ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 341

ភីកអាប់អគ្គិសនីសុទ្ធ Toyota Hilux នឹងបើកបរសាកល្បង ក្នុងប្រទេសថៃនៅដើមឆ្នាំ ២០២៤

[បរទេស] កាលពី ១១ ខែមុនកន្លងទៅ ក្រុមហ៊ុន Toyota បានបង្ហាញចេញនៅគំរូភីកអាប់អគ្គីសនីសុទ្ធដែលមានមូលដ្ឋាននៅលើ Toyota Hilux ​ក្នុង​ប្រទេស​ថៃ ខណៈពេលនេះ ក្រុមហ៊ុន Toyota គ្រោងនឹងធ្វើតេស្ដបើកបរសាកល្បងនៅគំរូរថយន្តភីកអាប់អគ្គិសនីថ្មី Toyota Hilux នៅទីក្រុងប៉ាតាយ៉ា ប្រទេសថៃនៅដើមឆ្នាំ ២០២៤ ក្នុងនាមជា Taxi ដើម្បីប្រកួតប្រជែងរថយន្តអគ្គិសនីរបស់ប្រទេសចិនលក់ក្នុងទីផ្សារប្រទេសថៃ ។

ជាមួយគ្នានេះ Pras Ganesh អនុប្រធានក្រុមហ៊ុន Toyota Daihatsu Engineering & Manufacturing បាននិយាយថា វិស្វកររបស់ក្រុមហ៊ុនកំពុងធ្វើការកែលម្អម៉ូដែលភីកអាប់អគ្គិសនីឱ្យសមស្របនឹងលក្ខខណ្ឌក្នុងស្រុក ក៏ដូចជាលទ្ធភាពនៃការបង្កើតមជ្ឈមណ្ឌលស្រាវជ្រាវ និងការ​អភិវឌ្ឍ​រថយន្ត​អគ្គិសនី​នៅ​ប្រទេស​ថៃផងដែរ។

គួរឲ្យដឹងថា យោងតាមក្រុមហ៊ុនស្រាវជ្រាវ MarkLines ប្រាប់គេហទំព័រ Rueters ថា Toyota មានចំណែកទីផ្សារ ៣៩% នៃទីផ្សាររថយន្តភីកអាប់ទំងន់មួយតោនក្នុងប្រទេសថៃក្នុងរយៈពេល ៩ខែដំបូងនៃឆ្នាំនេះ។ ខណៈពេលដែលរថយន្តអគ្គិសនីថ្មីៗដ៏គួរឲ្យទាក់ទាញជាច្រើនពីប្រទេសចិនមាន រួមទាំងការផ្តល់ជូនដូចជា Atto 3, Dolphin និង Seal ពី BYD ក៏ដូចជា Ora Good Cat ពី Great Wall Motor ជាដើម។

Ganesh បានបន្ថែមថា ក្រុមហ៊ុន Toyota ក៏កំពុងពិចារណាចាប់ផ្តើមសាកល្បងភីកអាប់អគ្គិសនីផ្សេងទៀតដែលអាចត្រូវបានប្រើប្រាស់ដោយសេវាកម្ម Taxi ដឹកជញ្ជូនក្នុងរយៈចម្ងាយឆ្ងាយផងដែរ ៕

ផ្ទាំងផ្សាយពាណិជ្ជកម្ម

លក្ខណៈពិសេសនៃរថយន្តដែលកំពុងពេញនិយម MG ZS និង Chevrolet Tracker

វិស័យរថយន្តថ្មីនៃប្រភេទ SUV ខ្នាតតូចនៅប្រទេសកម្ពុជាគឺមានការពេញនិយមនិងមានភាពទូលំទូលាយជាមួយនឹងជម្រើសជាច្រើនដែលពោរពេញទៅដោយការប្រគួតប្រជែងដែលតម្រូវឱ្យមានការឆ្លើយតបបានត្រឹមត្រូវតាមតម្រូវការរបស់អ្នកប្រើប្រាស់ដូចជា: តើរថយន្តមួយណាមានភាពធំទូលាយជាង? តើរថយន្តមួយណាមានកម្លាំងខ្លាំងជាង? តើរថយន្តមួយណាដែលទទួលបានផាសុកភាពខ្ពស់ពេលបើកបរ? បច្ចុប្បន្ននេះគឺមានម៉ាករថយន្តជាច្រើនដែលកំពុងបង្ហាញខ្លួនក្នុងវិស័យរថយន្តថ្មីនៃប្រភេទ SUV ខ្នាតតូចក្នុងប្រទេសកម្ពុជាដូចជាក្រុមហ៊ុន Chevrolet ដែលបានចេញលក់ម៉ូឌែល Tracker ជាមួយនឹងប្រភេទស្រដៀងគ្នាទៅនឹងរថយន្ត MG ZS។ ដូច្នេះ, ថ្ងៃនេះយើងនឹងបង្ហាញនូវលក្ខណៈពិសេសនៃរថយន្ត SUV ខ្នាតតូចទាំងពីរនៃ MG ZS និង Chevrolet Tracker ដែលជារថយន្តទំនើបជាមួយនឹងលក្ខណៈពិសេសផ្សេងៗគ្នាជាច្រើន។

រថយន្ត Tracker គឺជាសមាជិកថ្មីនៃក្រុមហ៊ុន Chevrolet, ហើយពួកគេបានបើកសម្ពោធម៉ូឌែលនេះក្នុងប្រទេសកម្ពុជានាចុងឆ្នាំ២០២២ ដែលផ្ដល់នូវទំហំស្ដង់ដារនៃប្រភេទ SUV ខ្នាតតូចដែលមាន បណ្ដោយ ៤ ២៧០ ម.ម, ទទឹង ១ ៧៩១ ម.ម, កម្ពស់ ១ ៦២៧ ម.ម, ប្រវែងគម្លាតពីកង់មុខទៅកង់ក្រោយ ២ ៥៧០ ម.ម និងកម្ពស់ពីដី ១៦១ ម.ម ។ ដំណើរការបើកបរយ៉ាងរលូនជាមួយនឹងម៉ាស៊ីនសាំងចំណុះ ១,០ លីត្រ ទំហំ ៣ស៊ីឡាំងបន្ថែមជាមួយតួបូ (Turbo) និងប្រអប់លេខ៦វគ្គអូតូ។ រថយន្ត Chevrolet Tracker ផ្ដល់នូវលក្ខណៈពិសេសក៏ដូចជាប្រព័ន្ធឆ្លាតវៃជាច្រើនដូចជា: ប្រព័ន្ធសោរ smart key, អេក្រង់កំសាន្តទំហំ ៨អ៊ីញដែលអាចភ្ផាប់ជាមួយ Apple CarPlay, កៅអីមុខអ្នកបើកបរអូតូ, ដំបូលខាងលើបិទបើកបានប្រភេទ Panoramic Sunroof, ទំហំយ៉ាន់១៧អ៊ីញ, កាម៉េរាក្រោយជាមួយសេនស័រ, ប្រព័ន្ធផ្តល់សញ្ញាសម្ពាធកង់ TPMS, ហ្វ្រាំងដៃ manual, ប្រព័ន្ធហ្វ្រាំង ABS និង ESC, ប្រព័ន្ធទប់លំនឹងពេលឡើងចំណោទ…។ល។ ដែលធ្វើឱ្យការបើកបររបស់អ្នកមានភាពកាន់តែងាយស្រួលនិងផាសុកភាព។

