ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 796

ឡានអគ្គិសនីលក់ដាច់ជាងគេទាំង១០នៅអាមេរិក មាន ៤ម៉ូដែលជា Tesla

រថយន្តអគ្គិសនីរបស់ Tesla នៅមិនទាន់មានគូប្រកួតប្រជែងនៅឡើយទេនៅលើទីផ្សារសហរដ្ឋអាមេរិក ដោយក្នុងចំណោមរថយន្តអគ្គិសនីលក់ដាច់ទាំង១០នៅសហរដ្ឋអាមេរិកក្នុងត្រីមាសដំបូងនៃឆ្នាំ២០២១នេះ មានចំនួនបួនម៉ូដែលគឺជារថយន្ត Tesla។

ខាងក្រោមនេះជាបញ្ជីបង្ហាញអំពីរថយន្តអគ្គិសនីលក់ដាច់ជាងគេនៅអាមេរិក ក្នុងអំឡុងពេល ៣ខែដំបូង ៖

១០. Hyundai Kona Electric ៖ ១ ៥៥៦គ្រឿង

៩. Porsche Taycan ៖ ២០០៨គ្រឿង

៨. Nissan Leaf ៖ ២៩២៥គ្រឿង

៧. Tesla Model S ៖ ៤១៥៥គ្រឿង

៦. Audi e-tron និង e-tron Sportback ៖ ៤៣២៤គ្រឿង

៥. Tesla Model X ៖ ៥១០៦គ្រឿង

៤. Ford Mustang Mach-E ៖ ៦៦១៤គ្រឿង

៣. Chevrolet Bolt ៖ ៩០២៥គ្រឿង

២. Tesla Model 3 ៖ ២៣ ១១០គ្រឿង

១. Tesla Model Y ៖ ៣៣ ៦២៩គ្រឿង 

ផ្ទាំងផ្សាយពាណិជ្ជកម្ម

នេះគឺឡានភីកអាប់ Mercedes-Benz X-Class ប្រភេទពិសេសកង់ ៦

រថយន្ត Mercedes-Benz X-Class ប្រហែលនឹងជិតត្រូវបាន Mercedes-Benz បញ្ចប់ជីវិត ដែលបណ្តាលមកពីចំនួនលក់របស់វា។ បែបនេះហើយទើបត្រូវបានគេកែច្នៃវាអោយក្លាយជារថយន្តប្រភេទភីកអាប់ដែលមានកង់ចំនួន ៦។

វាត្រូវបានដាក់លក់តាមរយ: Classic Youngtimers នៅក្នុងប្រទេសហូឡង់ ក្នុងនាមជា X 350d។ វាត្រូវបានលើកប្រព័ន្ធ Suspensionខាងក្រោមអោយខ្ពស់ជាងមុនចំនួន ១០សង់ទីម៉ែត្រ និងបានបំពាក់ជាមួយថាសកង់ និងសម្បកកង់ប្រភេទ Off-Road, ប៉ាណាខាងមុខរបស់ Panamericana, របារទ្រុងក្រោយ ប្រភេទដែកថែប(Sports bar) រួមជាមួយតួរខ្លួនវែងជាងមុន និងគម្របភក់លើកង់មុខ-ក្រោយដែលស៊ីគ្នាជាមួយតួរខ្លួនថ្មីផងដែរ។

រថយន្ត X-Class នេះដំណើការដោយម៉ាស៊ីនម៉ាស៊ូតចំណុះ ៣,០លីត្រ Turbocharged V6 មានកម្លាំង ២៥៥សេះ កម្លាំងរមួល ៥៥០ញ៉ូតុនម៉ែត្រ និងដំណើការដោយប្រអប់លេខ ៧វគ្គអូតូ៕

ផ្ទាំងផ្សាយពាណិជ្ជកម្ម

Toyota រំពឹងលើរថយន្តអគ្គិសនី និងរថយន្តអ៊ីដ្រូហ្សែន ថានឹងលក់បានតែចំនួន ១៥%ប៉ុណ្ណោះ នៅសហរដ្ឋអាមេរិចនៅត្រឹមឆ្នាំ ២០៣០

