ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 291

MG5 ស៊េរីឆ្នាំ ២០២៤ ចេញលក់នៅទីផ្សារប្រទេសថៃជាមួយតម្លៃក្រោម ២មុឺនដុល្លារ

[បរទេស] ក្រុមហ៊ុនផលិតរថយន្ត MG ប្រចាំនៅទីផ្សារប្រទេសថៃ បានធ្វើការដាក់បង្ហាញចេញជាផ្លូវការនៅរថយន្ត MG5 ស៊េរីឆ្នាំ ២០២៤ ផ្តល់ជូននៅជម្រើស ២ម៉ូដែលរួមមានម៉ូដែល D និង X ជាមួយតម្លៃលក់ចាប់ពី ១៧ ២៨០ ដុល្លារ ដល់ ១៨ ៣៧៧ ដុល្លារ ។

MG5 ស៊េរីឆ្នាំ ២០២៤ បំពាក់ជាមួយម៉ាស៊ីនសាំងចំណុះ ១,៥ លីត្រ ទំហំ ៤ស៊ីឡាំង អាចផលិតកម្លាំងបាន ១១៤ សេះ និងកម្លាំងរមួល ១៥០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៨វគ្គ ប្រភេទ CVT ។

រថយន្តនេះ មានប្រវែងតួខ្លួនសរុប ៤ ៦៩៥ ម.ម ទទឹង ១ ៨៤២ ម.ម កំពស់ ១ ៤៨០ ម.ម និងប្រវែងគន្លាតកង់មុខ-ក្រោយ ២ ៦៨០ ម.ម ដោយមានការឌីស្សាញបែបស្ព័រ ជាមួយប៉ាណាមុខមួយផ្ទាំងធំ ចង្កៀងមុខ-ក្រោយ LED ថាសកង់ស្ព័រពណ៌ខ្មៅ រួមទាំងកងទ័របង្ហាញព័ត៌មានឌីជីថល និងអេក្រង់កំសាន្ត touchscreen រួមទាំងកៅអីស្រោបដោយស្បែកផងដែរ ។ លើសពីនេះ ក៏បានភ្ជាប់មកជាមួយប្រព័ន្ធជំនួយការអ្នកបើកបរដ៏ឆ្លាតវៃ MG Pilot ទៀរតផង ៕

ផ្ទាំងផ្សាយពាណិជ្ជកម្ម

ភីកអាប់អគ្គិសនីរបស់ Geely នេះ មានល្បឿនលឿនជាងគេក្នុងចំណោមភីកអាប់ដ៏ទៃ

[បរទេស] ក្រុមហ៊ុនផលិតរថយន្ត Geely បានធ្វើការដាក់បង្ហាញចេញជាផ្លូវការនៅភីកអាប់អគ្គិសនីសុទ្ធ Geely Radar RD6 Horizon ឆ្នាំ ២០២៤ ដែលជាភីកអាប់មានល្បឿនលឿនជាងគេក្នុងចំណោមភីកអាប់ដ៏ទៃនៅប្រទេសចិន ជាមួយតម្លៃលក់ចាប់ពី ២០ ១៥០ ដុល្លារ ដល់ ៣៧ ២០០ ដុល្លារនៅប្រទេសចិន ។

ភីកអាប់អគ្គិសនីនេះ ផលិតឡើងនៅលើគ្រោងឆ្អឹង SEA Platform បំពាក់ជាមួយម៉ូទ័រអគ្គិសនីចំនួន ២ ដែលអាចផលិតកម្លាំងបានសរុប ៤២២ សេះ និងកម្លាំងរមួល ៥៩៤ ញ៉ូតុនម៉ែត្រ អាចរត់ស្ទុះពីកុងទ័រ ០-១០០ គីឡូម៉ែត្រប្រើរយៈពេល ៤,៥ វិនាទី និងផ្គួបជាមួយអាគុយទំហំ ១០០ គីឡូវ៉ាត់ម៉ោងអាចបើកបរបានចម្ងាយ ៦៣២ គីឡូម៉ែត្រពេលសាកថ្មពេញម្តង ប្រភេទបើកបរប៉ុង២ ។

