គំរូឡាន MG Cyberster Concept នឹងចូលរោងចក្រផលិត បើក្រុមហ៊ុនសម្រេចរឿងមួយនេះ

May 8, 2021

ក្រុមហ៊ុន MG បានដាក់ប្ងហាញគំរូរថយន្ត Cyberster នៅក្នុងកម្មវិធី 2021 Shanghai Auto Show ហើយឥឡូវនេះក្រុមហ៊ុនប្រកាសថា រថយន្តបើកដំបូលនេះនឹងចូលរោងចក្រផលិត បន្ទាប់ពីខ្លួនសម្រេចគោលដៃនៃយុទ្ធនាការរៃអង្គាសប្រាក់។

នៅក្នុងការប្រកាសមួយលើបណ្តាញសង្គម Weibo ក្រុមហ៊ុនផលិតរថយន្តខាងលើនេះបាននិយាយថា “គម្រោងត្រូវបានអនុម័តជាផ្លូវការរួចទៅហើយ” ហើយការរៀបចំសម្រាប់ផលិតកម្មក៏កំពុងដំណើរការដែរ។ ក្រុមហ៊ុន MG បានបន្តថា “រថយន្តស្ព័រនេះនឹងអនុវត្តតាមគោលការណ៍ high restoration, co-creation និង faster speed”។

ទោះជាយ៉ាងណាក៏ដោយ មិនមានការបញ្ជាក់ថាពេលណាទើបរថយន្តនេះចេញលក់ជាផ្លូវការឡើយ ប៉ុន្តែគំរូ Cyberster គឺជារថយន្តស្ព័រ ២កៅអី ដែលទទួលបានការឌីហ្សាញយ៉ាងទាក់ទាញ។

ថ្វីបើ MG មិនបានបង្ហាញលម្អិតអំពីដំណើរការរបស់វា ប៉ុន្តែធ្លាប់បានអះអាងថា គំរូរថយន្តនេះអាចមានចម្ងាយបើកបរ ៨០០គីឡូម៉ែត្រ នៅពេលសាកភ្លើងពេញម្តង ហើយអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលមិនដល់ ៣វិនាទីឡើយ៕

ផ្ទាំងផ្សាយពាណិជ្ជកម្ម

មកមើលពីលក្ខណៈពិសេសៗ របស់រថយន្តតូយ៉ូតា New Fortuner Legender ២០២១ ដែលទើបតែសម្ពោធក្តៅៗមុននេះបន្តិច!!!

May 8, 2021

Toyota Fortuner ២០២១ កំពុងតែទទួលបានការគាំទ្រពីអ្នកប្រើប្រាស់ និងលក់ដាច់បំផុតនៅបណ្តាប្រទេសនានាជាពិសេសប្រទេសក្នុងតំបន់អាស៊ាន។ ក្រុមហ៊ុន តូយ៉ូតា (ខេមបូឌា) ក៏បានធ្វើការសម្ពោធដាក់លក់ជាផ្លូវការជូនអតិជនសម្រាប់ម៉ូឌែលថ្មីនេះដែលរួមមានម៉ូឌែល New Fortuner Legender និង New Fortuner ស៊េរីថ្មីឆ្នាំ ២០២១ តាមរយៈការផ្សាយផ្ទាល់នៅលើទំព័រហ្វេសប៊ុកផ្លូវការរបស់ក្រុមហ៊ុនកាលពីយប់ថ្ងៃទី៨ ខែឧសភា ឆ្នាំ២០២១។ នេះជាការបោះជំហានមួយបន្ថែមទៀតដើម្បីបំពេញនូវតម្រូវការរបស់អតិថិជនដោយផ្តោតទៅលើ ផ្នែកបច្ចេកវិទ្យា គុណភាព សុវត្ថិភាព និងផាសុកភាព ក៏ដូចជាទំនុកចិត្ត ដែលទាំងនេះ គឺជាទស្សនវិស័យចំបងរបស់ តូយ៉ូតា។

យើងសង្កេតឃើញថា ក្នុងរយៈពេលប៉ុន្មានឆ្នាំចុងក្រោយនេះ រថយន្តតូយ៉ូតាតែងមានការផ្លាស់ប្តូររូបរាងថ្មី និងផ្តល់ជូនបន្ថែមនូវប្រព័ន្ធបច្ចេកវិទ្យាទំនើបៗជាច្រើន ដែលក្នុងនោះរថយន្តតូយ៉ូតា Fortuner ក៏មានការផ្លាស់ប្តូរគួរឲ្យកត់សម្គាល់ ផងដែរ។

