Toyota ដាក់បង្ហាញចេញម៉ូដែលពិសេស Toyota GR Supra Edition ជាការអបអរខួបលើកទី ៤៥ឆ្នាំ

June 22, 2023

[បរទេស] ក្រុមហ៊ុន Toyota Gazoo Racing បានធ្វើការដាក់បង្ហាញចេញនៅរថយន្ត Toyota GR Supra 45th anniversary Edition ដើម្បីអបអរខួបលើកទី ៤៥ ឆ្នាំ ដែលរំពឹងដល់ម៉ូដែល Mk IV Supra នៅក្នុងឆ្នាំ ៩០ មាន ២ពណ៌ ផលិតតែ ៩០០ គ្រឿងប៉ុណ្ណោះ ដោយក្នុងមួយពណ៌ទទួលបាន ៤៥០ គ្រឿង សម្រាប់ទីផ្សារសហរដ្ឋអាមេរិក ។

ម៉ូដែលពិសេស Toyota GR Supra នេះ ទទួលបានថាសកង់ទំហំ ១៩ អ៉ីញពណ៌ខ្មៅ ដុំហ្រ្វាំង GR ពណ៌ខ្មៅ និងក្រាហ្វិកអក្សរ Supra ពណ៌ខ្មៅនៅចំហៀងរថយន្ត។ ខណះ នៅផ្នែកខាងក្រោយនៃម៉ូដែលនីមួយៗ ទទួលបានកាង spoiler ពណ៌ខ្មៅដែលអាចលៃតម្រូវបានដោយដៃ និងរបានៅផ្នែកកម្របម៉ាស៊ីនផងដែរ ។

Toyota GR Supra ផលិតឡើងផ្អែកលើម៉ូដែល 3.0 Premium grade ដំណើរការដោយម៉ាស៊ីនចំណុះ ៣,០ លីត្រ Twin-turbocharged inline-six (៦ ស៊ីឡាំង) អាចផលិតកម្លាំងបាន ៣៨២ សេះ និងកម្លាំងរមួល ៤៩៨ ញ៉ូតុនម៉ែត្រ ភ្ជាប់ដោយប្រអប់លេខអូតូ ៨ វគ្គ ឬប្រអប់លេខដៃ ៦វគ្គ ។

គួរបញ្ជាក់ផងដែរថា ក្រុមហ៊ុន Toyota គ្រោងនឹងធ្វើការដាក់លក់នៅរថយន្តម៉ូដែលពិសេសនេះនៅចុងឆ្នាំ ២០២៣ នេះ ខណះតម្លៃនឹងធ្វើការប្រកាសនៅពេលរថយន្តនេះចេញលក់៕

ផ្ទាំងផ្សាយពាណិជ្ជកម្ម

Wow! Toyota Alphard និង Toyota Vellfire ជំនាន់ថ្មី ប្រណិតជាងមុន បង្ហាញខ្លួនជាផ្លូវការ

June 22, 2023

[ទិផ្សារបរទេស] ក្រុមហ៊ុនផលិតរថយន្ត Toyota បានធ្វើការដាក់បង្ហាញចេញជាផ្លូវការនៅរថយន្ត Toyota Alphard និង Toyota Vellfire ជំនាន់ថ្មី ស៊េរីឆ្នាំ ២០២៤ ប្រភេទ Minivan ដែលផ្តោតលើភាពកាន់តែទំនើប ប្រណិតជាងមុន និងរឹងមាំជាងមុនសម្រាប់ទីផ្សារប្រទេសជប៉ុន ជាមួយតម្លៃលក់ចាប់ពី ៣៨ ០៤៦ ដុល្លារ ដល់ ៦១ ៤៣៧ ដុល្លារសម្រាប់ Alphard និងមានតម្លៃចាប់ពី ៤៦ ១៦៥ ដុល្លារ ដល់ ៦២ ៨៧០ ដុល្លារសម្រាប់ Vellfire ។

រថយន្តប្រភេទ Minivan ទាំង២នេះ ស្ថិតនៅក្នុងជំនាន់ទី៤ ប្រើប្រាស់នៅគ្រោងឆ្អឺង GA-K platform ចុងក្រោយបង្អស់ដែលផ្តល់នៅភាពរឹងមាំជាងជំនាន់មុនដល់ទៅ ៥០% ក៏ដូចជាកាត់បន្ថយសំលេងរំខាងចូលទៅផ្នែកខាងក្នុងបានយ៉ាងល្អ និងបានបំពាក់ប្រព័ន្ធទប់លំនឹង MacPherson suspension នៅផ្នែកខាងមុខ និងបានធ្វើឲ្យប្រសើរនៅប្រព័ន្ធ double wishbone នៅផ្នែកខាងក្រោយធ្វើឲ្យការបើកបរកាន់តែរលូតមួយកម្រិតថែមទៀត ។

រថយន្តទាំង ២ នេះ មានប្រវែងតួខ្លួនសរុប ៤ ៩៩៥ ម.ម ទទឹង ១ ៨៥០ ម.ម កំពស់ ១ ៩៣៥ ម.ម និងប្រវែងគន្លាតកង់មុខ-ក្រោយ ៣ ០០០ ម.ម ។ សម្រាប់ការរចនានៅផ្នែកខាងក្រៅរបស់រថយន្តទាំង២ បានប្រើប្រាស់គំនិតនៃការររចនាឲ្យឈ្មោហថា Forceful x IMPACT LUXURY មានការរចនាពិសេសរាងខ្លួន ដោយនៅផ្នែកខាងមុខ មានបំពាក់ប៉ាណាមួយផ្ទាំងធំ ជាប់សងខាងចង្កៀងមុខប្រភេទ LED មុខងារទម្លើងទម្លាក់ដោយស្វ័យប្រវត្តិ ខណះ Vellfire មានភាពស្ព័រជាងជាមួយកាងបឹតខ្យល់ទំហំធំ ភាពខុសគ្នារវាងទាំងពីរត្រូវគឺនៅផ្នែងក្រោយ ទាក់ទងទៅនឹងចង្កៀង និងកាង ។