Geely Radar RD6 Horizon មានប្រវែងតួខ្លួនសរុប ៥ ២៦០ ម.ម ទទឹង ១ ៩០០ ម.ម កំពស់ ១ ៨៨០ ម.ម និងប្រវែងគន្លាតកង់មុខ-ក្រោយ ៣ ១២០ ម.ម ដោយមានប៉ាណាមុខបិទជិងអបជាមួយអក្សរ RADAR ចង្កៀងមុខ-ក្រោយ LED ខណៈផ្នែកខាងក្នុងអាចផ្ទុកបានដល់ ១២០០ លីត្រឯណ្ណោះ ។ លើសពីនេះ ក៏ទទួលបានប្រព័ន្ធជំនួយការអ្នកបើកបរដ៏ឆ្លាតវៃកម្រិតទី ២ ទៀតផង ។

ផ្ទាំងផ្សាយពាណិជ្ជកម្ម

អីយ៉ាស់! Toyota បង្ហាញក្តីសង្ឃឹម ដាក់ម៉ូដែលថ្មីរបស់ខ្លួនចូលផលិតកម្មឆាប់ៗ

[បរទេស] កាលពីឆ្នាំ ២០២៣ កន្លងទៅ ក្រុមហ៊ុនផលិតរថយន្ត Toyota បានបញ្ចេញគំរូរថយន្ត X-Van Gear Concept ប្រភេទ minivan នៅឯពិព័រណ៌រថយន្ត Japan Mobility Show 2023 ខណៈពេលនេះក្រុមហ៊ុនបានបញ្ចេញរូបភាពប៉ាតង់ ដែលជាការបង្ហាញនៅក្តីសង្ឃឹមអាចនឹងចូលផលិតកម្មឆាប់ៗនេះ ។

X-Van Gear ត្រូវ​បាន​រចនា​ឡើង​ដើម្បី​ជា​រថយន្តប្រភេទ minivan ​បែប​ផ្សងព្រេងជាមួយរូបរាងបែបប្រអប់ជ្រុងដូចទៅនឹង Toyota FJ Cruiser ប្រើប្រាស់ទ្វាររូតមុខ-ក្រោយ ជាមួយទំហំប្រហាក់ប្រហែលទៅនឹងរថយន្ត Toyota Noah និង Voxy ពោលគឺមានប្រវែងតួខ្លួនសរុប ៤ ៩៦៥ ម.ម ទទឹង ១ ៨២០ ម.ម កំពស់ ១ ៨៥៥ ម.ម ។

ចំពោះនៅផ្នែកខាងក្នុងវិញ បានផ្តល់នូវកៅអី ៣ជួរដែលត្រូវបានតំឡើងនៅលើដែកដែលអនុញ្ញាតឲ្យពួកគេអាចបង្វិលបាន និងបង្កើតកន្លែងធំទូលាយសម្រាប់ដាក់សម្ភារៈ ជាពិសេសសម្រាប់អ្នកចូលចិត្តផ្សងព្រេង។

គួរបញ្ជាក់ផងដែរថា ក្រុមហ៊ុនផលិតរថយន្តយក្យរបស់ប្រទេសជប៉ុនមិនទាន់បានធ្វើការបញ្ជាក់ថា រថយន្តនេះនឹងត្រូវបានចូលផលិតកម្មឬអត់នោះទេ ៕

ផ្ទាំងផ្សាយពាណិជ្ជកម្ម

BYD ចង់បានចំណែកទីផ្សារ 5% ពីការលក់ឡានអគ្គិសនីនៅអឺរ៉ុបរបស់ខ្លួន មុនពេលចាប់ផ្តើមផលិតកម្មនៅហុងគ្រី