លក្ខណៈពិសេសៗ នៃរថយន្តតូយ៉ូតា New Fortuner Legender ស៊េរីថ្មីឆ្នាំ ២០២១ មានដូចជា៖

១. ការរចនារូបរាងផ្នែកខាងក្រៅថ្មី ពោរពេញដោយអំណាច និងបង្ហាញពីរបៀបរស់នៅបែបទាន់សម័យ៖

ចង្កៀងផ្នែកខាងមុខរថយន្ត បំពាក់ដោយអំពូល LED ស៊េរីថ្មី ចំនួន ៤គ្រាប់ ដោយ ២គ្រាប់គឺជាគុជធំ និងភ្ជាប់ដោយមុខងារឡើងចុះ និងភ្លើងបិទ/បើកស្វ័យប្រវត្តិ យ៉ាងទំនើប និងឆ្លាតវៃ
អំពូលបំភ្លឺពេលថ្ងៃប្រភេទអំពូល LED មានលក្ខណៈជាខ្សែបន្ទាត់ឆ្នូតៗ ខណ្ឌចែកចង្កៀងមុខទៅលើអំពូល LED ទាំង៤គ្រាប់ រចនាយ៉ាងស្រស់សង្ហារ និងស៊ីវីល័យ អមនឹងចង្កៀងកាត់អ័ព្ទប្រភេទ អំពូល LED
ផ្នែកខាងក្រោម ក៏បានបំពាក់ជាមួយនឹងរបារការពារខាងក្រោមផងដែរ
អំពូលស៊ីញ៉ូទាំងផ្នែកខាងមុខនិងក្រោយក៏ត្រូវបានរចនាឡើងជាប្រភេទអំពូលលក្ខណៈភ្លើងប្រដេញ LED
ថាសកង់ទំហំ ១៨អ៊ីញ ជាប្រភេទអាលុយមីញ៉ូម កាន់តែល្អឥតខ្ចោះនិងទាន់សម័យ
ការបិទ/បើក ទ្វារខាងក្រោយដោយប្រើប្រាស់បច្ចេកវិទ្យាឆ្លាតវៃ Kick Sensor កាន់តែទំនើប

ផ្នែកខាងក្នុងនៃរថយន្ត New Fortuner Legender ស៊េរីថ្មីឆ្នាំ ២០២១

២. ការរចនារូបរាងផ្នែកខាងក្នុងប្រកបដោយផាសុកភាព និងប្រណីតភាព

ប្រព័ន្ធកម្សាន្ត JBL Touchscreen ទំហំធំរហូតដល់ទៅ 9” ភ្ជាប់ដោយមុខងារ Apple CarPlay និង Android Auto រួមជាមួយឧបករណ៍បំពងសំលេង JBL ចំនួន 11 ដែល២គ្រាប់ត្រូវបានបំពាក់លើតាប្លូរបស់រថយន្ត
កន្លែងសាកថ្មឥតខ្សែ (Wireless Charger) និងកញ្ចក់មើលក្រោយ ដែលមានមុខងារការពារចំណាំងផ្លាត

៣. កម្លាំងម៉ាស៊ីន និងប្រព័ន្ធសុវត្ថិភាពថ្មីៗ ទំនើបចុងក្រោយ

បើប្រៀបធៀបទៅនឹងម៉ូឌែលឆ្នាំ២០២០ រថយន្តFortuner ស៊េរីថ្មីនេះ ដំណើរការដោយម៉ាស៊ីនម៉ាស៊ូត GDជំនាន់ថ្មី ២,៨លីត្រ ហើយបានអភិវឌ្ឍន៌កម្លាំងខ្លាំងជាងមុនដោយកម្លាំងសេះបានផ្លាស់ប្តូរពី១៧៥សេះទៅ២០១សេះនិងកម្លាំងរមួលបានផ្លាស់ប្តូរពីរ៤៥០ញ៉ូតុនម៉ែត្រទៅ៥០០ញ៉ូតុនម៉ែត្រដែលផ្តល់នូវការសន្សំសំចៃនិងសមត្ថភាពនៃការបើកបរកាន់តែខ្លាំងគ្មានគូរប្រៀប។
កាម៉េរ៉ា ៣៦០ដឺក្រេ ផ្តល់គុណភាព និងរូបច្បាស់ល្អ និងអាចមើលជា លក្ខណៈ 3D
សេនស័រជំនួយដល់ការបើកបរ និងចូលចំណតចំនួន ៧ចំណុច
កញ្ចប់សុវត្ថិភាពឆ្លាតវៃ Toyota Safety Sense ដែលមានមុខងារធំៗសំខាន់ៗ ៣ចំណុចគឺ៖
- ប្រព័ន្ធផ្តល់សញ្ញាគ្រោះថ្នាក់ និងចាប់ហ្រ្វាំងដោយស្វ័យប្រវត្តិ (Pre-Collision System)
- ប្រព័ន្ធរក្សាល្បឿន បន្ថែមល្បឿន និងបន្ថយល្បឿនតាមស្ថានភាពចរាចរណ៍ (Dynamic Radar Cruise Control) មុខងារនេះមិនត្រឹមតែប្រើល្បឿនកំណត់អូតូតែវាសំរបទៅតាមល្បឿនរបស់រថយន្តខាងមុខ
- និងប្រព័ន្ធរក្សាទីតាំងរថយន្តមិនឲ្យរេចង្កូតចាកគន្លងផ្លូវ (Lane Departure Alert)
ក្រៅពីនេះក៏មានប្រព័ន្ធសុវត្ថិភាពជាច្រើនផងដែរដូចជា៖
- ពោងសុវត្ថិភាពមួយជុំរថយន្តចំនួន ៩គ្រាប់
- ប្រព័ន្ធហ្វ្រាំងសុវត្ថិភាព៖ ABS, BA, EBD, VSC, TRC, A-TRC, HAC, DAC, TSC, EBS, BOS

