ធ្លាយចេញប្រភេទកប់បំផុតមិនមែនត្រឹម LX 600 VIP នោះទេមានដល់ LX 750h

June 22, 2021

(បែកធ្លាយ) យោងតាមការរាយការណ៍ពីគេហទំព័រជប៉ុន Creative311 (ចុចទីនេះដើម្បីអានព័ត៌មានដើម) បានបង្ហាញថាម៉ូឌែលរថយន្ត Lexus ជំនាន់ថ្មីសេរ៊ីឆ្នាំ ២០២២ នឹងបង្ហាញចេញនូវរូបរាងជាផ្លូវការ និងចាប់ផ្តើមទទួលការកក់ក្នុងខែកញ្ញា ហើយនឹងចេញលក់នៅលើទីផ្សារជាផ្លូវការនៅក្នុងខែ ធ្នូ ឆ្នាំ២០២១នេះ។

បន្ថែមពីនេះ ម៉ូឌែល LX 750h នឹងដំណើរការដោយម៉ាស៊ីន Hybrid ដែលបំពាក់ជាមួយម៉ាស៊ីនសាំងរបស់ LC300 ៣,៥លីត្រ Twin-Turbo V6 ផ្គួបជាមួយម៉ូទ័រអគ្គិសនីចំនួនមួយ មានកម្លាំងសរុប ៤៨០សេះ និងកម្លាំងរមួល ៨៧១ញ៉ូតុនម៉ែត្រ ភ្ជាប់ជាមួយប្រអប់លេខ ១០វគ្គអូតូ។

ចំណែក Entry Level គឺជាម៉ូឌែល LX 600 ដែលបំពាក់ជាមួយម៉ាស៊ីនចំណុះ ៣,៥លីត្រ Twin-Turbo V6 មានកម្លាំងសរុប ៤១៥សេះ និងកម្លាំងរមួល ៦៥០ញ៉ូតុនម៉ែត្រ។ ម៉ូឌែល LX 500d បំពាក់ជាមួយម៉ាស៊ីនចំណុះ ៣,៣លីត្រ Twin-Turbo V6 មានកម្លាំងសរុប ៣០៤សេះ និងកម្លាំងរមួល ៧០០ញ៉ូតុនម៉ែត្រ៕

លើសពីនេះ Creative311 ក៏បានបន្ថែមដែរថា ផ្នែកខាងក្នុងកាប៊ីននៃរថយន្ត នឹងបំពាក់ជាមួយអេក្រង់កម្សាន្តទំហំ ១៧អ៊ីញ ដែលភ្ជាប់ជាមួយកម្មវិធីជំនាន់ថ្មី ដែលបានបង្ហាញខ្លួនលើរថយន្ត NX ជំនាន់ថ្មីកាលពីពេលប៉ុន្មានសប្តាហ៍មុន៕

សម្រាប់ព័ត៌មានបន្ថែមជាក់លាក់ ក្រុមការងារខេមបូអូតូ នឹងធ្វើការអាប់ដេតបន្ថែមនៅពេលក្រុមហ៊ុនបង្ហាញចេញនូវរូបរាង និងព័ត៌មានលម្អិតជាផ្លូវការ។ អគុណ

ផ្ទាំងផ្សាយពាណិជ្ជកម្ម

ទីបំផុត! បងប្អូន XC90 បង្ហាញខ្លួនជាផ្លូវការ ក្នុងទីផ្សារប្រទេសចិន

June 22, 2021

Lynk & Co ដែលជាយីហោនៅក្រោមក្រុមហ៊ុនផលិតរថយន្ត Geely (សាជីវកម្មរថយន្តចិនដែលជាក្រុមហ៊ុនមេរបស់ Volvo Cars, Lotus និង London EV) បានធ្វើការបង្ហាញចេញនូវរថយន្ត Lynk & Co 09 ដែលជាប្រភេទរថយន្ត SUV ៧ កៅអីដ៏ប្រណីត ដែលបានប្រើប្រាស់តួគ្រោងឆ្អឹងដូចគ្នានឹងរថយន្ត Volvo XC90 ។

