Audi ចាប់ផ្ដើមដេញតាម Tesla ហើយ!

October 1, 2020

លោក Herbert Diess ប្រធានសម្ព័ន្ធ Volkswagen Group បានបង្ហើបអំពីព័ត៌មានគួរឲ្យចាប់អារម្មណ៍មួយចំនួនអំពីផែនការអនាគតរថយន្តរបស់ Audi ក្នុងកិច្ចប្រជុំប្រចាំឆ្នាំរបស់សម្ព័ន្ធ។

ជាដំបូងលោក Herbert បានបញ្ជាក់ថារថយន្ត e-tron GT នៅដំណើរការតាមការគ្រោងទុក និងកំណត់ថាចាប់ផ្ដើមចូលរោងចក្រផលិតនៅចុងឆ្នាំ ២០២០ នេះ។ នៅឆ្នាំ ២០២១ នឹងមានការបង្ហាញចេញរថយន្ត Q4 e-tron និង Q4 Sportback e-tron ដែលអាចបើកបរបានចម្ងាយ ៤៥០គីឡូម៉ែត្រ ពេលសាកភ្លើងពេញ។

បន្ថែមពីនេះលោក Herbert ក៏បានប្រាប់អំពីគម្រោងការ Artemis របស់ក្រុមហ៊ុនផងដែរ។ លោកបាននិយាយថាគម្រោងការ Artemis គឺមានន័យថា Audi បានចាប់ផ្ដើមការប្រណាំងប្រជែងជាមួយ Tesla ជាផ្លូវការ ដោយមានក្រុមអ្នកជំនាញតូចមួយកំពុងសិក្សាលើរថយន្តអគ្គិសនីជំនាន់ថ្មី។ រថយន្តអគ្គិសនីអនាគតរបស់ Audi អាចបង្ហាញមុខលឿនបំផុតនៅក្នុងឆ្នាំ ២០២៤។៕

ផ្ទាំងផ្សាយពាណិជ្ជកម្ម

Lexus ដាក់តម្លៃឡាន IS ឆ្នាំ២០២១ ទាបជាងគូប្រជែងភាគច្រើន

October 1, 2020

Lexus បានបង្ហាញតម្លៃនៃរថយន្ត IS ស៊េរីឆ្នាំ ២០២១ នៅលើទីផ្សារសហរដ្ឋអាមេរិក ដោយសម្រាប់ IS 300 មានតម្លៃចាប់ពី ៤០ ០២៥ដុល្លារ ជាតម្លៃដែលបានគិតបញ្ចូលថ្លៃដឹកជញ្ជូន ១០២៥ដុល្លាររួច ហើយតម្លៃនេះឡើងលើសស៊េរីឆ្នាំ ២០២០ ខ្ទង់ ៤០០ដុល្លារ។

ចំពោះ IS 300 ដែលប្រើប្រព័ន្ធបើកបរប៉ុងពីរតម្លៃរបស់វាគឺឡើងដល់ ៤២ ០២៥ដុល្លារ។ ចំណែកឯ IS 350 F-Sport វិញមានតម្លៃ ៤៣ ៩២៥ដុល្លារ សម្រាប់ប្រភេទប៉ុងមួយ និងមានតម្លៃ ៤៥ ៩២៥ដុល្លារ សម្រាប់ប្រភេទប៉ុងពីរ។

រថយន្ត IS ស៊េរីឆ្នាំ ២០២១ នេះ ឃើញថាមានតម្លៃទាបជាងគូប្រជែងមួយចំនួនដូចជា Audi A4 (តម្លៃចាប់ពី ៤០ ១១៥ដុល្លារ), BMW 3-Series (តម្លៃចាប់ពី ៤២ ២៤៥ដុល្លារ) និង Mercedes-Benz C-Class (តម្លៃចាប់ពី ៤២ ៣៩៥ដុល្លារ) ជាតម្លៃដែលគិតបញ្ចូលថ្លៃដឹកជញ្ជូនរួច៕

ផ្ទាំងផ្សាយពាណិជ្ជកម្ម

ធ្លាប់តែមាននៅប្រទេសជិតខាង ឥឡូវរថយន្ត HONDA CITY RS ដូររូបរាងថ្មី ស៊េរីថ្មីឆ្នាំ២០២១ មានវត្តមាននៅកម្ពុជាហើយ!