ខណៈពេលដែលក្រុមហ៊ុនផលិតរថយន្តជាច្រើនកំពុងប្រញាប់ប្រញាល់ក្នុងការបង្កើតរថយន្តអគ្គិសនីថ្មី ក្រុមហ៊ុន Toyota មានការប្រុងប្រយ័ត្នជាងមុនលើចំនួនលក់របស់ខ្លួននៅឆ្នាំ ២០៣០។ ដោយក្រុមហ៊ុនបានរំពឹងលើរថយន្តអគ្គិសនី(EV) និងរថយន្តអ៊ីដ្រូហ្សែន(FCV) ថានឹងលក់បានតែចំនួន ១៥%ប៉ុណ្ណោះនៅសហរដ្ឋអាមេរិចនៅត្រឹមឆ្នាំ ២០៣០ ។

ដោយក្នុងនោះរថយន្តកូនកាត់ប្រភេទ Hybrid និងPHEV ត្រូវបាន Toyota ជឿថានឹងមានចំនួនរហូតដល់ ៥៥ ភាគរយដែលបានមកពីការលក់រថយន្តទាំង ២ ប្រភេទនេះនៅឆ្នាំត្រឹម ២០៣០ លើទីផ្សារអាមេរិក។ ប្រសិនបើការព្យាករទាំងពីរនេះត្រឹមត្រូវ នោះការលក់របស់ Toyota និងLexus ចំនួន ៧០ ភាគរយ នឹងបានមកពីរថយន្តអគ្គីសនី។

ក្នុងនោះដែរ ក្រុមហ៊ុន Toyota ​រំពឹងថានឹងលក់រថយន្តអគ្គិសនីប្រមាណ ៨ លានគ្រឿងនៅត្រឹមឆ្នាំ ២០៣០។ ក្នុងនោះមានតែ ២ លានគ្រឿងប៉ុណ្ណោះដែលត្រូវបានរំពឹងថាជារថយន្តអគ្គីសនីសុទ្ធ(EV) និងរថយន្តអ៊ីដ្រូហ្សែន(FCV)។

គួររំលឹកដែរថា ក្រុមហ៊ុន Toyota និង Lexus បានបង្ហាញគំរូរថយន្តអគ្គិសនីរបស់ខ្លួនរួចមកហើយ ដោយក្នុងនោះមានម៉ូឌែល bZ4X concept និង LF-Z bZ4X concept ដែល bZ4X concept គ្រោងនឹងផលិតនៅឆ្នាំ២០២២ ហើយ LF-Z bZ4X concept​ គ្រោងនឹងផលិតនៅឆ្នាំ ២០២៥។ បន្ថែមពីនេះ  ក្រុមហ៊ុន Toyota ក៏មានគម្រោងបង្កើតរថយន្តអគ្គិសនីអោយបាន ៧០ប្រភេទ សម្រាប់ដាក់លក់នៅលើទីផ្សារពិភពលោក ត្រឹមឆ្នាំ២០២៥ ដោយនៅក្នុងនោះមានរថយន្តប្រភេទដឹកផងដែរ៕

ផ្ទាំងផ្សាយពាណិជ្ជកម្ម

មកដឹងកម្រិតស៊ីប្រេង ឡាន Ford Bronco ឆ្នាំ២០២១ ទើបប្រកាសចេញ

កម្រិតស៊ីប្រេងនៃរថយន្ត Ford Bronco ស៊េរីឆ្នាំ២០២១ ត្រូវបានប្រកាសចេញជាផ្លូវការ។ រថយន្ត Ford Bronco ម៉ូដែល Base, Big Bend និង Outer Banks ដែលបំពាក់ម៉ាស៊ីនចំណុះ ២,៣លីត្រ EcoBoost ទំហំ ៤ស៊ីឡាំង គឺជាម៉ូដែលដែលស៊ីតិចជាងគេ គឺ ១១,៧លីត្រ/ក្នុងក្រុង ១០,៦លីត្រ/ក្រៅក្រុង និង ១១,២លីត្រ/ជាមធ្យម សម្រាប់ការបើកបរចម្ងាយផ្លូវ ១០០គីឡូម៉ែត្រ។

ចំណែកឯរថយន្ត Ford Bronco ម៉ូដែល Badlands ដែលបំពាក់ម៉ាស៊ីនចំណុះ ២,៣លីត្រវិញ មានកម្រិតស៊ីប្រេង ១៣លីត្រ/ក្នុងក្រុង ១៣,៨លីត្រ/ក្រៅក្រុង និង ១៣,៨លីត្រ/ជាមធ្យម។