រថយន្ត Lynk & Co 09 ត្រូវបានផលិតឡើងដោយប្រើប្រាស់គ្រោងឆ្អឹង Scalable Premium Architecture(SPA) របស់ក្រុមហ៊ុន Volvo។ យោងតាម Lynk & Co សម្រាប់រថយន្ត 09 បានភ្ជាប់ជាមួយអេក្រង់យ៉ាងតិចចំនួន ៦ រួមបញ្ជូលទាំង អេក្រង់ព័ត៌មានបាញ់លើកញ្ចក់(HUD)។ បន្ថែមពីនេះបានបំពាក់ជាមួយគ្រឿងបរិក្ខាទំនើបៗដូចជា ចង្កៀងខាងមុខជាប្រភេទ Matrix LED HD84 រួមជាមួយប្រព័ន្ធសម្លាប់មេរោគ និងបំភាយក្លិនក្រអូប នៅផ្នែកខាងក្នុង និងឧបករណ៍តន្ត្រីប្រភេទ Bose ចំនួន ១៤គ្រាប់។ លើសពីនេះ អតិថិជនក៏អាចធ្វើការជ្រើសនូវជម្រើសកៅអីចំនួន ៦បានផងដែរ។

រថយន្ត Lynk & Co 09 បំពាក់ជាមួយម៉ាស៊ីនចំណុះ ២,០លីត្រ Turbocharged ភ្ជាប់ជាមួយប្រអប់លេខ ៨វគ្គអូតូ។ រថយន្តនេះ ផ្តល់នូវជម្រើសម៉ាស៊ីន ៣ប្រភេទ Mild hybrid, Hybrid និង PHEV ដែលមានកម្លាំង ២៤៩សេះ ដល់ ៤២៧សេះ។ ចំណែកតម្លៃ និងព័ត៌មានលម្អិតនៃរថយន្តនេះ គេរំពឹងថាក្រុមហ៊ុន Lynk & Co នឹងប្រកាសនៅថ្ងៃទី ០ ខែកក្កដានេះ៕

ផ្ទាំងផ្សាយពាណិជ្ជកម្ម

Jeep Grand Wagoneer ឆ្នាំ២០២២ ជិះចម្ងាយ ១០០គីឡូម៉ែត្រ ស៊ីប្រេងជាមធ្យម ១៥,៦លីត្រ

June 21, 2021

កម្រិតស៊ីប្រេងសម្រាប់រថយន្ត Jeep Grand Wagoneer ឆ្នាំ ២០២២ ត្រូវបានប្រកាស និងមិនមានការភ្ញាក់ផ្អើលនោះទេសម្រាប់រថយន្តប្រភេទ SUV ដែលអ្នកមិនអាចពណ៌នាថាជា“ រថយន្តដែលមានភាពសន្សំសំចៃនោះទេ” ។

កម្រិតស៊ីប្រេងដែលចេញផ្សាយដោយ EPA បង្ហាញថា Grand Wagoneer ឆ្នាំ២០២២ សម្រាប់ប្រភេទប៉ុងមួយ បើកបរក្នុងទីក្រុងចម្ងាយ ១០០គ.ម ស៊ីប្រេង ១៨លីត្រ, ផ្លូវតាមខេត្ត ១២,៣លីត្រ និងគិតជាមធ្យមប្រហែល ១៥,៦លីត្រ។ សម្រាប់ប្រភេទប៉ុងពីរ បើកបរក្នុងទីក្រុងចម្ងាយ ១០០គ.ម ស៊ីប្រេង ១៨លីត្រ, ផ្លូវតាមខេត្ត ១៣លីត្រ និងគិតជាមធ្យមប្រហែល ១៥,៦លីត្រ។