October 1, 2020

អស់រយៈពេលជាច្រើនឆ្នាំមកហើយ ដែល HONDA CITY ជាប់ឈ្មោះជារថយន្តកម្រិតថវិកាដ៏មានប្រជាប្រិយបំផុតមួយ ដោយសារតែវាមានកាប៊ីនខាងក្នុងធំទូលាយ សមត្ថភាពខ្លាំង សន្សំសំចៃ ហើយថែមទាំងមានតម្លៃសមរម្យនៅក្នុងចំនោមរថយន្តថ្មីផ្សេងៗទៀតផង។

ឥឡូវនេះ ក្រុមហ៊ុន ភ្នំពេញ ហុងដា បាននាំយករថយន្ត HONDA CITY ប្រភេទRS ស៊េរីឆ្នាំ ២០២១ ដែលបានដូររូបរាងថ្មី មានការឌីហ្សាញថ្មីទាំងផ្នែកខាងក្នុង និងផ្នែកខាងក្រៅ ជាមួយការចនាបែបស្ព័ត នឹងពហុបច្ចេកវិទ្យា ដែលសាកសមឥតខ្ចោះសំរាប់មនុស្សសម័យថ្មី។

រថយន្ត HONDA CITY RS បានបំពាក់ដោយការរចនាថ្មីគ្រប់ផ្នែកទាំងអស់ រួមមាន៖ ចង្កៀងមុខប្រភេទ LED បាញ់ភ្លើងបានភ្លឺច្បាស់ល្អ ថែមទាំងមិនចាំងភ្នែកអ្នកដទៃ គួបផ្សំជាមួយអំពូលបំភ្លឺពេលថ្ងៃ Daytime Running Lights ជួយឲ្យអ្នកដំណើរមកពីផ្នែកខាងមុខមើលឃើញកាន់តែច្បាស់ មិនថាពេលយប់ ឬថ្ងៃ និងអំពូលកាត់អ័ព្ទ ដែលជួយសំរាលហានិភ័យដែលមើលពុំឃើញ។ ចំណែកចង្កៀងខាងក្រោយរបស់វាក៏ជាប្រភេទ LED ដែលភ្លឺច្បាស់ល្អ ផ្តល់សុវត្ថិភាពកាន់តែខ្ពស់ថែមមួយកម្រិតទៀត។

សំរាប់ផ្នែកខាងក្នុងនៃ HONDA CITY RS កៅអីបានបំពាក់ទៅដោយពូកស្បែកលាយជាមួយនឹងកាម្ញី ដែលភ្ជាប់ជាមួយថ្នេរពណ៌ក្រហមយ៉ាងល្អប្រណិតឥតខ្ចោះ។ ហើយថ្វីបើជារថយន្តប្រភេទ Sedan ពិតមែន ប៉ុន្តែ HONDA CITY RS មានប្រវែងសរុប ៤ ៥៥៣ មីលីម៉ែត្រ ទទឹង ១ ៧៤៨ មីលីម៉ែត្រ និងកម្ពស់ ១ ៤៦៧ មីលីម៉ែត្រ ដែលផ្តល់នូវកាប៊ីនខាងក្នុងធំទូលាយអាចអង្គុយបាន ៥នាក់យ៉ាងមានផាសុកភាព។