ចំពោះនៅផ្នែកខាងក្នុងត្រូវបានរចនាឡើងផ្តល់ផាសុកភាព ប្រណិតភាព និងពោរពេញទៅដោយបច្ចេកវិទ្យាទំនើបៗ ដោយនៅលើតាឡូមានកុងទ័របង្ហាញព័ត៌មានឌីជីថលទំហំ ១២,៣ អ៉ីញ និងអេក្រង់កំសាន្ត touchscreen ទំហំ ១៤ អ៉ីញ ភ្ជាប់មុខងារ Apple CarPlay និង Android Auto ។ លក្ខណះពិសេសផ្សេងទៀតរួមមាន អេក្រង់បង្ហាញលើកញ្ចក់ កៅអីស្រោបដោយស្បែក និងប្រភេទ Captain seat នៅជួរទី២ ដែលរួមបញ្ចូលមុខងារដ៏សំបូរបែប ឧបករណ៍បំពងសំលេងម៉ាក JBL ចំនួន ១៥ ចំនុច និងដំបូលកញ្ចក់ Panoramic moonroof ដាច់ដោយឡែកដើរដោយថាមពលអគ្គិសនីជាដើម ។ លើសពីនេះ ក៏ទទួលបានប្រព័ន្ធសុវត្ថិភាព Toyota Safety Sense ដែលរួមបញ្ចូលនៅមុខងារប្រព័ន្ធសុវត្ថិភាពជាច្រើនទៀតផង ។

ទាក់ទងនឹងផ្នែកម៉ាស៊ីនវិញ រថយន្តទាំង ២ នេះ មានមកជាមួយជម្រើសម៉ាស៊ីនដូចជា

ម៉ាស៊ីនសាំងចំណុះ ២,៥ លីត្រ ទំហំ ៤ ស៊ីឡាំង អាចផលិតកម្លាំង ១៨០ សេស និងកម្លាំងរមួល ២៣៥ ញ៉ូតុនម៉ែត្រ ភ្ជាប់ដោយប្រអប់លេខអូតូ CVT សម្រាប់ Toyota Alphard
ម៉ាស៊ីនចំណុះ ២,៤ លីត្រ Turbocharged ទំហំ ៤ ស៊ីឡាំង អាចផលិតកម្លាំងបាន ២៧៥ សេស និងកម្លាំងរមួល ៤៣០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៨វគ្គ សម្រាប់ Vellfire
ម៉ាស៊ីនកូនកាត់ Toyota hybrid system ដំណើររួមគ្នាជាមួយម៉ាស៊ីនសាំងចំណុង ២,៥ លីត្រ ផ្គួបជាមួយម៉ូទ័រអគ្គិសនីមានកម្លាំង ២៤៧ សេស ភ្ជាប់ដោយប្រអប់លេខ e-CVT សម្រាប់ម៉ូដែលទាំង២ និងម៉ាស៊ីន plug-in hybrid នឹងមានមកជាណពេលខាងមុខផងដែរ ។

ផ្ទាំងផ្សាយពាណិជ្ជកម្ម

រថយន្តថ្លៃបំផុតទាំង ៥ លើពិភពលោកដែលអាចទិញបានក្នុងឆ្នាំ ២០២៣ នេះ

June 21, 2023

[បរទេស] រថយន្តថ្លៃបំផុតទាំង ៥ លើពិភពលោកដែលអាចទិញបានក្នុងឆ្នាំ ២០២៣ នេះ បើទោះជាកន្លងមកមានរថយន្តជាច្រើនដែលមានតម្លៃខ្ពស់ជាងគេលើពិភពលោកក៏ដោយ ប៉ុន្តែភាគច្រើនត្រូវបានផលិតក្នុងចំនួនតិចតួចបំផុត និងម៉ូដែលជាច្រើនទៀតក៏ត្រូវបានបញ្ឈប់ផងដែរ ។ ខាងក្រោមនេះ ជារថយន្តមានតម្លៃថ្លៃទាំង ៥ ដែលអាចរកទិញបាននៅក្នុងឆ្នាំ ២០២៣៖

Bugatti Chiron SuperSport គឺជារថយន្តដែលបានផលិតក្នុងចំនួនមានកំណត់ត្រឹម ៥០០ គ្រឿងប៉ុណ្ណោះ ដែលមានសម្រាប់អតិថិជនជុំវិញពិភពលោក ដំណើរការដោយម៉ាស៊ីន W16 ចំណុះ ៨,០ លីត្រ Quad-turbocharged មានកម្លាំង ១ ៥០០ សេស ហើយត្រូវបានគេស្គាល់ថាជារថយន្តដែលលឿនបំផុតមួយក្នុងពិភពលោកជាមួយតម្លៃលក់ ៣ ៣០០ ០០ ដុល្លារ (3,300,000$)

Ferrari SF90 Stradale ត្រូវបានបំពាក់ដោយម៉ាស៊ីន plug-in Hybrid ចំណុះ ៤,០ លីត្រ និងម៉ូទ័រអគ្គិសនីចំនួន ៣ ដែលអាចផលិតកម្លាំបាន ១ ០០០ រត់ស្ទុះពីកុងទ័រ ០-១០០ គីឡូម៉ែត្រក្នុងមួយម៉ោង ត្រឹមតែ ២,៥ វិនាទីប៉ុណ្ណោះ ជាមួយតម្លៃលក់ ៥៥៨ ០០០ ដុល្លារ ។