ទោះបីជាយ៉ាងណាក៏ដោយរថយន្ត MG ZS នៅតែជាម៉ាករថយន្តដែលស្ថិតនៅក្នុងបេះដូងប្រជាជនកម្ពុជាអំពីរថយន្តដែលមានតម្លៃសមរម្យជាមួយរថយន្តមានគុណភាពខ្ពស់។ MG ZS បានក្លាយជារថយន្តដែលលក់ដាច់បំផុតក្នុងចំណោមរថយន្ត SUV ខ្នាតតូចជាច្រើនដោយបានផ្ដល់នូវតុល្យភាពនៃការបើកបរដែលមានកម្លាំងខ្លាំងនិងប្រសិទ្ធភាពកម្រិតស៊ីប្រេងឥន្ធនៈដែលសន្សំសំចៃបានច្រើន ពីម៉ាស៊ីនសាំងចំណុះ ១,៥ លីត្រ VTi-Tech រួមជាមួយប្រអប់លេខចំនួន ៨ វគ្គអូតូនិងលេខដៃ។ MG ZS ព្រមទាំងផ្តល់នូវទំហំធំទូលាយដែលល្អគ្រប់គ្រាន់ជាមួយប្រវែងបណ្ដោយ ៤ ៣២៣ ម.ម, ទទឹង ១ ៨០៩ ម.ម, កម្ពស់ ១ ៦៥៣ ម.ម, ប្រវែងកម្លាំតពីកង់មុខទៅកង់ក្រោយ ២ ៥៨០ ម.ម និងកម្ពស់ពីដី ១៧០ ម.ម ដែលធំជាងរថយន្ត Chevrolet Tracker។ វាហាក់ដូចជាមានរថយន្ត MG ZS បានចរាចរណ៏នៅលើដងផ្លូវនៃប្រទេសកម្ពុជាកាន់តែច្រើនឡើងពីមួយថ្ងៃទៅមួយថ្ងៃជាមួយនឹងភាពទាក់ទាញនៃលក្ខណៈពិសេសជាច្រើនដូចជា: ប្រព័ន្ធសោរ Smart Key with keyless entry, អេក្រង់កំសាន្តទំហំ ១០,១ អ៉ីញ អាចភ្ផាប់មុខងារ Apple CarPlay និង Android Auto, ដំបូលខាងលើបិទបើកបាន(Panoramic Sunroof), កៅអីអ្នកបើកបរប្រភេទអូតូ, កញ្ចក់ក្តោបសងខាងអូតូ, ប្រព័ន្ធហ្វ្រាំង ABS, មុខងារ Sport Mode ជំនួយកម្លាំងពេលវារ, ប្រព័ន្ធទប់លំនឹងនិងជំនួយពេលឡើងចំណោទខ្ពស់។ល។

ក្រឡេកមកមើលលក្ខណៈពិសេស និងសមត្ថភាពនៃការបើកបរវិញ រថយន្ត SUV ខ្នាតតូចទាំងពីរនេះគឺមាននូវលក្ខណៈពិសេសស្រដៀងៗគ្នា ប៉ុន្តែវាមានទំហំខុសគ្នាបន្តិច។ លក្ខណៈពិសេសនិងប្រព័ន្ធសុវត្ថិភាពរថយន្ត MG ZS ដូចជា កាម៉រា ៣៦០ ដឺក្រេ, ហ្រ្វាំងដៃអេឡិចត្រូនិចដ៏ទំនើបនិងមានសុវត្ថិភាពខ្ពស់ អមជាមួយទំហំ ឃ្លុបក្រោយចំណុះ ៤៤៨ លីត្រ ដែលផ្ដល់នូវទំហំធំទូលាយសម្រាប់ការទុកដាក់ឥវ៉ាន់ឬវ៉ាលីនៃដំណើរកំសាន្តរបស់គ្រួសាររបស់អ្នក។ ទន្ទឹមនឹងនេះដែរ រថយន្ត Chevrolet Tracker បានបំពាក់ជាមួយកាម៉េរាខាងក្រោយជាមួយសេនស័រ និងហ្វ្រាំងដៃប្រភេទ manual លើកឡើងចុះ អមដោយឃ្លុបក្រោយចំណុះ ៣៥០ លីត្រ។ ចំណែកការធានាវិញ រថយន្ត Chevrolet Tracker ផ្តល់នូវការធានារយៈពេល ៣ឆ្នាំ ឬ ១០០ ០០០ គីឡូម៉ែត្រ ចំណែករថយន្ត MG ZS មានការធានារហូតដល់ ៥ឆ្នាំ ឬ ១៥០ ០០០ គីឡូម៉ែត្រ ។

ជាការពិតណាស់ អតិថិជនគឺមិនពិបាកធ្វើការសម្រេចចិត្តក្នុងការទិញរថយន្តប្រភេទ SUV ខ្នាតតូចទេ ពីព្រោះពួកគេបាននាំមកនូវជាមួយទំហំរថយន្ត និងលក្ខណៈពិសេសរាងៗខ្លួន។ រថយន្តប្រភេទ SUV ខ្នាតតូចទាំងពីរនៃ Chevrolet Tracker និង MG ZS គឺមានចំនុចខុសគ្នាមួយចំនួនតាមតម្រូវការអ្នកប្រើប្រាស់អាចគិតនិងពិចារណាបាន ក៏ប៉ុន្តែពួកគេទាំងពីរអាចបង្កើនភាពទាក់ទាញនិងប្រណិតភាពដល់ម្ចាស់រថយន្តកាន់តែទាន់សម័យ ៕

ផ្ទាំងផ្សាយពាណិជ្ជកម្ម

ពិធីសម្ពោធជាផ្លូវការរថយន្ត Nissan Almera Turbo ស៊េរីថ្មី របស់ក្រុមហ៊ុន តាន់ ចុង ម៉ូរធ័រ (ខេមបូឌា)

