ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 811

មិនមែនលំៗទេ! ឡានចិន NIO សាកភ្លើងម្តងអាចជិះបាន ១ពាន់គ.ម រីឯតម្លៃធូរជាង Tesla ឆ្ងាយ

បងប្អូនយើងមួយចំនួនប្រាកដជាបានដឹងហើយថា ក្រុមហ៊ុនផលិតរថយន្តអគ្គិសនី NIO របស់ប្រទេសចិន ជាក្រុមហ៊ុនមួយដែលកំពុងទទួលបាននូវការចាប់អារម្មណ៌យ៉ាងខ្លាំងទៅលើបច្ចេកវិទ្យាមិនចាញ់ Tesla ឡើយ និងជាពិសេសអ្វីដែលលើសនោះគឺទាក់ទងនឹងបច្ចេកវិទ្យាសាកភ្លើងផ្លាស់ប្តូរអាគុយអគ្គិសនីប្រភេទ Swapping ដោយចំនាយពេលត្រឹមតែ ៣នាទីប៉ុណ្ណោះ ក្រោយពេលចូលទៅក្នុងទូរនៃការផ្លាស់ប្តូរ។

កាលពីដើមឆ្នាំ២០២១ កន្លងទៅនេះក្រុមហ៊ុន NIO បានបញ្ចេញរថយន្ត Sedan របស់ខ្លួន NIO eT7 សម្រាប់ប្រកួតប្រជែងជាមួយ រថយន្ត Tesla Model S ដែលមានតម្លៃត្រឹមតែជិត ៧ម៉ឺនដុល្លារប៉ុណ្ណោះ ខណះ Tesla Model S មានតម្លៃចាប់ពីជាង ១២ម៉ឺនដុល្លារឯណោះ (តម្លៃទីផ្សារប្រទេសចិន)។ រថយន្ត NIO eT7 នេះមានប្រវែងសរុប ៥ ០៩៨ម.ម៉ គម្លាតកង់មុខ-ក្រោយ ៣ ០៦០ម.ម៉ និងទទឹង ១ ៩៨៧ម.ម៉។

បើនិយាយពីរូបរាងរបស់ម៉ូដែលនេះពិតជាស្អាតខ្លាំងណាស់ ចង្កៀងមុខបំពាក់មកដោយអំពូល dual-beam LED ភ្លើងបំភ្លឺពេលថ្ងៃរចនាជា ២ ខ្សែដាច់ចេញពីគ្នា double-dash ទំនើបស៊ីវីល័យ និងចង្កៀងខាងក្រោយមួយជា LED មួយខ្សែយ៉ាងវែងតែម្តងលក្ខណៈប្រដេញ ដោយភ្លើងទាំងអស់នេះជាប្រភេទ Smart Lighting Interaction គឺមានភាពទំនើប និងឆ្លាតវៃ។ ផ្នែកខាងក្នុងរឹតតែមិនបាច់និយាយតែម្តង គឺការរចនាយ៉ាងទាក់ទាញ និងផ្តល់នូវផាសុកភាពបំផុត។

កុងទ័រជំនាន់ថ្មីប្រភេទឌីជីថល NIO’s 2nd generation digital cockpit ទំហំ ១០,២អុីញ ដំណើរការឆ្លងឆ្លើយជាមួយ NOMI នៅផ្នែកកណ្តាលដើម្បីបញ្ជារមុខងារផ្សេងៗ យ៉ាងទំនើប។ អេក្រង់កំសាន្តប្រើប្រាស់បច្ចេកវិទ្យាចុងក្រោយ អេក្រង់ AMOLED ទំហំ ១២,៨អុីញ ភ្ជាប់មុខងារទំនើបៗ និងឆ្លាតវៃជាច្រើន រួមជាមួយឧបករណ៌បំពងសម្លេង ២៣ចំណុច កម្លាំង ១ ០០០វ៉ាត់។

ឥឡូវយើងចូលដល់កន្លែងដែលអស្ចារ្យវិញម្តង រថយន្តនេះមានថាមពលអគ្គិសនីទំហំ ១៥០គីឡូវ៉ាត់ម៉ោង អាចជិះបានចម្ងាយ ១ ០០០គ.ម បើយោងតាមកំរឹតស្តង់ដារ New European Driving Cycle (NEDC)។ ផ្តល់នូវផាសុកភាពខ្ពស់បំផុតនោះដោយសារបច្ចេកវិទ្យា 4D Dynamic Control ដែលប្រើប្រាស់ប៊ូមខ្យល់ដ៏ឆ្លាតវៃ។ ក្រៅពីនេះ NIO ក៏មិនចោលដែរនូវបច្ចេកវិទ្យា NAD (NIO Autonomous Driving) ដែលយើងនឹងបង្ហាញជូនបងប្អូននៅពេលក្រោយ។

រថយន្តនេះគ្រោងនឹងបញ្ចេញលក់ជាផ្លូវការនៅដើមឆ្នាំ ២០២២។ ហើយក្រុមហ៊ុន NIO ត្រូវបានគេហៅថាជា Tesla ទី២ ចុះចំណែកបងប្អូនយល់យ៉ាងណាដែរ?