រថយន្ត HONDA CITY RS ឆ្នាំ២០២១ បំពាក់ដោយម៉ាស៊ីន ១,៥ លីត្រ DOHC I-VTEC ដែលជាបច្ចេកវិទ្យាចុងក្រោយបំផុតរបស់ហុងដាផងដែរ ហើយជួយសន្សំសំចៃ និងការពារបរិស្ថាន ។ រួមជាមួយគ្នានោះដែរវាបានបំពាក់ដោយប្រអប់លេខ CVT ដែលជួយអោយការផ្លាស់ប្តូរលេខពីមួយទៅមួយអោយមានភាពងាយស្រួល ព្រមទាំងអាចប្រើប្រាស់លេខដៃបាន ដោយគ្រាន់តែធ្វើការផ្លាស់ប្តូរនៅលើដៃចង្កូតរបស់រថយន្តងាយស្រួលបើកបរទាំងក្នុង និងក្រៅក្រុង។

បន្ថែមពីនោះ មុខងារ និងលក្ខណៈពិសេសគួរឲ្យចាប់អារម្មណ៍ជាច្រើនទៀតដែលបានបំពាក់លើ HONDA CITY RS ២០២១ មួយនេះមានដូចជា អេក្រង់ Touch Screen ៨ អុីញ អាចប្រើប្រាស់បានជាមួយ ផែនទី (Map) មើលបានកាន់តែធំច្បាស់ល្អ, មុខងារបញ្ជាបញ្ឆេះរថយន្តពីចំងាយដោយប្រើប្រាស់ស្មាតឃី, TPMS មុខងារត្រួតពិនិត្យសម្ពាធកង់, Cruise Control មុខងារកំណត់ល្បឿនថេរនៅលើផ្លូវ Highway, Eco Mode ជួយសន្សំសំចៃសាំង, Voice Control បញ្ជាប្រើប្រាស់ដោយសំលេងផ្ទាល់, Air Conditioning System ម៉ាស៊ីនត្រជាក់អូតូ, Rear Camera + Front & Rear Sensor កាមេរ៉ាមើលក្រោយ និងសេនស័រចូលចត, មុខងារទប់លំនឹង VSA, មុខងារជំនួយពេលឡើងចំណោត HSA, EBD ហ្វ្រាំងអេឡិចត្រូនិច, ESS ប្រពន្ធ័ផ្តល់សញ្ញាពេលមានអាសន្ន, ACE+G-CON ប្រព័ន្ធគ្រោងដែកថែបការពារដ៏រឹងមាំ និងព្រមទាំងមានប្រព័ន្ធសុវត្ថិភាពជាច្រើនទៀតដែលផ្តល់ទំនុកចិត្តដល់អ្នកបើកបរផងដែរ។

រថយន្ត HONDA CITY RS ឆ្នាំ២០២១ ត្រូវបានដាក់លក់ក្នុងតម្លៃ ៣៦ ៩០០ដុល្លារ ហើយអតិថិជនក៏អាចធ្វើការបងរំលស់បានផងដែ។ សម្រាប់ព័ត៌មានលំអិតអាចអញ្ជើញមកទស្សនារថយន្តដោយ ផ្ទាល់នៅក្រុមហ៊ុន ភ្នំពេញហុងដា ដែលមានអាស័យដ្ឋានស្ថិតនៅលើផ្លូវសហព័ន្ធរុស្សី ទល់មុខនឹងព្រលានយន្តហោះភ្នំពេញអន្តរជាតិ និង លេខទូរស័ព្ទ ០២៣ ៩០១ ៨៥៨ / ០១៧ ៨៩៩ ៨៥៥ / ០១៦ ៧៧២ ៥៨៥ ឬតាមរយៈ Facebook Page : HONDA CAMBODIA។

ផ្ទាំងផ្សាយពាណិជ្ជកម្ម

BMW 5-Series មួយប្រភេទនៅចិន មានតួវែងជាង 7-Series ទៅទៀត!

