ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 821

Toyota ចេញប្រភេទ Adventureថ្មី សម្រាប់ Yaris Cross ឆ្នាំ២០២១ រូបរាងកាន់តែកាច

Toyota Yaris Cross គឺជារថយន្តប្រភេទ SUV ខ្នាតតូច ដែលផលិតឡើងប្រើប្រាស់គ្រោងឆ្អឹង TNGA-B ដូចគ្នានឹងរថយន្តប្រភេទ Sedan Yaris B-class។ ខណ: ពេលនេះក្រុមហ៊ុន Toyota បានប្រកាសចេញប្រភេទថ្មីឈ្មោះថា Toyota Yaris Cross Adventure ដែលទទួលបានការឌីស្សាញកាន់តែទាក់ទាញជាមុន។

ប្រសិនបើប្រៀបធៀបជាមួយ ប្រភេទធម្មតា Adventure វាបានបំពាក់ជាមួយប៉ាណា ដែលមានទំហំធំជាងមុន ដែលគ្រប់ដណ្តប់ដោយក្រូម និងអំពូលកាត់អ័ព្ទមួយគូផងដែរ ចំណែកផ្នែកខាងក្រោយ វាក៏បានបំពាក់ជាមួយកាងក្រោយប្រភេទក្រូម ដែលជួយអោយកាន់តែរឹងមាំ និងលេចធ្លោផងដែរ។

បន្ថែមពីនោះ សម្រាប់ Toyota Yaris Cross Adventure នេះវាមានតួរខ្លួនចំនួន ២ពណ៌ និងបំពាក់ជាមួយ ថាសកង់ទំហំ ១៨អ៊ីញ និង Bar Roof ចំនួន ៣ផងដែរ។ រីឯផ្នែកខាងក្នុងកាប៊ីនរថយន្ត វាមានពណ៌ខ្មៅ ព្រមទាំងលម្អដោយថ្នេរពណ៌មាស នៅលើតាប្លូ និងទ្វាផងដែរ។

រថយន្ត Toyota Yaris Cross Adventure ឆ្នាំ២០២១ ដំណើរការដោយម៉ាស៊ីនចំណុះ ១,៥លីត្រ ផ្គួបជាមួយម៉ូទ័រអគ្គិសនីមួយ បង្កើតបានកម្លាំងសរុប ១១៤សេះ និងដំណើរការដោយប្រអប់លេខ CVT ប្រភេទប៉ុងពីរ។

វាត្រូវបានគេរំពឹងថា ក្រុមហ៊ុន Toyota នឹងចាប់ផ្តើមទទួលការបញ្ជាទិញនៅ ត្រីមាសទី២នេះ មុនពេលចេញលក់ផ្លូវការនៅខែកញ្ញា ជាមួយប្រភេទ Premiere Edition៕

ផ្ទាំងផ្សាយពាណិជ្ជកម្ម

មានអ្នកហ៊ានចាយ ២,៥លានដុល្លារ ដើម្បីធ្វើជាម្ចាស់ឡាន Hummer អគ្គិសនីដំបូងគេ

រថយន្ត Hummer អគ្គិសនីមិនត្រឹមតែជារថយន្តដែលមានកម្លាំងខ្លាំងនោះទេ ប៉ុន្តែពេលនេះវាបានជាប់ឈ្មោះជារថយន្តភីកអាប់អគ្គិសនីដ៏មានតម្លៃមួយ ដោយសារវាអាចលក់បានដល់តម្លៃ ២,៥លានដុល្លារ ក្នុងកម្មវិធីដេញថ្លៃ Barret Jackson Auction។

រថយន្ត Hummer EV ដែលលក់បានតម្លៃមហាសាលនេះគឺជារថយន្តមួយគ្រឿងដំបូងគេ ដែលវាគឺជាប្រភេទ Edition 1 ដោយតម្លៃធម្មតារបស់វាគឺមានចាប់ផ្ដើមពី ១១២ ៥៩៥ដុល្លារ នៅសហរដ្ឋអាមេរិក។ រថយន្តនេះអាចផលិតកម្លាំងបាន ១០០០សេះ ដែលមានសមត្ថភាពស្ទុះពី ០ ដល់ ៩៦គ.ម/ម៉ ក្នុងពេលត្រឹម ៣វិនាទី និងអាចបើកបរបានចម្ងាយដល់ ៥៦០គីឡូម៉ែត្រផងដែរ។