ដោយឡែក ប្រភេទប្រើម៉ាស៊ីនចំណុះ ២,៧លីត្រ EcoBoost V6 វិញ មានកម្រិតស៊ីប្រេង ១៣លីត្រ/ក្នុងក្រុង ១១,៧លីត្រ/ក្រៅក្រុង និង ១២,៣លីត្រ/ជាមធ្យម។

គួរឲ្យដឹងថា រថយន្ត Ford Bronco ប្រើម៉ាស៊ីនចំណុះ ២,៣លីត្រ EcoBoost មានកម្លាំងសរុប ៣០០សេះ ខណៈប្រភេទម៉ាស៊ីន ២,៧លីត្រ EcoBoost V6 មានកម្លាំង ៣៣០សេះ៕

ផ្ទាំងផ្សាយពាណិជ្ជកម្ម

Chevrolet Corvette ជាប់ឈ្មោះជាឡានលក់ដាច់លឿនបំផុត

ស្របពេលដែលមនុស្សជាច្រើនកំពុងតែភ្លូកទឹកភ្លូកដីទិញ SUV ស្រាប់តែរថយន្តស្ព័រ Chevrolet Corvette បែរជាជាប់ឈ្មោះជារថយន្តលក់ដាច់លឿនបំផុត ប្រចាំខែមេសា ទៅវិញ។

យោងតាមរបាយការណ៍ពី iSeeCars បានឲ្យដឹងថា រថយន្ត Chevrolet Corvette ចំណាយពេលជាមធ្យមត្រឹម ៩,២ថ្ងៃប៉ុណ្ណោះដើម្បីលក់ដាច់ ជាមួយនឹងតម្លៃជាមធ្យម ៨៧ ៣៩០ដុល្លារ។ គួរឲ្យដឹងដែរថា តួលេខជាមធ្យមនៃរថយន្តទូទៅគឺ ៤៨,៣ថ្ងៃ និងតម្លៃជាមធ្យម ៣៧ ៥៥៨ដុល្លារ។

Chevrolet Corvette បានតាមពីក្រោយដោយ រថយន្តប្រភេទ Plug-in Hybrid គឺ Jeep Wrangler 4xe ដែលចំណាយពេលជាមធ្យមត្រឹម ១០,៥ថ្ងៃ និងតម្លៃជាមធ្យម ៥៧ ១៦១ដុល្លារ។ តំណែងលេខ៣ បានទៅលើរថយន្ត Kia Telluride ដែលចំណាយពេលជាមធ្យម ១២,៦ថ្ងៃ ជាមួយតម្លៃជាមធ្យម ៤៤ ៧២៣ដុល្លារ។

ក្រៅពីនោះមានរថយន្តជាច្រើនទៀតដូចជា Hyundai Santa Fe Hybrid (១២,៨ថ្ងៃ / ៣៩ ២៨៥ដុល្លារ), Lexus IS 350 (១៣,៤ថ្ងៃ / ៤៩ ៣៤៨ដុល្លារ), Toyota RAV4 Prime (១៣,៧ថ្ងៃ / ៤៣ ៩៨៣ដុល្លារ), Cadillac Escalade (១៣,៩ថ្ងៃ / ៩៩ ៩៧០ដុល្លារ), Kia Carnival (១៣,៩ថ្ងៃ / ៤០ ៣៦៨ដុល្លារ), Toyota Tacoma (១៥ថ្ងៃ / ៣៧ ៦៨២ដុល្លារ) និង GMC Yukon (១៥,៥ថ្ងៃ / ៧៥ ២០៤ដុល្លារ)៕

ផ្ទាំងផ្សាយពាណិជ្ជកម្ម

ឡានអគ្គិសនីប្រណីតរបស់ Mercedes ចាប់ផ្តើមចូលរោងចក្រផលិត

ក្រុមហ៊ុន Mercedes-Benz បានធ្វើការចាប់ផ្តើមផលិតរថយន្ត EQS នៅឯ Sindelfingen plant របស់ក្រុមហ៊ុន Mercedes-Benz ក្នុងប្រទេសអាល្លឺម៉ង់។ រថយន្តអគ្គិសនីលំដាប់កំពូលរបស់ក្រុមហ៊ុនឈានជើងចូលផលិតនៅក្នុងរោងចក្រ Factory 56។