Lamborghini Aventador រថយន្តទំនើបនេះនៅតែរក្សាកំណត់ត្រាជារថយន្តដែលមានតម្លៃថ្លៃជាងគេបំផុតក្នុងពិភពលោកដែលនៅតែអាចទិញបាននៅឆ្នាំ ២០២៣ ជាមួយនឹងម៉ាស៊ីនចំណុះ ៦,៥ លីត្រ V12 អាចផលិតកម្លាំងបាន ៧៧០ សេស មានតម្លៃលក់ ៥៥០ ៥៤២ ដុល្លារ ។

Rolls-Royce Phantom ត្រូវបានគេចាត់ទុកថាជារថយន្តប្រណិតបំផុតដែលមហាសេដ្ឋីជាច្រើនជុំវិញពិភពលោកជ្រើសរើសប្រើប្រាស់ មានទាំងប្រភេទកង់ធម្មតា និងវែង (Extended Wheelbase) ប្រើប្រាស់នៅម៉ាស៊ីនចំណុះ ៦,៧៥ លីត្រ V12 មានកម្លាំង ៥៧១ សេស ខណៈតម្លៃលក់ចាប់ពី ៤៥៧ ៧៥០ ដុល្លារឡើងទៅ ។

Ferrari 812 GTS ជារថយន្តដែលអាចបើក-បិទដំបូលបាន បំពាក់ដោយម៉ាស៊ីនចំណុះ ៦,៥ លីត្រ V12 ដែលមានកម្លាំងអតិបរមា ៨០០ សេស រត់ស្ទុះពីកុងទ័រ ០-១០០ គីឡូម៉ែត្រក្នុងមួយម៉ោង តិចជាង ៣ វិនាទី មានតម្លៃលក់ ៤១០ ៥១៦ ដុល្លារ ៕

ផ្ទាំងផ្សាយពាណិជ្ជកម្ម

Honda UR-V ស៊េរីថ្មីចុងក្រោយ ផ្តាស់ប្តូរការរចនាថ្មីទាំងស្រុង ចេញលក់ជាផ្លូវការ

June 21, 2023

[ទីផ្សារបរទេស] ក្រុមហ៊ុនផលិតរថយន្តបណ្តាក់ទុនរួមគ្នា Dongfeng Honda បានធ្វើការដាក់បង្ហាញចេញនៅរថយន្ត Honda UR-V ដែលត្រូវបានផ្តាស់ប្តូរការរចនាថ្មីទាំងស្រុង មាន ៨ ម៉ូដែលសម្រាប់ជ្រើសរើស ជាមួយតម្លៃលក់ចាប់ពី ៣៤ ៣៩៦ ដុល្លារ ដល់ ៤៥ ៩៦៤ ដុល្លារនៅទីផ្សារប្រទេសចិន ។

Honda UR-V មានប្រវែងតួខ្លួនសរុប ៤ ៨៥៦ ម.ម ទទឹង ១ ៩៤២ ម.ម កំពស់ ១ ៦៧៥ ម.ម និងប្រវែងគន្លាតកង់មុខ-ក្រោយ ២ ៨២០ ម.ម ។ សម្រាប់ការរចនានៅផ្នែកខាងក្រៅ Honda UR-V ទទួលបានប៉ាណាមុខដែលបានកែប្រែទាំងស្រុង ជាប់ជាមួយសំណុំចង្កៀងមុខ full-LED មុខងារទម្លើង-ទម្លាក់ដោយស្វ័យប្រវត្តិ ប្រើប្រាស់នៅថាសកង់ថ្មីទំហំ ១៩ អ៉ីញ សំណុំចង្កៀងក្រោយរចនាអូសវែងមានឡូហ្គោ Honda នៅចំកណ្តាល និងទ្វារក្រោយបើក-បិទជាច្រើនរបៀប។

រីឯនៅផ្នែកខាងក្នុងក៏ត្រូវបានរចនាឡើងវិញ ផ្តល់នៅប្រណិតភាព និងផាសុកភាព ជាពិសេសនៅតំបន់កុងសូលខាងមុខ បានបន្ថែមអេក្រង់កំសាន្តបញ្ឈរ touchscreen គាំទ្រដោយ HONDA Connect 3.0 ដំបូលកញ្ចក់ Panoramic Sunroof ទំហំធំ កន្លែងផ្ទុកទំហំធំ និងកាំម៉រា ៣៦០ ដឺក្រេជាដើម។ លើសពីនេះ ក៏បានមកជាមួយប្រព័ន្ធសុវត្ថិភាព Honda Sensing Safety technology ដែលរួមបញ្ចូលនៅមុខងារដ៏សំបូរបែបទៀតផង ។

ទាក់ទងនឹងផ្នែកម៉ាស៊ីនវិញ Honda បានផ្តល់ឲ្យរថយន្តនេះនៅជម្រើសម៉ាស៊ីនចំនួន ២ គឺ

ម៉ាស៊ីនសាំង VTEC ចំណុះ ១,៥ លីត្រ Turbo អាចផលិតកម្លាំងបាន ១៩០ សេស និងកម្លាំងរមួល ២៤៣ ញ៉ូតុនម៉ែត្រ ភ្ជាប់ដោយប្រអប់លេខអូតូ
ម៉ាស៊ីនសាំង VTEC ចំណុះ ២,០ លីត្រ Turbo អាចផលិតកម្លាំងបាន ២៦៨ សេសស និងកម្លាំង ៣៧០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៩វគ្គ ប្រភេទបើកបរប៉ុង ២ 4-wheel drive ៕