រថយន្ត Grand Wagoneer ឆ្នាំ២០២២ បំពាក់ជាមួយម៉ាស៊ីនចំណុះ ៦,៤លីត្រ V8 មានកម្លាំង ៤៧១សេះ និងកម្លាំងរមួល ៦១៧ញ៉ូតុនម៉ែត្រ។ ស្រដៀងគ្នានឹងរថយន្ត Cadillac Escalade ដែលបំពាក់ជាមួយម៉ាស៊ីនចំណុះ ៦,២លីត្រ V8 មានកម្រិស៊ីប្រេង ១៦លីត្រសម្រាប់ផ្លូវក្នុងក្រុង, ផ្លូវតាមខេត្ត ១២,៣លីត្រ និងគិតជាមធ្យមប្រហែល ១៤,៧លីត្រ។ និងរថយន្ត Lincoln Navigator បំពាក់ជាមួយម៉ាស៊ីនចំណុះ ៣,៥លីត្រ V6 មានកម្រិស៊ីប្រេង ១៤,៧លីត្រសម្រាប់ផ្លូវក្នុងក្រុង, ផ្លូវតាមខេត្ត ១០,៧លីត្រ និងគិតជាមធ្យមប្រហែល ១៣លីត្រ។

សម្រាប់តម្លៃរថយន្ត រថយន្ត Jeep Grand Wagoneer ឆ្នាំ ២០២២ នេះ មានតម្លៃចាប់ពី ៨៨ ៩៩៥ដុល្លារ ឬ ១០៩ ៩៨០សម្រាប់ភ្ជាប់មកជាមួយ Premium Package ដែលមានតម្លៃថ្លៃជាងម៉ូឌែល the Wagoneer ប្រភេទ Entry-level ចំនួន ៣០ ០០០ដុល្លារ៕

ផ្ទាំងផ្សាយពាណិជ្ជកម្ម

មើលវីដេអូសាកកម្លាំងម៉ាស៊ីនថ្មីរបស់ Land Cruiser ស៊េរីឆ្នាំ២០២២

June 21, 2021

វីដេអូខ្លីថ្មីមួយដែលគេបានចែកចាយនៅលើបណ្ដាញសង្គម បានបង្ហាញឲ្យឃើញនូវសមត្ថភាពនៃម៉ាស៊ីនថ្មីដែល Toyota បានបំពាក់លើរថយន្ត Land Cruiser ជំនាន់ថ្មី ដែលវាជាម៉ាស៊ីនសាំង Twin-Turbo ចំណុះ៣,៥លីត្រ ៦ស៊ីឡាំង ចូលមកជំនួសម៉ាស៊ីនចំណុះ ៥,៧លីត្រ ៨ស៊ីឡាំង។

ជាមួយនឹងកម្លាំងដែលខ្លាំងលើសមុនជិត ៣០សេះ រួមជាមួយប្រព័ន្ធ Twin-Turbo ផងនោះ ធ្វើឲ្យរថយន្ត Land Cruiser ជំនាន់ថ្មីអាចទទួលបានសមត្ថភាពស្ទុះដែលគួរឲ្យស្ញប់ស្ញែង។ វីដេអូដែលសាកកម្លាំងបានបង្ហាញថាការស្ទុះពី ០ ដល់ ១០០គ.ម/ម៉ គឺចំណាយពេលប្រមាណ ៧វិនាទី ដែលលទ្ធផលនេះហាក់មិនខុសពីការអះអាងរបស់ Toyota ដែលថាចំណាយពេល ៦,៧វិនាទីនោះឡើយ។

គួររដឹងថា Land Cruiser ជំនាន់ថ្មីក៏មានមកជាមួយនូវជម្រើសម៉ាស៊ីនមួយទៀតផងដែរ ដែលជាប្រភេទម៉ាស៊ូត Twin-Turbo ចំណុះ ៣,៣លីត្រ ៦ស៊ីឡាំង អាចផលិតកម្លាំងបាន ៣០៥សេះ ហើយវីដេអូសាកកម្លាំងនៃម៉ាស៊ីនប្រភេទនេះនៅមិនទាន់ឃើញមានផ្សព្វផ្សាយនៅឡើយទេ៕

View this post on Instagram

A post shared by Kurdistan_Automotive_Blog (@kurdistan_automotive_blog_)