សម្រាប់តម្លៃរបស់រថយន្តស៊េរីថ្មីមួយនេះ គឺមានចាប់ពី ៦៧,០០០ ដុលា្លរសហរដ្ឋអាមេរិចឡើងទៅ (លើកលែងពណ៌សកាំម៉ៃ) ហើយលោកអ្នកក៏មានជម្រើសពណ៌ជាច្រើន រួមមាន៖ ពណ៌ស ពណ៌សកាំម៉ៃ ពណ៌ប្រាក់ ពណ៌ប្រផេះ ពណ៌ខ្មៅផ្លេក ពណ៌ក្រហម ពណ៌ត្នោតចាស់ និងពណ៌ទឹកប៊ិកចាស់។ ក្រៅអំពីជម្រើសពណ៌ជាច្រើនដែលបានរៀបរាប់នេះហើយ ក្រុមហ៊ុនក៏មានផ្តល់ជូនយ៉ាងពិសេសនូវជម្រើសរថយន្តពីរពណ៌បញ្ចូលគ្នា គឺ ពណ៌សលាយខ្មៅ និងពណ៌ក្រហមលាយខ្មៅ ផងដែរ។ លើសពីនេះទៅទៀតលោកអ្នកក៏មាននូវជម្រើសជាច្រើនក្នុងការជាវនូវរថយន្តម៉ូឌេលថ្មីនេះដែលមានដូចជា ការផ្លាស់រថយន្តចាស់ជាមួយរថយន្តថ្មីនិងការបង់រំលស់ជាមួយអត្រាការប្រាក់ដ៏ពិសេសនិងទាក់ទាញបំផុត។

សូមអញ្ជើញមកទទួលយកបទពិសោធន៍ដ៏អស្ចារ្យជាមួយនឹងការបើកបរសាកល្បងដោយផ្ទាល់មិនគិតថ្លៃ និងព័ត៍មានលម្អិតផ្សេងទៀតពីគ្រប់សាខារបស់ក្រុមហ៊ុន តូយ៉ូតា (ខេមបូឌា)។

សម្រាប់ព័ត៍មានលម្អិត សូមទាក់ទងទៅកាន់លេខទូរស័ព្ទ 017/086 333 503 ឬក៏ចូលទៅកាន់ប្រព័ន្ធឌីជីថលរបស់ក្រុមហ៊ុនតូយ៉ូតា (ខេមបូឌា) ដែលមានដូចជា៖

Facebook: https://www.facebook.com/ToyotaCambodia/
Telegram: https://t.me/toyotacambodiakh
Instagram: https://www.instagram.com/toyotacambodia/
Website: http://toyota.com.kh/

ផ្ទាំងផ្សាយពាណិជ្ជកម្ម

Ferrari ពន្យាពេលលើផែនការរកប្រាក់យ៉ាងតិច ២,២ពាន់លាននៅឆ្នាំ ២០២២

May 7, 2021

ក្រុមហ៊ុន Ferrari បានធ្វើការពន្យារពេលមួយឆ្នាំទៅលើគោលដៅហិរញ្ញវត្ថុរបស់ខ្លួន បានកំណត់សម្រាប់ឆ្នាំ ២០២២ ដោយសារតែការឆ្លងរាលដាលនៃជំងឺឆ្លងកូវីដ-១៩។