ផ្ទាំងផ្សាយពាណិជ្ជកម្ម

រថយន្ត Toyota Prius ស៊េរីឆ្នាំ ២០២៣ ដឹកមកដល់កម្ពុជាតម្លៃខ្ទង់ ៧ មុឺនដុល្លារជាង

June 20, 2023

[ទីផ្សារក្នុងស្រុក] យោងតាមការបង្ហោះពីគេហទំព័រភ្នាក់ងារទិញរថយន្តពីបរទេសដែលមានឈ្មោះថា Auto US Direct Cambodia បានធ្វើការបង្ហាញចេញនៅតម្លៃលម្អិតនៃរថយន្ត Toyota Prius Prime XSE ឆ្នាំ២០២៣ ប្រភេទ plug-in hybrid ជាមួយតម្លៃសរុប ៧៥ ៤២៩ ដុល្លារ សម្រាប់នៅទីផ្សារប្រទេសកម្ពុជា ។

សម្រាប់តម្លៃ ៧៥ ៤២៩ ដុល្លារ ដែលបានរួមបញ្ចូលនៅដូចជា៖

តម្លៃឡាន ៤៤ ០៦៣ ដុល្លារ ($44,063)
តម្លៃពន្ធនាំចូល ២៤ ៨១៧ ដុល្លារ ($24,817)
តម្លៃដឹកជញ្ជូន ២ ២៥០ ដុល្លារ ($2,250)
តម្លៃកាត់ឈ្មោះនៅអាមេរិក ៨៩៩ ដុល្លារ ($899)
តម្លៃឯកសារនៅខ្មែរ ៩០០ ដុល្លារ ($900)
តម្លៃសេវាកម្មរបស់ក្រុមហ៊ុននៅកម្ពុជា ២៥០ ដុល្លារ ($250)
តម្លៃសេវាកម្មរបស់ក្រុមហ៊ុននៅអាមេរិច ២ ២៥០ ដុល្លារ ($2,250)
តម្លៃសរុបទាំងអស់ ៧៥ ៤២៩ ដុល្លារ ($75,429)

សម្រាប់រថយន្ត Toyota Prius Prime ស៊េរីឆ្នាំ ២០២៣ ម៉ូដែល XSE ដំណើរការដោយម៉ាស៊ីន plug-in hybrid ដែលអាចបើកបរបានចម្ងាយ ៦៧ គីឡូម៉ែត្រក្នុងការប្រើប្រាស់ថាមពលអគ្គិសនី ។

សម្រាប់ព័ត៌មានលម្អិត បងប្អូនអាចទាក់ទងក្រុមហ៊ុនផ្ទាល់តាមគេហទំព័រ Auto US Direct Cambodia ឬតាមរយៈលេខទូរស័ព្ទ 077 288 687 (Telegram) ៕

ផ្ទាំងផ្សាយពាណិជ្ជកម្ម

កុំភ្លេចចុះឈ្មោះ! ដំណើរកម្សាន្តគ្រួសារ Ford Next-Gen Ranger Raptor ទៅកាន់ អូរសោម ស្រុកវាលវែង រយ:ពេល ៣ថ្ងៃ បានមកដល់ហើយ

June 20, 2023

[ក្នុងស្រុក] ក្រុមហ៊ុន អ អិម អេ (ខេមបូឌា) ម.ក ដែលជាក្រុមហ៊ុននាំចូល និងចែកចាយផ្ដាច់មុខនៅរថយន្ត Ford គ្រប់ប្រភេទក្នុងទីផ្សារប្រទេសកម្ពុជា បានធ្វើការប្រកាសអំពីការរៀបចំដំណើរកំសាន្តសម្រាប់គ្រួសារ Ford Next-Gen Ranger Raptor រយះពេល ៣ថ្ងៃ ដើម្បីផ្ដល់ភាពរីករាយជូនអតិថិជនកំពុងប្រើប្រាស់រថយន្តរបស់ខ្លួន។

ដំណើរកំសាន្តនេះធ្វើឡើងចាប់ពីថ្ងៃទី ៧ ដល់ ថ្ងៃទី៩ ខែកក្កដា ឆ្នាំ ២០២៣ ដែលមានលក្ខណះជាក្បួនឆ្ពោះទៅកាន់តំបន់ព្រៃភ្នំ អូរសោម ស្រុកវាលវែង ខេត្តពោធិ៍សាត់ ។ ដំណើរកំសាន្តនេះ មិនត្រឹមតែបង្កើតភាពរីករាយ និងផ្តល់នៅភាពទំនាក់ទនងល្អទៅដល់អតិថិជនដែលប្រើប្រាស់នៅរថយន្តរបស់ខ្លួននោះទេ អ្វីដែរសំខាន់នោះ ដំណើរកំសាន្តនេះក៏ជាការរួមចំណែកក្នុងការពង្រឹង និងលើកស្ទួយវិស័យទេសចរណ៍ ក្នុងប្រទេសកម្ពុជាផងដែរ ។

មិនត្រឹមតែប៉ុណ្ណោះ គោលបំណងក្នុងការបង្កើតដំណើរកំសាន្តនេះឡើង ដើម្បីផ្តល់ឲ្យអតិថិជនរបស់ខ្លួន ទទួលបានបទពិសោធន៍ក្នុងការប្រើប្រាស់នៅរថយន្តភីកអាប់ Ford Next-Gen Ranger Raptor ក៏ដូចជាការយល់ដឹងកាន់តែច្បាស់ក្នុងការបើកបរឲ្យបានត្រឹមត្រូវទៅតាមស្ថានភាពផ្លូវជាក់ស្តែង ។