នាថ្ងៃទី ០៣ ខែវិច្ឆិកា ឆ្នាំ២០២៣ ក្រុមហ៊ុនតាន់ ចុង ម៉ូធ័រ (ខេមបូឌា) ភីធីវ៉ាយ អិលធីឌី ជាក្រុមហ៊ុននាំចូលផ្តាច់មុខរថយន្តម៉ាក Nissan ប្រចាំព្រះរាជាណាចក្រកម្ពុជា បានប្រារព្ធពិធីសម្ពោធជាផ្លូវការនៃរថយន្ត Nissan Almera Turbo ស៊េរីថ្មី នៅផ្សារទំនើបអ៊ីអន សែនសុខ និងមានការដាក់តាំងបង្ហាញរថយន្តរយៈពេល២ថ្ងៃបន្តទៀត ដើម្បីឱ្យអតិថិជនទាំងអស់បានទស្សនាផ្ទាល់ និងសួរព័ត៌មានបន្ថែមពីរថយន្តស៊េរីថ្មីប្រភេទស៊ីដេន (Sedan) ដែលមានការរចនារូបរាងខាងក្រៅជាមួយម៉ូតដ៏ថ្មីស្រឡាង ជាមួយបច្ចេកវិទ្យាចុងក្រោយបង្អស់ដែលផ្តល់ភាពងាយស្រួលក្នុងការបើកបរ។

ឆ្លៀតក្នុងឱកាសនេះដែល លោក ហួត គីមម៉េង នាយកគ្រប់គ្រងជាន់ខ្ពស់ប្រចាំក្រុមហ៊ុន តាន់ ចុង​ ម៉ូធ័រ នៅប្រទេសកម្ពុជា ក៏បានថ្លែងសុន្ទរកថានៅក្នុងអង្គពិធីនេះដែលលោកបានមានប្រសាសន៍ថា រថយន្ត Nissan Almera Turbo ស៊េរីថ្មី របស់យើងនឹងក្លាយ ជាជម្រើសរថយន្ត ស៊ីដេន(Sedan) សម័យថ្មីដែលនាំមកនូវភាព  ស៊ីវិល័យសម្រាប់អតិថិជនមុនគេ ព្រោះរថយន្តស៊េរីថ្មីរបស់យើងធ្វើការរចនាឡើងយ៉ាងល្អឥតខ្ចោះ ជាមួយរូបរាងដ៏ស្រស់ស្អាតនិងមានកម្លាំងម៉ាស៊ីនខ្លាំង ផ្តល់ផាសុកភាពខ្ពស់ ពីព្រោះវាបានបន្ថែមមុខងារច្រើនជាងមុន និងល្អជាងមុនជាពិសេសលើផ្នែកប្រព័ន្ធសុវត្ថិភាពសម្រាប់លោកអ្នក។ រថយន្ត អាល់មេរ៉ាសេរីថ្មី រចនាឡើងដោយផ្តោតលើការផ្តល់លំនឹងយ៉ាងល្អក្នុងបើកបរ ជាមួយម៉ាស៊ីនខ្លាំង ប៉ុន្តែសន្សំសំចៃប្រេងខ្ពស់ លើសពីនេះទៅទៀតបានរួមបញ្ចូលជាមួយបច្ចេកវិទ្យាចុងក្រោយបំផុតដែលធ្វើអោយមានភាពងាយស្រួល និងរីករាយសម្រាប់អ្នកបើកបរ។​ យើងសង្ឃឹមថារថយន្ត អាល់មេរ៉ាសេរីថ្មី នឹងនាំយកបទពិសោធថ្មីដែលល្អ ហើយសក្តិសមសម្រាប់អតិថិជនគ្រប់លំដាប់។ ខ្ញុំមានកិត្តិយសយ៉ាងខ្លាំងក្នុងការសម្ពោធជាផ្លូវការនៅរបស់រថយន្ត Nissan Almera Turbo ស៊េរីថ្មី​ សម្រាប់ព្រះរាជាណាចក្រកម្ពុជានៅថ្ងៃនេះ។

  • ការរចនាប៉ាណាខាងមុខថ្មីរាងអក្សរV ជាមួយនិមិត្តសញ្ញានីសាន់ថ្មី  ជាមួយពណ៌គុជខ្យង និងដំបូលពណ៍ខ្មៅរលោង

រថយន្ត Nissan Almera Turbo ស៊េរីថ្មីបានរចនារូបរាងថ្មី ឆ្លុះបញ្ចាំងពីការរចនាផ្នែកខាងក្រៅដ៏ស្រស់បំព្រង និងទំនើប។ ការផ្លាស់ប្តូរនេះគឺមានភាពទាក់ទាញជាពិសេសប៉ាណា V-Motion Grille ដែលជំនួសក្រឡាចត្រង្គខាងមុខដែលរឹងមាំពីមុន ហើយឥឡូវនេះមាននិមិត្តសញ្ញា Nissan ថ្មី។ ការរចនាថ្មីនេះធ្វើអោយរថយន្តកាន់តែស្រស់ស្អាត ចាប់ពីខាងមុខ ដំបូលដល់ផ្នែកខាងក្រោយដែលឆ្លុះបញ្ចាំងពីការរចនាទំនើបល្អឥតខ្ចោះជាមួយរូបរាងបែបស្ព័ររបស់រថយន្ត។

លក្ខណៈពិសេសលេចធ្លោរបស់ New Nissan Almera Turbo គឺជាពណ៌របស់វា គឺ ពណ៌គុជខ្យងជាមួយនឹងដំបូលខ្មៅរលោង។ ពណ៌គុជខ្យង បង្ហាញពីឥទ្ធិពលដ៏គួរឱ្យទាក់ទាញ នៅពេលដែលវាផ្លាស់ប្តូរពណ៌ទៅតាមពន្លឺថ្ងៃ ពេលមើលពីជ្រុងផ្សេងគ្នា។ នៅ​ក្រោម​ពន្លឺ​តិច វា​ប្រែ​ពណ៌​ស្វាយ ខណៈ​ពេល​ក្រោម​ពន្លឺ​ថ្ងៃ​ខ្លាំង វា​ប្រែ​ទៅ​ជា​ពណ៌​ខៀវ។ ពណ៌គុជខ្យងបង្ហាញពីភាពទំនើប និងភាពឆើតឆាយ នៅពេលដែលរថយន្តកំពុងបើកបរលើផ្លូវ។