ក្រុមហ៊ុនបានជម្រុញផែនការដើម្បីរកប្រាក់ចំណូលយ៉ាងហោចណាស់ ១,៨ ពាន់លានអឺរ៉ូ (២,២ ពាន់លានដុល្លារ) មុនការបង់លើការប្រាក់, ពន្ធ និងបង់ការរំលោះនៅឆ្នាំ ២០២២។ ដោយគោលដៅនេះ រំពឹងថានឹងឈានដល់នៅឆ្នាំបន្ទាប់ ដោយសារតែជំងឺរាតត្បាត។

គួរបញ្ជាក់ថាការពន្យារពេលគោលដៅនេះ ខណ:ពេលក្រុមហ៊ុន Ferrari ទទួលបានផលវិជ្ជមាននៅត្រីមាសទី ១ ដោយបានដឹកជញ្ជូនរថយន្តសម្រាប់អតិថិជនខ្លួនសរុបចំនួន ២ ៧៧១ គ្រឿង ដែលកើនឡើងបន្តិចបន្តួចលើចំនួន ២ ៧៣៨ គ្រឿងដែលបានដឹកជញ្ជូនក្នុងរយៈពេលដូចគ្នាឆ្នាំ ២០២០ ។

ចំពោះចំនួនលក់សរុប ម៉ូឌែល V8 បានកើនឡើងជំនួន ៨,១ភាគរយ ខណ:ពេលម៉ូឌែល V12 របស់វាបានធ្លាក់ចុះ ១៩,៦ ភាគរយ។ រថយន្តដែលបានដឹកជញ្ជូនដល់អតិថិជនរបស់ខ្លួនរួមមាន F8, SF90 Stradale, Roma និង 812 GTS បានជួយដល់ក្រុមហ៊ុនបង្កើនចំនួននៃការដឹកជញ្ជូន។

តួរយ៉ាងគោលដៅ EBITDA (Earnings before interest, Taxes, Depreciation and Mortization) របស់ក្រុមហ៊ុន Ferrari បានកើនឡើងដល់ ៣៧៦ លានអឺរ៉ូនៅក្នុងត្រីមាសទី ១ ដែលកើនឡើង ១៩ ភាគរយ បើប្រៀបធៀបកាលពីត្រីមាសទី ១ ឆ្នាំ២០២០ មានចំនួន ៣១៧លានអឺរ៉ូ។ ប្រាក់ចំណេញសុទ្ធក៏បានកើនឡើង ២៣ ភាគរយរហូតដល់ ២០៦ លានផោន ពោលគឺកើនឡើងលើសពីកាលពីឆ្នាំមុន ១៦៦ លានផោន៕

ផ្ទាំងផ្សាយពាណិជ្ជកម្ម

ប្រទេសជប៉ុនផ្តល់ឡានពេទ្យចំនួន ៣៥គ្រឿង ដល់ក្រសួងសុខាភិបាល ដើម្បីប្រយុទ្ធប្រឆាំងជម្ងឺកូវីដ-១៩

May 7, 2021

thum-jp — ប្រភពរូបភាព៖ Embassy of Japan in Cambodia ស្ថានទូតជប៉ុននៅកម្ពុជា

នៅថ្ងៃនេះ នៅលើទំព័រផ្លូវការរបស់ ស្ថានទូតជប៉ុននៅកម្ពុជា បានធ្វើបង្ហោះរូបភាពស្តីពី “ពិធីប្រគល់ទទួលរថយន្តគិលានសង្រ្គោះ”។ ដែលមានខ្លឹមសារទាំងស្រុងដូចតទៅ៖ ពិធីប្រគល់ទទួលរថយន្តគិលានសង្រ្គោះ៣៥គ្រឿងដែលជាជំនួយរបស់រដ្ឋាភិបាលជប៉ុនត្រូវបានប្រារព្ធឡើងកាលពីថ្ងៃទី៧ ខែឧសភា ឆ្នាំ២០២១ នៅឃ្លាំងឱសថកណ្តាលនៃក្រសួងសុខាភិបាល ក្រោមវត្តមានរបស់លោកជំទាវវេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាលនិង លោក ការិម៉ាតា អាត្សឹស៊ី ឧបទូតនៃស្ថានទូតជប៉ុនប្រចាំកម្ពុជា។