[របាយការណ៍] ក្រុមហ៊ុនផលិតរថយន្តចិន BYD មានមហិច្ឆតាចង់បានចំណែកទីផ្សារនៃការលក់រថយន្តរបស់ខ្លួននៅក្នុងទីផ្សារអឺរ៉ុបចំនួន ៥ភាគរយ មុនពេលខ្លួនចាប់ផ្តើមផលិតកម្មនៅក្នុងប្រទេសហុងគ្រី។

ក្នុងនោះ BYD បានលក់រថយន្តនៅទីផ្សារអឺរ៉ុបចាប់តាំងពីឆ្នាំ២០២១ ជាមួយចំនួន ១៥ ៦៤៤គ្រឿង ដែលវាជាចំនួនតូចមួយនៃរថយន្ត EV និង PHEV ៣លានគ្រឿងដែល BYD បានចែកចាយទូទាំងពិភពលោកដោយកាលពីឆ្នាំមុន។

ជាមួយចំនួននេះ លោក Shu បានបញ្ចាក់ប្រាប់ថាលោកទើបតែចាប់ផ្តើម និងស្វែងយល់ពីរបៀបដែលប្រជាជនអឺរ៉ុបបានឆ្លើយតបទៅនឹងបច្ចេកវិទ្យា ផលិតផល និងសេវាកម្មរបស់ BYD ដោយទីផ្សារអឺរ៉ុបមានភាពខុសប្លែកពីទីផ្សារដទៃទៀត ជាពិសេសប្រទេសចិន និងសហរដ្ឋអាមេរិច ប៉ុន្តែ BYD ចង់បានចំណែកទីផ្សារ EV ៥% នៅអឺរុបមុនពេលចាប់ផ្ដើមផលិតកម្ម។

ក្រុមហ៊ុនផលិតរថយន្តយក្សរបស់ចិននេះ ជឿជាក់ថារោងចក្ររបស់ខ្លួននៅក្នុងប្រទេសហុងគ្រីនឹងដើរតួនាទីយ៉ាងសំខាន់ ដែលនឹងជួយអោយការផលិត និងការដឹកជញ្ជូនលឿនជាងមុននិងកសាងទំនុកចិត្តកាន់តែច្រើនពីអ្នកប្រើប្រាស់។ ខណ:ពេលដែលរោងចក្រថ្មីនឹងមានសម្ថភាពអាចផលិតរថយន្តបានចំនួន ១៥ម៉ឺនគ្រឿង ព្រមទាំងអាចឈានដល់ ៣០ម៉ឺនគ្រឿងផងដែរ៕

ផ្ទាំងផ្សាយពាណិជ្ជកម្ម

Toyota បញ្ចេញម៉ូដែលថ្មី ជាមួយតម្លៃលក់អត់ដល់ ២មុឺនដុល្លារ

[ទីផ្សារបរទេស] ក្រុមហ៊ុនផលិតរថយន្តបណ្តាក់ទុនរួមគ្នា GAC-Toyota បានធ្វើការដាក់ចេញលក់នៅរថយន្ត Toyota Corolla Levin ស៊េរីឆ្នាំ ២០២៤ នៅក្នុងទីផ្សារប្រទេសចិន ជាមួយតម្លៃលក់ចាប់ពី ១៧ ៩៥៥ ដុល្លារ ដល់ ១៨ ៧៨៥ ដុល្លារ ។

រថយន្តប្រភេទ Sedan នេះ ផលិតឡើងនៅលើគ្រោងឆ្អឹង TGNA platform ដំណើរការដោយម៉ាស៊ីនសាំងចំណុះ ១,២ លីត្រ Turbo ទំហំ ៤ស៊ីឡាំង អាចផលិតកម្លាំងបាន ១១៦ សេះ និងកម្លាំងរមួល ១៨៥ ញ៉ូតុនម៉ែត្រ ភ្ជាប់ដោយប្រអប់លេខអូតូ ១០វគ្គ ប្រភេទ S-CVT ។