ផ្ទាំងផ្សាយពាណិជ្ជកម្ម

រថយន្តប្រភេទ MVP ប្រណិតថ្មីរបស់ Hyundai បង្ហាញរូបរាងកាន់តែច្បាស់

រូបភាពដំបូងនៃរថយន្ត Hyundai Custo ប្រភេទ MVP ប្រណិតថ្មីរបស់ Hyundai ត្រូវបានបែកធ្លាយកាលពីខែ សីហា ឆ្នាំមុន ដែលវាជារថយន្តប្រភេទ ៦ និង ៧កៅអី ដែលបានសហការណ៍ផលិតរវាងក្រុមហ៊ុន Beijing-Hyundai និង BAIC Motor សម្រាប់លក់តែនៅក្នុងប្រទេសចិនតែប៉ុណ្ណោះ។

សម្រាប់រូបរាងរបស់វា គឺខុសប្លែកពីម៉ូដែលដែលលក់នៅលើទីផ្សារប្រទេសផ្សេងៗ ហើយអីដែលកត់សំគាល់បំផុតនោះគឺប៉ាណាខាងមុខ គឺស្រដៀងទៅនិងរថយន្ត Tucson ២០២២ និងចង្កៀងខាងមុខ មានរូបរាងស្លីម និងរចនាប្លែកផងដែរ។

រថយន្តនោះមានប្រវែងសរុប ៤ ៩៥០មីលីម៉ែត្រ, ទទឹង ១ ៨៥០មីលីម៉ែត្រ, កម្ពស់ ១ ៧៣៤មីលីម៉ែត្រ និងប្រវែងពីកង់មុខ ដល់កង់ក្រោយ ៣ ០៥៥មីលីម៉ែត្រ។

យោងតាមគេហទំព័រ Car News China បានបញ្ជាក់ថា Hyundai Custo នេះនឹងមាន ២ជម្រើសម៉ាស៊ីន។ ជម្រើសទីមួយ ចំណុះ ១,៦លីត្រ Turbocharged កម្លាំង ១៧០សេះ និងជម្រើសទីពីរ ចំណុះ ២,០លីត្រ Turbocharged កម្លាំង ២៣៦សេះ។

តាមការគ្រោងទុក Hyundai Custo នឹងបង្ហាញខ្លួនជាផ្លូវការលើកដំបូង នៅក្នុងពិព័រណ៍រថយន្ត Shanghai Auto Show។ អំពីតម្លៃ និងលក្ខណៈពិសេសនៃរថយន្ត នឹងប្រកាសក្នុងពេលតែមួយក្នុងកម្មវិធីពិព័រណ៍រថយន្ត Shanghai Auto Show ដែលធ្វើឡើងចាប់ពីថ្ងៃទី ២១ ដល់ ២៨ ខែ៤នេះ៕

ផ្ទាំងផ្សាយពាណិជ្ជកម្ម

Mercedes ចាប់ផ្ដើមសម្រុកបង្ហាញចេញឡានអគ្គិសនី

ក្រោយពីបានបង្ហាញចេញរថយន្តអគ្គិសនី EQS សម្រាប់ទីផ្សារសហរដ្ឋអាមេរិក និងអឺរ៉ុបរួចហើយនោះ ក្រុមហ៊ុន Mercedes-Benz នឹងបង្ហាញចេញរថយន្តអគ្គិសនីថ្មីមួយទៀតជាប្រភេទ SUV ខ្នាតតូចគឺម៉ូដែល EQB។

រថយន្ត EQB នឹងបង្ហាញចេញជាផ្លូវការនៅថ្ងៃទី១៨ ខែមេសា ក្នុងកម្មវិធី Auto Shanghai ឆ្នាំ២០២១នៅប្រទេសចិន នៅអំឡុងកម្មវិធីឈ្មោះថា “EQ Night” ដែលពេលនោះក៏នឹងមានបង្ហាញវត្តមានរថយន្ត EQS សម្រាប់ទីផ្សារអាស៊ីផងដែរ។

រថយន្ត EQB គឺជាប្រភេទអគ្គិសនីនៃរថយន្ត GLB ដែលរំពឹងថានឹងមានទ្រង់ទ្រាយជាប្រអប់ៗដូចគ្នា ហើយផ្នែកខាងមុខនឹងមានបំពាក់ដោយផ្ទាំងប៉ាណាបិទជិតដើម្បីបង្កើនសមត្ថភាពក្នុងការជ្រែកទំនាញខ្យល់ អមជាមួយភ្លើងអំពូលប្រភេទ LED ផងដែរ។