ប្រភពរូបភាព៖ Embassy of Japan in Cambodia ស្ថានទូតជប៉ុននៅកម្ពុជា

យើងសង្ឃឹមថាការផ្គត់ផ្គង់ទាំងនេះនឹងអាចជួយដល់ភាគីពាក់ព័ន្ធផ្នែកសុខាភិបាលនៅកម្ពុជាដែលកំពុងប្រយុទ្ធប្រឆាំងជាមួយនឹងជំងឺកូវីដ១៩។ ប្រទេសជប៉ុននឹងបន្តកិច្ចសហប្រតិបត្តិការជាមួយរាជរដ្ឋាភិបាលកម្ពុជាក្នុងការផ្តល់នូវឧបករណ៍ចាំបាច់។

ជាការពិតណាស់ប្រទេសជប៉ុន តែងតែជួយប្រទេសកម្ពុជាជាហូរហែ ដែលនេះស្តែងអំពីទឹកចិត្តដ៏ធំធេងមួយសម្រាប់កម្ពុជា ក៏ដូចជាប្រជាជាតិទាំងមូល។ ក្នុងនាមខ្ញុំជាកូនខ្មែរម្នាក់ ខ្ញុំសូមថ្លែងអំណរគុណយ៉ាងក្រៃលែង ចំពោះជំនួយរបស់រដ្ឋាភិបាលជប៉ុន។

ផ្ទាំងផ្សាយពាណិជ្ជកម្ម

រថយន្តក្រុងប្រភេទ Off-Road មួយនេះមានតម្លៃរហូតដល់ជាង ៤០ម៉ឺនដុល្លារ

May 7, 2021

រថយន្តក្រុង Praetorian ត្រូវបានចាប់ផ្តើមផលិតឡើងដោយក្រុមហ៊ុន Torsus កាលពីឆ្នាំ ២០១៨ កន្លងទៅ ប៉ុន្តែនាពេលថ្មីៗនេះ ក្រុមហ៊ុន Torsus បានធ្វើការអភិវឌ្ឍបន្ថែមរថយន្តនេះអោយកាន់តែទាន់សម័យ និងខ្លាំងក្លាបន្ថែម។

រថយន្តក្រុង Praetorian ដំណើរការដោយម៉ាស៊ីនម៉ាស៊ូតចំណុះ ៦,៩លីត្រ MAN D08 Turbo ទំហំ ៦ស៊ីឡាំង មានកម្លាំង ២៨៦សេះ និងកម្លាំងបង្វិល ៨៤៩ lb-ft ដំណើរការដោយប្រអប់លេខ ៩វគ្គអូតូរបស់ ZF និងជម្រើសការបើកបរដោយប្រព័ន្ធប៉ុង១ ឬ ប៉ុង២។ ព្រមទាំងអាចផ្អៀងដល់ ៣៣ដឺក្រេ, ឡើងដល់កម្ពស់ ១៨ដឺក្រេ និងចូលក្នុងជម្រៅទឹកដល់ទៅ ៣៥ អ៊ីញ ឬ ០,៩ម៉ែត្រ។

បន្ថែមពីនេះ ដើម្បីផ្តល់ផាសុខភាពសម្រាប់អ្នកដំណើរក្នុងពេលធ្វើដំណើរក្នុងអាកាសធាតុក្តៅ ប្រព័ន្ធម៉ាស៊ីនត្រជាក់ក៏ត្រូវបានរអភិវឌ្ឍបន្ថែមរកាន់តែឱ្យប្រសើរផងដែរ ដោយផ្តល់នូវភាពត្រជាក់ដល់អ្នកដំណើរចំនួន ៣៥ នាក់ ពីសីតុណ្ហភាព ៦០អង្សារ ទៅ ២៩ អង្សារក្នុងរយៈពេលតែ ៣ នាទី និងពី ៦០អង្សារ ដល់ ២០អង្សារ ក្នុងរយៈពេលតិចជាង ១៥ នាទី។ វាពិតជាមានប្រសិទ្ធិភាពកាល:ទេស:រក្សាម៉ាស៊ីនឱ្យត្រជាក់នៅពេលឡើងភ្នំខ្សាច់ ដើម្បីការពារកុំអោយឡើងកំដៅ។ លក្ខណៈពិសេសដែលផ្តល់ផាសុកភាពថ្មីផ្សេងទៀតរួមមាន ចន្លោះទំនេរធំរវាងពីកៅអីមួយទៅកៅអីមួយ និងអេក្រង់កម្សាន្តនៅខាងក្រោយកៅអីដែលអាចភ្ជាប់ទៅនឹងស្មាតហ្វូនរបស់អ្នកដំណើរបាន។