ផ្ទាំងផ្សាយពាណិជ្ជកម្ម

Volkswagen មិនមានគម្រោងផលិតឡានភីកអាប់ខ្នាតតូចប្រជែងនឹង Maverick ឡើយ

June 21, 2021

Volkswagen បានឲ្យដឹងថាខ្លួនមិនមានគម្រោងផលិតដែលជាប្រជែងរបស់ Hyundai Santa Cruz និង Ford Maverick នោះឡើយ ពោលគឺមិនមានគម្រោងផលិតរថយន្តភីកអាប់ខ្នាតតូច។ នេះបើតាមការលើកឡើងរបស់អនុប្រធាន Volkswagen ប្រចាំអាមេរិកខាងជើង។

ពេលនិយាយជាមួយសារព័ត៌មាន Auto News លោក Duncas Movassaghi បាននិយាយថាអាទិភាពរបស់ Volkswagen នាពេលនេះគឺផ្ដោតលើរថយន្តដែលមាន និងពង្រីកសែស្រឡាញរថយន្តអគ្គិសនី ហើយការបណ្ដាក់ទុនលើទីផ្សារតូច (រថយន្តភីកអាប់ខ្នាតតូច) គឺមិនសមហេតុផលនោះឡើយ។

យ៉ាងណាក្ដីបើតាមការលើកឡើងរបស់អ្នកវិភាគមួយចំនួន Volkswagen អាចនឹងចាប់ចិត្តលើទីផ្សាររថយន្តភីកអាប់ខ្នាតតូចនៅពេលខាងមុខ ជាពិសេសគឺការប្រកាសចេញរថយន្តភីកអាប់ខ្នាតតូចប្រភេទអគ្គិសនី នឹងជួយឲ្យ Volkswagen កាន់តែខ្លាំងក្លាលើទីផ្សាររថយន្ត៕

ផ្ទាំងផ្សាយពាណិជ្ជកម្ម

Honda City Hatchback ប្រភេទ e:HEV ត្រៀមចេញលក់ក្នុងប្រទេសថៃ

June 21, 2021

រថយន្ត Honda City Hatchback ប្រភេទ Hybrid ឬ e:HEV ត្រៀមខ្លួនធ្វើការចេញលក់នៅក្នុងប្រទេសថៃជាផ្លូវការ នាខែមិថុនានេះ ជាមួយតម្លៃចាប់ពី ១៩ ០០០ដុល្លារដល់ ២៤ ០០០ដុល្លារ។

រថយន្ត Honda City Hatchback មានប្រវែងសរុប ៤ ៣៤៩មីលីម៉ែត្រ, ទទឺង ១ ៧៤៨មីលីម៉ែត្រ, កម្ពស់ ១ ៤៨៨មីលីម៉ែត្រ, ប្រវែងពីកង់មុខដល់កង់ក្រោយ ២ ៥៨៩មីលីម៉ែត្រ និងកម្ពស់ពីដី ១៣៥មីលីម៉ែត្រ។

បន្ថែមពីនេះ រថយន្តនេះ បានបំពាក់ជាមួយបច្ចេកវិទ្យាជំនួយការបើកបរដូចជា៖ Collision Warming System with Brake Assist(CMBS), ប្រព័ន្ធរក្សាគន្លងផ្លូវ(LKAS), ប្រព័ន្ធផ្តល់សញ្ញាពេលរថយន្តចាកចេញពីគន្លងផ្លូវ (RDM with LDW), Automatic High beam adjustment(AHB) និង Variable Cruise Control(ACC)។

សម្រាប់រថយន្ត City Hatchback ប្រភេទ e:HEV នេះដំណើការដោយម៉ាស៊ីនសាំងចំណុះ ១,៥លីត្រ ទំហំ ៤ស៊ីឡាំង កម្លាំង ៩៧សេះ ផ្គួបជាម៉ូទ័រអគ្គិសនីចំនួនពីរ មានកម្លាំងសរុប ១២៧សេះ និងកម្លាំងរមួល ២៥៣ញ៉ូតុនម៉ែត្រ ភ្ជាប់ជាមួយប្រអប់លេខ e-CVT។ សម្រាប់ចម្ងាយ ១០០គីឡូម៉ែត្រ ស៊ីសាំង ៣,៦លីត្រ ឬ ២៧,៧គីឡូម៉ែត្រ ស៊ីសាំង ១លីត្រ៕