បន្ថែមពីលើរថយន្តភីកអាប់នេះ ក្រុមហ៊ុន GMC ក៏មានគម្រោងបញ្ចេញលក់រថយន្ត Hummer អគ្គិសនីប្រភេទ SUV ដែលវានឹងបង្ហាញវត្តមានជាផ្លូវការនៅថ្ងៃទី៣ ខែមេសា ខាងមុខនេះតែម្ដង៕

ផ្ទាំងផ្សាយពាណិជ្ជកម្ម

ឡានភីកអាប់ Ram 1500 TRX មួយគ្រឿងដំបូងគេ លក់បានតម្លៃថ្លៃលើសធម្មតា៤ដង

ត្បិតថាមានតម្លៃថ្លៃដែលចាប់ផ្ដើមពី ៩០ ២៦៥ដុល្លារ (នៅសហរដ្ឋអាមេរិក) ក៏ពិតមែន ប៉ុន្តែរថយន្ត Ram 1500 TRX ប្រភេទ Launch Edition អាចលក់ដាច់អស់ក្នុងពេលត្រឹម ៣ម៉ោង ក្រោយបើកទទួលការបញ្ជាទិញ។ យ៉ាងណាក្ដីរថយន្ត Ram 1500 TRX ប្រភេទ Launch Edition ខាងក្រោមនេះអាចលក់បានដល់តម្លៃ ៤១០ ០០០ដុល្លារ ដោយសារចំណុចពិសេសមួយចំនួន។

គួរដឹងថារថយន្ត Ram 1500 TRX ដែលចូលរោងចក្រផលិតមុនគេចំនួន ៧០២គ្រឿង គឺសុទ្ធសឹងតែជាប្រភេទ Launch Edition ហើយរថយន្តខាងលើនេះគឺជាម៉ូដែលដំបូងគេដែលបានរំកិលខ្លួនចេញពីរោងចក្រផលិត។ វាមានលេខ VIN #001 ហើយត្រូវបានដាក់លក់ដេញថ្លៃនៅកម្មវិធី Barret-Jackson Scottsdale ដែលថវិកាបានពីការដេញថ្លៃនឹងប្រើសម្រាប់កិច្ចសប្បុរសធម៌។

ក្រៅពីបានក្លាយជាម្ចាស់ដំបូងនៃរថយន្ត Ram 1500 TRX ហើយនោះ អ្នកដែលឈ្នះលើការដេញថ្លៃក៏នឹងទទួលបានឯកសារ និងសៀវភៅដែលបង្ហាញអំពីការអភិវឌ្ឍន៍រថយន្ត, រូបភាព និងវីដេអូផ្ដាច់មុខនៃរថយន្តនេះផងដែរ៕

ផ្ទាំងផ្សាយពាណិជ្ជកម្ម

Toyota វិនិយោគឡើងវិញជាមួយ Isuzu សម្រាប់បច្ចេកវិទ្យាបើកបរស្វ័យប្រវត្តិ និងឡានអគ្គិសនី

ក្រុមហ៊ុន Toyota Motor នឹងធ្វើការវិនិយោគឡើងវិញនៅក្នុងក្រុមហ៊ុន Isuzu Motors ខណៈក្រុមហ៊ុនផលិតរថយន្តធំជាងគេរបស់ជប៉ុននេះ ព្យាយាមបង្កើនការជំរុញរបស់ខ្លួនទៅក្នុងបច្ចេកវិទ្យា ដូចជា ការបើកបរដោយស្វ័យប្រវត្តិ និងយានយន្តអគ្គិសនី។

ក្រុមហ៊ុន Toyota នឹងចំណាយប្រាក់ចំនួន ៤២,៨ ពាន់លានយ៉េន (៣៩៤ លានដុល្លារ) ដើម្បីទទួលបានភាគហ៊ុន ៤,៦ ភាគរយនៅក្នុងក្រុមហ៊ុន Isuzu ក្នុងរយៈពេលតែ ៣ ឆ្នាំប៉ុណ្ណោះបន្ទាប់ពីក្រុមហ៊ុនផលិតរថយន្តក្នុងស្រុកទាំងពីរ បានបញ្ចប់ការសហការណ៍ពីមុន។

ការវិនិយោគឡើងវិញនេះគឺជាផ្នែកមួយនៃភាពជាដៃគូថ្មីដែលពាក់ព័ន្ធជាមួយក្រុមហ៊ុន Hino Motors ជាក្រុមហ៊ុនបុត្រសម្ព័ន្ធរបស់ Toyota ដែលត្រូវបានគេមើលឃើញថា ជាគូប្រជែងរបស់ Isuzu។