ចំពោះទ្វារអ្នកដំណើរត្រូវបានអភិវឌ្ឍបន្ថែមផងដែរ ដោយបិទ ឬបើកម្តងប្រើពេលតិចជាង ៨វិនាទី និងបិទដោយស្វ័យប្រវត្តិនៅពេលរថយន្តបើកបរចាប់ពីល្បឿន ១,៨៦ mph រួមជាមួយឧបករណ៍ចាប់សញ្ញាសម្រាប់អ្នកដំណើរ ឬឧបសគ្គផ្សេងៗនៅជាប់ទ្វានិងប្រព័ន្ធការពារការឆ្លងចរន្តអគ្គសនីផងដែរផងដែរ។

ខណៈពេលដែលរថយន្ត Torsus Praetorian មិនមានលក់នៅលើតីផ្សារសហរដ្ឋអាមេរិក វាមានតម្លៃចាប់ផ្តើមពី ១៨៥ ០០០ដុល្លារ ដល់ ៤៤៥ ០០០ ដុល្លារ សម្រាប់ទីផ្សារអ៊ឺរ៉ុប៕

ផ្ទាំងផ្សាយពាណិជ្ជកម្ម

ដើមឆ្នាំនេះ Bentley លក់ឡានបានច្រើនជាងមុន

May 7, 2021

ក្រោយពីបានរងផលប៉ះពាល់កាលពីឆ្នាំមុនដូចជាក្រុមហ៊ុនរថយន្តដទៃទៀតដែរនោះ នាពេលនេះ Bentley បានបិទបញ្ចប់ត្រីមាសទី១នៃឆ្នាំ២០២១នេះ ជាមួយកំណត់ត្រាលក់ថ្មី។

ក្រុមហ៊ុន Bentley បានរាយការណ៍ថាចំនួនលក់របស់ខ្លួនមានកំណើន ៤០% នៅត្រីមាសទី១នៃឆ្នាំ២០២១នេះ ធៀបនឹងពេលដូចគ្នាកាលពីឆ្នាំ២០២០ ដែលធ្វើឲ្យលុយចំណេញមានការកើនឡើងដល់ប្រមាណជិត ៧៨លានដុល្លារ។

នៅទីផ្សារប្រទេសចិន ចំនួនលក់របស់ Bentley មានកំណើនរហូតដល់ ១៨៧% ដោយរថយន្ត Flying Spur ជំនាន់ថ្មីគឺជារថយន្តដែលពេញនិយមជាងគេ។ យ៉ាងណាក្ដីបើសរុបជាសកល រថយន្ត Bentayga នៅតែរថយន្តដែលលក់ដាច់បានច្រើនជាងគេរបស់ Bentley ដោយកាន់កាប់ចំណែក ៤០% នៃចំនួនលក់សរុប៕

ផ្ទាំងផ្សាយពាណិជ្ជកម្ម

Volvo ជួបរឿងល្អ ១០ខែជាប់ៗគ្នា

May 7, 2021

ក្រុមហ៊ុនរថយន្ត Volvo បានកត់ត្រាកំណើននៃការលក់ប្រចាំខែរយៈពេល ១០ខែជាប់ៗគ្នាហើយ ក្រោយពីបានបិទបញ្ចប់ការលក់ប្រចាំខែមេសាឆ្នាំ២០២១ ជាមួយកំណើននៃការលក់ ៩៧% បើធៀបនឹងខែមេសាឆ្នាំ២០២០។

កាលពីខែមេសាកន្លងទៅនេះ ក្រុមហ៊ុនអាចលក់ចេញរថយន្តបាន ៦២ ៧២៤គ្រឿង ធៀបនឹងចំនួនលក់ ៣១ ៧៦០គ្រឿងកាលពីខែមេសាឆ្នាំមុន។ ហេតុផលចម្បងមួយពីក្រោយកំណើននេះគឺដោយសារការកើនឡើងនូវតម្រូវការច្រើនលើសលប់នៅទីផ្សារសហរដ្ឋអាមេរិក និងអឺរ៉ុប ដែលទីផ្សារទាំងពីរនេះទើបតែងើបពីវិបត្តិកូវីដ១៩។

ជាក់ស្ដែងនៅទីផ្សារសហរដ្ឋអាមេរិកចំនួនលក់របស់ Volvo មានកំណើន ១៨៥,៥% បើធៀបនឹងខែមេសាឆ្នាំ២០២០ ជាមួយចំនួនលក់ ១១ ០៣៦គ្រឿង ដែលរថយន្តលក់ដាច់ជាងគេគឺម៉ូដែល XC90 និងម៉ូដែល XC60។ ចំណែកទីផ្សារអឺរ៉ុបមានកំណើន ១៧៨% ជាមួយចំនួនលក់សរុប ២៥ ៨១៦គ្រឿង។