រថយន្ត EQB ត្រូវបានរំពឹងថានឹងមានបញ្ចេញលក់ជាមួយជម្រើសអាគុយច្រើនប្រភេទមានចន្លោះពី ៦០ ដល់ ១១០គីឡូវ៉ាត់ម៉ោង ដែលអាចបើកបរបានចម្ងាយយ៉ាងខ្លីបំផុតគឺ ៤០០គីឡូម៉ែត្រ ព្រមទាំងអាចមានកម្លាំងចំនួន៣ប្រភេទគឺកម្លាំង ២០១សេះ, ២៦៨សេះ និង ៣៣៥សេះ។

Mercedes បានបញ្ជាក់រួចហើយថារថយន្ត EQB នឹងបញ្ចេញលក់ភ្លាមៗនៅទីផ្សារប្រទេសចិនក្រោយការបង្ហាញចេញ។ ចំណែកប្រភេទសម្រាប់លក់នៅអឺរ៉ុបនឹងមានលក់នៅមុនដំណាច់ឆ្នាំ២០២១ ហើយសម្រាប់ទីផ្សារសហរដ្ឋអាមេរិកនឹងមានលក់នៅឆ្នាំ ២០២២៕

ផ្ទាំងផ្សាយពាណិជ្ជកម្ម

ដឹងពេលប្រកាសចេញឡានអគ្គិសនីដំបូងបង្អស់របស់ Ferrari

រថយន្តអគ្គិសនីដំបូងរបស់ Ferrari គឺកំពុងតែស្ថិតនៅក្រោមការអភិវឌ្ឍន៍ ហើយវានឹងរួចរាល់នឹងក្នុងឆ្នាំ ២០២៥។ នេះបើផ្អែកតាមការលើកឡើងរបស់លោក John Elkann ប្រធានក្រុមហ៊ុន Ferrari ដែលបាននិយាយក្នុងការប្រជុំទូទៅប្រចាំឆ្នាំ។

លោក John បាននិយាយដូចនេះថា ៖ “ខ្ញុំរំភើបចិត្តចំពោះរថយន្តប្រើថាមពលអគ្គិសនីសុទ្ធដំបូងរបស់ Ferrari ហើយយើងមានគម្រោងថានឹងបង្ហាញវានៅក្នុងឆ្នាំ ២០២៥។ អ្នកអាចប្រាកដចិត្តបានថាវានឹងជារថយន្តដ៏អស្ចារ្យបំផុតដែលវិស្វករ និងអ្នកឌីហ្សាញរបស់យើងបានបង្កើតឡើង។”

បច្ចុប្បន្ននេះមានក្រុមហ៊ុនរថយន្តកាន់តែច្រើនបានចាប់ផ្ដើមប្រកាសចេញរថយន្តអគ្គិសនីដំបូងរបស់ខ្លួនក្នុងនោះរួមមានទាំង Porsche ផងដែរ ដែលរថយន្តអគ្គិសនី Porsche ឃើញថាទទួលបានការឆ្លើយតបជាវិជ្ជមានពីទីផ្សារយានយន្ត៕

ផ្ទាំងផ្សាយពាណិជ្ជកម្ម

Nissan នឹងកាត់បន្ថយការផលិតរថយន្ត នៅរោងចក្រជប៉ុន ពេញមួយខែឧសភា

ក្រុមហ៊ុន Nissan គ្រោងនឹងកាត់បន្ថយការផលិតរថយន្ត នៅតាមបណ្តារោងចក្រជាច្រើនក្នុងប្រទេសជប៉ុន ពេញមួយខែឧសភា ដោយសារតែវានៅតែបន្តដោះស្រាយជាមួយនឹងកង្វះខាតបន្ទះឈីប ដែលក្រុមហ៊ុនផលិតរថយន្តជុំវិញពិភពលោកកំពុងជួបប្រទះដូចគ្នា។

យោតាមប្រភពព័ត៌មានបានបញ្ជាក់ថា ក្រុមហ៊ុន Nissan នឹងទុកចោលរោងចក្ររបស់ខ្លួននៅ Kyushu រយៈពេល ៨ ថ្ងៃ ចន្លោះពីថ្ងៃទី ១០ និង ១៩ ខែឧសភា។ រោងចក្រនេះគ្រប់គ្រងការផលិតរថយន្ត Serena, X-Trail និងម៉ូដែលមួយចំនួនទៀត។

ទោះជាយ៉ាងណាក៏ដោយ ក្រុមហ៊ុន Nissan រំពឹងថា នឹងផលិតនូវចំនួនដែលបាត់បង់នៅពេលដែលការផ្គត់ផ្គង់បន្ទះឈីប ត្រឡប់មកកម្រិតធម្មតាវិញ។