Toyota Corolla Levin មានប្រវែងតួខ្លួនសរុប ៤៦៤០ ម.ម ទទឹង ១ ៧៨០ ម.ម កំពស់ ១៤៥៥ ម.ម និងប្រវែងគន្លាតកង់មុខ-ក្រោយ ២៧០០ ម.ម ខណៈការឌីស្សាញមានលក្ខណៈបែបស្ព័រ ជាមួយប៉ាណាមុខមួយផ្ទាំងធំ ចង្កៀងមុខ-ក្រោយប្រភេទ LED រួមទាំងថាសកង់ស្ព័រទំហំ ១៧អ៉ីញ​ត្រូវបានរចនាថ្មី ។

ចំពោះនៅផ្នែកខាងក្នុងវិញ មានបំពាក់កុងទ័របង្ហាញព័ត៌មានឌីជីថលទំហំ ៤,២ អ៉ីញ​ និងអេក្រង់កំសាន្ត touchscreen ទំហំ ៩អ៉ីញ ព្រមទាំងកញ្ចប់សុវត្ថិភាព Toyota Safety Sense ផងដែរ ៕

ផ្ទាំងផ្សាយពាណិជ្ជកម្ម

Nissan Kicks ស៊េរីឆ្នាំ ២០២៥ អាប់ដេតថ្មីបន្ថែម បង្ហាញខ្លួនជាផ្លូវការហើយ

[ទីផ្សារបរទេស] ក្រុមហ៊ុនផលិតរថយន្ត Nissan បានធ្វើការដាក់បង្ហាញចេញជាផ្លូវការនៅរថយន្ត Nissan Kicks ស៊េរីឆ្នាំ ២០២៥ អាប់ដេតថ្មីបន្ថែម នៅទីផ្សារសហរដ្ឋអាមេរិក ជាមួយតម្លៃលក់ចាប់ពី ២២ ៤០០ ដុល្លារ ។

Nissan Kicks ស៊េរីឆ្នាំ ២០២៥ ទទួលបានម៉ាស៊ីនថ្មី ពោលបានបំពាក់ដោយម៉ាស៊ីនសាំងចំណុះ ២,០ លីត្រ អាចផលិតកម្លាំងបាន ១៣៩ សេះ និងកម្លាំងរមួល ១៩០ ញ៉ូតុនម៉ែត្រ ភ្ជាប់ដោយប្រអប់លេខអូតុ CVT ជាមួយជម្រើសប៉ុង២ជាលើកដំបូងផងដែរ ។

រថយន្តនេះ មានប្រវែងតួខ្លួនសរុប ៤ ៣៦៦ ម.ម ទទឹង ១ ៨០១ ម.ម កំពស់ ១ ៦២៦ ម.ម និងប្រវែងគន្លាតកង់មុខ-ក្រោយ ២ ៦៥៧ ម.ម ដែលត្រូវបានឌីស្សាញរូបរាងជាប្រអប់ជ្រុង ជាមួយចង្កៀងមុខ LED រួមបញ្ចូលគ្នាទៅនឹងប៉ាណាមួយផ្ទាំងធំ ក៏ដូចជាថាសកង់ស្ព័រ និងចង្កៀងក្រោយ LED ឌីស្សាញស្រដៀងគ្នាទៅនឹងរថយន្ត Alfa Romeo Milano ។

ចំពោះនៅផ្នែកខាងក្នុងវិញ មានកុងទ័របង្ហាញព័ត៌មានឌីជីថល​ទំហំ ៧អ៉ីញ​ និងអេក្រង់កំសាន្ត touchscreen ទំហំ ១២,៣ អ៉ីញ អាចភ្ជាប់មុខងារ Apple CarPlay និង Android Auto ក៏ដូចជាកន្លែងសាកថ្មឥតប្រើខ្សែ ឧបករណ៍បំពងសំឡេងម៉ាក BOSE ចំនុច ។ លើសពីនេះ ក៏ទទួលបានប្រព័ន្ធសុវត្ថិភាព និងជំនួយការអ្នកបើកបរ Nissan Safety Shield 360 ADAS Suite និងបានអាប់ដេតទៅលើប្រព័ន្ធ ProPilot Asisst system ទៀតផង ៕