ដោយឡែក ក្រុមហ៊ុន Isuzu ក៏នឹងទិញភាគហ៊ុនរបស់ក្រុមហ៊ុន Toyota ដែលមានតម្លៃស្មើគ្នានឹងទឹកប្រាក់ខាងលើ ដែលជាផ្នែកមួយនៃប្រតិបត្តិការផងដែរ។

ក្រុមហ៊ុនទាំងនេះកំពុងតែធ្វើជាដៃគូនឹងគ្នា ដើម្បីជាមធ្យោបាយមួយរួមបញ្ចូលភាពខ្លាំងរបស់ក្រុមហ៊ុន Isuzu និង Hino នៅក្នុងអាជីវកម្មរថយន្តពាណិជ្ជកម្ម (commercial vehicles) ដោយ Toyota ហៅវាថា បច្ចេកវិទ្យា CASE ដែលមានន័យថា Connected, Autonomous, Shared និង Electric vehicles៕

ផ្ទាំងផ្សាយពាណិជ្ជកម្ម

ឡានស្ព័រ Nissan 400Z នឹងមានតម្លៃខ្ទង់ ៣ម៉ឺនដុល្លារ ហើយប្រើតែឈ្មោះ “Z” ទទេប៉ុណ្ណោះ

រយៈពេលមិនយូរប៉ុន្មានឡើយ ក្រោយពេលដែលរូបថតនៃរថយន្ត Nissan 400Z (production-spec) បានលេចធ្លាយលើបណ្តាញអនឡាញ ស្រាប់តែព័ត៌មានលម្អិតថ្មីមួយចំនួន ក៏បានលេចឡើងមកផងដែរ។

យោងតាមប្រភពព័ត៌មានបានឲ្យដឹងថា រថយន្ត Nissan នឹងមិនប្រើឈ្មោះ 400Z នេះឡើយ ដោយគ្រាន់តែប្រើឈ្មោះ “Z” ទទេប៉ុណ្ណោះ ពោលគឺ Nissan Z សម្រាប់ទីផ្សារអន្តរជាតិ និង Nissan Fairlady Z សម្រាប់ប្រទេសជប៉ុន។

គេបានដឹងរួចមកហើយថា រថយន្តស្ព័រថ្មីនេះនឹងប្រើម៉ាស៊ីណ twin-turbocharged ចំណុះ ៣,០លីត្រ ទំហំ ៤ស៊ីឡាំង ដែលមានកម្លាំង ៤០០សេះ ធ្វើឲ្យវាខ្លាំងជាងរថយន្ត Toyota Supra 3.0 ឆ្នាំ២០២១។

មិនតែប៉ុណ្ណោះ ប្រភពខាងលើបានបង្ហាញថា Nissan Z អាចមានតម្លៃចាប់ពី ៣៤ ៩៩៥ដុល្លារ សម្រាប់ប្រភេទ Base Model ធ្វើឲ្យវាថោកជាង Toyota Supra 3.0 ដល់ទៅ ១៦ ៩៥០ដុល្លារឯណោះ។

ក្នុងនោះដែរ ប្រភពក៏បានបញ្ជាក់ថា Nissan ទំនងជាផ្តល់ជម្រើសច្រើនម៉ូដែលលើ Z ថ្មីនេះ ដោយមានដូចជា Z Type S, Z Type T និង Z Type ST ផងដែឬ៕

ផ្ទាំងផ្សាយពាណិជ្ជកម្ម

អេមណាស់! ភីកអាប់ Jeep Gladiator Mojave ឆ្នាំ២០២១ តម្លៃជាង ៦ម៉ឺនដុល្លារនៅមិចស៊ីកូ

ក្រុមហ៊ុន Stellantis Mexico បានប្រកាសចេញរថយន្ត Jeep Gladiator Mojave ស៊េរីឆ្នាំ២០២១ ថ្មី សម្រាប់ទីផ្សារប្រទេសមិចស៊ីកូ។

រថយន្ត Jeep Gladiator Mojave គឺជាភីកអាប់ដែលផ្តោតខ្លាំងលើការបើកបរ off-road ដោយសាក់ស៊ីរបស់វាត្រូវបានពង្រឹងឲ្យរឹងមាំជាងមុន, ប្រើប៉ុង Dana 44 solid axles, បូម Fox performance shocks, បន្ទះការពារបាតក្រោម និងយ៉ាន់អាលុយមីញ៉ូម ១៧អ៊ីញ ជាមួយសម្បកកង់ ៣៣អ៊ីញទៀតផង។