ផ្ទះរបស់បុគ្គលិកចំនួនជាង ១ ៥០០នាក់ អាចបត់បែបគ្រប់កាល:ទេស: តាមការផលិតឡើងដោយប្រព័ន្ធឌីជីថលកម្រិតខ្ពស់ដែលអាចតម្លើងម៉ូឌែលផ្សេងៗគ្នា និងម៉ាស៊ីនរបស់រថយន្តក្នុងពេលតែមួយបាន។

រថយន្តអគ្គិសនី EQS ត្រូវបានផលិតឡើងលើគ្រោង EV-dedicated platform  និងបានបំពាក់ដោយអាគុយចំណុះ ១០៧,៨គីឡូវ៉ាត់ម៉ោង ដែលអាចឲ្យជិះបានចម្ងាយ ៧៧០គីឡូម៉ែត្រពេលសាកភ្លើងពេញ។

បន្ថែមពីនេះ សម្រាប់ប្រភេទប្រើប្រាស់ម៉ូទ័រអគ្គិសនីមួយ អាចផលិតកម្លាំងបាន ៣២៩សេះ ដែលអាចស្ទុះពី ០-១០០គ.ម/ម៉ក្នុងពេល ៦,២វិនាទី។ នឹងប្រភេទប្រើប្រាស់ម៉ូទ័រអគ្គិសនីពីរ អាចផលិតកម្លាំងបាន ៥១៦សេះ ដែលអាចស្ទុះពីដល់ ១០០គ.ម/ម៉ក្នុងពេលត្រឹម ៤,៣វិនាទីប៉ុណ្ណោះ៕

ផ្ទាំងផ្សាយពាណិជ្ជកម្ម

ឡានអគ្គិសនី នឹងថោកជាងឡានប្រើសាំងនៅត្រឹមឆ្នាំ២០៣០

ស្ថាប័ន BloombergNEF បានធ្វើការព្យាករណ៍ថាថ្លៃចំណាយលើការផលិតអាគុយនឹងមានការថយចុះ ដែលនឹងធ្វើឲ្យរថយន្តអគ្គិសនីកាន់តែមានភាពប្រកួតប្រជែងជាមួយនឹងរថយន្តប្រើថាមពលប្រេងឥន្ធននៅក្នុងពេលប្រហែល៦ឆ្នាំទៀត។

បច្ចុប្បន្ននេះតម្លៃមុនគិតពន្ធរបស់រថយន្តអគ្គិសនីខ្នាតកណ្ដាលនៅទីផ្សារចក្រភពអង់គ្លេសគឺមានប្រមាណ ៤០ ៥០០ដុល្លារ ប្រៀបនឹងតម្លៃ ២២ ៦០០ដុល្លារសម្រាប់រថយន្តប្រើប្រាស់ថាមពលប្រេងឥន្ធនៈ។

យ៉ាងណាក្ដីនៅត្រឹមឆ្នាំ ២០២៦ រថយន្តទាំងពីរប្រភេទនេះត្រូវបានគេព្យាករណ៍ថានឹងមានតម្លៃប្រមាណ ២៣ ១០០ដុល្លារដូចគ្នា។ ហើយនៅត្រឹមឆ្នាំ២០៣០ រថយន្តអគ្គិសនីនឹងមានតម្លៃប្រមាណ ១៩ ៨០០ដុល្លារ ខណៈដែលរថយន្តប្រើប្រេងឥន្ធនៈនឹងមានតម្លៃថ្លៃជាងគឺប្រមាណ ២៤ ២០០ដុល្លារ។

គួរដឹងថាបច្ចុប្បន្ននេះអាគុយរថយន្តគឺមានតម្លៃមិនក្រោម ១០០ដុល្លារឡើងសម្រាប់ចំណុះ ១គីឡូវ៉ាត់ម៉ោង ដែលធ្វើឲ្យការផលិតរថយន្តអគ្គិសនីមានចំណាយខ្ពស់។ ចំណាយលើអាគុយរថយន្តគឺមានចំណែកប្រមាណ ២៥% ទៅ ៤០% សម្រាប់ថ្លៃចំណាយផលិតរថយន្តអគ្គិសនីសរុប ដែលធ្វើឲ្យក្រុមហ៊ុនរថយន្តជាច្រើននៅរារែកក្នុងការផ្លាស់ទៅរថយន្តអគ្គិសនី ដោយសារតែទទួលបានផលចំណេញទាប៕