គួរបញ្ជាក់ផងដែរថា ក្រុមហ៊ុន Ford Cambodia បានចាប់ផ្តើមទទួលការចុះឈ្មោះចាប់ពីថ្ងៃនេះតទៅ សម្រាប់បងប្អូនដែលប្រើប្រាស់នៅភីកអាប់ Ford Ranger Raptor មានបំណងចង់ចូលរួមដំណើរកំសាន្តនេះ អាចធ្វើការទំនាក់ទំនងទៅកាន់លេខទូរស័ព្ធ: 092 888 496 (រៀងរាល់ម៉ោងធ្វើការ)៕

ផ្ទាំងផ្សាយពាណិជ្ជកម្ម

អគារតាំងបង្ហាញរថយន្ត Great Wall Motor Cambodia បានបើកសម្ភោធជាផ្លូវការ

June 19, 2023

[រាជធានីភ្នំពេញ] នាថ្ងៃទី១៩ ខែមិថុនា ឆ្នាំ២០២៣នេះ ក្រុមហ៊ុន GWM Cambodia ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន Oneroad Group បានរៀបចំនូវកម្មវិធីសម្ភោធជាផ្លូវការ អគារតាំងបង្ហាញរថយន្តរបស់ខ្លួន ក្រោមអធិបតីចូលរួមពីសំណាក់ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជ ព្រមទាំងគណ:គ្រប់គ្រង បុគ្គលិកនៃក្រុមហ៊ុន GMW គ្រប់ជាន់ថ្នាក់ ភ្ញៀវកិត្តិយស និងអ្នកសារព័ត៌មានទាំងក្នុងស្រុក និងក្រៅស្រុក។

ឆ្លៀតក្នុងឱកាសនោះ លោកស្រី JoJo Zhang អគ្គនាយកនៃក្រុមហ៊ុន OneRoad Group បានមានប្រសាសន៍ថា ”OneRoad Group ពិតជារំភើប និងរីករាយយ៉ាងខ្លាំង ចំពោះបើកសម្ភោធនូវអគារតាំងបង្ហាញរថយន្ត Great Wall (GWM Cambodia) នៅកម្ពុជា ជាមួយការនាំចូលរថយន្តដ៌ល្បីៗរបស់ក្រុមហ៊ុនប្រទេសចិន Great Wall Motor មកកម្ពុជា ដើម្បីបំពេញនូវតម្រូវការនៃការប្រើប្រាស់រថយន្តនៅក្នុងទីផ្សារកម្ពុជា ជាមួយជម្រើសជាច្រើនម៉ូឌែលផងដែរ។ ហើយលោកស្រីសង្ឃឹមថា រថយន្ត Great Wall នឹងទទួលបានការគាំទ្រ និងប្រើប្រាស់កាន់តែច្រើន។”

លោក Michael Guo ជា GWM Director នៃ CLMBS ក៏បានមានប្រសាសន៍ផងដែរ ”GWM Cambodia ពិតជាមួយមោទនភាពយ៉ាងខ្លាំងក្នុងការបើកសម្ភោធជាផ្លូវការនូវអគារតាំងបង្ហាញនៅក្នុងទីផ្សារកម្ពុជា។ សម្រាប់នាពេលបច្ចុប្បន្ន អគារតាំងបង្ហាញរថយន្ត GWM Cambodia មានការដាក់បង្ហាញនូវរថយន្តចំនួន ៥ម៉ូឌែលដែលសុទ្ធសឹងតែជារថយន្តដែលទទួលបាននូវការគាំទ្រនៅទីផ្សារប្រទេសចិន ដោយមានរថយន្ត Haval Dargo ប្រភេទ SUV, Haval H6, Haval Jolion, GWM Poer Passenger និង GWM Poer Commercial ផងដែរ។”

បន្ថែមពីនេះលោកក៏បានបន្តទៀតថា” ក្រៅពីការដាក់តាំងបង្ហាញនូវរថយន្តថ្មី អគារ GWM Cambodia ក៏មានកន្លែងផ្តល់នូវសេវាកម្មជួសជុលរថយន្ត ដែលបំពាក់ដោយគ្រឿងបរិក្ខាទំនើប និងជាងមានជំនាញផងដែរ។ ហើយលោកក៏បានប្តេជ្ញាចិត្តក្នុងការផ្តល់ជូននូវសេវាកម្មល្អបំផុតទៅកាន់អតិថិជនផងដែរ។”

សម្រាប់អគារតាំងបង្ហាញរថយន្តរបស់ក្រុមហ៊ុន GWM Cambodia មានទីតាំងស្ថិតនៅលើផ្លូវលេខ៩៣ (មហាវិថីព្រះមុនីវង្ស) កែងផ្លូវលេខ៤២២ (ស្តុបបូកគោ) សង្កាត់ទន្លេបាសាក់, ខណ្ឌចំការមន, រាជធានីភ្នំពេញ។ សម្រាប់ព័ត៌មានបន្ថែមសូមទាក់ទង៖

Facebook:https://www.facebook.com/gwmcambodia
Tel: Khmer/English : 089 666 859 | Khmer/中文: 086 666 813
ទីតាំង: ផ្ទះលេខ15z, ផ្លូវលេខ៩៣ (មហាវិថីព្រះមុនីវង្ស) កែងផ្លូវលេខ៤២២, ភូមិ១៣, សង្កាត់ទន្លេបាសាក់, ខណ្ឌចំការមន, រាជធានីភ្នំពេញ