ផ្ទាំងផ្សាយពាណិជ្ជកម្ម

ម៉ូដែលខ្ពស់បំផុតរបស់ Kia Carnival ឆ្នាំ ២០២៤ ចេញលក់នៅប្រទេសថៃតម្លៃ ៨មុឺនដុល្លារជាង

[ទីផ្សារបរទេស] ក្រុមហ៊ុនផលិតរថយន្ត Kia ប្រចាំនៅទីផ្សារប្រទេសថៃ គ្រោងនឹងធ្វើការដាក់បង្ហាញចេញជាផ្លូវការនៅ Kia Carnival ស៊េរីឆ្នាំ ២០២៤ ម៉ូដែលថ្មី SXL Luxury នៅឯពិព័រណ៌រថយន្ត Bangkok International Auto Show 2024 ដែលធ្វើនៅចាប់ពីថ្ងៃ ២៧ ខែមិនា ឆ្នាំ ២០២៤ ជាមួយតម្លៃលក់ចាប់ពី ៨២ ៤៣៧ ដុល្លារ ។

រថយន្តប្រភេទ MPV នេះ ដំណើរការដោយម៉ាស៊ីនម៉ាស៊ូតចំណុះ ២,២ លីត្រ ទំហំ ៤ស៊ីឡាំង អាចផលិតកម្លាំងបាន ២០២ សេះ និងកម្លាំងរមួល ៤៤០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៨វគ្គ ។

Kia Carnival SXL Luxury ស៊េរីថ្មីនេះ ត្រូវបានបង្កើតឡើងជារថយន្តទំនើប MPV Grand Utility Vehicle ដោយមានប៉ាណាទំហំធំ ចង្កៀងមុខ-ក្រោយ LED មានមុខងារបើក-បិទស្វ័យប្រវត្តិ រួមទាំងទ្វាររូតចំហៀងសងខាង និងទ្វារក្រោយបើក-បិទដោយថាមពលអគ្គិសនី និងថាសកង់ស្ព័រទំហំ ១៩អ៉ីញ ។

ចំពោះនៅផ្នែកខាងក្នុងវិញ ត្រូវបានផ្លាស់ប្តួរថ្មី ដោយបានឌីស្សាញតាប្លូបែបកាងនិងមានបំពាក់កុងទ័របង្ហាញព័ត៌មានឌីជីថលទំហំ ១២.៣ អ៉ីញ និងអេក្រង់កំសាន្ត touchscreen ទំហំ ១២,៣ អ៉ីញរួមចូលគ្នាជាអេក្រង់ភ្លោះ អាចភ្ជាប់មុខងារ Apple Carplay និង Android Auto ឧបករណ៍បំពងសំឡេងម៉ាក BOSE ១២ចំណុច និងកន្លែងសាកថ្មឥតប្រើខ្សែជាដើម ៕

ផ្ទាំងផ្សាយពាណិជ្ជកម្ម

Ford ចង់ផលិតភីកអាប់ និង SUV មានតម្លៃទាប ដើម្បីប្រកួតជាមួយ Tesla និងក្រុមហ៊ុនរបស់ប្រទេសចិន

[បរទេស] ក្រុមហ៊ុនផលិតរថយន្ត Ford មានគម្រោងផលិតរថយន្តប្រើថាមពលអគ្គិសនីសុទ្ធ នៅលើរថយន្តភីកអាប់ និងប្រភេទ SUV ដែលមានតម្លៃលក់ចាប់ពី ២៥ ០០០ ដុល្លារឡើងទៅ ដែលគ្រោងនឹងមកដល់នៅក្នុងឆ្នាំ ២០២៦ នៅទីផ្សារអាមេរិកខាងជើង។