Gladiator Mojave មានកម្ពស់បាតក្រោមឈរផុតពីដី ២៩,៤សង់ទីម៉ែត្រ ដោយអាចអូសសណ្តោងបាន ២,៧តោន។ វាមានបំពាក់ម៉ាស៊ីនចំណុះ ៣,៦លីត្រ Pentastar ទំហំ ៦ស៊ីឡាំង មានកម្លាំង ២៨៥សេះ ដំណើរការដោយប្រអប់លេខអូតូ ៨វគ្គ និងប៉ុងពីរ ជាមួយមុខងារ rear differential lock ផងដែរ។

ចំណែកឯកាប៊ីនខាងក្នុងវិញ Gladiator Mojave ប្រើអេក្រង់កម្សាន្ត Touchscreen ៨,៤អ៊ីញ និងកុងទ័រ ៧អ៊ីញ ជាមួយប្រព័ន្ធសំឡេង Alpine មានបាស ៩គ្រាប់។

រថយន្ត Jeep Gladiator Mojave ឆ្នាំ២០២១ មានតែជម្រើសពណ៌ប្រផេះ Manta Ray Gray ប៉ុណ្ណោះ ហើយមានតម្លៃ ៦១ ៣២០ដុល្លារ នៅក្នុងប្រទេសមិចស៊ីកូ៕

ផ្ទាំងផ្សាយពាណិជ្ជកម្ម

SUV កៅអី ៣ជួរ ឆ្នាំ២០២១ ថ្មីរបស់ Hyundai ចេញផ្លូវការនៅប្រទេសថៃ

ក្រុមហ៊ុន Hyundai បានធ្វើការប្រកាសចេញរថយន្ត Hyundai Palisade ឆ្នាំ​២០២១ ជាផ្លូវការសម្រាប់ទីផ្សារប្រទេសថៃ នៅក្នុងកម្មវិធីតាំងពិពណ៌ Bangkok International Motor Show 2021។

រថយន្ត Hyundai Palisade ឆ្នាំ​២០២១ មានប្រវែងសរុប ៤ ៩៨០មីលីម៉ែត្រ, ទទឹងប្រវែង ១ ៩៧៥មីលីម៉ែត្រ, កម្ពស់ ១ ៧៥០មីលីម៉ែត្រ និងប្រវែងពីកង់មុខ ទៅកង់ក្រោយមានប្រវែង ២ ៩០០មីលីម៉ែត្រ។

សម្រាប់ទីផ្សារប្រទេសថៃ វាមានជម្រើសម៉ាស៊ីនចំនួន ៣ប្រភេទគឺ ៣,៥លីត្រ V6 កម្លាំង ២៧៧សេះ, ៣,៨លីត្រ V6 កម្លាំង ២៩៥សេះ និងម៉ាស៊ីនម៉ាស៊ូត ២,២លីត្រ Turbocharged កម្លាំង ២០០សេះ។ វាដំណើការដោយ ប្រអប់លេខ ៨វគ្គអូតូ និងជម្រើសប៉ុងមួយ និងប៉ុងពីរ។

រថយន្ត SUV ខ្នាតធំនេះ មានបំពាក់អេក្រង់កម្សាន្តទំហំ ១០,២៥អ៊ីញ អាចភ្ជាប់មុខងារ Apple CarPlay, Android Auto, Bluetooth និងផែនទី, ប្រព័ន្ធសំឡេង Harman Kardon ចំនួន ១២គ្រាប់, កុងទ័រ ៧អ៊ីញ, អេក្រង់បង្ហាញលើកញ្ចក់ HUD, អេក្រង់កម្សាន្តកៅអីខាងក្រោយទំហំ ៨អ៊ីញ និង ប្រព័ន្ធម៉ាស៊ីនត្រជាក់ ៣តំបន់ ជាដើម។

ជាមួយគ្នានេះដែរ វាក៏មានបំពាក់មុខងារ Hyundai Smartsense Safty រួមមាន Blind Spot Collision Avoidance System, Forward Collision Avoidance, ប្រព័ន្ធរក្សាគន្លងផ្លូវ, Lane Following Assist, Rear Cross Traffic Collision Avoidance, Reversing Camera, Trailer Stability Assist, ប្រព័ន្ធត្រួតពិនិត្យសម្ពាធកង់, Smart Cruise Control with stop and go និង ប្រព័ន្ធជំនួយពេលឡើងចំណោទ ទៀតផង។