September 30, 2020

រថយន្ត BMW 5-Series LWB ស៊េរីឆ្នាំ ២០២១ សម្រាប់ទីផ្សារប្រទេសចិនបានបង្ហាញវត្តមានកាលពីដើមខែកញ្ញា និងបានបង្ហាញវត្តមានជាសាធារណៈក្នុងកម្មវិធីតាំងបង្ហាញរថយន្ត Beijing Auto Show កាលពីថ្មីៗនេះ។

ប្រវែងពីកង់មុខទៅកង់ក្រោយរបស់រថយន្តនេះគឺមានរហូតដល់ ៣១០៥ម.ម ដែលវែងជាង 7-Series ធម្មតាទៅទៀត។ មិនតែប៉ុណ្ណោះប្រវែងសរុបរបស់វាក៏វែងជាង 7-Series ធម្មតាដែរ ដោយមានប្រវែងសរុប ៥១០៦ម.ម

5-Series LWB នេះគឺផលិតឡើងដោយក្រុមហ៊ុនបង្កើតរួចគ្នារវាង Brilliance និង BMW ហើយប្រភេទដែលដាក់តាំងបង្ហាញគឺជា 530Li ដំណើរការដោយម៉ាស៊ីន Turbocharged ចំណុះ ២,០លីត្រ។ ពេលដែលបង្ហាញកាលពីដើមខែ BMW បានឲ្យអំពីសមត្ថភាពនៃប្រភេទ 535Le ជាប្រភេទកប់ជាងគេ មានដំណើរការដោយម៉ាស៊ីន Turbocharged ចំណុះ ២,០លីត្រ ភ្ជាប់ជាមួយម៉ូទ័រអគ្គិសនីមួយ ដែលអាចផលិតកម្លាំង ២៨៨សេះ។

ទស្សនារូបភាពដែលបង្ហាញអំពី BMW 5-Series LWB ស៊េរីឆ្នាំ ២០២១ ប្រភេទ 530Li ៖

ផ្ទាំងផ្សាយពាណិជ្ជកម្ម

មើលរូបរាងច្បាស់ៗនៃឡាន SUV អគ្គិសនីចិន តម្លៃចាប់ពី ៨ម៉ឺនដុល្លារ

September 30, 2020

ក្រុមហ៊ុនរថយន្តចិន Hongqi បានដាក់តាំងបង្ហាញរថយន្តជាច្រើនក្នុងកម្មវិធី Beijing Auto Show ឆ្នាំ ២០២០ ដោយក្នុងនោះមាននូវរថយន្ត E-HS9 ដែលជារថយន្តអគ្គិសនីដ៏ប្រណីតមួយ។

រថយន្ត E-HS9 មានលក់ផ្ដាច់មុខតែនៅប្រទេសចិន ដែលវាមានជម្រើសចំនួនពីរ ដោយទីមួយមានបំពាក់ម៉ូទ័រអគ្គិសនីមួយបង្កើតកម្លាំងបាន ៣២៨សេះ អាចជិះបានចម្ងាយ ៤៦០គ.ម។ មានមួយប្រភេទទៀតមានកម្លាំងខ្លាំងជាងនេះ ដែលអាចស្ទុះពី ០-១០០គ.ម/ម៉ ក្នុងពេលមិនដល់ ៤វិនាទី និងអាចបើកបរបានចម្ងាយ ៥១០គ.ម។

នៅផ្នែកខាងក្នុងមានបំពាក់ដោយអេក្រង់ឌីជីថលចំនួនបី ក្នុងនោះមាននូវប្រព័ន្ធកម្សាន្តផងដែរ, មានកុងទ័របង្ហាញប្រភេទឌីជីថល ហើយមានរចនាបថដោយសារធាតុស្បែកប្រណីត ជាមួយឈើ និងអាលុយមីញ៉ូមខ្លះៗផងដែរ។

រថយន្ត E-HS9 នេះគ្រោងនឹងដាក់លក់ក្នុងប្រទេសចិនផ្ដាច់មុខ ក្នុងតម្លៃចាប់ពីប្រមាណ ៨ម៉ឺនដុល្លារ ដល់ខ្ទង់ ១១ម៉ឺនដុល្លារ៕

ផ្ទាំងផ្សាយពាណិជ្ជកម្ម

Lexus LC500 ប៉ះគ្រូតា Toyota Supra មួយណាខ្លាំងជាង (មានវីដេអូ)

