ជីវិត Land Cruiser នឹងត្រូវចប់ក្រោយឆ្នាំ ២០២១ នៅប្រទេសធំមួយ

October 10, 2020

រថយន្ត SUV មហាកម្លាំងខាង Off-Road ម៉ូដែល Land Cruiser របស់ Toyota នឹងត្រូវបញ្ឈប់ការផលិតសម្រាប់លក់លើទីផ្សារសហរដ្ឋអាមេរិកក្រោយពីម៉ូដែលឆ្នាំ ២០២១ តទៅ។ នេះបើតាមការចុះផ្សាយរបស់ Motor Authority ដែលនិយាយថាមានប្រភពពីហាងលក់បានបញ្ជាក់ច្បាស់អំពីរឿងនេះ។

រថយន្ត Toyota Land Cruiser នឹងមានត្រឹមម៉ូដែលឆ្នាំ ២០២១ ខណៈដែលរថយន្ត Lexus LX នឹងបន្តមានជីវិតរស់នៅតទៀត ប៉ុន្តែប្រើប្រាស់នូវម៉ាស៊ីន Turbocharged V6 ជំនួសឲ្យម៉ាស៊ីនចំណុះ ៥,៧លីត្រ ៨ស៊ីឡាំង ដែលប្រើនាពេលបច្ចុប្បន្ននេះ។

វិបសាយ Motor Authority បានផ្ដល់ដំណឹងដែលបានប្រភព ដែលបានអះអាងថារថយន្ត Land Cruiser នឹងមិនវិលត្រឡប់ទៅទីផ្សារសហរដ្ឋអាមេរិក គឺត្រូវបញ្ឈប់ការលក់ចោលតែម្ដង។ ប្រភពដដែលបាននិយាយថាសម្រាប់ម៉ូដែលឆ្នាំ ២០២១ Land Cruiser Heritage Edition នឹងនាំយកកៅអីជួរទីបីត្រឡប់មកវិញ។

រថយន្ត Land Cruiser Heritage Edition កៅអីបីជួរ ធ្លាប់បានបង្ហាញខ្លួនក្នុងកម្មវិធី Chicago Auto Show ឆ្នាំ ២០២១ ដោយមានដាក់លក់តម្លៃប្រមាណ ៨ម៉ឺនដុល្លារនៅសហរដ្ឋអាមេរិក៕

ផ្ទាំងផ្សាយពាណិជ្ជកម្ម

សេដ្ឋី Elon Musk ថា Tesla អាចផលិតឡានបាន ៥០ម៉ឺនគ្រឿងឆ្នាំនេះ

October 10, 2020

លោក Elon Musk នាយកប្រតិបត្តិក្រុមហ៊ុន Tesla និយាយថាក្រុមហ៊ុនរបស់ខ្លួនអាចផលិតរថយន្តបាន ៥០ម៉ឺនគ្រឿងក្នុងឆ្នាំនេះ ប្រសិនបើនៅត្រីមាសទីបួនបន្តទទួលបានជោគជ័យខ្លាំង។

កាលពីដើមឆ្នាំ Tesla ធ្លាប់និយាយថាខ្លួនអាចសម្រេចគោលដៅផលិតរថយន្តបានលើសពី ៥០ម៉ឺនគ្រឿងក្នុងឆ្នាំនេះបានយ៉ាងងាយ។ ប៉ុន្តែដោយសារតែការផ្ទុះជំងឺកូវីដ១៩ ទើបក្រុមហ៊ុនចាប់ផ្ដើមមិនច្បាស់លាស់លើចំនួនផលិតរបស់ខ្លួន។

គួរដឹងថា Tesla អាចលក់រថយន្តបាន ១៣៩ ៣០០គ្រឿង និងផលិតរថយន្តបាន ១៤៥ ០៣៦គ្រឿង ក្នុងត្រីមាសទីបី ជាតួលេខខ្ពស់បំផុតមួយសម្រាប់ក្រុមហ៊ុន។ យ៉ាងណាក្ដីប្រសិនបើចង់បង្គ្រប់ចំនួនផលិត ៥០ម៉ឺនគ្រឿង នោះ Tesla ត្រូវផលិតរថយន្តឲ្យបានជិត ១៨២ ០០០គ្រឿងបន្ថែមទៀតនៅត្រីមាសទីបួន ដែលមិនមែនជារឿងតូចនោះទេ៕