សម្រាប់តម្លៃរបស់ រថយន្ត SUV ខ្នាតធំនេះ គឺក្រុមហ៊ុន Hyunda ពុំទាន់មានការប្រកាសនៅឡើយទេ៕

ផ្ទាំងផ្សាយពាណិជ្ជកម្ម

បងប្អូនភ្លោះត្រកូល 650 របស់ Royal Enfield សេរ៊ីឆ្នាំ ២០២១ ចេញលក់ផ្លូវការ ជាមួយតម្លៃ បច្ចេកវិទ្យា ពណ៌ថ្មី និងព័ត៌មានលម្អឹតផ្សេងទៀត

ក្រុមហ៊ុន Royal Enfield បានធ្វើការប្រកាសចេញនូវម៉ូតូរបស់ខ្លួនម៉ូឌែល Interceptor 650 និង Continental GT 650 សេរ៊ីឆ្នាំ ២០២១ សម្រាប់ទីផ្សារប្រទេសឥណ្ឌាជាផ្លូវការ។ សម្រាប់ម៉ូឌែល ឆ្នាំ ២០២១នេះ បងប្អូនត្រកូល 650 ទទួលបាននូវជម្រើសពណ៌ចំនួន ៥ថ្មី, វត្ថុធាតុដើមថ្មីមួយចំនួន និងជម្រើសការឌីស្សាញផ្ទាល់ខ្លួនផងដែរ។ ចំពោះការកក់ នៃម៉ូតូទាំងពីរម៉ូឌែលនេះ អតិថិជនអាចធ្វើការកក់នៅគ្រប់ទីភ្នាក់ងាចែកចាយរបស់ក្រុមហ៊ុន Royal Enfield នៅទូទាំងប្រទេស។

ម៉ូតូ Royal Enfield ម៉ូឌែល Interceptor 650 សេរ៊ីឆ្នាំ ២០២១ មានជម្រើស មួយពណ៌ ដែលមានពណ៌ថ្មី ២ ពណ៌ និងជម្រើស ពីរពណ៌លាយគ្នា ដែលមានពណ៌ ក្រហមលាយខៀវ (Canyon Red & Ventura Blue) ដោយមានឆ្នូតកាត់ រួមជាមួយតែម Sunset និងបានអភិវឌ្ឍន៌បន្ថែមទៅប្រភេទបែបក្រូម៉េ “Chrome”  ដើម្បីបែងចែកប្រភេទកំរឹត ២។ ក្រៅពីនេះ ក៏មានជម្រើសពណ៌ផ្សេងទៀត ដូចនឹងម៉ូដែលមុនដែរ ដែលមានដូចជា៖ ពណ៌ Orange Crush (មួយពណ៌) និងពណ៌ Baker Express (ពីរពណ៌លាយគ្នា)។

សម្រាប់ជម្រើសមួយពណ៌ Interceptor 650 ឆ្នាំ២០២១ ក៏មានបន្ថែមលក្ខណៈពិសេសដូចជា យ៉ាន់កង់ខ្មៅ និងរបាំងការពារភក់ផងដែរ។

ចំណែក Royal Enfield Continental GT 650 ក៏បានផ្តល់នូវជម្រើស ៥ពណ៌ថ្មីរួមមាន៖ Rocker Red និង British Racing Green មកជាស្តង់ដារ(ជម្រើសមួយពណ៌) និងជម្រើសពណ៌ដែលចង់បាន (ពីរពណ៌លាយគ្នា) ដូចជា៖ Dux Deluxe និង Ventura Storm និងការអភិវឌ្ឍន៌បន្ថែមើលក្រូម៉េ ‘Chrome’ ទៅលើប្រភេទ Mister Clean។

ខាងក្រោមនេះ ជាតម្លៃម៉ូដែល Royal Enfield Interceptor 650 ឆ្នាំ២០២១ (គ្រប់ទីតាំងទាំងអស់ លើកលែង Karnataka និង Kerala)៖

  • Interceptor 650 Standard ២០២១ (ជម្រើសមួយពណ៌) តម្លៃ Rs 2,75,467
  • Interceptor 650 Custom ២០២១ (ជម្រើសពីរពណ៌លាយគ្នា) តម្លៃ Rs 2,83,593
  • Interceptor 650 Chrome Mark 2 ២០២១ តម្លៃ Rs 2,97,133