លើសពីនេះទៅទៀត ប្រភពបានប្រាប់ទៅកាន់សារព័ត៌មាន Reuters ថា រោងចក្រ Oppama និង Shatai របស់ក្រុមហ៊ុន Nissan នឹងលុបចោលវេនយប់ នៅចន្លោះពីថ្ងៃទី ១០-២៨ ខែឧសភា។ រោងចក្រទី ៤ នៅ Tochigi នឹងឈប់ផលិតរយៈពេល ១០ ថ្ងៃផងដែរ ក្នុងអំឡុងខែឧសភា។

អ្នកនាំពាក្យក្រុមហ៊ុន Nissan បានបញ្ជាក់ថា “ដោយសារកង្វះបន្ទះឈីបនៅទូទាំងពិភពលោក ក្រុមហ៊ុន Nissan កំពុងកែតម្រូវផលិតកម្ម និងកំពុងចាត់វិធានការចាំបាច់ ដើម្បីធានាបាននូវការស្ទុះងើបឡើងវិញ”៕

ផ្ទាំងផ្សាយពាណិជ្ជកម្ម

ឡានអគ្គិសនីកំពូលប្រណីតរបស់ Mercedes សាកម្ដងជិះបាន ៧៧០គីឡូម៉ែត្រ

ក្រុមហ៊ុន Mercedes-Benz បានបង្ហាញចេញជាផ្លូវការនូវរថយន្តអគ្គិសនី EQS ស៊េរីឆ្នាំ ២០២២ ដែលជារថយន្តអគ្គិសនីប្រណីតផុតលេខបំផុតរបស់ខ្លួននាពេលបច្ចុប្បន្ននេះ។

រថយន្ត EQS នឹងមានជម្រើសចំនួនពីរប្រភេទគឺ EQS 450+ និង EQS 580 4MATIC ដែលរថយន្តទាំងពីរប្រភេទនេះនឹងមានបំពាក់ដោយអាគុយចំណុះ ១០៧,៨គីឡូវ៉ាត់ម៉ោងដូចគ្នា ដែលអាចឲ្យជិះបានចម្ងាយ ៧៧០គីឡូម៉ែត្រពេលសាកភ្លើងពេញ។ យ៉ាងណាក្ដី Mercedes ក៏មានគម្រោងបញ្ចេញលក់ប្រភេទអាគុយចំណុះ ៩០គីឡូវ៉ាត់ម៉ោងផងដែរ។

សម្រាប់ប្រភេទ EQS 450+ ដែលប្រើប្រាស់ម៉ូទ័រអគ្គិសនីទោលអាចផលិតកម្លាំងបាន ៣២៩សេះ ដែលអាចស្ទុះពី ០-១០០គ.ម/ម៉ក្នុងពេល ៦,២វិនាទី។ ចំណែកឯប្រភេទ 580 4MATIC អាចផលិតកម្លាំងបាន ៥១៦សេះ ដែលអាចស្ទុះពីដល់ ១០០គ.ម/ម៉ក្នុងពេលត្រឹម ៤,៣វិនាទីប៉ុណ្ណោះ។

ចំពោះសមត្ថភាពសាកបញ្ចូលថាមពលរបស់រថយន្ត EQS គឺមានកម្លាំង ២០០គីឡូវ៉ាត់ ដែលអាចឲ្យរថយន្តជិះបានចម្ងាយ ៣០០គីឡូម៉ែត្រពេលសាកភ្លើងត្រឹម ១៥នាទី។

រថយន្តនេះមានបំពាក់ដោយបច្ចេកវិទ្យាទំនើបថ្មីៗដែលក្រុមហ៊ុនបានបំពាក់នៅលើរថយន្ត S-Class ជំនាន់ថ្មី ដែលក្នុងនោះមានដូចជាបច្ចេកវិទ្យា HUD ប្រភេទ AR, បច្ចេកវិទ្យា Drive Pilot ដែលអាចឲ្យរថយន្តបើកបរស្វ័យប្រវត្តិក្នុងល្បឿនដល់ ៦០គ.ម/ម៉ ជាមួយបច្ចេកវិទ្យាបើកបិទទ្វារស្វ័យប្រវត្តិផងដែរ។

នៅមិនទាន់អស់ទេ រថយន្តនេះក៏មាននូវតាប្លូប្រភេទ Hyperscreen ដែលមាន CPU ចំនួន៨គ្រាប់ និង RAM ទំហំ២៤GB ជាមួយមុខងារ MBUX ជំនាន់ចុងក្រោយផងដែរ ប៉ុន្តែវាគឺជា Option ដែលត្រូវបន្ថែមលុយ។ អ្វីដែលមានជាស្តង់ដារគឺអេក្រង់ផ្ដេកទំហំ ១២,៨អ៊ីញ។ ប្រសិនបើបន្ថែមលុយយក Hyperscreen នឹងមានការបំពាក់ដោយអេក្រង់ចំនួន៣ផ្ទាំងដែលសម្រួលដល់ការបញ្ជាទូទៅ។