  • ផាសុកភាព និងមុខងារសុវត្ថិភាព

រថយន្ត Nissan Almera Turbo ស៊េរីថ្មី បំពាក់ជាមួយកាប៊ីនធំទូលាយ ប្រកបដោយផាសុកភាព ជាមួយការច្នៃប្រឌិតខ្ពស់ ធ្វើឱ្យការបើកបរកាន់តែមានភាពរីករាយ។ ផ្ទៃខាងក្នុងនៃរថយន្តបានរចនាយ៉ាងល្អិតល្អន់បង្ហាញពីភាពប៉ិនប្រសប់ដ៏ល្អ ជាមួយតាបឡូស្បែកពណ៌ខ្មៅដ៏ប្រណិតរំលេចជាមួយផ្ទៃពណ៌ខៀវចាស់ភ្លឺរលោង ទំនើបបែបស្ព័រ។

ដើម្បីឆ្លើយតបទៅនឹងតម្រូវការបច្ចុប្បន្ន រថយន្ត Nissan Almera Turbo ស៊េរីថ្មីបន្ថែម នូវមុខងារផ្តល់ផាសុកភាពជាច្រើន ដើម្បីបំពេញទៅតាមការរស់នៅប្រកបដោយភាពទំនើបស៊ីវិល័យ។ ការកែលម្អទាំងនេះរួមមានឆ្នាំងសាកឥតខ្សែ ដែលធានាថាថ្មទូរស័ព្ទរបស់អ្នកនៅតែអាចដំណើរការពេញមួយថ្ងៃ មុខងារកំណត់ល្បឿនថេរ ធ្វើឲ្យការធ្វើដំណើររបស់អ្នកប្រកបទៅដោយទំនុកចិត្ត និងមានសុវត្ថិភាព។

ប្រព័ន្ធកំសាន្តដ៏ទំនើបដែលមានអេក្រង់ Touchscreen ទំហំ ៨អ៊ីញ Color Display Audio (AIVI) បានទទួលការអាប់ដេតយ៉ាងសំខាន់ ដែលឥឡូវនេះផ្តល់ជូននូវការភ្ជាប់ស្មាតហ្វូនតាមរយៈ Android Auto និង Apple CarPlay ។ ការរួមបញ្ចូលគ្នានៃ infotainment, navigation, safety, and security, consolidating ឱ្យស្ថិតនៅលើកញ្ចក់អេក្រង់តែមួយដើម្បីងាយស្រួលក្នុងការប្រើប្រាស់។

រថយន្ត Nissan Almera Turbo ស៊េរីថ្មីផ្តល់នូវទំហំកាប៊ីនធំទូលាយងាយស្រួលដល់អ្នករួមដំណើរទាំងកៅអីខាងមុខនិងខាងក្រោយ។លើសពីនេះទៅទៀតមានឃ្លុបក្រោយទំហំ៤៧៤ លីត្រធំទូលាយ  ងាយស្រួលផ្ទុកឥវ៉ាន់ធំៗ សម្ភារៈកីឡា វ៉ាលី។

  • ម៉ាស៊ីន Turbo-Charged, កម្លាំងម៉ាស៊ីនខ្លាំង, សន្សំសំចៃប្រេងឥន្ធនៈខ្ពស់

New Nissan Almera Turbo ត្រូវបានបំពាក់ដោយម៉ាស៊ីន HRA0DET 1.0 លីត្រ Turbo-charged តែមួយគត់របស់ក្រុមហ៊ុន Nissan ផលិតកម្លាំងអតិបរមា 100 សេះ (Ps) និងកម្លាំងរមួល 152 ញ៉ូតុនម៉ែត (Nm) ដែលជាកម្លាំងរមួលខ្ពស់បំផុតមិនធ្លាប់មានក្នុងប្រភេទរថយន្ត(Sedan) ហើយវាជាជម្រើសដ៏ល្អបំផុតក្នុងចំណោមរថយន្តផ្សេងទៀតដែលក្នុង ប្រភេទ1500cc។វាផ្តល់នូវកម្លាំងខ្លាំងក្នុងការបង្កើនល្បឿន ។ វាក៏បានបំពាក់នូវប្រព័ន្ធ (Idling Stop) ដែលជួយសន្សំសំចៃប្រេងឥន្ធនៈកាន់តែច្រើន។

វាក៏បានបញ្ចូលនូវបច្ចេកវិទ្យា Mirror Bore Coating Technology នៅខាងក្នុងម៉ាស៊ីនដែលជាបច្ចេកវិទ្យា របស់រថយន្ត Nissan GT-R។ ដែលជាបច្ចេកវិទ្យាកាត់បន្ថយការកកិតនៃស៊ីឡាំងម៉ាស៊ីន ជាលទ្ធផលកាត់បន្ថយកម្ដៅនៃម៉ាស៊ីនយ៉ាងមានប្រសិទ្ធិភាព។ វាក៏បានបំពាក់នូវប្រ​ព័ន្ធ ប្រអប់លេខ XTRONIC CVT ដែលជំនួយក្នុងការបើកបរ​ ជាមួយនឹង D-Step Logic ផ្តល់នូវងាយស្រួលក្នុងការបង្កើនល្បឿនវ៉ាជែង។

  • ប្រព័ន្ធសុវត្ថិភាព 360 ដឺក្រេ បច្ចេកវិទ្យាឆ្លាតវៃរបស់ Nissan

ជាមួយនឹងមុខងារសុវត្ថិភាពជាច្រើន  រថយន្ត Almera Turbo ស៊េរីថ្មីបានផ្តល់ឱ្យអ្នកបើកបរនូវទំនុកចិត្តក្នុងការធ្វើដំណើរ។រថយន្តស៊េរីថ្មីដែលនឹងដាក់សម្ពោធនេះ​ បានបំពាក់នូវប្រព័ន្ធត្រួតពិនិត្យសម្ពាធខ្យល់ក្នុងសំបកកង់រថយន្ត (TPMS) វាមិនត្រឹមតែបង្ហាញពីសម្ពាធខ្យល់ជាក់ស្តែងតែប៉ុណ្ណោះទេ ថែមទាំងផ្តល់សញ្ញាដល់អ្នកបើកបរឲ្យបានដឹងអំពីសម្ពាធខ្យល់ខុសប្រក្រតី។ ប្រព័ន្ធភ្លើងចង្កៀងមុខ បង្កើន និងបន្ថយពន្លឺដោយស្វ័យប្រវត្តិ នៅពេលដែលមានរថយន្តនៅខាងមុខ ដើម្បីបង្កើនសុវត្ថិភាពនៅពេលបើកបរ។