អំពីក្រុមហ៊ុន

OneRoad Group

Oneroad Group គឺជាសហគ្រាសដ៏ធំមួយដែលបានបង្កើតឡើងក្នុងឆ្នាំ ២០១២ នៅទីក្រុងឌូបៃ
Oneroad Group បានចូលរួមក្នុងអាជីវកម្មដែលទាក់ទងនឹងរថយន្តតាំងពីឆ្នាំ ២០១៨ ហើយបានទទួលសិទ្ធិចែកចាយម៉ាករថយន្តល្បីៗនៅមជ្ឈិមបូព៌ា និងអាស៊ីអាគ្នេយ៍ជាបន្តបន្ទាប់។
នៅឆ្នាំ ២០២០ ក្រុមហ៊ុនបានចាប់ផ្តើមបោះជុំហ៊ានចូលទីផ្សារនៅអាស៊ីអាគ្នេយ៍។ បន្ទាប់ពីការខិតខំប្រឹងប្រែងអស់ពេលជាច្រើនឆ្នាំ អាជីវកម្មរបស់ Oneroad Group នៅអាស៊ីអាគ្នេយ៍បានរីកចម្រើនជាបន្តបន្តាប់។ វិសាលភាពអាជីវកម្មរបស់ក្រុមហ៊ុនបានគ្របដណ្តប់លើពាណិជ្ជកម្មជាច្រើនដូចជា៖ Public Transportation, Automobile Distribution, Auto Leasing, Convoy Fleet Service, Petroleum refining project investment, Oneroad Public Welfare Foundation
ក្នុងឆ្នាំ ២០២១ ក្រុមហ៊ុនបានបង្កើតទីស្នាក់ការកណ្តាលនៅអាស៊ីអាគ្នេយ៏ដែលស្ថិតនៅ ព្រះរាជាណាចក្រកម្ពុជា ដែលផ្តល់ជូនសេវាកម្មលក់រថយន្ត ក្រុមហ៊ុនទេសចរណ៍ ក្រុមហ៊ុនប្រេងឥន្ធនៈ និងក្រុមហ៊ុនសេវាកម្មសន្តិសុខ។

Great Wall Motor – GWM

ក្រុមហ៊ុនផលិតរថយន្ត Great Wall Motor (GWM) ជាក្រុមហ៊ុនដែលផ្តោតលើការផលិតរថយន្តប្រភេទ SUV និងភីកអាប់ធំបំផុតនៅក្នុងប្រទេសចិនអស់រយះពេល ៣២ ឆ្នាំ ដែលបានចែកចាយទៅកាន់ទីផ្សារជាង ១៧០ ប្រទេស ជាមួយការលក់ជាប់ចំណាត់ថ្នាក់លេខ ១ ក្នុងការលក់រថយន្ត SUV របស់ប្រទេសចិនក្នុងរយៈពេល ១១ ឆ្នាំជាប់ៗគ្នា។ ខណះរថយន្តភីកអាប់ GWM បានជាប់ចំណាត់ថ្នាក់លេខ ១ ក្នុងប្រទេសចិនរយៈពេល ២៤ ឆ្នាំជាប់ៗគ្នា ។

ក្រុមហ៊ុន GWM Group មានក្រុមហ៊ុនបុត្រសម្ព័ន្ធជាង ១០០ ក្រុមហ៊ុន, ដៃគូក្រុមហ៊ុនផលិតរថយន្ត ៦ និងក្រុមហ៊ុនគ្រឿងបន្លាស់រថយន្តចំនួន ៤ ក្នុងការបង្កើតខ្សែសង្វាក់ឧស្សាហកម្មរថយន្តពេញលេញ៕

ផ្ទាំងផ្សាយពាណិជ្ជកម្ម

ភីកអាប់អគ្គិសនីសុទ្ធដំបូងគេរបស់ Geely ចេញតម្លៃលក់ជាផ្លូវការ តម្លៃចាប់ពីជាង ២ មុឺនដុល្លារឡើងទៅ

June 19, 2023

[ទិផ្សារបរទេស] ក្រុមហ៊ុនផលិតរថយន្ត Geely បានធ្វើការបញ្ចេញតម្លៃលក់ជាផ្លូវការរបស់ភីកអាប់ Geely Radar RD6 ដែលជារថយន្តភីកអាប់អគ្គិសនីដំបូងរបស់ខ្លួន មានតម្លៃលក់ចាប់ពី ២០ ៣៨៨ ដុល្លារ ដល់ ៣៧ ៥៨៨ ដុល្លារនៅក្នុងទីផ្សារប្រទេសចិន ។

Geely Radar RD6 ផលិតឡើងនៅលើគ្រោងឆ្អឹង Geely SEA architecture មានប្រវែងតួខ្លួនសរុប ៥ ២៦០ ម.ម ទទឹង ១ ៩០០ ម.ម កំពស់ ១ ៨៣០ ម.ម និងប្រវែងគន្លាតកង់មុខ-ក្រោយ ៣ ១២០ ម.ម ។ សម្រាបការរចនាជាមួយនឹងរូបរាងដ៏ស្វាហាប់ ប៉ាណាមុខបិទជិត អបដោយចង្កៀងមុខប្រភេទ LED ថ្មី, ដំបូលពីរពណ៌ ចង្កៀងក្រោយរាងជាអក្សរ X អូសកាត់ពីផ្នែកម្ខាងទៅផ្នែកម្ខាង ។ លើសពី ឃ្លុបក្រោយភ្ជាប់មកជាមួយបន្ទះផ្គត់ផ្គង់ថាមពលទំហំ ៦ គីឡូវ៉ាត់ អាចផ្គត់ផ្គង់ថាមពលខាងក្រៅបានយ៉ាងល្អប្រសើរ។