ក្នុងនោះបើយោងតាម នាយកប្រតិបត្តិក្រុមហ៊ុន Ford លោក Jim Farley បាឲ្យដឹងថា ក្រុមហ៊ុន Ford កំពុងមានផែនការផលិតនៅគ្រោងឆ្អឹងសម្រាប់ប្រើនៅលើរថយន្តអគ្គិសនីសុទ្ធ ដែលប្រើប្រាស់អាគុយប្រភេទលីដ្យូម ដើម្បីទៅប្រកួតប្រជែងជាមួយក្រុមហ៊ុន Tesla និងក្រុមហ៊ុនផលិតរថយន្តរបស់ប្រទេសចិន ។

គួរបញ្ជាក់ផងដែរថា គោលដៅរបស់ក្រុមហ៊ុន Ford គឺសម្រាប់គម្រោងផលិតរថយន្តអគ្គិសនីថ្មីដើម្បីវាយលុកទីផ្សារ ដែលបានដឹកនាំដោយលោក Alan Clarke ដែលជាអតីតនាយកប្រតិបត្តិរបស់ក្រុមហ៊ុន Tesla ដែលបានចូលរួមជាមួយ Ford នៅក្នុងឆ្នាំ ២០២២ ៕

ផ្ទាំងផ្សាយពាណិជ្ជកម្ម

ឡានអគ្គិសនីរបស់ Hongqi មួយនេះ សាកភ្លើងតែ ១៧នាទី អាចជិះបានជិតដល់ ១ពាន់គីឡូម៉ែត្រ

[ទីផ្សារបរទេស] ក្រុមហ៊ុនផលិតរថយន្ត Hongqi បានធ្វើការដាក់បង្ហាញចេញជាផ្លូវការនៅរថយន្តអគ្គិសនីសុទ្ធ Hongqi EH7 ស៊េរីឆ្នាំ ២០២៤ មានជម្រើសដល់ទៅ ៥ម៉ូដែល ជាមួយតម្លៃលក់ចាប់ពី ៣១ ៩០០ ដុល្លារ ដល់ ៤៣ ០០ ដុល្លារ នៅទីផ្សារប្រទេសចិន។

សម្រាប់រថយន្តប្រភេទ sedan បំពាក់ជាមួយម៉ូទ័រអគ្គិសនីចំនួន ២ អាចផលិតកម្លាំងបាន ៨២២ សេះ ផ្គួបជាមួយអាគុយទំហំ ១១១ គីឡូវ៉ាត់ម៉ោង អាចបើកបរបចម្ងាយ ៨២០គីឡូម៉ែត្រនៅពេលសាកថ្មពេញម្តង មានទាំងជម្រើសប៉ុង ១ និងប៉ុង ២ និងអាចសាកថ្មពី ៣០% ដល់ ៨០% ប្រើរយៈពេល ១៧នាទីប៉ុណ្ណោះ ។

Hongqi EH7 ស៊េរីឆ្នាំ ២០២៤ ផលិតឡើងនៅលើគ្រោងឆ្អឹង FMEs architecture មានប្រវែងតួខ្លួនសរុប ៤ ៩៨០ ម.ម ទទឹង ១ ៩១៥ ម.ម កំពស់ ១ ៤៩០ ម.ម និងប្រវែងគន្លាតកង់មុខ-ក្រោយ ៣ ០០០ ម.ម និងមានរូបរាងលក្ខណៈបែបស្ព័រ ជាមួយប៉ាណាមុខបិទជិតជាប់សងខាងដោយចង្កៀងមុខ LED ក៏ដូចជាប្រើប្រាស់នៅថាសកង់ស្ព័រ និងចង្កៀងក្រោយ LED អូសកាត់ពីផ្នែកម្ខាងទៅផ្នែកម្ខាង ។