ប្រព័ន្ធការពារសុវត្ថិភាព 360ដឺក្រេ ផ្តល់នូវការការពារពេញលេញ ប្រព័ន្ធសុវត្ថិភាពទាំងនោះរួមមាន ប្រព័ន្ធព្រមានពីការប៉ះទង្គិចនៅខាងមុខដ៏ឆ្លាតវៃជាមួយនឹងហ្រ្វាំងសង្គ្រោះបន្ទាន់ ។ ប្រព័ន្ធផ្តល់សញ្ញាពេលវត្ថុមើលមិនឃើញនៅក្បែររថយន្ត ប្រព័ន្ធព្រមាននៅពេលរថយន្តចាកចេញពីគន្លងផ្លូវ ប្រព័ន្ធតាមដានទិដ្ឋភាពរថយន្ត (IAVM) ពេលវត្ថុមានចលនានៅក្បែរថយន្ត (MOD) ប្រព័ន្ធផ្តល់សញ្ញាពេលមានរថយន្តដ៏ទៃមកកៀករថយន្ត និងមកពីក្រោយ អំឡុងពេលថយរថយន្ត ប្រព័ន្ធហ្រាំ្វងABS ប្រព័ន្ធទប់លំនឹងពេលជាន់ហ្រ្វាំង, ប្រព័ន្ធហ្វ្រាំង, ខ្សែក្រវ៉ាត់សុវត្ថិភាព, ឧបករណសុវត្ថិភាពសម្រាប់ភ្ជាប់កៅអីកូនក្មេងទៅនឹងកៅអីរថយន្ត, ប្រព័ន្ធទប់លំនឹងរថយន្ត, ប្រព័ន្ធទប់លំនឹងកង់រថយន្តកុំឱ្យរអិល, ប្រព័ន្ធជំនួយពេលឡើងចំណោត, ប្រព័ន្ធផ្តល់សញ្ញាពេលវត្ថុមើលមិនឃើញនៅក្បែររថយន្ត ពោងសុវត្ថិភាព SRS ចំនួន៦ និងខ្សែរក្រវ៉ាត់សុវត្ថិភាព។

រថយន្ត Nissan ALMERA Turbo ស៊េរីថ្មីមាន៣ ពណ៌សម្រាប់ជាជម្រើសរបស់អស់លោកអ្នក៖

 

ផ្ទាំងផ្សាយពាណិជ្ជកម្ម

ឡានអគ្គិសនីសុទ្ធ GWM ORA 07 គ្រោងចេញលក់ជាផ្លូវនៅប្រទេសជាប់កម្ពុជាក្នុងខែនេះ

[ទីផ្សារបរទេស] ក្រុមហ៊ុនផលិតរថយន្ត GWM បានធ្វើការដាក់បង្ហាញចេញនៅរថយន្ត ORA 07 ប្រើប្រាស់នៅថាមពលអគ្គិសនីសុទ្ធ មាន ២ ម៉ូដែល ជាមួយតម្លៃលក់ដែលរំពឹងថាចាប់ពី ៣៦ ៣០០ ដុល្លារគ្រោងនឹងចេញលក់ជាផ្លូវការនៅក្នងទីផ្សារប្រទេសថៃក្នុងខែនេះ ។

រថយន្តនេះ មានប្រវែងតួខ្លួនសរុប ៤ ៨៧១ ម.ម ទទឹង ១ ៨៦២ ម.ម កំពស់ ១ ៥០០ ម.ម និងប្រវែងគន្លាតកង់មុខ-ក្រោយ ២ ៨៧០ ម.ម ។ សម្រាប់ការរចនានៅផ្នែកខាងក្រៅរបស់ ORA 07 ដោយនៅផ្នែកខាងមុខមានការឌីស្សាញឡើង aerodynamic ដែលជំនួយដល់ការជ្រែកបានយ៉ាងល្អ រួម​បញ្ចូល​គ្នា​ជាមួយ​នឹង​ចង្កៀងមុខ​រាងមូល​ប្រភេទ LED មានមុខងារទម្លើង-ទម្លាក់ដោយស្វ័យប្រវត្តិ ព្រមទាំងប្រើថាសកង់ស្ព័រទំហំ ១៩ អ៉ីញ និងផ្នែកខាងក្រោយមានចង្កៀង LED រាងមូល និងកាង spoiler បែបស្ព័រដែលបើក-បិទដោយស្វ័យប្រវត្តិ ។

ចំពោះនៅផ្នែកខាងក្នុងវិញ ដោយនៅលើតាប្លូមានបំពាក់កុងទ័របង្ហាញព័ត៌មានទំហំ ១០,២៥ អ៉ីញ និងអេក្រង់កំសាន្ត touchscreen ទំហំ ១២,៣ អ៉ីញ អាចភ្ជាប់មុខងារ Apple CarPlay និង Android Auto ព្រមទាំងអេក្រង់បង្ហាញលើកញ្ចក់ជាដើម ។ លើសពីនេះ ក៏បានបំពាក់កញ្ចកប្រភេទ Panoramic Glass Roof ដែលអាចកាត់បន្ថយកំដៅ និងពន្លឺពីផ្នែកខាងក្រៅ និងឧបករណ៍បំពងសំលេង ១១ ចំនុច កន្លែងសាកថ្មឥតប្រើខ្សែផងដែរ ។

បច្ចុប្បន្ននេះ ក្រុមហ៊ុន Great Wall Motor មិនបានបង្ហាញព័ត៌មានលម្អិតអំពីម៉ូទ័រអគ្គិសនី និងទំហំអាគុយនៅឡើយទេ។ សម្រាប់ព័ត៌មានលម្អិតបន្ថែម ត្រូវរងចាំដល់រថយន្តនេះចេញលក់ជាផ្លូវការ ៕

ផ្ទាំងផ្សាយពាណិជ្ជកម្ម

គំរូឡានអគ្គិសនី Honda CI-MEV អាចបើកបរដោយខ្លួនឯង បង្ហាញខ្លួនជាផ្លូវការ

[បរទេស] ក្រុមហ៊ុនផលិតរថយន្ត Honda បានធ្វើការដាក់បង្ហាញចេញជាផ្លូវការនៅគំរូរថយន្ត Honda CI-MEV ប្រភេទអគ្គិសនីខ្នាតតូចកៅអី ២ បំពាក់ដោយប្រព័ន្ធបើកបរស្វ័យប្រវត្តិកម្រិតទី ៤ ( Level 4 autonomous driving system ) ជាលើកដំបូងនៅឯពិពរណ៌រថយន្ត Japan Mobility Show 2023 នៅប្រទេសជប៉ុន ។

