ក្រុមហ៊ុន Kia បានបង្ហាញចេញដំណឹងលម្អិតអំពីប្រភេទ និងតម្លៃនៃរថយន្តអគ្គិសនី EV6 ដែលសម្រាប់លក់នៅលើទីផ្សារចក្រភពអង់គ្លេស។

រថយន្ត EV6 នឹងមានតម្លៃចាប់ផ្ដើមពីប្រមាណ ៥៦ ៥០០ដុល្លារ សម្រាប់ប្រភេទធម្មតាដែលប្រើប្រព័ន្ធបើកបរវិលកង់ក្រោយ និងមានតម្លៃថ្លៃបំផុតប្រមាណ ៧១ ៧០០ដុល្លារ សម្រាប់ប្រភេទ GT-Line S ដែលជាប្រភេទមួយខ្លឹមជាងគេ។

នៅទីផ្សារចក្រភពអង់គ្លេស ប្រភេទធម្មតានៃរថយន្តអគ្គិសនីនេះនឹងមានមកជាស្តង់ដារនូវអាគុយចំណុះ ៧៧,៤គីឡូវ៉ាត់ម៉ោង និងមានម៉ូទ័រអគ្គិសនីមួយដែលអាចផលិតកម្លាំងបាន ២២៦សេះ។ មុខងារលេចធ្លោនៃរថយន្តនេះមានដូចជាយ៉ាន់ទំហំ ១៩អ៊ីញ, មានអំពូលមុខក្រោយ និងអំពូលបំភ្លឺពេលថ្ងៃជាប្រភេទ LED, ប្រើប្រាស់ពូកស្បែក, មានភ្លើងបំភ្លឺខាងក្នុង Ambient Lightning, មានកៅអីកម្ដៅនៅផ្នែកខាងមុខ និងម៉ាស៊ីនត្រជាក់ពីរតំបន់ជាដើម។

បន្ថែមពីនេះដែរប្រភេទធម្មតានឹងមានបំពាក់ដោយមុខងារជំនួយដល់ការបើកបរជាច្រើនដូចជាមុខងារជំនួយពេលបើកបរលើផ្លូវហាយវ៉េ, មុខងារជៀសការប៉ះទង្គិចពីខាងមុខ និងមុខងារជាច្រើនទៀត ហើយនៅលើប្រភេទថ្លៃៗនៃរថយន្តនេះក៏មានបំពាក់ដោយបច្ចេកវិទ្យាទំនើបៗផ្សេងទៀតលើសពីប្រភេទធម្មតាផងដែរ៕

ផ្ទាំងផ្សាយពាណិជ្ជកម្ម

បញ្ជីក្រុមហ៊ុនមានឥទ្ធិពលជាងគេលើលោកទាំង១០០ប្រចាំឆ្នាំ២០២១ ដែលចេញផ្សាយដោយទស្សនាវដ្ដី Time បានបង្ហាញថាមានម៉ាករថយន្តចំនួន៤ដែលមានឈ្មោះក្នុងបញ្ជីនេះ ដោយមានមួួយមកពីអាល្លឺម៉ង់, ពីរមកពីសហរដ្ឋអាមេរិក និងមួយទៀតមកពីចិន។

ម៉ាករថយន្តទាំងបួនមានម៉ាករថយន្ត Volkswagen របស់អាល្លឺម៉ង់, General Motors និង Tesla របស់សហរដ្ឋអាមេរិក និងម៉ាក BYD របស់ចិន។

ការអភិវឌ្ឍន៍ឈានមុខគេលើរថយន្តអគ្គិសនី ទំនងជាហេតុផលដូចគ្នាដែលជួយឲ្យក្រុមហ៊ុនរថយន្តទាំងបួនមានឈ្មោះក្នុងបញ្ជីក្រុមហ៊ុនដែលមានឥទ្ធិពលជាងគេលើលោកទាំង១០០។ ជាក់ស្ដែងដូចជាម៉ាក Volkswagen ត្រូវបានទស្សនាវដ្ដីខាងលើរៀបរាប់ថាជាម៉ាកដែលមានបានដាក់គោលដៅធំដើម្បីធ្វើជាក្រុមហ៊ុនឈានមុខខាងផ្នែករថយន្តអគ្គិសនី។

