ដោយមានពេលមិនយូរប៉ុន្មានទៀតប៉ុន្មាន ប្រទេសធំៗនៅអឺរ៉ុប នឹងមានតែវត្តមានតែរថយន្តអគ្គិសនីសុទ្ធ ក្រុមហ៊ុនផលិតរថយន្តនីមួយៗ បានខិតខំសិក្សាស្រាវជ្រាវទៅលើអាគុយ និងម៉ូទ័រអគ្គិសនី ដើម្បីជួយបំពេញតម្រូវការអោយរថយន្តអគ្គិសនីរបស់ខ្លួនអាចបើកបរបានចំងាយឆ្ងាយ និងល្បឿនលឿន។ ខាងក្រោមនេះ គឺជារថយន្តអគ្គិសនីដែលមានល្បឿនលឿន អាចស្ទុះពីល្បឿនកុងទ័រ ០-៩៦គីឡូម៉ែត្រក្នុងមួយម៉ោង ដោយប្រើប្រាស់ពេលក្រោម ៣,១វិនាទី ដែលបានអះអាងផ្ទាល់ពីក្រុមហ៊ុនផលិត។

• Audi RS E-tron Quattro: អាចស្ទុះពីល្បឿនកុងទ័រ ០-៩៦គីឡូម៉ែត្រក្នុងមួយម៉ោង ដោយប្រើប្រាស់ពេល ៣,១វិនាទី។ ដំណើរការដោយម៉ូទ័រអគ្គិសនីភ្លោះ ២ មានកម្លាំងសរុប ៥៩០សេះ និងមានទម្ងន់ខ្លួន ២ ៣៤៧គីឡូក្រាម។

• Tesla Model 3: វាដំណើរការដោយម៉ូទ័រអគ្គិសនីចំនួន ២ ដែលអាចស្ទុះពីល្បឿនកុងទ័រ ០-៩៦គីឡូម៉ែត្រក្នុងមួយម៉ោង ដោយប្រើប្រាស់ពេល ៣,១វិនាទី។

• Lotus Evija: វាដំណើរការដោយម៉ូទ័រអគ្គិសនីចំនួន ៤ មានកម្លាំងសរុប ១ ៩៧២សេះ ដែលអាចស្ទុះពីល្បឿនកុងទ័រ ០-៩៦គីឡូម៉ែត្រក្នុងមួយម៉ោង ដោយប្រើប្រាស់ពេលក្រោម ៣វិនាទី។

• Nio EP9: រថយន្តមានកម្លាំងសរុប ១ ៣៥៩សេះ អាចស្ទុះពីល្បឿនកុងទ័រ ០-៩៦គីឡូម៉ែត្រក្នុងមួយម៉ោង ដោយប្រើប្រាស់ពេល ២,៧វិនាទី។

• Porsche Taycan Turbo S: អាចស្ទុះពីល្បឿនកុងទ័រ ០-៩៦គីឡូម៉ែត្រក្នុងមួយម៉ោង ដោយប្រើប្រាស់ពេល ២,៦វិនាទី ដំណើការដោយម៉ូទ័រអគ្គិសនីចំនួន ៤ និងកម្លាំង ១ ៩៤៩សេះ។

• Tesla Model X Plaid: អាចស្ទុះពីល្បឿនកុងទ័រ ០-៩៦គីឡូម៉ែត្រក្នុងមួយម៉ោង ដោយប្រើប្រាស់ពេល ២,៥វិនាទី។ រថយន្តនេះដំណើការដោយម៉ូទ័រអគ្គិសនីចំនួន ៣ និងកម្លាំង ១ ០២០សេះ។

• Faraday Future FF91: អាចស្ទុះពីល្បឿនកុងទ័រ ០-៩៦គីឡូម៉ែត្រក្នុងមួយម៉ោង ដោយប្រើប្រាស់ពេល ២,២វិនាទី និងដំណើការដោយម៉ូទ័រអគ្គិសនីចំនួន ៣ មានកម្លាំងសរុប ១​ ០៥០សេះ។

• Pininfarina Battista:ដំណើការដោយម៉ូទ័រអគ្គិសនីចំនួន ៤ មានកម្លាំងសរុប ១​ ៩០០សេះអាចស្ទុះពីល្បឿនកុងទ័រ ០-៩៦គីឡូម៉ែត្រក្នុងមួយម៉ោង ដោយប្រើប្រាស់ពេល ២,០វិនាទី។

• ·Tesla Model S Plaid: ប្រើប្រាស់ពេល ១,៩៩វិនាទី ក្នុងការស្ទុះពីល្បឿនកុងទ័រ ០-៩៦គីឡូម៉ែត្រក្នុងមួយម៉ោង ដំណើការដោយម៉ូទ័រអគ្គិសនីចំនួន ៣ និងកម្លាំង ១ ០៨០សេះ។