Honda CI-MEV ​បាន​បំពាក់ដោយបច្ចេកវិទ្យា Cooperative Intelligence (CI) របស់ Honda និងបច្ចេកវិទ្យាបើកបរស្វ័យប្រវត្តិកម្រិត ៤ ដែលអាចធ្វើដំណើរទៅកាន់គោលដៅដោយសុវត្ថិភាពដោយមិនចាំបាច់មានការគ្រប់គ្រងពីអ្នកបើកបរ ដោយផ្អែកនៅការប្រើកាមេរ៉ាខាងក្រៅដែលបានបំពាក់នៅជុំវិញរថយន្ត ដើម្បីចាប់សញ្ញាពេលមានឧបសគ្គដូចជា រថយន្ត កង់ អ្នកថ្មើរជើង និងច្រើនទៀត ប៉ុន្តែក្នុងករណីដែលចង់បើកបរដោយខ្លួនឯង ក៏មានភ្ជាប់មកជាមួយដៃចង្កូតផងដែរ។

គួរបញ្ជាក់ផងដែរដា បច្ចុប្បន្ននេះ ក្រុមហ៊ុន Honda មិនទាន់បង្ហាញព័ត៌មានលម្អិតអំពីថាមពលអគ្គិសនីរបស់ CI-MEV នៅឡើយទេ ប៉ុន្តែត្រូវបានគេនិយាយថានឹងបំពាក់ដោយអាគុយ Honda Mobile Power Pack e: ដែលអាចផ្លាស់ប្តូរដោយខ្លួនឯងបាន ផ្តល់នៅភាពងាយស្រួលក្នុងការសាកថ្ម។ លើសពីនេះ ក៏​អាច​ឲ្យ​រថយន្តបន្ត​ប្រើ​បាន​​ដោយ​មិន​ចាំ​បាច់​រង់ចាំ​ការ​សា​ថ្ម​ដូច​រថយន្ត​អគ្គិសនី​ដទៃ​ទៀត​ដែរ ៕

ផ្ទាំងផ្សាយពាណិជ្ជកម្ម

Toyota Crown ប្រើថាមពលចំហាយទឹក Hydrogen ចេញលក់ជាផ្លូវការនៅទីផ្សារប្រទេសកំណើត

[ទីផ្សារបរទេស] ក្រុមហ៊ុនផលិតរថយន្ត Toyota បានធ្វើការដាក់ចេញលក់ជាផ្លូវការនៅរថយន្ត Toyota Crown ប្រភេទ sedan ដើរដោយថាមពលចំហាយទឹក Hydrogen ជាមួយតម្លៃលក់ចាប់ពី ៥៥ ២១២ ដុល្លារ នៅទីផ្សារប្រទេសជប៉ុន ។

រថយន្តនេះ ផលិតឡើងនៅលើគ្រោងឆ្អឹង TNGA platform ដំណើរការដោយថាមពលចំហាយទឹក ដោយមានធុងរក្សា hydrogen ចំនួន ៣ និងធុងប្រេងចំនួន ១ ផ្គួបម៉ូទ័រអគ្គិសនីចំនួន ១ មានកម្លាំងសរុប ៣៥៦ សេះ និងកម្លាំងរមួល ៣០០ ញ៉ូតុនម៉ែត្រ និងអាគុយលីដ្យូមអាចបើកបរបានចម្ងាយ ៨២០ គីឡូម៉ែត្រ។ លើសពីនេះ បានប្រើប្រាស់នៅប្រព័ន្ធទប់លំនឹង MacPherson suspension នៅផ្នែកខាងមុខ និង Multi-link suspension នៅផ្នែកខាងក្រោយ ។

សម្រាប់ការរចនានៅផ្នែកខាងក្រៅ ដោយនៅផ្នែកខាងមុខមានប៉ាណាទំហំធំឈ្មោះថា hammerhead ចង្កៀងមុខ-ក្រោយ LED ព្រមទាំងប្រើប្រាស់នៅថាសកង់ស្ព័ររចនាថ្មីទំហំ ២០ អ៉ីញជាដើម ។

ចំពោះនៅផ្នែកខាងក្នុងវិញ មានបំពាក់ជាមួយកុងទ័របង្ហាញព័ត៌មានទំហំ ១២,៣ អ៉ីញ និងអេក្រង់កំសាន្ត touchscreen ទំហំ ១២,៣ អ៉ីញ អាចភ្ជាប់មុខងារ Apple CarPlay និង Android Auto និងបានតុបតែងជាឈើផងដែរ ។ លើសពីនេះ កៅអីស្រោបស្បែកប្រភេទ softex មុខងារខ្យល់-កំដៅ ដំបូលកញ្ចក់ Panoramic sunroof និងប្រព័ន្ធសុវត្ថិភាព Toyota Safety Sense 3.0 ជំនាន់ចុងក្រោយផងដែរ ៕

ផ្ទាំងផ្សាយពាណិជ្ជកម្ម

Changan A06 ប្រើ plug-in hybrid សន្សំសំចៃខ្ពស់ ឯតម្លៃតែជាង ១មុឺនដុល្លារ

[ទីផ្សារបរទេស] ក្រុមហ៊ុនផលិតរថយន្ត Changan បានធ្វើដាក់បង្ហាញចេញនៅរថយន្ត Changan A06 ប្រើម៉ាស៊ីនកូនកាត់ plug-in hybrid គ្រោងនឹងចេញលក់ជាផ្លូវការនៅចុងឆ្នាំ ២០២៣ ជាមួយតម្លៃលក់រំពឹងចាប់ពី ១២ ០០០ ដុល្លារ ដល់ ២១ ៣០០ ដុល្លារ  ។

រថយន្តប្រភេទ sedan នេះមានប្រវែងតួខ្លួនសរុប ៤ ៧២០ ម.ម ទទឹង ១ ៨៣៨ ម.ម ១ ៤៣៥ ម.ម និងប្រវែងគន្លាតកង់មុខ-ក្រោយ ២ ៧៥០ ម.ម ។ សម្រាបើការឌីស្សាញនៅផ្នែកខាងក្រៅ បំពាក់ប៉ាណារាងជាសំបុកឃ្មុំគ្មានស៊ុប ចង្កៀងមុខ-ក្រោយ LED អូសកាត់ពីផ្នែកម្ខាងទៅផ្នែកម្ខាង និងទ្វាឃ្លុបក្រោយបើក-បិទដោយថាមពលអគ្គិសនី ។

ចំពោះនៅផ្នែកខាងក្នុងវិញ ដោយនៅលើតាប៊្លូមានបំពាក់កុងទ័របង្ហាញព័ត៌មាន ៣ បញ្ចូលគ្នាទំហំ ២០,៣ អ៉ីញ និងអេក្រង់កំសាន្ត touchscreen ទំហំ ១០,៣ អ៉ីញ ព្រមទាំងប្រអប់លេខអេឡិចត្រូនិច និងកៅអីបែបស្ព័រជាដើម ។