ចំពោះនៅផ្នែកខាងក្នុងវិញ មានបំពាក់កុងទ័របង្ហាញព័ត៌មានឌីជីថលទំហំ ៦អ៉ីញ និងអេក្រង់កំសាន្ត touchscreen ទំហំ ១៥,៥ អ៉ីញ គាំទ្រដោយឈីប Qualcomm Snapdragon 8155 កន្លែងសាកថ្មឥតប្រើខ្សែ និងដំបូលកញ្ចក់ panoramic sunroof ប្រវែងជិត ២ម៉ែត្រជាដើម ៕

ផ្ទាំងផ្សាយពាណិជ្ជកម្ម

KIA EV5 សាកភ្លើង ២៧នាទី រត់បាន ៧២០គីឡូម៉ែត្រ នឹងបង្ហាញខ្លួននៅប្រទេសថៃចុងខែនេះ

[បរទេស] ក្រុមហ៊ុនផលិតរថយន្ត Kia ប្រចាំនៅទីផ្សារប្រទេសថៃ គ្រោងនឹងធ្វើការដាក់បង្ហាញចេញជាផ្លូវការនៅរថយន្តអគ្គិសនីសុទ្ធ KIA EV5 នៅឯពិព័រណ៌រថយន្ត Bangkok International Auto Show 2024 ដែលធ្វើឡើងចាប់ពីថ្ងៃទី ២៧ ខែមិនា ឆ្នាំ ២០២៤ ជាមួយតម្លៃលក់ចាប់ពី ៤១ ១៧៤ ដុល្លារ ។

រថយន្តនេះផលិតឡើងនៅលើគ្រោងឆ្អឺង E-GMP platform ដំណើរការដោយម៉ូទ័រអគ្គិសនីចំនួន ១ មានកម្លាំង ២១៥ សេះ និងកម្លាំងរមួល ៣១០ ញ៉ូតុនម៉ែត្រ ផ្គួបជាមួយអាគុយទំហំ ៦៤ គីឡូវ៉ាត់ម៉ោង អាចបើកបរបានចម្ងាយ ៥៣០ គីឡូម៉ែត្រ និងអាគុយទំហំ ៨៨ គីឡូវ៉ាត់ម៉ោង អាចបើកបរបានចម្ងាយ ៧២០ គីឡូម៉ែត្រនៅពេលសាកថ្មពេញម្តង និងគាំទ្រដោយឆ្នាំងសាកថ្មល្បឿនលឿន អាចសាកបានពី ៣០-៨០% ប្រើរយៈពេល ២៧នាទីប៉ុណ្ណោះ ។

KIA EV5 មានលក្ខណៈស្រដៀងទៅនឹងរថយន្ត Kia EV9 ជាមួយប្រវែងសរុប ៤ ៦១៥ ម.ម ទទឹង ១ ៨៧៥ ម.ម កំពស់ ១ ៧១៥ ម.ម និងប្រវែងគន្លាតកង់មុខ-ក្រោយ ២ ៧៥០ ម.ម ។ ដោយនៅផ្នែកខាងមុខឌីស្សាញឡើងបែប digital tiger-face ជាមួយចង្កៀងលាតសន្ទឹកពេញផ្ទៃខាងមុខ ព្រមទាំងថាសកង់ស្ព័រទំហំ ២១ អ៉ីញ និងចង្កៀងក្រោយប្រភេទ LED រាងស្លីមជាដើម ។

ការរចនានៅផ្នែកខាងក្នុង មានលក្ខណៈប្រហាក់ប្រហែលនឹង EV9 ដោយបានបំពាក់កុងទ័របង្ហាញព័ត៌មានឌីជីថលថ្មី និងអេក្រង់កំសាន្ត touchscreen រួមចូលគ្នាជាអេក្រង់ភ្លោះទំហំ ១២,៣ អ៉ីញ ព្រមទាំងអេក្រង់ទំហំ ៥ អ៉ីញសម្រាប់បញ្ជាប្រព័ន្ធម៉ាស៊ីនត្រជាក់ ៕

ផ្ទាំងផ្សាយពាណិជ្ជកម្ម
1...290291292...1,083ទំព័រ 291 នៃ 1,083

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com