រថយន្ត Mercedes-Benz EQS នេះនឹងបញ្ចេញលក់លើទីផ្សារសហរដ្ឋអាមេរិកនៅអំឡុងចុងឆ្នាំ ដោយមិនទាន់មានការបង្ហើបឲ្យដឹងអំពីតម្លៃនៅឡើយទេ ប៉ុន្តែទំនងជាអាចមានចាប់ពី ១១ម៉ឺនដុល្លារឡើង៕

ផ្ទាំងផ្សាយពាណិជ្ជកម្ម

Lexus LM 350 ចេញលក់នៅម៉ាឡេស៊ី ក្នុងតម្លៃជាង ២៧ម៉ឺនដុល្លារ

រថយន្ត Lexus LM 350 ទើបចេញលក់នៅប្រទេសម៉ាឡេស៊ីជាផ្លូវការ ដែលមានភាពយូរជាងទីផ្សារដទៃ បើប្រៀបធៀបទៅនឹងទីផ្សារប្រទេសថៃ ឬសិង្ហបុរី។

សម្រាប់ទីផ្សារប្រទេសម៉ាឡេស៊ី រថយន្ត Lexus LM 350 មានតម្លៃថ្លៃជាងរថយន្ត Toyota Alphard ចំនួន ១៥០ភាគរយ ដែលមានតម្លៃប្រមាណ ២៧៨ ០០០ដុល្លារ។

សម្រាប់ផ្នែកខាងក្រៅ វាបានបំពាក់ជាមួយប៉ាណាក្រូមមួយផ្ទាំងធំ ដែលជាអត្តសញ្ញាណរបស់ Lexus LM រួមជាមួយចង្កៀងបំភ្លឺខាងមុខទាំងអស់ ប្រភេទ LED និងចង្កៀងក្រោយប្រភេទ LED បន្ថែមជាមួយថាសកង់ទំហំ ១៨អ៊ីញផងដែរ។

លើសពីនេះ ដោយសារវាជាប្រភេទ Business Version ដូច្នេះសម្រាប់ផ្នែកខាងក្រោយបានបំពាក់ជាមួយកៅអីចំនួន ២ និងខណ្ឌដាច់ដោយឡែកពីគ្នារវាងអ្នកបើកបរ និងអ្នករួមដំណើរដោយជញ្ជាំងកញ្ចក់ និងអេក្រង់កម្សាន្ត ដែលអាចភ្ជាប់ជាមួយទូរស័ព្ទ និងកុំព្យូទ័រ ទំហំ ២៦អ៊ីញផងដែរ។ លើសពីនេះ វាក៏បានបំពាក់ជាមួយប្រព័ន្ធកំសាន្តប្រភេទ Mark Levinson stereo ចំនួន ១៩គ្រាប់, ដំបូល Sunroof, ប្រព័ន្ធម៉ាស៊ីនត្រជាក់ ៣តំបន់ និងកូនទូទឹកកកទំហំ ១៤អ៊ីញផងដែរ។ រីឯផ្នែកខាងក្នុងការប៊ីនខាងមុខ បានបំពាកជាមួយ អេក្រង់កម្សាន្តទំហំ ១២,៣អ៊ីញ, Qi wireless charging, កាំមេរ៉ា ៣៦០ដឺក្រ និងគ្រឿងបរិក្ខាជាច្រើនបន្ថែមទៀត។

រថយន្ត Lexus LM 350 នេះក៏បានបំពាក់មកជាមួយកញ្ចប់ជំនួយការបើកបរបស់ Lexus Safety System + ដែលរួមមាន៖ Automatic Emergency Braking Technology, Adaptive Cruise Control with Stop & Go feature, ប្រពន្ធរក្សាគន្លងផ្លូវ, Blind Spot Warning, Rear Vehicle Warning, Lights Smart lighting និងពោងសុវត្តិភាពចំនួន ៧គ្រាប់។

LM 350 បំពាក់ជាមួយម៉ាស៊ីនចំណុះ ៣,៥លីត្រ Naturally Aspirated ទំហំ ៦ស៊ីឡាំង មានកម្លាំង ២៩៦សេះ និងកម្លាំងបង្វិល ៣៦១ញ៉ូតុនម៉ែត្រ។ វាដំណើរការដោយប្រអប់លេខ ៨វគ្គអូតូ ហើយវាអាចស្ទុះពីល្បឿនកុងទ័រ ០-១០០គ.ម/ម៉ ប្រើពេល ៨,៣វិនាទី និងមានល្បឿនអតិបរមា ១៨០គ.ម/ម៉៕

ផ្ទាំងផ្សាយពាណិជ្ជកម្ម

ចេញហើយ! Hyundai Santa Cruz ២០២២ ជាកូនកាត់ Tucson SUV កម្លាំង ២៧៥សេះ (មានវីដេអូ)