September 30, 2020

Lexus LC500 និង Toyota Supra ស៊េរីឆ្នាំ២០២១ គឺជារថយន្តដែលមនុស្សជាច្រើនពេញចិត្ត និងចង់បានមកធ្វើជាកម្មសិទ្ធិខ្លួន ខណៈពួកវាទាំងពីរសុទ្ធតែចេញមកពីត្រកូលតែមួយ គឺ Toyota។ ជាការពិតណាស់ LC500 និង Supra គឺជាប្រភេទរថយន្ត Coupe ទ្វារ២ ដែលមានការឌីហ្សាញគួរឲ្យទាក់ទាញ និងដំណើរការខ្លាំងគួរឲ្យកត់សម្គាល់មួយផងដែរ។

រថយន្ត Lexus LC500 បំពាក់ម៉ាស៊ីនចំណុះ ៥,០លីត្រ naturally aspirated V8 មានកម្លាំង ៤៧១សេះ ដំណើរការដោយប្រអប់លេខអូតូ ១០វគ្គ និងប្រព័ន្ធប៉ុងមួយវិលកង់ក្រោយ RWD ដែលអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៤,៥វិនាទី។

ដោយឡែក រថយន្ត Toyota Supra វិញ បំពាក់ម៉ាស៊ីនចំណុះ ៣,០លីត្រ turbocharged ទំហំ ៦ស៊ីឡាំង មានកម្លាំង ៣៨២សេះ ដំណើរការដោយប្រអប់លេខអូតូ ៨វគ្គ ប្រភេទ ZF និង ប្រព័ន្ធប៉ុងមួយវិលកង់ក្រោយ RWD ដូចគ្នា ដែលអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលត្រឹមតែ ៣,៩វិនាទីប៉ុណ្ណោះ។

ថ្វីបើ LC500 មានកម្លាំងខ្លាំងជាង Supra មែន ប៉ុន្តែវាក៏ធ្ងន់ជាងរហូតដល់ទៅជាង ៤០០គីឡូក្រាមផងដែរ៕

ចង់ដឹងលទ្ធផលទៅជាយ៉ាងណា ទស្សនាវីដេអូខាងក្រោមទាំងអស់គ្នា៖

ផ្ទាំងផ្សាយពាណិជ្ជកម្ម

មកដឹងតម្លៃឡាន BMW 4-Series Convertible បើកដំបូលបាន ឆ្នាំ២០២១

September 30, 2020

ក្រុមហ៊ុន BMW បានប្រកាសចេញរថយន្ត 4-Series Convertible បើកដំបូលបាន ស៊េរីឆ្នាំ២០២១ ជាផ្លូវការ សម្រាប់ទីផ្សារសហរដ្ឋអាមេរិក។

រថយន្ត BMW 4-Series Convertible ខុសពីស៊េរីមុនត្រង់ថា ស៊េរីឆ្នាំ២០២១នេះ មានដំបូលទន់ (soft-top) ខណៈស៊េរីមុនគឺមានដំបូលរឹង (hard-top)។ BMW អះអាងថា ដំបូលទន់អាចជួយកាត់បន្ថយទម្ងន់, ផ្តល់កន្លែងផ្ទុកអីវាន់ច្រើនជាងមុន និង ជួយឲ្យការបើកបរកាន់តែប្រសើរ។

គួរឲ្យដឹងថា ដំបូលលើរថយន្ត 4-Series Convertible អាចបើក និងបិទក្នុងរយៈពេល ១៨វិនាទី ហើយក៏អាចបើកពេលរថយន្តកំពុងធ្វើដំណើរ ក្នុងល្បឿនរហូតដល់ ៥០គីឡូម៉ែត្រក្នុងមួយម៉ោង។