• Tesla Roadster: អាចបើកបរបានចំងាយប្រហែល ១ ០០០គីឡូម៉ែត្រនៅពេលសាកថ្មពេញម្តង និងអាចស្ទុះពីល្បឿនកុងទ័រ ០-៩៦គីឡូម៉ែត្រក្នុងមួយម៉ោង ដោយប្រើប្រាស់ពេល ១,៩វិនាទី។

• Rimac C_Two: អាចស្ទុះពីល្បឿនកុងទ័រ ០-៩៦គីឡូម៉ែត្រក្នុងមួយម៉ោង ដោយប្រើប្រាស់ពេល ១,៨៥វិនាទី និងមានល្បឿនអតិបរមា ៤១២គីឡូម៉ែត្រក្នុងមួយម៉ោង។

• Aspark Owl: វាប្រើប្រាស់ពេល ១,៧២វិនាទី ក្នុងការស្ទុះពីល្បឿនកុងទ័រ ០-៩៦គីឡូម៉ែត្រក្នុងមួយម៉ោង ដំណើការដោយម៉ូទ័រអគ្គិសនីចំនួន ៤ និងកម្លាំង ១ ៩៨៤សេះ៕

Noted: សម្រាប់កម្លាំងសេះនៃរថយន្តមួយចំនួន ពួកយើងបាន Covert ពីចំនួន bhp ទៅ hp វាដូច្នេះវាអាចខ្វះ ឬលើសបន្តិច។

ផ្ទាំងផ្សាយពាណិជ្ជកម្ម

រថយន្ត Toyota Land Cruiser 300 Series ដែលជារថយន្តជំនាន់ថ្មីមានការប្រើប្រាស់រចនាបថថ្មីនឹងត្រូវបង្ហាញវត្តមានជាផ្លូវការនៅចុងខែឧសភាឆ្នាំ២០២១នេះ។ នេះបើតាមការបង្ហាញរបស់ឯកសារផ្ទៃក្នុង។

ឯកសារផ្ទៃក្នុងដែលត្រូវបានចែកចាយលើបណ្ដាញ Instagram បានបញ្ជាក់ថា ៖ “ដោយសារការហាមឃាត់ជាលក្ខណៈសកល ហេតុនេះរូបភាពឌីហ្សាញនឹងមិនត្រូវបង្ហាញនៅមុនដំណាច់ខែឧសភាឆ្នាំ២០២១នេះឡើយ។”

បន្ថែមពីនេះដែរគេក៏បានដឹងអំពីដំណឹងមួយចំនួនអំពីរថយន្ត Land Cruiser ជំនាន់ថ្មី ជាមួយការលេចធ្លាយឯកសារផ្ទៃក្នុងនេះដែរ។

រថយន្ត Land Cruiser 300 Series នឹងមានបំពាក់ដំបូលអាលុយមីញ៉ូម ដើម្បីអាចជួយសន្សំសំចៃថាមពលប្រេងឥន្ធនៈឲ្យបានល្អប្រសើរជាងមុន តាមរយៈការកាត់បន្ថយទម្ងន់រថយន្ត។

សម្រាប់ទីផ្សារប្រទេសអាហ្វ្រិក ដែលជាប្រភពប្រទេសដែលឯកសារផ្ទៃក្នុងបានលេចធ្លាយនោះ នឹងមានជម្រើសរថយន្តចំនួន ៤ប្រភេទ។ ក្នុងនោះមានប្រភេទ GX-R ដែលមានតែជម្រើសម៉ាស៊ីនម៉ាស៊ូត ខណៈប្រភេទ GR-S នឹងមានទាំងម៉ាស៊ូត និងសាំង។ ហើយក្នុងនោះក៏មានមួយប្រភេទទៀតគឺ ZX ជាប្រភេទថ្លៃជាងគេ នឹងមានជម្រើសម៉ាស៊ីនពីរប្រភេទដូចគ្នា៕

ផ្ទាំងផ្សាយពាណិជ្ជកម្ម

យោងតាមស្ថិតិរបស់សមាគម Vietnam Automobile Manufacturers Association ហៅកាត់ថា VAMA បានបង្ហាញថាចំនួនរថយន្តថ្មីលក់នៅត្រីមាសទី១ នៅឆ្នាំ២០២១នេះ បានកើនឡើងរហូតដល់ ៣៦ភាគរយ បើប្រៀបធៀបនឹងរយ:ពេលដូចគ្នាកាលពីឆ្នាំ២០២០ ចំណែកឯចំនួននៃការទិញរថយន្តដែលប្រើរួចក្នុងរយ:ពេលត្រីមានដំបូងនៃឆ្នាំ ២០២១ កើនឡើង​ ១០ភាគរយ បើប្រៀបធៀបនឹងរយ:ពេលដូចគ្នាកាលពីឆ្នាំ២០២០។ ខាងក្រោមនេះជារថយន្តមួយទឹកដែលប្រើរួចចំនួន ៥ម៉ូឌែល ដោយលក់ដាច់ខ្លាំងនៅប្រទេសវៀតណាម ក្នុងត្រីមាសដំបូង។