ផ្ទាំងផ្សាយពាណិជ្ជកម្ម

ប្លែក! ម្ចាស់ឡាន Land Rover Defender 2021 អាចចាយលុយដើម្បីបានបន្ទះច្រែះលើឡាន

រថយន្ត Land Rover Defender ជំនាន់ថ្មីស៊េរីឆ្នាំ២០២១ មានតួខ្លួនផលិតឡើងពីអាលុយមីញ៉ូមដែលមានសមត្ថភាពធន់នឹងភាពច្រែះ ប៉ុន្តែប្រសិនបើម្ចាស់រថយន្តចង់បានរូបរាងច្រែះលើរថយន្ត ពួកគេអាចចំណាយលុយជាមួយក្រុមហ៊ុន Niels van Roij បាន។

ក្រុមហ៊ុន Niels van Roij ដែលជាក្រុមហ៊ុនជំនាញខាងកែច្នៃរថយន្តនឹងបំពាក់នូវបន្ទះច្រែះនៅលើរន្ធបញ្ចេញខ្យល់ផ្នែកចំហៀង និងនៅលើមួយផ្នែកនៃគម្របរថយន្តខាងមុខនៃរថយន្ត Land Rover Defender ឆ្នាំ២០២១ផងដែរ។

ភ្ជាប់ជាមួយនឹងការបំពាក់បន្ទះច្រែះនេះក៏មានបន្ថែមជាមួយនូវកង់ Alloy ទំហំ២២អ៊ីញ ឈ្មោះថា Black Crow ផងដែរ។ បើតាមការអះអាងរបស់ក្រុមហ៊ុនបានឲ្យដឹងថា ក្រៅពីបន្ទះច្រែះអតិថិជនក៏អាចរើសយកវត្ថុធាតុដទៃដូចជាទីតាញ៉ូម, សំរិទ្ធ, ស័ង្កសី ឬមាស នៅលើរថយន្តបាន មិនថាតែផ្នែកខាងក្រៅឬផ្នែកខាងក្នុងនោះទេ ដែលវានឹងមានគុណភាពជាប់រយៈពេល ២០ឆ្នាំ៕

ផ្ទាំងផ្សាយពាណិជ្ជកម្ម

មកដឹងពីចំនួនគ្រឿងរបស់ Toyota Raize ដែលបានលក់នៅសប្តាហ៍ដំបូង

រថយន្ត Toyota Raize ត្រូវបានចេញលក់ជាផ្លូវការនៅប្រទេសឥណ្ឌូនេស៊ីកាលពីថ្ងៃទី ៣០ ខែមេសាកន្លងទៅ ជាមួយបងប្អូនភ្លោះរបស់ខ្លួន Daihatsu Rocky។

បន្ទាប់ពីបានចេញលក់បានមួយសប្តាហ៍ Toyota Astra Motor (TAM) បានធ្វើការប្រមូលនូវទិន្នន័យសរុប ដោយលក់បានចំនួន ១ ២៦៩គ្រឿង ដែលវាជាចំនួនមួយដែលមានភាពល្អប្រសើរ ព្រោះទីផ្សាររថយន្តកំពុងមានផលលំបាក ព្រោះបញ្ហាជំងឺឆ្លងកូវីដ១៩។

គោលដៅប្រចាំខែរបស់ក្រុមហ៊ុនសម្រាប់ Raize គឺចំនួន ២០០០ គ្រឿង។ អ្វីដែលមិនគួរឱ្យភ្ញាក់ផ្អើលនោះការកក់ភាគច្រើន គឺមកពីកោះ Jawa នៃទីក្រុង Jakarta ។ ម៉ូឌែលដែលមានប្រជាប្រិយបំផុតរហូតមកដល់ពេលនេះគឺ 1.0T GR Sport CVT  មាន ៤៣ ភាគរយ ចំណែកឯប្រភេទ 1.0T GR Sport មានបំពាក់ជាមួយកញ្ចប់សុវត្តិភាព TSS មានចំនួន ៤០ ភាគរយនៃការកក់។