សម្រាប់ទីផ្សារសហរដ្ឋអាមេរិក រថយន្ត 4-Series Convertible ផ្តល់ជម្រើសជាច្រើនម៉ូដែល ដូចជា 430i (ប៉ុងមួយ) និង 430i xDrive (ប៉ុងពីរ) ដែលបំពាក់ម៉ាស៊ីនសាំងចំណុះ ២,០លីត្រ turbocharged ទំហំ ៤ស៊ីឡាំង មានកម្លាំង ២៥៥សេះ ព្រមទាំងម៉ូដែល M440i (ប៉ុងមួយ) និង M440i xDrive (ប៉ុងពីរ) ដែលបំពាក់ម៉ាស៊ីនសាំងចំណុះ ៣,០លីត្រ turbocharged ទំហំ ៦ស៊ីឡាំង មានកម្លាំង ៣៨២សេះ។ គ្រប់ម៉ូដែលទាំងអស់សុទ្ធតែប្រើប្រអប់លេខអូតូ ៨វគ្គ។

រថយន្ត BMW 4-Series Convertible ស៊េរីឆ្នាំ២០២១ ត្រូវបានដាក់លក់ក្នុងតម្លៃចាប់ពី ៥៣ ១០០ដុល្លារ សម្រាប់ម៉ូដែល 430i, ៥៥ ១០០ដុល្លារ សម្រាប់ 430i xDrive, ៦៤ ០០០ដុល្លារ សម្រាប់ M440i និង ៦៦ ០០០ដុល្លារ សម្រាប់ M440i xDrive៕

ផ្ទាំងផ្សាយពាណិជ្ជកម្ម

មនុស្សម្នារចាប់អារម្មណ៍ខ្លាំង លើឡានអគ្គិសនិសាកភ្លើងម្តងជិះបាន ៦០០គ.ម៉

September 29, 2020

រថយន្តម៉ូដែល HiPhi X របស់ក្រុមហ៊ុនចិន Human Horizons កំពុងតែក្លាយជារថយន្តអគ្គិសនីដ៏គួរឲ្យចាប់អារម្មណ៍បំផុតមួយ នៅក្នុងកម្មវិធី 2020 Beijing Auto Show។

បង្ហាញខ្លួនលើកដំបូងជាគំរូរថយន្ត កាលពីខែកក្កដា ឆ្នាំ២០១៩ រថយន្ត HiPhi X នេះបានត្រៀមខ្លួនរួចជាស្រេច ដើម្បីចូលសង្វាក់ផលិតកម្ម។ ខណៈពេលដែលក្រុមហ៊ុនជាច្រើនចេញរថយន្តអគ្គិសនីក្នុងប្រទេសចិន ជាប្រភេទ Sedan, SUV ឬ រថយន្តស្ព័រ ប្លែកតែ HiPhi X គឺជារថយន្តប្រភេទ SUV កាត់ MPV។

រថយន្តនេះបានទាក់ទាញចំណាប់អារម្មណ៍មនុស្សជាច្រើន ដោយសារតែការឌីហ្សាញរបស់វា ជាមួយនឹងចង្កៀងមុខរាងដង្កាបក្តាម ជាមួយរបាភ្លើង LED យ៉ាងទាក់ទាញ ខណៈផ្នែកខាងក្រោយក៏បំពាក់ចង្កៀងដ៏គួរឲ្យចាប់អារម្មណ៍ខ្លាំងផងដែរ។

HiPhi X មានទាំងប្រភេទ ៤កៅអី និង ៦កៅអី ដោយមានតម្លៃចាប់ពី ៨០០ ០០០យ័ន (១១៧ ០០០ដុល្លារ) និង ៦៨០ ០០០យ័ន (៩៩ ០០០ដុល្លារ)។ ត្រូវហើយ ប្រភេទ ៤កៅអីគឺថ្លៃជាង។ វាបំពាក់កញ្ចប់អាគុយអគ្គិសនីកម្លាំង ៩៦គីឡូវ៉ាត់ម៉ោង ដែលអាចឲ្យវាបើកបរបានចម្ងាយ ៦១០គីឡូម៉ែត្រ រាល់ពេលសាកភ្លើងពេញម្តង៕