បន្ទាប់ពីបានបង្ហាញខ្លួនកាលពីឆ្នាំ ២០១៥ ក្នុងព្រឹត្តិការណ៌ពិពណ៌រថយន្តអន្តរជាតិ North American International Auto រួចមក ឥឡូវនេះ Hyundia Santa Cruz ២០២២ បានបង្ហាញវត្តមានជាផ្លូវការ ប៉ុន្តែក្រុមហ៊ុនមិនបាននិយាយថាវាជារថយន្តប្រភេទ Pickup នោះទេ ដោយសារតែវាជាកូនកាត់នៃរថយន្តប្រភេទគ្រួសារ Tucson ដោយអោយឈ្មោះថា “segment-shattering” លក្ខណះជារថយន្តបែបស្ព័រដ៏ទំនើប និងយកលំនាំតាមរថយន្តប្រភេទគ្រួសារ Crossover។

ចង្កៀងមុខរបស់វា បានយកលំនាំតាមរថយន្ត ​Tucson ដោយគ្រាន់តែ Santa Cruz លេងខ្លួនស៊ីវីល័យជាង។ ចំណុចចាប់ផ្តើមនៃការផលិតរថយន្តនេះ Santa Cruz ជារថយន្តទី២ នៅអាមេរិចដោយមិនត្រូវបានយកតួរខ្លួនបែបប្រពៃណីដូចពីមុននោះទេ ប្រើប្រាស់ប្រភេទ “Unibody”។ រថយន្តដែលប្រើប្រាស់តួរខ្លួនប្រភេទ Unibody មានដូចជា Honda Pilot, Toyota Highlander, Chevrolet Traverse, Ford Explorer និង Hyundai Santa Fe ជាដើម។

ទ្រុងខាងក្រោយរបស់ Santa Cruz មានទំហំ ៥២,១អុីញ តូចជាងរថយន្ត Nissan Frontier ៧អុីញ តូចជាង Toyota Tacoma ៨អុីញ និងតូចជាង ១១អុីញនៃរថយន្ត Honda Ridgeline។

យោងតាមគេហទំព័រផ្លូវការរបស់សហរដ្ឋអាមេរិច រថយន្ត Santa Cruz ២០២២ មាន៤ជម្រើសដូចជា៖ SE, SEL, SEL Premium និង Limited។

រថយន្ត Santa Cruz ២០២២ មាន ២ជម្រើសម៉ាស៊ីន គឺប្រភេទ ២,៥លីត្រ កម្លាំង ១៩០+សេស កម្លាំងរមួល ១៨០+ lb-ft រីឯមួយប្រភេទទៀត ២,៥លីត្រ turbocharged កម្លាំង ២៧៥+សេស កម្លាំងរមួល ៣១០+ lb-ft ភ្ជាប់ដោយប្រអប់លេខអូតូ ៨វគ្គ។ បើទោះបីជារថយន្តនេះ ត្រូវបានផលិតដោយមិនបានប្រើប្រាស់តួរខ្លួនជារថយន្ត Pickup ដោយមានឈ្មោះថា “Sport Adventure Vehicle” ក៏ពិតមែន តែក្រុមហ៊ុនបានធានាជូនដល់ការអូសសណ្តោងផ្សេងៗដោយប្រភេទម៉ាស៊ីនធម្មតាបានរហូតដល់ ៣ ៥០០ lbs ខណះប្រភេទ Turbocharged បានរហូតដល់ ៥ ០០០ lbs។

សម្រាប់ជម្រើសកង់វិញជាស្តង់ដារគឺទំហំ ១៨អុីញ និងជម្រើស ២០អុីញផងដែរ។ រីឯកុងទ័រ និងអេក្រង់កំសាន្តវិញទំហំធំ ១០អុីញ បន្ថែមជាមួយជម្រើសប្រព័ន្ធកំសាន្តប្រភេទ Bose និងកៅអីស្បែកផ្តល់នូវផាសុកភាពទ្វេដង។ ដើម្បីសុវត្ថិភាពរបស់អតិថិជន រថយន្តនេះមានបំពាក់មកជាមួយនូវប្រព័ន្ធសុវត្ថិភាពស្តង់ដារដូចជា៖ Forward collision avoidance, Lane keep assist, និង driver attention warning standard on the Santa Cruz. ក្រៅពីនេះក៏មានជម្រើសពិសេសដោយបន្ថែមអោយមានដូចជា៖ Blindspot warning, a blind spot camera, Safe Exit Assist, highway drive assistance, a surround-view monitor, និង rear cross-traffic alerts ផងដែរ។

ខាងក្រោមនេះជាការសម្ភោធលក្ខណៈវីដេអូថតទុក ឌីជីថល៖

រថយន្តនេះនឹងត្រូវចាប់ផ្តើមការផលិតនៅខែ មិថុនា ឆ្នាំ២០២១នេះ ដោយត្រៀមលក់ផ្លូវការនៅរដូវក្តៅ (Summer) ហើយនេះគ្រាន់តែជាការផ្តល់ឱកាស និងចាប់យកចំណែកទីផ្សារដូចរថយន្ត Ford Bronco ផងដែរ។ ទោះជាយ៉ាងណា ក្រុមហ៊ុនកូរ៉េនេះ មិនទាន់បានបញ្ជាក់ជាផ្លូវការអំពីតម្លៃរបស់វានៅឡើយទេ។