រថយន្តនេះនឹងត្រូវបានដំឡើងនៅឯរោងចក្រ Daihatsu ក្នុងប្រទេសឥណ្ឌូនេស៊ី និងដាក់លក់នៅប្រទេសឥណ្ឌូនេស៊ី នាខែឧសភាដោយតម្លៃប៉ាន់ស្មានពី ២០០ ទៅ ២៥៥ លានរូពី (១៣ ៦៨០ ទៅ ១៧ ៥០០ដុល្លារ)។

សម្រាប់ទីផ្សារប្រទេសឥណ្ឌូនេស៊ី Toyota Raize មានចំនួន ៣ម៉ូឌែលគឺ 1.2 G បំពាក់ជាមួយម៉ាស៊ីនចំណុះ ១,២លីត្រ ទំហំ ៣ស៊ីឡាំង មានកម្លាំង ៨៧សេះ និងកម្លាំងរមួល ១១២ញ៉ូតុនម៉ែត្រ ដំណើការដោយប្រអប់លេខ CVT។

រួមជាមួយ 1.0TG ឬ 1.0 GR Sport បំពាក់ជាមួយម៉ាស៊ីនចំណុះ ១,0លីត្រ Turbocharged មានកម្លាំង ៩៧សេះ និងកម្លាំងរមួល ១៤០ញ៉ូតុនម៉ែត្រ ដំណើការដោយប្រអប់លេខ CVT៕

ផ្ទាំងផ្សាយពាណិជ្ជកម្ម

អីយ៉ា! បញ្ចុះតម្លៃច្រើនដល់ម្លឹងផង? អ្នកស្រឡាញ់ Ford អាចពិចារណាបាន !

ពិតជាដំណឹងគួរឲ្យរីករាយសម្រាប់មិត្តអ្នកគាំទ្រ និងអ្នកស្រឡាញ់រថយន្តម៉ាក Ford ដែលកាលពីពេលថ្មីៗនេះក្រុមហ៊ុន អ​ អិម អេ ខេមបូឌា ដែលជាក្រុមហ៊ុននាំចូល និងចែកចាយផ្ដាច់មុខនូវរថយន្ត Ford គ្រប់ប្រភេទក្នុងទីផ្សារប្រទេសកម្ពុជាបានធ្វើការប្រកាសលក់លាងឃ្លាំងដោយធ្វើការបញ្ចុះតម្លៃយ៉ាងច្រើនសន្ធឹកសន្ធាប់មិនធ្លាប់មានពីមុនមកទៅលើម៉ូឌែល SUV របស់ខ្លួននោះគឺរថយន្ត Ford Everest 2.0L Bi-Turbo ស៊េរីឆ្នាំ ២០២០ ដែលធ្វើការបញ្ចុះតម្លៃរហូតដល់ទៅ ៦ ៥០០ដុល្លារឯណោះ ដែលតម្លៃចាស់កាលពីមុនមានតម្លៃរហូតដល់ទៅ ៧១ ០០០ដុល្លារ ហើយបន្ទាប់ពីការបញ្ចុះតម្លៃរួចមកគឺរថយន្តនេះមានតម្លៃត្រឹមតែ ៦៤ ៥០០ដុល្លារប៉ុណ្ណោះ។

បងប្អូនមានជម្រើសក្នុងការបង់រំលស់ជាមួយនឹងលក្ខខណ្ឌងាយៗមិនស្មុគស្មាញដោយបង់ប្រាក់ប្រចាំខែត្រឹមតែ ៥២៧ដុល្លារប៉ុណ្ណោះ ជាមួយនឹងការអនុម័តឆាប់រហ័សត្រឹមតែ ២ ថ្ងៃអាចយករថយន្តមកប្រើប្រាស់បាន ព្រមទាំងសេវាកម្មបង់រំលស់គ្រប់ ២៥ ខេត្ត/ក្រុងប្រកបដោយទំនុកចិត្ត។ ដូច្នេះបងប្អូនដែលស្រឡាញ់រថយន្ត Ford សូមប្រញាប់រួសរាន់ក្នុងការក្លាយជាម្ចាស់រថយន្ត Ford Everest 2.0L Bi-Turbo ស៊េរីឆ្នាំ ២០២០ នេះព្រោះចំនួននៃការផ្តល់ជូនមានកំណត់។