• Hyundai Accent: វាត្រូវបាននាំមុខគេ សម្រាប់ចំណាត់ថ្នាក់រថយន្តលក់ដាច់ជាងគេ លើប្រភេទរថយន្តថ្មី និងរថយន្តដែលប្រើប្រាស់ហើយ។ វាដំណើការដោយម៉ាស៊ីន ១,៤លីត្រ និងមានតម្លៃប្រហែលចាប់ពី ១៨ ៥០០ សម្រាប់រថយន្តថ្មី និងចាប់ពី ៥ ៥០០ដុល្លារសម្រាប់រថយន្តដែលប្រើរួចរយ: ពេល ៣ឆ្នាំ។

• Kia Cerato: ទទួលបានចំណាត់ថ្នាក់បន្ទាប់ពី Hyundai Accent ដោយមានតម្លៃប្រហែលចាប់ពី ២៩ ៤០០ សម្រាប់រថយន្តថ្មី និងចាប់ពី ៥ ០៩០ដុល្លារសម្រាប់រថយន្តដែលប្រើរួចរយ: ពេល ៣ឆ្នាំ។

• Ford EcoSport: ទទួលបានចំណាត់ថ្នាក់លេខបន្ទាប់ពី Hyundai Accent និង Kia Cerato ដោយមានតម្លៃប្រហែលចាប់ពី ២៤ ៨០០ ដល់ ២៩ ៨៥០ដុល្លារ សម្រាប់រថយន្តថ្មី និងចាប់ពី ៥ ៧៩០ដុល្លារសម្រាប់រថយន្តដែលប្រើរួចរយ: ពេល ២ឆ្នាំ។

• Toyota Vios ស្ថិតនៅលេខរាងទី ៤ ដោយមានតម្លៃប្រហែលចាប់ពី ២២ ៤០០ ដល់ ២៧ ៧៥០ដុល្លារ សម្រាប់រថយន្តថ្មី និងចាប់ពី ៤ ៦០០ដុល្លារសម្រាប់រថយន្តដែលប្រើរួចរយ: ពេល ២ឆ្នាំ។

• Hyundai Grand i10 ស្ថិតនៅលេខរាងទី៥ ដោយមានតម្លៃប្រហែលចាប់ពី ១៨ ៥០០ សម្រាប់រថយន្តថ្មី និងចាប់ពី ៤ ៦០០ដុល្លារ សម្រាប់រថយន្តដែលប្រើរួចរយ: ពេល ២ឆ្នាំ៕

ផ្ទាំងផ្សាយពាណិជ្ជកម្ម

កង្វះខាតនៃឈីបស៊ឺមីកុងឌុចទ័របានបង្កឲ្យក្រុមហ៊ុនផលិតរថយន្តមួយចំនួនកាត់បន្ថយចំនួនផលិត ឬឈានដល់ការផ្អាកដំណើរការរោងចក្រផលិតបណ្ដោះអាសន្នថែមទៀតហើយ ហើយមកទល់ពេលនេះបញ្ហាកង្វះខាតនេះនៅមិនទាន់ដោះស្រាយបាននៅឡើយទេ។

បើផ្អែកតាមការព្យាការណ៍ថ្មីចុងក្រោយបំផុតពី AlixPartners បានឲ្យថាវិបត្តិខ្វះខាតឈីបនេះ នឹងធ្វើឲ្យផលិតកម្មរថយន្តធ្លាក់ចុះ ៣,៩លានគ្រឿងនៅឆ្នាំ២០២១នេះ។ វាជាតួលេខដ៏ធំមួយ ហើយការធ្លាក់ចុះនេះនឹងធ្វើឲ្យក្រុមហ៊ុនផលិតរថយន្តខាតបង់សរុបប្រមាព ១១០ពាន់លានដុល្លារ។

អ្នកវិភាគរបស់ស្ថាប័ន AlixPartners បានបញ្ជាក់ថារថយន្តធម្មតាមានប្រើប្រាស់ឈីបរហូតដល់ ១៤០០គ្រាប់ ហើយតួលេខនេះនឹងបន្តកើនឡើងនៅថ្ងៃខាងមុខ ដោយសារឧស្សាហកម្មយានយន្តនាំគ្នាផ្លាស់ប្ដូរទៅកាន់ការផលិតរថយន្តអគ្គិសនី។

យ៉ាងណាក្ដី ជំនួយអាចនឹងមាននៅក្នុងពេលខាងមុខនេះ ដោយតាមការរាយការណ៍របស់ Reuters បានឲ្យដឹងថាសមាជិកសភាអាមេរិកមួយចំនួនកំពុងត្រៀមបង្ហាញចេញនូវផែនការស្នើសុំតម្លៃ ៥២ពាន់លានដុល្លារដើម្បីបង្កើនការផលិតឈីបនៅសហរដ្ឋអាមេរិក៕

ផ្ទាំងផ្សាយពាណិជ្ជកម្ម