ទាក់ទងទៅនឹងផ្នែកម៉ាស៊ីនវិញ រថយន្តនេះ ដំណើរការដោយម៉ាស៊ីន plug-in hybrid ធ្វើការរួមគ្នាជាមួយម៉ាស៊ីនសាំងចំណុះ ១,៥ លីត្រ និងម៉ូទ័រអគ្គិសនីចំនួន ១ អាចផលិតកម្លាំងបានសរុប ៣២០ សេះ ផ្គួបជាមួយអាគុយទំហំ ១៨,៩៩ គីឡូវ៉ាត់ម៉ោង អាចបើកបរបានចម្ងាយ ១៣៦ គីឡូម៉ែត្រ ខណៈនៅពេលសាកភ្លើង និងចាក់សាំងពេញ អាចបើកបរបានចម្ងាយ ១១៦០ គីឡូម៉ែត្រ ជាមួយកម្រិតស៊ីសាំងចន្លោះ ៤-៥ លីត្រក្នុងរយៈចម្ងាយ ១០០ គីឡូម៉ែត្រ ៕

ផ្ទាំងផ្សាយពាណិជ្ជកម្ម

Toyota Crown ប្រភេទ sedan ប្រើ hybrid ចេញលក់ជាផ្លូវការនៅប្រទេសជប៉ុន តម្លៃជិត ៥មុឺនដុល្លារ

[ទីផ្សារបរទេស] ក្រុមហ៊ុនផលិតរថយន្ត Toyota បានធ្វើការដាក់ចេញលក់ជាផ្លូវការនៅរថយន្ត Toyota Crown ប្រភេទ sedan ម៉ូដែលកូនកាត់ hybrid ជាមួយតម្លៃលក់ចាប់ពី ៤៨ ៥២៤ នៅទីផ្សារប្រទេសជប៉ុន ។

រថយន្តនេះ ផលិតឡើងនៅលើគ្រោងឆ្អឹង TNGA platform មានប្រវែងតួខ្លួនសរុប ៥ ០៣០ ម.ម ទទឹង ១ ៨៩០ ម.ម កំពស់ ១ ៤៧០ ម.ម និងប្រវែងតួខ្លួនសរុប ៣ ០០០ ម.ម ។ សម្រាប់ការរចនានៅផ្នែកខាងក្រៅ ដោយនៅផ្នែកខាងមុខមានប៉ាណាទំហំធំឈ្មោះថា hammerhead ចង្កៀងមុខ-ក្រោយ LED ព្រមទាំងប្រើប្រាស់នៅថាសកង់ស្ព័ររចនាថ្មីទំហំ ២០ អ៉ីញ ។ លើសពីនេះ បានប្រើប្រាស់នៅប្រព័ន្ធទប់លំនឹង MacPherson suspension នៅផ្នែកខាងមុខ និង Multi-link suspension នៅផ្នែកខាងក្រោយ ។

ចំពោះនៅផ្នែកខាងក្នុងវិញ មានបំពាក់ជាមួយកុងទ័របង្ហាញព័ត៌មានទំហំ ១២,៣ អ៉ីញ និងអេក្រង់កំសាន្ត touchscreen ទំហំ ១២,៣ អ៉ីញ អាចភ្ជាប់មុខងារ Apple CarPlay និង Android Auto និងបានតុបតែងជាឈើផងដែរ ។ លើសពីនេះ កៅអីស្រោបស្បែកប្រភេទ softex មុខងារខ្យល់-កំដៅ ដំបូលកញ្ចក់ Panoramic sunroof និងប្រព័ន្ធសុវត្ថិភាព Toyota Safety Sense 3.0 ជំនាន់ចុងក្រោយផងដែរ ។

ទាក់ទងទៅនឹងផ្នែកម៉ាស៊ីនវិញ រថយន្តនេះ ដំណើការដោយម៉ាស៊ីនកូនកាត់ hybrid ធ្វើការរួមគ្នាជាមួយម៉ាស៊ីនសាំងចំណុះ ២,៥ លីត្រ ទំហំ ៤ស៊ីឡាំង ផ្គួបជាមួយម៉ូទ័រអគ្គិសនីចំនួន ២ អាចផលិតកម្លាំងបានសរុប ៣៥៩ សេះ និងកម្លាំងរមួល ៥៤២ ញ៉តុនម៉ែត្រ ភ្ជាបដោយប្រអប់លេខអូតូ ១០ វគ្គ ជាមួយកម្រិតស៊ីប្រេងចន្លោះពី ៥-៦ លីត្រក្នុងរយៈចម្ងាយ ១០០ គីឡូម៉ែត្រ និងមានរបៀបបើកបរចំនួន ៥ រួមមាន Custom, Sport, Normal, Eco និង Comfort ប្រភេទបើកបរប៉ុង ១ ៕

ផ្ទាំងផ្សាយពាណិជ្ជកម្ម

ការលក់ និងការផលិតរបស់ Toyota កើនឡើងដល់លើស ៧លានគ្រឿង គិតត្រឹមខែកញ្ញា ឆ្នាំ ២០២៣

[បរទេស] ក្រុមហ៊ុន Toyota បានលក់រថយន្តសរុបចំនួន ៩២១ ៣០៨ គ្រឿងនៅក្នុងខែកញ្ញា កើនឡើង ១១,៦% ធៀបនឹងខែដូចគ្នាកាលពីឆ្នាំមុន។ បើធៀបនឹងឆ្នាំមុនសម្រាប់ការលក់ចាប់ពីខែមករា ដល់ខែកញ្ញា ការលក់នៅលើសកលលោកកើនឡើង ៦,៧% ស្មើនឹងចំនួន ៧ ៥៧១ ៧៣៣ គ្រឿង ហើយផលិតកម្មបានកើនឡើង ១០,១% ស្មើនឹង ៧ ៤០២ ៨៦១ គ្រឿង។ ការផលិតនៅក្នុងប្រទេសជប៉ុនគឺជាកត្តាជំរុញដ៏សំខាន់សម្រាប់ក្រុមហ៊ុននៅឆ្នាំនេះ ដោយបានកើនឡើង ២៧,៣% ស្មើនឹង ២ ៥០០ ៩៨៨ គ្រឿងចាប់តាំងពីខែមករា។