ផ្ទាំងផ្សាយពាណិជ្ជកម្ម

ក្រោយទទួលបានជោគជ័យខ្លាំង MG បញ្ចេញម៉ូឌែលថ្មី MG ZS MCE ២០២១ សម្រាប់ទីផ្សារកម្ពុជា

October 10, 2020

ក្រុមហ៊ុន Marris Garages (MG Cambodia)បានធ្វើការនាំចូលរថយន្តថ្មីជាផ្លូវការមកកាន់ប្រទេសកម្ពុជាតាំងពីឆ្នាំ២០១១មកម្លេះជាមួយនឹងរថយន្តប្រភេទ Crossover, SUV ដែលមានដូចជារថយន្ត MG ZS, RX5, HS និង RX8 ដែលទទួលបានការនិយមយ៉ាងខ្លាំងផងដែរ។ ក្រោយទទួលបានជោគជ័យខ្លាំង ពេលនេះក្រុមហ៊ុន MG Cambodia បាននាំយកនូវការផ្លាស់ប្តូរថ្មី នៃរថយន្ត MG ZS MCE សេរ៊ីឆ្នាំ ២០២១ ជាមួយការឌីស្សាញថ្មីនៃរូបរាងខាងក្រៅជាមួយភាពជាក់លាក់យ៉ាងខ្លាំងគឺ ” ភាពទំនើប និងគុណភាពដ៏ពិតប្រាកដ ”។ រថយន្ត MG ZS ស៊េរីមុន ត្រូវបានរចនាឡើង ទៅតាមតម្រូវការរបស់លោកអ្នកជាចំបង ហើយសម្រាប់ម៉ូឌែលថ្មីនេះក៏ដូចគ្នាដែរ។ ការបំពាក់នូវប្រព័ន្ធបច្ចេកវិទ្យាចុងក្រោយនឹងផ្តល់ជូនលោកអ្នកនូវផាសុកភាព ភាពស្និទស្នាល និងទំនុកចិត្តខ្ពស់ រាល់ការធ្វើដំណើរគ្រប់ទីកន្លែង។

សម្រាប់ចំណុចនៃការផ្លាស់ប្តូរនៃម៉ូឌែលថ្មីនេះ គឺការឌីស្សាញថ្មីទៅលើផ្នែកខាងមុខដូចជា ប៉ាណាមុខ, កាងមុខរថយន្ត និង ចង្កៀងភ្លើងLEDមុខ-ក្រោយ។ ថាសកង់បែបស្ព័ររចនាថ្មីទំហំ ១៧អ៊ីញធ្វើអោយរថយន្ត MG ZS ម៉ូឌែលថ្មីនេះកាន់តែមានភាពលេចធ្លោ និងទាក់ទាញបំផុតមិនធ្លាប់មាន។វាពិតជាមានភាពល្អឥតខ្ចោះ និងសាកសមជារថយន្តលក្ខណៈគ្រួសារប្រភេទតូច។ គ្រប់ចំណុចចាប់ពីចង្កៀងខាងមុខប្រដេញជាខ្សែបន្ទាត់រហូតដល់ផ្នែកខាងក្រោយនៃរថយន្ត ត្រូវបានផលិតឡើងដោយការផ្ចិតផ្ចង់ និងយកចិត្តទុកដាក់បំផុត។