ចំពោះតម្លៃម៉ូដែល Royal Enfield Continental GT 650 ២០២១ វិញ (គ្រប់ទីតាំងទាំងអស់ លើកលែង Karnataka និង Kerala)៖

  • Continental GT 650 Standard ២០២១ (ជម្រើសមួយពណ៌) តម្លៃ Rs 2,91,701
  • Continental GT 650 Custom ២០២១ (ជម្រើសពីរពណ៌លាយគ្នា) តម្លៃ Rs 2,99,830
  • Continental GT 650 Chrome Mister Clean ២០២១ តម្លៃ 3,13,367

ក្រុមហ៊ុន Royal Enfield បានផ្តល់ជូននៅជម្រើសសម្រាប់ការពេញចិត្តផ្ទាល់ខ្លួន និងគ្រឿងលំអរបំពាក់បន្ថែម ដោយបានធ្វើការអភិវឌ្ឍន៌ទៅលើកូនភ្លោះទាំងពីរ។ សម្រាប់ប្រភេទ Interceptor 650 ឆ្នាំ២០២១ មាន ២ជម្រើសទៅលើកែបអង្គុយ (កែបអង្គុយ ២ សម្រាប់ការធ្វើដំណើរជាស្តង់ដារ និងកែបអង្គុយមានលេងថ្នេរដេរយ៉ាងស៊ីវីល័យ និងមានលេងស្ទាយនៅខាងក្រោយ) ម៉ាស៊ីន និងគំរបការពារម៉ូមទឹកខាងក្រោម ក៏បំពាក់ដោយការលេងផ្សេងគ្នា កញ្ជក់សងខាង កម្ពស់ខ្ពស់ រចនាយ៉ាងទាក់ទាញ។ សម្រាប់ប្រភេទ Continental GT 650 ក៏មានជម្រើសបែបខ្មៅ លេងមួយតួរខ្លួនបែបស៊ីវីល័យបំផុត។

ជម្រើសចង់បានផ្ទាល់ខ្លួន និងគ្រឿងលំអរតុបតែង មានការធានាជាស្តង់ដាររយៈពេល ២ ឆ្នាំ នេះបើតាមក្រុមហ៊ុនបញ្ជាក់។

បងប្អូនត្រកូល Royal Enfield 650 ទាំង២ មានបំពាក់ជាមួយម៉ាស៊ីនភ្លោះស្របគ្នាកម្លាំង ៦៤៨cc ភ្ជាប់ជាមួយកង្ហារស្អំម៉ាស៊ីន (air-cooled 650 parallel twin) ប្រើប្រាស់ប៉ិច ដែលមានកម្លាំង ៤៧ bhp និងកម្លាំងបង្វិល ៥២Nm ដំណើរការដោយប្រអប់លេខ ៦វគ្គ ចូលលេខបានលឿន៕

ផ្ទាំងផ្សាយពាណិជ្ជកម្ម

រថយន្ត Maxus T60 ជារថយន្តភីកអាប់ដំបូងគេដែលមានតម្លៃក្រោម ៣ម៉ឺនដុល្លារ

រថយន្ត ​Maxus T60 បានផលិតដោយក្រុមហ៊ុន SAIC Motor ក្រោមការសហការណ៏រថយន្តយីហោ Maxus ហើយបាននាំចូលផ្តាច់មុខមកទីផ្សារប្រទេសកម្ពុជាដោយក្រុមហ៊ុន TF Motors Cambodia។ វាជារថយន្តប្រភេទភីកអាប់ដំបូងគេដែលបានបង្កើតឡើងដោយ SAIC សម្រាប់ទីផ្សារពិភពលោក ហើយវាក៏ជារថយន្តភីកអាប់ដំបូងគេនៅកម្ពុជាដែលមានតម្លៃក្រោម ៣០ ០០០ដុល្លារ បូករួមនឹងការធានាជូនរយៈពេល ៥ឆ្នាំ បន្ថែមនូវកញ្ចប់ប្រម៉ូសិនដូចជា: ស្លាកលេខខ្លី, កម្រាលជើងប្រណីត និង ការបិតស្កុតការពារកម្តៅ។