ការបញ្ចុះតម្លៃពិសេសបែបនេះគឺពិតជាឱកាសល្អសម្រាប់បងប្អូនដែលស្រឡាញ់គាំទ្ររថយន្ត Ford ដែលវាជាពេលវេលាដ៏ស័ក្តិសមក្នុងការទិញរថយន្តនេះមកប្រើប្រាស់ព្រោះពិតជាចំណេញច្រើនខ្លាំងមែនទែន។រថយន្ត Ford Everest 2.0L Bi-Turbo ស៊េរីឆ្នាំ ២០២០ នៅតែជារថយន្ត SUV ដែលមានលក្ខណៈខុសប្លែកពីរថយន្ត SUV ដ៏ទៃក្នុងទីផ្សារប្រទេសកម្ពុជាជាមួយនឹងភាពប្រណិត និងសមត្ថភាពបើកបរគ្រប់ស្ថានភាពផ្លូវ ជាពិសេសនោះគឺ ម៉ាស៊ីន ២,០លីត្រ ជំនាន់ថ្មី និងប្រអប់លេខ ១០ វគ្គអូតូដែលអាចប្រើប្រាស់បានទាំងលេខដៃ និងលេខអូតូតែម្តង។

បងប្អូនមួយចំនួនបានស្គាល់រថយន្តនេះតាមរយៈពិធីសម្ពោធជាផ្លូវការ វីដេអូធ្វើបទបង្ហាញ ស្ពតផ្សាយពាណិជកម្ម ការផុសរូបផ្សេងៗ និងតាមដងវិថីនានា ប៉ុន្តែតើបងប្អូនដឹងទេថា Ford Everest 2.0L Bi-Turbo នេះមានលក្ខណៈពិសេសអ្វីខ្លះ? ដូច្នេះថ្ងៃនេះដែរយើងខ្ញុំសូមមកណែនាំតែចំណុចពិសេសដែលរថយន្តដ៏ទៃនៅក្នុងតម្លៃប្រហាក់ប្រហែលគ្នាពុំមាន នោះគឺ ប្រព័ន្ធសុវត្ថិភាព និងបច្ចេកវិទ្យាទំនើបៗចុងក្រោយដ៏ឆ្លាតវៃរបស់ Ford ដែលមានដូចជា៖

  • ម៉ាស៊ីនដ៏ស្ទុះ 2.0L Bi-Turbo ជំនាន់ថ្មីដែលអាចឲ្យរថយន្តនេះផលិតនូវកម្លាំងសេះរហូតដល់ទៅ ២១៣PS និងកម្លាំងរមួល ៥០០ Nm ដែលកម្រិតស៊ីប្រេងត្រឹមតែ ៧L-៨L ក្នុង ១០០ គីឡូម៉ែត្រតែប៉ុណ្ណោះ។ លើសពីនេះទៅទៀតថែមទាំងចំណេញក្នុងការបង់ពន្ធផ្លូវផងដែរគឺត្រឹមតែ ២០ ម៉ឺនរៀលប៉ុណ្ណោះពិតជាចំណេញខ្លាំងមែនទែន
  • ប្រអប់លេខ ១០ វគ្គអូតូជំនាន់ថ្មី (10-Speed Automatic) ដែលអាចប្រើប្រាស់បានទាំងលេខអូតូ និងលេខដៃលោកអ្នកអាចថែមថយលេខដោយគ្រាន់តែចុចសញ្ញា (+) និង (-)

  • ប្រព័ន្ធជំនួយចូលចតដោយស្វ័យប្រវត្ត (Parallel Parking Assist)
  • ប្រព័ន្ធផ្តល់សញ្ញាឲ្យអ្នកបើកបរឈប់សម្រាកពេលមានអារម្មណ៍ងងុយគេង (Driver Alert System)
  • ប្រព័ន្ធផ្តល់ដំណឹងគ្រោះថ្នាក់ផ្នែកចំហៀងរថយន្ត (Blind Spot Information System)
  • ប្រព័ន្ធផ្តល់ដំណឹងគ្រោះថ្នាក់ផ្នែកខាងក្រោយរថយន្ត (Cross Traffic Alert)
  • ប្រព័ន្ធសម្រាប់កំណត់ល្បឿនអតិបរមាពេលបើកបរ (MyKey​​​ System)
  • សេនសឺជុំវិញរថយន្តចំនួន ១០ គ្រាប់ (10 Sensors)
  • ប្រព័ន្ធ​គ្រប់គ្រង​ការបើកបរ​​គ្រប់​ស្ថានភាព​ផ្លូវ (Terrain Management System)