ចំពោះនៅផ្នែកខាងក្នុងកាប៊ីនវិញ រថយន្តភីកអាប់ Radar RD6 បង្ហាញពីការរចនាជាមួយប្រណិតភាព និងផាសុកភាព ដោយបំពាក់ជាមួយកុងទ័រព័ត៌មានឌីជីថល និងអេក្រង់កំសាន្ត touchscreen រចនាបែបបញ្ឈរទំហំ ១២,៣ អ៉ីញ , ដៃចង្កូតប្រភេទ 3-spoke ថ្មី, ប្រអប់លេខអេឡិចត្រូនិច, កៅអីស្បែក Premium និងកន្លែងដាក់ឥវ៉ាន់សរុបលើសពី ១ ២០០ លីត្រផងដែរ។ លើសពី ក៏បានភ្ជាប់មកជាមួយប្រព័ន្ធជំនួយការបើកបរដ៏ឆ្លាតវៃ L2+ ដែលរួមបញ្ចូលមុខងារដ៏ច្រើនផងដែរ ។

ទាក់ទងនឹងផ្នែកម៉ាស៊ីនវិញ ភីកអាប់នេះដំណើរការដោយម៉ូទ័រអគ្គិសនីចំនួន ១ មានកម្លាំង ២៧២ សេះ អាចបង្កើតល្បឿនពី ០-១០០ គីឡូម៉ែត្រ/ម៉ោង ក្នុងរយៈពេល ៦ វិនាទី ផ្គួបជាមួយអាគុយទំហំ ១០០ គីឡូវ៉ាត់ម៉ោង អាចបើកបរបានចម្ងាយប្រហែល ៦០០ គីឡូម៉ែត្រក្នុងការសាកថ្មម្តង គាំទ្រដោយមុខងារសាកថ្មល្បឿនលឿនអាចសាកពី ០-៨០% ត្រឹមរយះពេល ៣០ នាទី និងសាកថ្មត្រឹម ១៥ នាទីអាចបើកបរបានចម្ងាយ ១២០ គីឡូម៉ែត្រ ។

ផ្ទាំងផ្សាយពាណិជ្ជកម្ម

គំរូឡានអគ្គិសនីសុទ្ធ Mercedes Vision One-Eleven អនាគតនៃរថយន្ត Supercar ដ៏ប្រណិត

June 19, 2023

[បរទេស] ក្រុមហ៊ុនផលិតរថយន្ត Mercedes បានធ្វើការដាក់បង្ហាញចេញនៅគំរូរថយន្តអគ្គិសនី Vision One-Eleven ដែលបានទទួលយកការរចនាត្រូវបានបំផុសគំនិតដោយគំរូ C111 concept ដែលត្រូវបានបង្ហាញដោយក្រុមហ៊ុន Mercedes កាលពីជាង ៥០ ឆ្នាំមុន។

គំរូរថយន្តអគ្គិសនី Vision One-Eleven មានការរចនាបែបស្លីមដែលឲ្យឈ្មោះថា One-Bow Design ដែលជាការធ្វើឲ្យប្រសើរឡើងនៅប្រព័ន្ធលំហូរខ្យល់ aerodynamic ដែលជាកត្តាសំខាន់មួយសម្រាប់រថយន្តស្ព័រអគ្គិសនី ដោយរថយន្តនេះមានកម្ពស់ ១ ១៦០ មមប៉ុណ្ណោះ ។ សម្រាប់ការរចនានៅផ្នែកខាងក្រៅ រថយន្តនេះរចនាឡើងជាទ្វារ ២ បើកឡើងជាទម្រង់ស្លាបបក្សី ចង្កៀងខាងមុខ / ខាងក្រោយមានលក្ខណៈអនាគត និងប្រើប្រាស់ថាសកង់ទំហំធំដែលជាបចេ្ចកវិទ្យាដ៏ច្នៃប្រឌិត។

ចំពោះនៅផ្នែកខាងក្នុងរបស់ Vision One-Eleven គ្រឿងបរិក្ខាត្រូវបានផលិតចេញពីវត្ថុធាតុដើមកែច្នៃ ដូចជាសំបកគ្រាប់កាហ្វេជាដើម និងបានតុបតែងជាមួយពណ៌ស និងពណ៌ទឹកក្រូចមើលទៅស៊ីគ្នាជាមួយនឹងផ្នែកខាងក្រៅ កុងទ័របង្ហាញអំពីព័ត៌មានបើកបររចនាលាតសន្ធឹងលើផ្ទៃតាប្លូទាំងមូល ដៃចង្កូតត្រូវបានបំផុសគំនិតដោយដៃចង្កូតរបស់រថយន្តប្រណាំង F1 ជាប់គ្នាទៅនឹងអេក្រង់កំសាន្ត។

Mercedes និយាយថា កញ្ចប់ថ្មនៅលើគំរូរថយន្តត្រូវបានអភិវឌ្ឍន៍ដោយក្រុម F1 Mercedes ។ រថយន្តនេះត្រូវបានបំពាក់ដោយម៉ូទ័រអេគ្គិសនីចំនួន ២ របស់ Yasa Brand ដោយ Mercedes និយាយថា អត្ថប្រយោជន៍នៃម៉ាស៊ីនប្រភេទនេះ គឺស្រាលជាង និងមានកម្លាំងខ្លាំងជាងម៉ូទ័រអគ្គិសនីដ៏ពេញនិយមនាពេលបច្ចុប្បន្ននេះ។

គួរបញ្ជាក់ផងដែរដា ក្រុមហ៊ុន Mercedes បាននិយាយថា គំរូរថយន្តអគ្គិសនី Vision One-Eleven គ្រាន់តែជាគំរូប៉ុណ្ណោះ ខនះព័ត៌មានលម្អិតនៃម៉ូដែលនេះក្រុមហ៊ុនមិនទាន់បញ្ចេញនៅឡើយទេ។ លើសពីនេះ Vision One-Eleven នៅតែជាគំរូដែលរួមចំណែកយ៉ាងច្រើនដល់ផលិតកម្មរថយន្តអគ្គិសនីសុទ្ធរបស់យីហោអាល្លឺម៉ង់នាពេលអនាគត ៕

ផ្ទាំងផ្សាយពាណិជ្ជកម្ម

អគារបាញ់ថ្នាំរថយន្តលំដាប់ថ្នាក់អន្តជាតិ ដ៏ទំនើបដំបូងបង្អស់នៅកម្ពុជា បានបើកសម្ភោធជាផ្លូវការ!

