដាប់លេខ២ពេលនេះ ឯលេខ១វិញ…

August 29, 2020

ផ្អែកតាមតួលេខរបស់វិបសាយ Best Selling Cars Blog បានឲ្យដឹងថារថយន្ត Toyota Corolla គឺជារថយន្តដែលលក់បានច្រើនជាងគេក្នុងរយៈពេល ៦ខែដំបូងនៃឆ្នាំ ២០២០ នេះ ដែលតាមពីក្រោយដោយរថយន្តភីកអាប់ F-Series របស់ Ford។ ខាងក្រោមនេះបង្ហាញអំពីរថយន្តទាំង ១០ដែលលក់បានច្រើនជាងគេក្នុងលោក ក្នុងពេល៦ខែដំបូងនៃឆ្នាំ ២០២០ ៖

១. Toyota Corolla ៖ ៦០០ ៦៩៣គ្រឿង

២. Ford F-Series ៖ ៤៣៣ ៣៩៩គ្រឿង

៣. Toyota RAV4 ៖ ៤២៩ ៧៥៨គ្រឿង

៤. Honda CR-V ៖ ៣២៩ ៥៦៥គ្រឿង

៥. Chevrolet Silverado ៖ ២៩៧ ៤០៧គ្រឿង

៦. RAM Pickup ៖ ២៩៤ ៧៩២គ្រឿង

៧. Honda Civic ៖ ២៧៦ ៦៦០គ្រឿង

៨. Toyota Camry ៖ ២៦៩ ៩២១គ្រឿង

៩. Volkswagen Tiguan ៖ ២៤៦ ៩៦៩គ្រឿង

១០. Nissan X-Trail ៖ ២៣៧ ៣៥៤គ្រឿង

គួរដឹងថាប្រទេសចិនជាទីផ្សារធំរបស់រថយន្ត Toyota Corolla ដែលមានចំណែក ៤២% នៃចំនួនសរុប ហើយនៅអាមេរិកខាងជើងមាន ២១%, នៅអឺរ៉ុបមាន ១០% និងនៅប្រទេសជប៉ុនដែលជាទឹកដីកំណើតមាន ៩,៥%៕

ផ្ទាំងផ្សាយពាណិជ្ជកម្ម

Ford Ranger ស៊េរីពិសេស រូបរាងស្រដៀង Ranger Raptor

August 29, 2020

Ford ទើបបានបង្ហាញចេញរថយន្ត Ranger Roush សម្រាប់លក់នៅលើទីផ្សារអាមេរិក ដែលវាមានផ្លាស់ប្ដូររូបរាងខាងក្រៅមើលទៅស្រដៀងនឹងរថយន្ត Ranger Raptor ហើយមានបង្កើនសមត្ថភាពបើកបរឲ្យកាន់តែប្រសើរជាងមុនទៀតផង។

ការផ្លាស់ប្ដូរនៅផ្នែកខាងក្រៅមានដូចជាការបំពាក់សម្បកកង់ទំហំធំដែលមានយ៉ាន់ពណ៌ខ្មៅ, អំពូលភ្លើង LED ភ្លោះ, ទំពក់មានបង្កប់នៅជាប់កាងខាងមុខនៃរថយន្ត និងមានផ្ទាំងប៉ាណាដែលមានសរសេរពាក្យ ROUSH ធំៗ ដែលស្រដៀងនឹង Ranger Raptor ដែរ។

ចំពោះសមត្ថភាពវិញ Ranger Roush មានបំពាក់នូវបូម Fox, យ៉ាន់ទំហំ ១៨អ៊ីញ និងកង់សម្រាប់បើកបរផ្លូវពិបាកទំហំ ៣២អ៊ីញជាដើម។ យ៉ាងណាក្ដីគេនៅតែប្រើម៉ាស៊ីន EoBoost ២,៣លីត្រ ប្រភេទ Turbocharged ដែលផលិតកម្លាំងបាន ២៧០សេះ។ គួរដឹងថារថយន្ត Range Roush មានដាក់លក់ក្នុងតម្លៃ ៣៦ ៨៦០ដុល្លារនៅអាមេរិក៕

ផ្ទាំងផ្សាយពាណិជ្ជកម្ម