ផ្ទាំងផ្សាយពាណិជ្ជកម្ម

Toyota Supra ប្រើក្នុងរឿង Fast and Furious លក់ក្នុងការដេញថ្លៃ ៥៥ម៉ឺនដុល្លារ

June 21, 2021

រថយន្ត Toyota Supra ឆ្នាំ ១៩៩៤ បានប្រើប្រាស់ក្នុងរឿង Fast and Furious ក្នុងឆ្នាំ ២០០១ និង 2Fast and 2Furious ឆ្នាំ២០០៣ ដែបើកបរដោយលោក Paul Walker បានធ្វើការដាក់ដេញថ្លៃនៅក្នុងទីក្រុង Las Vegas កាលពីពេលថ្មីៗនេះ នឹងលក់បានក្នុងតម្លៃ ៥៥ ម៉ឺនដុល្លារ។

ដែលវាជាតម្លៃមួយថ្លៃបំផុតក្នុងត្រកូល Supra ខណ: Toyota Supra ឆ្នាំ ២០១៥ លក់បានត្រឹម ១៨៥ ០០០ដុល្លារ។ រថយន្ត Toyota Supra ឆ្នាំ ១៩៩៤ ដំណើការដោយម៉ាស៊ីនចំណុះ ៣,០លីត្រ ទំហំ ៦ស៊ីឡាំង Twin-Turbo ផលិតកម្លាំងបាន ៣២០សេះ និងកម្លាំងរមួល ៤២៧ញ៉ូតុនម៉ែត្រ ភ្ជាប់ជាមួយប្រអប់លេខ ៤វគ្គអូតូ។

សម្រាប់ផ្នែកខាងក្រៅត្រូវបានប្រើប្រាស់ជាមួយពណ៌ទឹកក្រូច របស់ Lamborghini ជាមួយការរចនាក្រាហ្វិច Nuclear Gladiator ដោយ Troy Lee Designs ។ បន្ថែមពីនេះបានបំពាក់ជាមួយ Bomex Bodykit កាងខាងមុខ និងផ្នែកជមហៀងសងខាង រួមជាមួយ APR Wing និងថាសកង់ Racing Hart M5 ទំហំ ១៩អ៊ីញ។

រថយន្ត Toyota Supra ត្រូវបានផលិតដោយលោក Eddie Paul នៅ Shark Shop ទីក្រុង El Segundo រដ្ឋ California សហរដ្ឋអាមេរិច៕

ផ្ទាំងផ្សាយពាណិជ្ជកម្ម

ដឹងថ្ងៃរថយន្ត Honda Civic ប្រភេទ Hatchback ឆ្នាំ២០២២ បង្ហាញខ្លួនជាផ្លូវការហើយ

June 21, 2021

បន្ទាប់ពីប្រទះឃើញបានធ្វើតេស្តនៅលើដងផ្លូវការពីពេលកន្លង ទីបំផុតរថយន្ត Honda Civic ប្រភេទ Hatchback ឆ្នាំ២០២២ នេះនឹងបង្ហាញវត្តមានជាផ្លូវការនៅថ្ងៃទី ២៤ ខែមិថុនា ប៉ុន្មានថ្ងៃខាងមុខនេះតែម្តង។

តាមរយ:ការធ្វើតេស្តកន្លង បានឃើញថារថយន្តនេះបំពាក់ជាមួយចង្កៀងមានរូបរាងស្លីមជាងមុន និងមានភាពខុសគ្នាពីរថយន្តប្រភេទ Sedan នូវកាងខាងមុខ និងផ្នែកខាងក្រោយ(C-pillar)។ បន្ថែមពីនេះ ផ្នែកខាងក្នុងនឹងបំពាក់ជាមួយកៅអីប្រភេទស្បែក និងកុងទ័របង្ហាញទំហំ ១០,២អ៊ីញ។