ជាចុងក្រោយនៅទីផ្សារប្រទេសចិន Volvo បានបង្កើនចំនួនលក់ជាង ១១% ជាមួយចំនួនលក់ ១៦ ៤៣៥គ្រឿង ដោយរថយន្ត XC60 និង S90 លក់ដាច់ជាងគេ ព្រោះជារថយន្តដំឡើងក្នុងស្រុកផ្ទាល់៕

ផ្ទាំងផ្សាយពាណិជ្ជកម្ម

SUV អគ្គិសនីខ្នាតតូចរបស់ Mercedes ថែមម៉ូដែល 300 និង 350 ថ្មី

May 7, 2021

កាលពីពេលថ្មីៗកន្លងទៅនេះ ក្រុមហ៊ុន Mercedes-Benz បានប្រកាសរថយន្ត EQA ម៉ូដែល 250 ហើយឥឡូវនេះ វាបានបន្ថែមម៉ូដែលថ្មីចំនួន ២ ទៀត គឺ EQA 300 4MATIC និង EQA 350 4MATIC។

រថយន្ត Mercedes-Benz EQA 300 4MATIC និង EQA 350 4MATIC ថ្មីនេះ មានបំពាក់ម៉ូទ័រអគ្គិសនីចំនួន ២ និងប្រព័ន្ធប៉ុងពីរ។ EQA 300 4MATIC មានកម្លាំង ២២៥សេះ អាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៧,៧វិនាទី ហើយមានល្បឿនអតិបរមា ១៦០គីឡូម៉ែត្រក្នុងមួយម៉ោង។

ចំពោះម៉ូដែល EQA 350 4MATIC វិញ មានកម្លាំង ២៨៨សេះ អាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៦វិនាទី ហើយមានល្បឿនអតិបរមា ១៦០គីឡូម៉ែត្រក្នុងមួយម៉ោងដូចគ្នា។

ពួកវាបំពាក់កញ្ចប់អាគុយអគ្គិសនីទំហំ ៦៦,៥គីឡូវ៉ាត់ម៉ោង ដែលផ្តល់ចម្ងាយបើកបរសរុប ៤៩៣គីឡូម៉ែត្រ នៅពេលសាកភ្លើងពេញម្តង។

សូមបញ្ជាក់ថា រថយន្ត Mercedes-Benz EQA 300 4MATIC នឹងមានតម្លៃចាប់ពី ៦៤ ៥៨០ដុល្លារ ខណៈម៉ូដែល EQA 350 4MATIC នឹងមានតម្លៃចាប់ពី ៦៧ ៨០០ដុល្លារ៕

ផ្ទាំងផ្សាយពាណិជ្ជកម្ម

មកដឹងតម្លៃឡានអគ្គិសនី Audi E-Tron GT និង RS E-Tron GT ឆ្នាំ២០២១ ទើបចេញលក់

May 7, 2021

ក្រុមហ៊ុន Audi បានប្រកាសដាក់លក់រថយន្តអគ្គិសនី ម៉ូដែល E-Tron GT និង RS E-Tron GT ស៊េរីឆ្នាំ២០២១ ជាផ្លូវការ នៅលើទីផ្សារអឺរ៉ុប។

រថយន្ត Sedan អត់ប្រើសាំងនេះនឹងមានលក់នៅលើទីផ្សារសហភាពអឺរ៉ុបទាំង ២៧ និង ចក្រភពអង់គ្លេសផងដែរ។ នៅក្នុងប្រទេសអាល្លឺម៉ង់ វាមានតម្លៃចាប់ពី ១២០ ២២០ដុល្លារ សម្រាប់ម៉ូដែល E-Tron GT និង ១៦៦ ៤៧៥ដុល្លារ សម្រាប់ម៉ូដែល RS E-Tron GT។

រថយន្តទាំងពីរម៉ូដែលខាងលើបំពាក់ម៉ូទ័រអគ្គិសនី ២ ដូចគ្នា ដោយបង្កើតកម្លាំងបាន ៤៦៩សេះ និង ៥៩០សេះ។ ដោយឡែក ម៉ូដែល RS អាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៣,៣វិនាទី ហើយមានល្បឿនអតិបរមា ២៥០គីឡូម៉ែត្រក្នុងមួយម៉ោង និងបំពាក់កញ្ចប់អាគុយអគ្គិសនីទំហំ ៨៤គីឡូវ៉ាត់ម៉ោង ផ្តល់ចម្ងាយបើកបរសរុប ៤៨៨គីឡូម៉ែត្រ នៅពេលសាកភ្លើងពេញម្តង។