 

ផ្ទាំងផ្សាយពាណិជ្ជកម្ម

នាយកប្រតិបត្តិរបស់ Ford បាញ់ឈឺៗទៅលើបច្ចេកវិទ្យា Autopilot របស់​ Tesla (មានវីដេអូ)

មិនត្រឹមតែជាការប្រកួតប្រជែងដើម្បីភាពលេចធ្លោរបស់រថយន្តអគ្គិសនី ឬហៅថា EV ប៉ុណ្ណោះទេ ប៉ុន្តែក្រុមហ៊ុនផលិតរថយន្តធំៗជាច្រើនបាននឹងកំពុងប្រជែងគ្នាដើម្បីផលិតរថយន្ត ដែលអាចបើកបរដោយខ្លួនឯងដំបូងគេ និងមានសុវត្ថិភាពនៅលើពិភពលោក។ ក្រុមហ៊ុន Tesla បានខិតខំប្រឹងប្រែងក្នុងការអភិវឌ្ឍបច្ចេកវិទ្យានេះប៉ុន្តែកំណែសាកល្បង ត្រូវបានជួបប្រទះនូវភាពចម្រូងចម្រាសមួយចំនួនបន្ទាប់ពីមានគ្រោះថ្នាក់បន្ថែមទៀតនៅក្នុងប៉ុន្មានខែថ្មីៗនេះ ពាក់ព័ន្ធនឹងរថយន្ត Model 3 របស់ខ្លួន។

ក្រុមហ៊ុន Ford ក៏កំពុងតែខិតខំប្រឹងប្រែងក្នុងការអភិវឌ្ឍបច្ចេកវិទ្យាបើកបរដោយខ្លួនឯងដែលមានឈ្មោះថា BlueCruise បានក្លាយជាបន្លារបស់ ​Tesla ហើយក្រុមហ៊ុនទាំង ២នេះ កំពុងតែទទួលបានការចាប់អារម្មណ៌តាមរយៈការបង្ហោះនៅលើប្រព័ន្ធផ្សព្វផ្សាយឌីជីថល ជាក់ស្តែងនាយកប្រតិបត្តិលោក Jim Farley បានធ្វើការបង្ហោះសារនៅលើបណ្តាញសង្គម Twitter ដែលបានបង្ហាញទៅកាន់បណ្តារអ្នកគាំទ្រ និងអ្នកតាមដានថា ជំនួសអោយអតិថិជនខ្លួនសាកល្បងបច្ចេកវិទ្យាក្នុងដំណាក់កាលកំណែសាកល្បង ដែលក្រុមហ៊ុន Tesla កំពុងធ្វើ សម្រាប់ក្រុមហ៊ុន Ford នឹងធ្វើការសាកល្បង និងទទួលយកហានិភ័យផ្សេងៗដោយខ្លួនឯងប្រសើរជាង។

នៅក្នុងអត្ថន័យដែលបង្ហោះនៅលើ Twitter នោះបានបង្ហាញយ៉ាងច្បាស់ថា លោកសំដៅលើក្រុមហ៊ុន ​Tesla លោក Jim Farley បានធ្វើការបង្ហោះសារជាមួយវីដេអូជាមួយនឹងសារ ” BlueCruise! ត្រូវបានយើងយកមកសាកល្បងនៅលើផ្លូវពិតប្រាកដ ជាក់ស្តែងមួយ ហេតុនេះហើយអតិថិជនរបស់យើង មិនចាំបាច់ធ្វើវាទៀតទេ។ ៉ សកម្មភាពរបស់ Tesla បានធ្វើអោយមានការស្អប់ខ្ពើម នៅលើបណ្តាញផ្សព្វផ្សាយ ដោយសារតែអោយមនុស្សស្លូតត្រង់ស្ថិតក្នុងកាលៈទេសដ៏គ្រោះថ្នាក់មួយ។ ការព្រួយបារម្ភនេះ ដោយពួកគេជឿថានៅពេលអតិថិជនរបស់ក្រុមហ៊ុន Tesla មួយចំនួនមិនបានយកចិត្តទុកដាក់លើផ្លូវដែលនាំឱ្យមានគ្រោះថ្នាក់ខណៈពេលដែលសាកល្បងបច្ចេកវិទ្យាបើកបរដោយខ្លួនឯង។