សម្រាប់ជម្រើសម៉ាស៊ីននៃរថយន្តប្រភេទ Hatchback នេះ ដោយគេរំពឹងថាវានឹងមានជម្រើសម៉ាស៊ីនដូចរថយន្តប្រភេទ Sedan ដែរ ជម្រើសម៉ាស៊ីន ២,០លីត្រ ទំហំ ៤ស៊ីឡាំង កម្លាំង ១៥៨សេះ និងជម្រើស ១,៥លីត្រ Turbocharged ទំហំ ៤ស៊ីឡាំង កម្លាំង ១៨០សេះ ភ្ជាប់ជាមួយប្រអប់លេខដៃថ្មី ៦វគ្គ ឬ CVT។

បន្ថែមពីនេះ រថយន្ត Civic ប្រភេទ Hatchback នឹងផលិតនៅរោងចក្រ Indiana ក្នុងទីក្រុង Greensburg សហរដ្ឋអាមេរិច ខណ:ពេលរថយន្ត Civic ប្រភេទ Sedan ផលិតនៅរោងចក្រ Ontario ក្នុងទីក្រុង Alliston កាណាដា។ សម្រាប់ព័ត៌មានបន្ថែម សូមរង់ចាំនៅថ្ងៃប្រកាសចេញជាផ្លូវការ៕

ផ្ទាំងផ្សាយពាណិជ្ជកម្ម

ដឹងតម្លៃរបស់រថយន្តឡង់គ្រីស័រ ២០២២ ពេលមកដល់កម្ពុជាហើយ!

June 20, 2021

ក្រោយពីមានការប្រកាសជាផ្លូវការអំពីរថយន្ត SUV ខ្នាតធំរបស់ក្រុមហ៊ុនតូយ៉ូតានៅទីផ្សារបរទេសរួចមក ពេលនេះមានការ៉ាស់ឡាននៅកម្ពុជាបានប្រកាសតម្លៃរថយន្ត តូយ៉ូតា ឡង់គ្រីស័រឆ្នាំ២០២២ ប្រភេទ VX-R ម៉ាស៊ីនសាំងថ្មីចំណុះ ៣,៥ លីត្រ ៦ស៊ីឡាំង Twin-Turbo កម្លាំង ៤០៩សេះ កម្លាំងរមួល ៦៥០ញ៉ូតុនម៉ែត្រ ដំណើការដោយប្រអប់លេខ ១០វគ្គស្វ័យប្រវត្តិ។

តម្លៃត្រូវបានប្រកាសដោយការ៉ាស់ឡាន Hengheng Auto ដោយតម្លៃមានការប្រែប្រួលទៅតាមខែដែលអតិថិជនចង់ទទួលយករថយន្ត យកទៅប្រើប្រាស់៖

ប្រសិនបើយករថយន្តនៅខែ សីហា (ខែ៨) មានតម្លៃ ២០៨ ៥០០ដុល្លារសហរដ្ឋអាមេរិច
ប្រសិនបើយករថយន្តនៅខែ កញ្ញា (ខែ៩) មានតម្លៃ ១៨៥ ០០០ដុល្លារសហរដ្ឋអាមេរិច

កាលពីថ្មីៗកន្លងទៅយើងក៏ធ្លាប់ទទួលបានតម្លៃរថយន្តស៊េរីថ្មីនេះ ពីបណ្តារប្រទេសជិតខាងរបស់យើងគីប្រទេសវៀតណាមដែលមានតម្លៃរហូតដល់ទៅជាង ២៦ម៉ឺនដុល្លារសហរដ្ឋអាមេរិច (ចុចទីនេះដើម្បីអានលម្អិត)។