June 18, 2023

[រាជធានីភំ្នពេញ] កាលពីថ្ងៃទី១៦ ខែមិថុនា ឆ្នាំ២០២៣ ក្រុមហ៊ុន HGB ONE ដែលជាបុត្រសម្ព័ន្ធរបស់ក្រុមហ៊ុន HGB Group បានប្រារព្ធវិធីបើកសម្ពោធជាផ្លូវនូវអគារបាញ់ថ្នាំរថយន្តលំដាប់ថ្នាក់អន្តជាតិ ដ៏ទំនើបដំបូងបង្អស់នៅកម្ពុជា ក្រោមការចូលរួមពីសំណាក់គណៈគ្រប់គ្រង និងបុគ្គលិកគ្រប់ជាន់ថ្នាក់ ដោយរង់ចាំស្វាគមន៍អតិថិជនទាំងអស់មកទទួលយកសេវាកម្មចាប់ពីថ្ងៃនេះតទៅ។

សម្រាប់ក្រុមហ៊ុន HGB ONE Body Shop គឺជាអគារបាញ់ថ្នាំរថយន្តលំដាប់ថ្នាក់អន្តជាតិ ដ៏ទំនើបដំបូងបង្អស់នៅកម្ពុជា ដែលបំពាក់ជាមួយបរិក្ខា ឧបករណ៍បច្ចេកទេសទំនើបចុងក្រោយបង្អស់ ជាងជំនាញឆ្លងកាត់ការបណ្តុះបណ្តាលត្រឹមត្រូវ ដើម្បីផ្តល់ជូននូវការបទពិសោធន៌ស្តង់ដារអឺរ៉ុប ជូនដល់អតិថិជនរបស់ខ្លួន ដែលអាចមកទទួលយកសេវាកម្មបាញ់ថ្នាំ ប្រកបដោយទំនុកចិត្ត សន្សំសំចៃពេលវេលា និងស្នាមញញឹម។ ក្នុងកំឡុងពេលទទួលយកសេវាកម្ម អតិថិជនមានបន្ទប់រង់ចាំ អាចអង្គុយធ្វើការ យ៉ាងមានផាសុកភាព ការកំសាន្ត និងអាចទទួលទានកាហ្វេ ភេសជ្ជៈយ៉ាងសំបូរបែបដោយឥតគិតថ្លៃ។

ក្នុងកាសដ៏ពិសេសនេះផងដែរ គណៈគ្រប់គ្រងតំណាងរបស់ក្រុមហ៊ុន HGB ONE ក៏បានមានប្រសាសន៍ឲ្យដឹងថា “អគារបាញ់ថ្នាំរថយន្ដលំដាប់អន្តរជាតិ HGB ONE Body Shop ដំបូងបង្អស់នៅកម្ពុជា នឹងជាកន្លែងផ្តល់ជូនបទពិសោធន៍ដ៏អស្ចារ្យមិនធ្លាប់មានពីមុនមក ដោយធានាទាំងសេវាកម្ម ទាំងគុណភាព ក៏ដូចជាទំនុកចិត្តជូនដល់អតិថិជនកម្រិតខ្ពស់ ហើយក៏ជាកន្លែងផ្តល់នូវសេវាកម្មថែទាំ បាញ់ថ្នាំពណ៌រថយន្ត និងប៉ូលារថយន្ត ដោយប្រើប្រាស់ជាមួយឧបករណ៍បច្ចេកទេស និងបច្ចេកវិទ្យាទំនើបចុងក្រោយបង្អស់ដែលជាស្តង់ដាររបស់អឺរ៉ុប ដោយមិនកំណត់ទៅលើរថយន្តមួយណា ឬម៉ូឌែលណានោះទេ ពោលគឺគ្រប់ម៉ូដែលទាំងអស់ ដែលអោយឈ្មោះថា “Smart Repair” ដែលសំដៅលើការជួសជុលដ៏ឆ្លាតវៃប្រើប្រាស់នូវបច្ចេកវិទ្យាទំនើបចុងក្រោយ និងរឹតតែពិសេសនោះគឺផ្តល់ជូននូវសេវាកម្មយ៉ាងមានប្រសិទ្ធភាពខ្ពស់ ឆាប់រហ័សបំផុតសម្រាប់អតិថិជនមិនអោយរង់ចាំយូរ ចំនេញពេលវេលា “Quick Service” ។”

លើសពីនេះ គណៈគ្រប់គ្រងក្រុមហ៊ុនក៏បានបង្ហាញពីចក្ខុវិស័យ និងផែនការរបស់ក្រុមហ៊ុនថា” ក្រុមហ៊ុន HGB ONE បានគ្រោងនឹងពង្រីកសាខាឲ្យបានគ្រប់ ២៥ ខេត្ត-ក្រុង ពោលគឺ ២០១ស្រុក ទូរទាំងប្រទេសកម្ពុជា ដែលផ្តល់ជូននូវសេវាកម្មមិនធ្លាប់មានដូចជា៖ កន្លែងសាកថ្មរថយន្តអគ្គិសនី ហាងទំនិញផ្សេងៗ កន្លែងលាងរថយន្ត កន្លែងបោកសម្លៀកបំពាក់ ដើម្បីផ្តល់ភាពកាន់តែងាយស្រួល និងស្នាមញញឹមដល់ប្រជាជនកម្ពុជា។”