ក្រុមហ៊ុនផលិតរថយន្តរបស់បារាំង Peugeot បានធ្វើការប្រកាសបង្ហាញនូវរថយន្ត Peugeot 308 ស៊េរីឆ្នាំ ២០២១ ជាផ្លូវការ បន្ទាប់ពីប៉ុន្មានម៉ោងនៃការបែកធ្លាយតាមប្រព័ន្ធអ៊ីនធឺណិត។
រថយន្ត Peugeot 308 ស៊េរីឆ្នាំ ២០២១នេះ គឺជាជំនាន់ទី៣ នៃ Stellantis’s EMP2 ដែលទទួលបានការឌីស្សាញនិងបំពាក់ជាមួយឡូហ្គូក្បាលតោថ្មី។
សម្រាប់សេរ៊ីឆ្នាំ ២០២១នេះ វាមានប្រវែងពីកង់មុខ ទៅកង់ក្រោយវែងជាមុន ៥៥មីលីម៉ែត្រ និងមានកម្ពស់ទាបជាងមុន ២០មីលីម៉ែត្រ។ បន្ថែមពីនេះ រូបរាងផ្នែកខាងក្រៅរបស់វា បានបំពាក់ស្តង់ដាមកជាមួយចង្កៀងមុខ ប្រភេទ Matrix LED, អំពូលបំភ្លឺពេលថ្ងៃ ប្រភេទLED, ចង្កៀងក្រោយ ប្រភេទLED និងថាសកង់ទំហំ ១៦-១៨អ៊ីញ។
រីឯផ្នែកខាងក្នុងរថយន្ត Peugeot 308 ឆ្នាំ២០២១ នេះ គឺបំពាក់កុងទ័រឌីជីថលថ្មី ហៅថា i-Cockpit ទំហំ ១០អ៊ីញ ប្រភេទ 3D, កន្លែងសាកថ្មឥតខ្សែ, ឧបករណ៍បំពងសម្លងចំនួន ១០គ្រាប់ និងប្រព័ន្ធ Infotainment System ទំហំ ១០អ៊ីញ អាចភ្ជាប់ជាមួយនឹងស្មាតហ្វូន ព្រមទាំងមានមុខងារ i-Connect infotainment software package land។
បន្ថែមពីនេះ វាក៏មានបំពាក់មុខងារ Adaptive Cruise Control ជាមួយមុខងារ Stop & Go, កាមេរ៉ាមើលក្រោយ ១៨០ដឺក្រេ, កាមេរ៉ា ៣៦០ដឺក្រេ, ពោងសុវត្តិភាព, ប្រព័ន្ធហ្វ្រាំងអូតូ, មុខងារ Active Lane Departure Warning, Driver Attention Alert, Anticipated speed recommendation, Speed Sign Recognition, Active Blind Spot Monitoring, Lane Keeping Assistance, Semi-automatic lane change, Curve speed adaptation, rear cross-traffic alert, E-call+ emergency call និង ចង្កៀងមុខអូតូ។
សម្រាប់រថយន្ត Peugeot 308 ថ្មីបំពាក់ជាមួយម៉ាស៊ីន plug-in hybrid ចំនួន ២ ជម្រើសគឺ
- ម៉ូដែល Hybrid 180 e-EAT8 បំពាក់ជាមួយម៉ូទ័រអគ្គិសនីកម្លាំង ៨១ kW ដែលបង្កើតកម្លាំងបាន ១៥០សេះ និងប្រើអាគុយប្រភេទ lithium-ion កម្លាំង ៥៣,៦ គីឡូវ៉ាត់ម៉ោង។
- ម៉ូដែល Hybrid 225 e-EAT8 បំពាក់ជាមួយម៉ូទ័រអគ្គិសនីកម្លាំង ៨១ kW ដែលបង្កើតកម្លាំងបាន ១៨០សេះ និងប្រើអាគុយប្រភេទ lithium-ion កម្លាំង ៥៣,៦ គីឡូវ៉ាត់ម៉ោង។
បន្ថែមពីនេះ រថយន្ត Peugeot 308 ក៏ផ្តល់នូវជម្រើសម៉ាស៊ីនសាំង ១,២លីត្រ PureTech និងម៉ាស៊ីនម៉ាស៊ូត ចំណុះ ១,៥លីត្រ BlueHDi ផងដែរ៕