ជាមួយគ្នានេះដែរការបរិយាយពីលក្ខណៈពិសេសរបស់រថយន្ត ដែលមានបំពាក់មកជាមួយគឺមាន ឧបករណ៌បំពងសម្លេង JBL ១៤ចំណុច។ ទាំងនេះជាអ្វីដែលយើងឃើញពីការបង្ហោះរបស់ការ៉ាស់ឡាននោះ យ៉ាងណាមិញសម្រាប់លក្ខណៈលម្អិតយើងមិនទាន់ដឹងថាមានអ្វីបន្ថែមទៀតឡើយ។ ប៉ុន្តែបើតាមព័ត៌មានដែលយើងខ្ញុំធ្លាប់ចេញផ្សាយកន្លងទៅ (អានលម្អិតនៅទីនេះ!) រថយន្តនេះត្រូវបានផលិតឡើងដោយប្រើប្រាស់ជាមួយគ្រោងឆ្អឹងថ្មីឈ្មោះថា TNGA និងមានទម្ងន់ស្រាលជាងមុនចំនួន ២០០គីឡូក្រាម។ ក្រុមហ៊ុន Toyota បាននិយាយថា ពួកគេបានធ្វើការឌីស្សាញគ្រោងតួរខ្លួនរថយន្តឡើងវិញ ដើម្បីអោយការបើកបរផ្លូវលំបាក(Off-Road)កាន់តែប្រសើរ បន្ថែមជាមួយការបំពាក់ប្រព័ន្ធ Electronic Kinetic Dynamic Suspension(E-KDSS) ថ្មីដំបូងគេលើពិភពលោក និង Multi-Terrain Monitor ដែលបង្ហាញពីឧបសគ្គភ្លាមៗ និងជ្រើសរើសជម្រើសការបើកបរល្អបំផុតផងដែរ។

បន្ថែមពីនេះឡង់គ្រីស័រថ្មី ឆ្នាំ ២០២២ ក៏បានបំពាក់ជាមួយកញ្ចាប់សុវត្តិភាព TSS ដែលមានមុខងារជំនួយដល់ការបើកបរថ្មីគួរអោយកត់សម្គាល់ចំនួន ២គឺ Pre-collision system និងEmergency Steering and Crash avoidance។

ទោះជាយ៉ាងនេះក្តី យើងមិនទាន់ឃើញមានការប្រកាសចេញជាផ្លូវការ ពីក្រុមហ៊ុនតូយ៉ូតា (ខេមបូឌា) នៅឡើយទេ ហើយក៏មិនដឹងថាក្រុមហ៊ុននឹងនាំយករថយន្តប្រភេទអ្វី សម្រាប់ទីផ្សារកម្ពុជាឡើយ ព្រោះបើគិតពីម៉ូដែលមុនគឺក្រុមហ៊ុនផ្លូវការ នាំចូលរថយន្តប្រើប្រាស់ម៉ាស៊ីនម៉ាស៊ូត។ ខាងក្រោមនេះជាការបង្ហោះ ហើយបងប្អូនអាចសួរព័ត៌មានលម្អិតពីការ៉ាស់ឡាននោះបាន។

ផ្ទាំងផ្សាយពាណិជ្ជកម្ម

ឡានអគ្គិសនីចិនគូប្រជែង Tesla លក់ដាច់គ្មានសល់

June 19, 2021

ក្រុមហ៊ុន Zeekr ដែលជាក្រុមហ៊ុនសាខាមួយរបស់ក្រុមហ៊ុន Geely និងជាគូប្រជែងមួយរបស់ Tesla បានលក់ដាច់អស់គ្មានសល់នូវទំហំផលិតរបស់ខ្លួនសម្រាប់ឆ្នាំ២០២១។

ផលិតផលដំបូងរបស់ក្រុមហ៊ុន Zeekr គឺរថយន្តម៉ូដែល Zeekr 001 នឹងដឹកជញ្ជូនជូនអតិថិជននៅចុងឆ្នាំនេះ ដែលរថយន្តនេះនៅទីផ្សារប្រទេសចិនគឺមានតម្លៃចាប់ផ្ដើមពី ៤១ ០០០ដុល្លារ។

ជាមួយក្រុមហ៊ុន Zeekr នេះ ក្រុមហ៊ុន Geely បានធ្វើការបណ្ដាក់ទុនប្រមាណ ៣០៦លានដុល្លារឯណោះ។ រោងចក្រផលិតរថយន្ត Zeekr មានទីតាំងស្ថិតនៅទីក្រុងណីងប៉ាវ ខេត្តស៊ីជាំង ប្រទេសចិន ដោយមានទំហំផលិត ៣០ម៉ឺនគ្រឿងក្នុងមួយឆ្នាំ។

ផ្ទាំងផ្សាយពាណិជ្ជកម្ម