មនុស្សមួយចំនួនត្រូវការរថយន្តភីកអាប់ដែលមានភាពរឹងម៉ាំ និងមានសមត្ថភាពខ្លាំងក្នុងការអូសទាញ។ នោះហើយដែលជាចំនុចពិសេសរបស់រថយន្ត Maxus T60 ហើយធ្វើអោយមានការចាប់អារម្មណ៏ពីសំណាក់អតិថិជន។ រថយន្តនេះបានរចនាឡើងសម្រាប់ការប្រើប្រាស់ជាលក្ខណៈគ្រួសារ និងសម្រាប់ផ្លូវប្រភេទ Off-road រួមជាមួយការអូសទាញដ៏ខ្លាំងសម្រាប់តម្រូវការចាំបាច់ផងដែរ។ វាអាចអូសទាញបានរហូតដល់ជាង៣តោនជាមួយនឹងរូបរាងតូចល្មមយ៉ាងស្រស់ស្អាតនិងមានភាពងាយស្រួលក្នុងការចត។ រថយន្ត Maxus T60 បំពាក់ដោយប្រព័ន្ធជំនួយក្នុងពេលបើកបរ និងមានពីរជម្រើសសម្រាប់ជ្រើសរើសដូចជាប្រភេទប៉ុង១ (2WD) និងប៉ុងពីរ(4×4) ដែលវាមានតម្លៃចាប់ពី ២៩ ៨០០ដុល្លារ ហើយវាបំពាក់ដោយម៉ាស៊ីនម៉ាស៊ូតតួបូ(TDI)ចំណុះ ២,៨លីត្រ ដែលផ្តល់នូវកម្លាំង ១៤៨សេះ និងកម្លាំងបង្វិល ៣៦០Nm។ ម៉ាស៊ីនតួបូរបស់វាគឺមានកម្លាំងខ្លាំងហើយស៊ីប្រេងឥន្ធនៈតិចដែលធ្វើអោយលោកអ្នកមានទំនុកចិត្តខ្ពស់ក្នុងការបើកបរគ្រប់ស្ថានភាពផ្លូវ។ លក្ខណៈពិសេសនៃប្រព័ន្ធសុវត្ថិភាពគឺស្តង់ដារដោយទទួលបានចំណាត់ថ្នាក់លំដាប់ផ្កាយ ៥ពី ANCAP។

រថយន្ត Maxus T60 បានឌីស្សាញជាមួយនឹងក្រូមខាងមុខដ៏ធំរួមនឹងចង្កៀងមុខ LED និងចង្កៀង Fog Lamp យ៉ាងស្រស់ស្អាត។ អត្ថប្រយោជន៏នោះគឺលោកអ្នកទទួលបានការបំភ្លឺផ្លូវបានយ៉ាងល្អ។ វាមានលក្ខណៈស្តង់ដារល្អជាមួយធាតុផ្សំនិងលក្ខណៈសំខាន់ៗមួយចំនួនដែលអនុញ្ញាតឱ្យលោកអ្នកទទួលបាននូវអារម្មណ៍ប្លែកនៃស្ទីលរបស់រថយន្ត។ រថយន្ត Maxus T60 បានបំពាក់ដោយតួប្រភេទរថយន្តធំយ៉ាងរឹងមាំ ហើយផ្នែកគ្រឿងក្រោមមុខក្រោយបំពាក់ដោយជន្ទាស(Leaf Spring)។ ផ្នែកខាងក្នុងវិញពិតជាមានផាសុកភាព និងទាក់ទាញដោយសារការរចនាជាមួយនឹងពូកស្បែករំលេចដោយអំបោសពណ៏ក្រហមដែលលកាន់តែធ្វើអោយរថយន្តភីកអាប់នេះកាន់តែប្រណីត។

លក្ខណៈពិសេសបន្ថែមទៀតមានដូចជា ប្រព័ន្ធសោរ Smart key, ប្រព័ន្ធម៉ាស៊ីនត្រជាក់ដែលគ្រប់គ្រងសីតុណ្ហភាពអូតូម៉ាទិចនិងមានរន្ធម៉ាស៊ីននៅផ្នែកខាងក្រោយ, កៅអីអ្នកបើកបរអាចសារ៉េបាន6បែប, ប្រព័ន្ធផ្តល់ដំណឹងសម្ពាធកង់, ផ្លិតទឹកអូតូ, សេនស័រនិងកាំមេរាថយក្រោយជំនួយពេលចតរថយន្ត។ វាក៏បានបំពាក់ដោយអេក្រង់កំសាន្ត១០អ៊ីញដែលអាចភ្ផាប់ Apple CarPlay និងBluetooth រួមដោយធុងបាស់6គ្រាប់ដែលអាចអោយលោកអ្នកទទួលបាននូវភាពរីករាយក្នុងពេលបើកបរ។