គោលដៅរបស់ Volkswagen គឺចង់នាំមុខគូប្រជែងទាំងឡាយលើចំនួនលក់រថយន្តអគ្គិសនីនៅត្រឹមដំណាច់ឆ្នាំ ២០២៥។ នេះបើតាមការលើកឡើងរបស់លោក Herbert Diess នាពេលកន្លងមក៕

ផ្ទាំងផ្សាយពាណិជ្ជកម្ម

Hyundai បានក្លាយជាម៉ាករថយន្តអាស៊ីដែលលក់ដាច់ជាងគេនៅអឺរ៉ុបក្នុងអំឡុងត្រីមាសទី១នៃឆ្នាំ២០២១នេះ ដោយអាចលក់រថយន្តបានសរុប ២១ ២៣២គ្រឿង។

ក្នុងចំណោមម៉ាករថយន្តលក់ដាច់បានច្រើនជាងគេកំពូលទាំង១០គឺមានតែ Hyundai មួយគត់ដែលជាក្រុមហ៊ុននៅអាស៊ី ដោយអាចឈរនៅចំណាត់ថ្នាក់លេខ១០ ខណៈដែល Toyota ស្ថិតនៅចំណាត់ថ្នាក់ទី១២ ឯណោះ ដោយ Hyundai អាចលក់បានច្រើនជាង Toyota ប្រមាណជាង ៦ពាន់គ្រឿង។

ចំណាត់ថ្នាក់លេខ១គឺម៉ាក Volkswagen អាចលក់បាន ១៣០ ៨៥៤គ្រឿង តាមពីក្រោយដោយ Mercedes-Benz លក់បាន ៦២ ៣៣៣គ្រឿង និងម៉ាក BMW ដែលលក់បាន ៥៦ ៤៣២គ្រឿង។ ក្រុមហ៊ុនបន្តបន្ទាប់ទៀតដែលស្ថិតនៅលំដាប់កំពូលមានដូចជា Audi, Opel, Skoda, Ford, Seat និង Renault៕

ផ្ទាំងផ្សាយពាណិជ្ជកម្ម

ផ្អែកតាមដំណឹងដែលបានបើកបង្ហាញដោយ BlueOvalForums បានឲ្យដឹងថារថយន្ត F-150 Raptor ស៊េរីឆ្នាំ២០២១ និងរថយន្ត F-150 Tremor នឹងចាប់ផ្ដើមការផលិតនៅថ្ងៃទី៦ ខែកក្កដាខាងមុខនេះ។

ប្រសិនបើផែនការចាប់ផ្ដើមតាមការគ្រោងទុក នោះរថយន្ត F-150 Raptor ស៊េរីថ្មីដំបូងនឹងចាប់ផ្ដើមរំកិលចេញពីរោងចក្រ និងដឹកជញ្ជូនដល់អតិថិជននៅអំឡុងចុងខែកញ្ញា ឬនៅដើមខែតុលា។

អំពីរថយន្ត F-150 Raptor ស៊េរីឆ្នាំ២០២១នេះដែរ បើផ្អែកតាម F150Gen14 បានឲ្យដឹងថារថយន្តនេះនឹងមានតម្លៃចាប់ពី ៦៤ ១៤៥ដុល្លារនៅទីផ្សារអាមេរិក ដោយមិនទាន់បូកបញ្ចូលថ្លៃដឹកជញ្ជូន។ តម្លៃនេះមានការកើនឡើងបើប្រៀបនឹង F-150 Raptor ឆ្នាំ២០២០ ដែលមានតម្លៃចាប់ពី ៥៣ ៤៥៥ដុល្លារ៕

ផ្ទាំងផ្សាយពាណិជ្ជកម្ម