មិនតែប៉ុណ្ណោះ សមត្ថភាព​ជើងក្រោមរបស់ Ford Everest 2.0L Bi-Turbo ត្រូវបានកែច្នៃបន្ថែម ដែលប្រកបដោយភាពធន់រឹងមាំជាងមុន គឺសំដៅទៅលើសុវត្ថិភាពជាពិសេសដល់ការទប់លំនឹងដោយមានភាពហាប់ណែនជាងមុន​ ធ្វើឲ្យការផ្ទុកទំងន់ អូស​ សណ្ដោងក្នុងស្ថានភាពផ្លូវលំបាកក៏ដូចជានៅពេលបត់បែនប្រកបដោយសុវត្ថិភាព និងជួយកាត់បន្ថយសម្លេងកង់ពេលបើកបរលើផ្លូវរាបផងដែរ។​ កំណែទម្រង់ចុងក្រោយនេះនឹងធ្វើឲ្យសមត្ថភាពនៃការបើកបររបស់ Ford Everest 2.0L Bi-Turbo កាន់តែប្រសើរ និងមានផាសុកភាពជាងមុនដូចជាការកាត់បន្ថយសម្លេង​ ភាពញ័រ បង្កើនភាពទន់ភ្លន់មិនរលាក់ខ្លាំងដូចមុន។

ក្រៅពីចំណុចពិសេសដែលលើសគេទាំងនេះហើយ Ford Everest 2.0L Bi-Turbo នៅមានប្រព័ន្ធសុវត្ថិភាព និងបច្ចេកវិទ្យាទំនើបៗចុងក្រោយជាច្រើនទៀតរហូតដល់ជាង ៥០ ចំណុចបន្ថែមដែលក្នុងនោះមានកញ្ចប់បច្ចេកវិទ្យាជំនាន់ចុងក្រោយរបស់ Ford ដែលគេឲ្យឈ្មោះថា Ford Co-Pilot 360TM Technology ដែលអាចបំពេញជូននូវតម្រូវការរបស់អតិថិជនបានយ៉ាងងាយស្រួល។ បើទោះបីយើងខ្ញុំបានរៀបរាប់ពីចំណុចពិសេសជាច្រើនរបស់រថយន្តនេះច្រើនយ៉ាងណាក៏ដោយ ប៉ុន្តែគឺពិតជាមិនទាន់អស់នោះទេ ដូច្នេះប្រសិនបើលោកអ្នកចង់ជ្រាបព័ត៍មានបន្ថែមអំពីរថយន្តនេះលោកអ្នកអាចអញ្ជើញទៅសាកសួរព័ត៍មាននៅគ្រប់អគារតាំងបង្ហាញរថយន្ត Ford ដែលមានដូចជា៖

  • អគារតាំងបង្ហាញសាខាផ្លូវព្រះមុនីវង្សដែលស្ថិតនៅអគារលេខ 444 ផ្លួវព្រះមុនីវង្ស ជាប់ទូតវៀតណាម លេខទូរស័ព្ទទំនាក់ទំនង៖ 023 214 214
  • អគារតាំងបង្ហាញសាខាទឹកថ្លាដែលស្ថិតនៅតាមបណ្តោយផ្លូវទៅព្រលានយន្តហោះ លេខទូរស័ព្ទទំនាក់ទំនង៖ 023 890 880
  • អគារតាំងបង្ហាញសាខាទួលសង្កែដែលស្ថិតនៅលើផ្លូវ 105 ជិតផ្សារសាំហាន់ លេខទូរស័ព្ទទំនាក់ទំនង៖ 078 990 800 | 087 990 800
  • អគារតាំងបង្ហាញសាខាខេត្តសៀមរាបដែលស្ថិតនៅអគារលេខ 593 តាមបណ្តោយផ្លូវជាតិលេខ​ 6A លេខទូរស័ព្ទទំនាក់ទំនង៖ 063 766 661៕

ផ្ទាំងផ្សាយពាណិជ្ជកម្ម
1...795796797...1,083ទំព័រ 796 នៃ 1,083

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com