នាយកប្រតិបត្តិរបស់ Tesla លោក Elon Mask បានធ្វើការការពារទៅលើក្រុមហ៊ុនបច្ចេកវិទ្យារបស់លោក ដោយបានបង្ហោះនៅលើ Twitter ថា “យើងបាននឹងជិតបញ្ចប់នៅការសាកល្បងទៅលើបច្ចេកវិទ្យាបើកបស្វ័យប្រវិត្តដោយខ្លួនឯង ​FSD (Full Self-Driving) កំណែសាកល្បង V9.0 ដែលបានផ្លាស់ប្តូរជំហានដ៏ធំមួយ ជាពិសេសក្នុងករណីការបត់ជ្រុងផ្លូវពិបាកៗ ស្មុកស្មាញ និងអាកាសធាតុអាក្រក់ៗ។ ចក្ខុវិស័យសុទ្ធដោយគ្មានរ៉ាដា។” បណ្តាប្រទេសខ្លះដូចជាប្រទេសអាឡឺម៉ង់ បានធ្វើការហាមឃាត់ក្រុមហ៊ុន Tesla មិនឱ្យប្រើប្រាស់ប្រព័ន្ធបើកបរដោយខ្លួនឯង ព្រោះវានៅតែហួសសមត្ថភាពនៃបច្ចេកវិទ្យា ហើយ NHTSA បាននឹងកំពុងយកចិត្តទុកដាក់យ៉ាងខ្លាំងចំពោះក្រុមហ៊ុនបន្ទាប់ពីមានគ្រោះថ្នាក់កន្លងទៅកាលពីពេលថ្មីៗនេះ។

Ford Mustang Mach-E
កុងទ័របង្ហាញពី BlueCruise នៃរថយន្ត F-150

ក្រុមហ៊ុន Ford គ្រោងនឹងបញ្ចេញបច្ចេកវិទ្យា BlueCruise របស់ខ្លួននៅចុងឆ្នាំនេះលើរថយន្ត Ford F-150 និង Mustang Mach-E ២០២១ ហើយជឿជាក់ថាបន្ទាប់ពីការធ្វើតេស្តជិតកន្លះលានម៉ាយល៍ វានឹងមានលក្ខណៈប្រសើរជាងប្រព័ន្ធដែលផ្តល់ដោយក្រុមហ៊ុន Tesla ។

Tesla Model 3
រូបភាពផ្នែកខាងក្នុងរបស់ Tesla Model 3
ផ្ទាំងផ្សាយពាណិជ្ជកម្ម

Chevrolet Corvette នៅតែជាឡានថ្មី ដែលលក់ដាច់លឿនបំផុតនៅអាមេរិក

Chevrolet Corvette គឺជារថយន្តថ្មីដែលលក់ដាច់លឿនបំផុតនៅសហរដ្ឋអាមេរិក ក្នុងរយៈពេល ៣ ខែជាប់ៗគ្នានិងមានការចូលរួមពីរថយន្តដែលលក់ដាច់លឿនជាច្រើនទៀត ពីក្រុមហ៊ុន General Motors ផងដែរ។

ថ្មីៗនេះក្រុមហ៊ុន iSeeCars បានធ្វើការវិភាគទៅលើរថយន្តថ្មីដែលលក់ដាច់លឿនបំផុត ចំនួន ២០ ម៉ូដែល នៅក្នុងសហរដ្ឋអាមេរិក ហើយបានរកឃើញថា ជាមធ្យមរថយន្តថ្មីចំណាយពេល ៤៧,៤ ថ្ងៃដើម្បីលក់ដាច់ ខណៈរថយន្តមួយទឹក ជាមធ្យមចំណាយពេល ៣៩,៤ ថ្ងៃដើម្បីលក់ដាច់។

ដោយឡែក រថយន្ត Chevrolet Corvette គឺជាម៉ូដែលលក់ដាច់លឿនបំផុត ដោយចំណាយពេលត្រឹមតែ ៩,៤ ថ្ងៃប៉ុណ្ណោះក្នុងការលក់ចេញ ក្នុងតម្លៃជាមធ្យម ៨២ ៤៥៧ដុល្លារ។ បន្ទាប់មកទៀត រថយន្តថ្មីដែលលក់ដាច់លឿនបំផុត ទី២ ក្នុងខែមីនា គឺ Toyota RAV4 Prime ចំណាយពេលជាមធ្យម ១០,២ ថ្ងៃដើម្បីលក់។

ទី៣ គឺ Kia Telluride (១៤,១ ថ្ងៃ) បន្ទាប់មកគឺ GMC Yukon XL (១៤,៣ ថ្ងៃ), Cadillac Escalade ESV (១៥,២ ថ្ងៃ), Cadillac Escalade (១៥,៦ ថ្ងៃ), Hyundai Elantra Hybrid (១៦,១ ថ្ងៃ), Toyota Tacoma (១៦,៣ ថ្ងៃ), GMC Yukon (១៧,៥ ថ្ងៃ) និង Lexus IS 350 (១៧,៥ ថ្ងៃ)៕

ផ្ទាំងផ្សាយពាណិជ្ជកម្ម
1...810811812...1,083ទំព័រ 811 នៃ 1,083

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com