បន្ថែមពីនេះ ម៉ូដែល RS E-Tron GT ឆ្នាំ២០២១ ក៏មានបំពាក់ប្រព័ន្ធជើងក្រោម adaptive three-chamber air suspension, rear electronic differential lock និង ប្រព័ន្ធហ្វ្រាំងដែលទទួលបានការអាប់ដេត មកស្តង់ដារតែម្តង។ ក្រៅពីនោះ វាមានបំពាក់ចង្កៀងមុខ Matrix LED, យ៉ាន់ ២១អ៊ីញ និង ប្រព័ន្ធចង្កូត all-wheel steering ជាដើម៕

ផ្ទាំងផ្សាយពាណិជ្ជកម្ម

តាមរយៈរូបភាពទាំងនេះ បញ្ជាក់ថា Fortuner Legender នឹងមានកាំមេរ៉ា ៣៦០ដឺក្រេ និងកញ្ចប់សុវត្ថិភាព TSS មកជាមួយ…

May 7, 2021

នៅសល់តែ ១ថ្ងៃទៀតប៉ុណ្ណោះ អ្វីដែលបងប្អូនទាំងអស់គ្នាកំពុងរង់ចាំ នឹងមកដល់! នោះគឺរថយន្ត Fortuner និង Fortuner Legender ២០២១។ យោងតាមការបង្ហោះពីក្រុមហ៊ុនផ្លូវការ លក្ខណៈបិតបាំង រាប់ថយក្រោយនៃរូបភាពមួយចំនួន ស្តីពីការការផ្សាយផ្ទាល់នៃពិធីសម្ពោធរថយន្ត Fortuner និង Fortuner Legender ២០២១ នៅថ្ងៃទី៨ ខែឧសភាព ឆ្នាំ២០២១ បានបង្ហាញថារថយន្ត Fortuner Legender ២០២១ នឹងមានកាំមារ៉ា ៣៦០ដឺក្រេ ដោយសារតែមានរំលេចនូវរូបភាពកាំមេរ៉ានៅកញ្ចក់ចំហៀង និងរូបភាពមួយទៀតគឺមាននិមិត្តសញ្ញារបស់កញ្ចប់សុវត្ថិភាពឆ្លាតវៃ TSS។

ប្រភពរូប៖ Toyota Cambodia – រូបភាពនេះគឺបង្ហាញកាំមេរ៉ានៅខាងក្រោមកញ្ចាក់ចំហៀងភ្លើងស៊ីញ៉ូ

ប្រភពរូប៖ Toyota Cambodia – នៅខាងឆ្វេងដៃខាងក្រោមគឺជានិមិត្តសញ្ញា TSS (Toyota Safety Sense)

សម្រាប់កញ្ចប់សុវត្ថិភាពឆ្លាតវៃ TSS នោះមានដូចជា៖

១. ប្រព័ន្ធផ្តល់សញ្ញាគ្រោះថ្នាក់ និងចាប់ហ្រ្វាំងដោយស្វ័យប្រវត្តិ (Pre-Collision System)

២. ប្រព័ន្ធរក្សាល្បឿន បន្ថែមល្បឿន និងបន្ថយល្បឿនតាមស្ថានភាពចរាចរណ៍ (Dynamic Radar Cruise

Control) មុខងារនេះមិនត្រឹមតែប្រើល្បឿនកំណត់អូតូតែវាសំរបទៅតាមល្បឿនរបស់រថយន្តខាងមុខ

៣. ប្រព័ន្ធរក្សាទីតាំងរថយន្តមិនឲ្យរេចង្កូតចាកគន្លងផ្លូវ (Lane Departure Alert)

ចំពោះតម្លៃវិញ ក្រុមហ៊ុនក៏បានបញ្ជាក់ផងដែរថា នឹងមានតម្លៃចាប់ពី ៦៧ ០០០ដុល្លារ។ ដើម្បីជ្រាបកាន់តែច្បាស់អំពីលក្ខណៈពិសេស រូបរាងដ៏ទាក់ទាញបន្ថែមទៀតនោះ កុំភ្លេចរង់ចាំទស្សនា ការផ្សាយផ្ទាល់ពិសេសនេះ នៅលើទំព័រផ្លូវការរបស់ Cambo Auto ក៏ដូចជាក្រុមហ៊ុន Toyota Cambodia ផងដែរ។ ជួបគ្នាថ្ងៃទី ០៨ ខែឧសភា ឆ្នាំ២០២១ ចាប់ពីម៉ោង ៧យប់-៨យប់។

ផ្ទាំងផ្សាយពាណិជ្ជកម្ម