ខណៈពេលដែលរថយន្តភីកអាប់ជាច្រើនមានការពេញចិត្តនិងមានតម្លៃថ្លៃ ក៏ប៉ុន្តែវាក៏នៅតែមានកំណែទម្រង់ថ្មីនៃរថយន្តប្រភេទភីកអាប់ដែលអាចរកបានក្នុងតម្លៃយ៉ាងសមរម្យ។ រថយន្ត Maxus T60 ផ្តល់ជូននូវតម្លៃសមរម្យហើយវាអាចបើកបរបានយ៉ាងរឹងមាំហើយអាចដឹកទំនិញជាច្រើនផ្សេងៗគ្នាសម្រាប់អាជីវកម្មរបស់លោកអ្នក ដែលនេះហើយជាជម្រើសដ៏ល្អសម្រាប់អ្នកដែលចង់បានរថយន្តដែលល្អទាំងការងារក៏ដូចជាការធ្វើដំណើរ៕

ផ្ទាំងផ្សាយពាណិជ្ជកម្ម

បើកម្ពុជាមានក្រុមហ៊ុន Tesla មែន! យើងជាប្រទេសទី ២នៅអាស៊ានបន្ទាប់ពីប្រទេសមួយនេះ

ប្រភព៖ Tesla Cambodia

[ទីផ្សាររថយន្តក្នុងស្រុក] យើងទាំងអស់គ្នាប្រាកដជាស្គាល់ច្បាស់ហើយថា Tesla គឺជាក្រុមហ៊ុនផលិតរថយន្តអគ្គិសនីដ៏ល្បីល្បាញមួយនៅលើពិភពលោក។ ដោយឡែកសម្រាប់កម្ពុជាវិញ កាលពីប្រមាណ ១ខែកន្លងទៅនេះ ក៏មានការភ្ញាក់ផ្អើលផងដែរពីការនាំចូល រថយន្ត Tesla Model X ជាលើកដំបូង (ចុចទីនេះដើម្បីអានបន្ថែម)។ អ្វីដែលទទួលបាននូវការចាប់អារម្មណ៌យ៉ាងខ្លាំងនោះ គឺទៅលើបច្ចេកវិទ្យាដែលមានបំពាក់ និងជាពិសេសមុខងារ Autopilot ដោយគ្រាន់តែតម្លៃដើមរបស់វាមានតម្លៃ ១ម៉ឺនដុល្លារទៅហើយ។ យ៉ាងណាមិញ នៅថ្ងៃនេះកាន់តែបង្ករអោយមានការភ្ញាក់ផ្អើលយ៉ាងខ្លាំង ដោយសារតែការលេចរូបរាងនៃអគារមួយនៅលើដងមហាវិថី សហព័ន្ធរុស្សី ដែលមានឡូហ្គូរបស់ Tesla យ៉ាងធំ។ គួរបញ្ជាក់ផងដែរថា បច្ចុប្បន្នក្រុមហ៊ុនផ្លូវការ Tesla មានប្រមាណជិត ៤០ប្រទេសប៉ុណ្ណោះ ហើយក្នុងនោះសម្រាប់ប្រទេសសមាជិកអាស៊ានវិញ គឺមានតែសឹង្ហបុរីតែមួយគត់។

ហើយប្រសិនបើអគារនោះ ពិតជាក្រុមហ៊ុនលក់រថយន្ត ​Tesla មែន ប្រទេសកម្ពុជានឹងក្លាយជាប្រទេសអាស៊ានទី២ ដែលបាននាំចូលលក់រថយន្ត Tesla បន្ទាប់ពីប្រទេសសឹង្ហបុរី។ យើងនឹងរង់ចាំមើលទាំងអស់គ្នា ថាតើនោះពិតជាក្រុមហ៊ុនផ្លូវការរបស់ Tesla ឬយ៉ាងណា? បច្ចុប្បន្នក្រុមហ៊ុន Tesla មានម៉ូដែលផ្លូវការរបស់ខ្លួនចំនួន ៥ ប្រភេទ៖ Model S, Model 3, Model X, Model Y និងរថយន្តប្រភេទដឹក Cybertruck។

រូបភាពតំណាង
ផ្ទាំងផ្សាយពាណិជ្ជកម្ម
1...820821822...1,083ទំព័រ 821 នៃ 1,083

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com