គួរឲ្យដឹងថា ក្រុមហ៊ុនផលិតរថយន្តបានផលិតរថយន្តចំនួន ៩០០ ៩១៩ គ្រឿងនៅក្នុងខែកញ្ញា ក្នុងចំណោមរថយន្តទាំងនេះចំនួន ៣១០ ៩២០ គ្រឿង ត្រូវបានផលិតនៅក្នុងប្រទេសជប៉ុនកើនឡើង ១២,៨% ខណៈដែល ៥៨៩ ៩៩៩ គ្រឿងផ្សេងទៀតត្រូវបានផលិតនៅក្រៅប្រទេស ថយចុះ ៣,៦% ។ លើសពីនេះ ខែកញ្ញា គឺជាខែទី ៩ ជាប់ៗគ្នានៃការកើនឡើងផលិតកម្មពីមួយឆ្នាំទៅមួយឆ្នាំរបស់ Toyota  ប៉ុន្តែវាជាខែទីពីរជាប់ៗគ្នានៃការថយចុះផលិតកម្មពីមួយឆ្នាំទៅមួយឆ្នាំនៅខាងក្រៅប្រទេសជប៉ុនផងដែរ ។

ជាមួយគ្នានេះ ក្នុងរយៈពេលពីខែកក្កដា ដល់ខែកញ្ញា ក្រុមហ៊ុន Toyota ទទួលបានប្រាក់ចំណេញប្រតិបត្តិការបំបែកកំណត់ត្រាចំនួន ៩,៥ ពាន់លានដុល្លារ ដែលជាការកើនឡើងគួរឱ្យកត់សម្គាល់ ១៥៥,៦% បើធៀបនឹងរយៈពេលមុនកាលពីឆ្នាំមុន។ ក្នុងនោះ Toyota ចាត់ទុកផ្នែកសំខាន់នៃភាពជោគជ័យនេះចំពោះតម្រូវការកើនឡើងសម្រាប់ការផ្តល់ជូនរថយន្តប្រើម៉ាស៊ីនកូនកាត់ hybrid Plug-in hybrid និងប្រើថាមពលងគ្គិសនីលក់បានចំនួន ៣៦,៤% នៃការលក់សរុបរបស់ក្រុមហ៊ុនតូយ៉ូតាក្នុងត្រីមាសនេះ ដែលជាការកើនឡើងគួរឱ្យកត់សម្គាល់ពីភាគហ៊ុន ២៧,៣% បើធៀបនឹងកាលពីឆ្នាំមុន ៕

ផ្ទាំងផ្សាយពាណិជ្ជកម្ម

Xpeng ចែកចាយរថយន្តអគ្គិសនីឈានដល់ ២ មុឺនគ្រឿងក្នុងខែតុលា បំបែកកំណត់ត្រាប្រវត្តិសាស្ត្ររបស់ខ្លួន

[បរទេស] កាលពីថ្ងៃទី ១ ខែវិឆ្ឆិកា ឆ្នាំ ២០២៣ ក្រុមហ៊ុនផលិតរថយន្តរបស់ប្រទេសចិន XPeng បានធ្វើការប្រកាសថា ខ្លួនបានចែកចាយនៅរថយន្តអគ្គិសនីចំនួនដល់ទៅ ២០ ០០២ គ្រឿងនៅក្នុងខែតុលា ការលក់បានកើនឡើង ២៩២% ពីមួយឆ្នាំទៅមួយឆ្នាំ ហើយតំណាងឱ្យកំណើនពីមួយខែទៅមួយខែ ៣១%។

អ្នករួមចំណែកដ៏សំខាន់មួយក្នុងការលក់នេះគឺ រថយន្ត Xpeng G6 ដែលជាម៉ូដែលមួយដែលបានបង្ហាញពីប្រជាប្រិយភាពយ៉ាងសំខាន់ក្នុងចំណោមអ្នកប្រើប្រាស់ ដែលរួមចំណែកយ៉ាងធំធេងដល់កំណើនការលក់របស់ Xpeng ។ នៅក្នុងខែតុលា ក្រុមហ៊ុន Xpeng បានចែកចាយ Xpeng G6 ចំនួន ៨ ៧៤១ គ្រឿង ដែលស្មើនឹង ៤៤% នៃការចែកចាយសរុបដោយក្រុមហ៊ុនក្នុងអំឡុងខែតុលា និងការលក់ម៉ូដែលនេះ បានកើនឡើង ៧% បើប្រៀបធៀបទៅនឹងខែមុន ។ ចាប់តាំងពីការចេញលក់មក បរិមាណចែកចាយសរុបនៃ Xpeng G6 ឥឡូវនេះបានលើសពី ២៨ ០០០ គ្រឿង។

ក្នុងរយៈពេលប៉ុន្មានខែកន្លងមកនេះ ប្រតិបត្តិការរបស់ Xpeng បានចាប់ផ្តើមងើបឡើងវិញ សម្រាប់ត្រីមាសទី ៣ ឆ្នាំ ២០២៣ ក្រុមហ៊ុនបានរាយការណ៍ពីបរិមាណចែកចាយសរុបចំនួន ៤០ ០០៨ គ្រឿង។ តួរលេខនេះមិនត្រឹមតែកើនលើសការចែកចាយលើសពី ៤០ ០០០ គ្រឿងប៉ុណ្ណោះទេ ថែមទាំងតំណាងឱ្យអត្រាកំណើននៃការកើនឡើង ៣៥% ពីមួយឆ្នាំទៅមួយឆ្នាំ។ លើសពីនេះ ការកើនឡើងពីមួយខែទៅមួយខែសម្រាប់ត្រីមាសទីបីគឺ ៧២% ។

គួរបញ្ជក់ផងដែរថា ទោះបីជាក្រុមហ៊ុន Xpeng កំពុងមានភាពលេចធ្លោក្នុងការលក់ក៏ដោយ ក៏ក្រុមហ៊ុនបានប្រឈមមុខនឹងបញ្ហាកាលពីដើមឆ្នាំ ២០២៣ ដោយគិតត្រឹមដំណាច់ខែនេះ តួលេខនៃការលក់កើនឡើងសម្រាប់ឆ្នាំនេះបានបង្ហាញពីការថយចុះ ២% បើធៀបនឹងរយៈពេលដូចគ្នាកាលពីឆ្នាំមុន។ ការធ្លាក់ចុះនៃការលក់កើនឡើងនេះ ភាគច្រើនដោយសារតែដំណើរការលក់មិនសូវល្អរបស់ Xpeng នៅក្នុងត្រីមាសទី ២ នៃឆ្នាំនេះ ៕

ផ្ទាំងផ្សាយពាណិជ្ជកម្ម
1...340341342...1,084ទំព័រ 341 នៃ 1,084

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com