ផ្ទាំងផ្សាយពាណិជ្ជកម្ម

ឡានចិនចង់ធ្វើដូច Rolls-Royce បង្ហាញមុខជាផ្លូវការ

September 29, 2020

រថយន្ត Hongqi H9+ ត្រូវគេប្រមាញ់បានជាលើកដំបូងកាលពីខែសីហាកន្លងទៅ នៅ Showroom មួយក្នុងប្រទេសចិន ហើយឥឡូវនេះវាក៏បានបង្ហាញមុខជាផ្លូវការ ក្នុងកម្មវិធី 2020 Beijing Auto Show។

Hongqi H9+ គឺជារថយន្តតួវែង ដែលមានប្រវែងលើសម៉ូដែល H9 ធម្មតាដល់ទៅ ២០សង់ទីម៉ែត្រ។ សរុបមក H9+ មានប្រវែង ៥,៣៤ម៉ែត្រ ហើយមានប្រវែងពីកង់មុខទៅកង់ក្រោយ ៣,២៦ម៉ែត្រ។ ប្រវែងប៉ុណ្ណេះ ច្បាស់ណាស់ថាអាចឲ្យអ្នកដំណើរក្រោយ អង្គុយយ៉ាងមានផាសុកភាព។

រថយន្ត Hongqi H9+ មានបំពាក់ម៉ាស៊ីន supercharged ចំណុះ ៣,០លីត្រ V6 មកស្តង់ដារ មានកម្លាំង ២៨៣សេះ។ វាក៏ផ្តល់ជម្រើសម៉ាស៊ីនមួយទៀត គឺចំណុះ ២,០លីត្រ turbo ផងដែរ។

ទោះជាយ៉ាងណា ចំពោះតម្លៃ និងកាលបរិច្ឆេទចេញលក់របស់វា នៅមិនទាន់ត្រូវបានប្រកាសនៅឡើយទេ៕

ផ្ទាំងផ្សាយពាណិជ្ជកម្ម

មើលរាងឡានអគ្គិសនីចិនមួយ ឌីហ្សាញរូបរាងដោយអតីតបុគ្គលិក Land Rover

September 29, 2020

Futurist របស់ក្រុមហ៊ុន Great Wall Motors គឺជារថយន្ត Concept ដ៏គួរឲ្យចាប់អារម្មណ៍មួយក្នុងកម្មវិធីតាំងបង្ហាញរថយន្ត Beijing Auto Show ឆ្នាំ ២០២០ ដោយសាររូបរាងដ៏ទាក់ទាញរបស់ខ្លួន។

វាគឺជារថយន្តអគ្គិសនីដែលមានរចនាបថបែបបុរាណ ប៉ុន្តែមានប្រណីតភាពខ្ពស់ ដោយវាមានបំពាក់នូវអាគុយដែលអាចជិះបានចម្ងាយ ៧០០គីឡូម៉ែត្រ។ បន្ថែមពីនេះវាក៏មានបំពាក់នូវប្រព័ន្ធបើកបរស្វ័យប្រវត្តិ Level 3 ជាមួយសមត្ថភាពបញ្ជាមុខងារដោយសំឡេងបានផងដែរ។

បើផ្អែកតាម CarNewsChina បានឲ្យដឹងថារថយន្ត Futurist នេះគឺជាស្នាដៃឌីហ្សាញរបស់ Phil Simmons ដែលជាអតីតអ្នកឌីហ្សាញប្រចាំក្រុមហ៊ុនរថយន្តអង់គ្លេស Jaguar Land Rover ដែលរូបលោកក៏ជាបង្កើតនូវរថយន្ត Haval Big Dog SUV ផងដែរ។ Great Wall Motors និយាយថារថយន្ត Futurist នេះគឺប្រើប្រាស់គ្រោងឆ្អឹងថ្មីឈ្មោះថា Lemon ដែលវាអាចប្រើប្រាស់បានជាមួយរថយន្តគ្រប់ប្រភេទមានចាប់ពីរថយន្តដើរដោយម៉ាស៊ីនប្រេងឥន្ធនៈ រថយន្តប្រភេទ PHEV និងរថយន្តអគ្គិសនី រួមជាមួយរថយន្តប្រភេទ Fuel Cell ផងដែរ៕

ផ្ទាំងផ្សាយពាណិជ្ជកម្ម