MG បានធ្វើការកែប្រែម៉ូឌែល ZS ជាមួយរូបរាងដ៏ស្រស់ស្អាត ទាក់ទាញ, ផ្នែកខាងក្នុងដ៏ឆ្លាតវៃ កាន់តែពិសេសជាមួយនឹងបច្ចេកវិទ្យាប្រអប់លេខថ្មី។ ផ្នែកខាងក្នុងនៃរថយន្ត MG ZS ត្រូវបានរចនាឡើង ដើម្បីផ្តល់នូវអារម្មណ៌ស្រស់ស្រាយ មិនថាអ្នកបើកបរ ឬ អ្នករួមដំណើរជាលក្ខណៈក្រុមគ្រួសារនោះទេ ដោយសារតែកៅអីអង្គុយរចនាពីស្បែកទន់យ៉ាងប្រណីត រំលេចដោយថ្នេរដេរយ៉ាងស្រស់ស្អាត ហើយកៅអីផ្នែកខាងមុខភ្ជាប់ជាមួយប្រព័ន្ធកំណត់កម្តៅផងដែរដែលតែងតែរង់ចាំ និងស្វាគមន៏លោកអ្នកមកអង្គុយសម្រាប់ការបើកបរគ្រប់ពេលយ៉ាងផាសុកភាព។

រថយន្ត MG ZS គឺជារថយន្តប្រភេទ SUV ធន់តូចដែលមានភាពស៊ីវិល័យល្អឥតខ្ចោះរបស់ខ្លួន និងបច្ចេកវិទ្យាដ៏ទំនើបដែលបានបំពាក់មកនូវកាំម៉េរ៉ា ៣៦០ដឺក្រេ មួយជុំរថយន្ត សម្រាប់ជំនួយដល់ការចូលចតយ៉ាងមានសុវត្ថិភាពខ្ពស់ អេក្រង់កម្សាន្ត គុណភាពច្បាស់ល្អ ទំហំ ១០អ៊ីញ អាចភ្ជាប់ជាមួយ Bluetooth, Apple CarPlay និង Android Auto មកជាស្តង់ដារពីរោងចក្រ ដើម្បីផ្តល់ជូននៅការកំសាន្តដ៏សំបូរបែបជាមួយតម្លៃប្រហែល ៣០ ០០០ដុល្លារតែប៉ុណ្ណោះ។ ហើយផ្នែកខាងក្នុង មានភាពធំទូលាយ សម្រាប់ការធ្វើដំណើរជាមួយសមាជិក៥នាក់ ហើយកន្លែងដាក់អីវ៉ាន់ មិនថារទេះកូនក្មេង ឬសំភារះកីឡានោះទេគឺអាចដាក់បានដោយគ្មានបញ្ហា។

រថយន្ត MG ZS ថ្មីនេះនឹងអាចវាយលុកទីផ្សាររថយន្តប្រភេទ Crossover ជាមួយរូបរាង និងភាពធំទូលាយដូចនឹងរថយន្ត MG RX5 ដែលជារថយន្តប្រភេទ SUV លក់ដាច់បំផុតនៅកម្ពុជានេះផងដែរ។

ផ្ទាំងផ្សាយពាណិជ្ជកម្ម

Hyundai ចេញឡានដឹកទំនិញខ្នាតធំ ប្រើអ៊ីដ្រូហ្សែនដំបូងបង្អស់លើលោក

October 10, 2020

ក្រុមហ៊ុន Hyundai បានប្រកាសចេញរថយន្តដឹកទំនិញខ្នាតធំ ដំណើរការដោយប្រើអ៊ីដ្រូហ្សែន នៅលើទីផ្សារអឺរ៉ុបជាផ្លូវការ ដោយហៅឈ្មោះថា Xcient។

Hyundai Xcient ត្រូវបានគេចាត់ទុកថាជារថយន្តដឹកទំនិញខ្នាតធំប្រើអ៊ីដ្រូហ្សែន ដែលផលិតច្រើនគ្រឿងដំបូងគេបង្អស់លើលោក។ ក្រៅពីទីផ្សារអឺរ៉ុប វានឹងចេញលក់លើទីផ្សារអាមេរិក និងចិនបន្តបន្ទាប់ទៀត។

Hyundai បានរំពឹងថានឹងអាចផ្គត់ផ្គង់រថយន្តដឹកទំនិញនេះរហូតដល់ទៅ ១ ៦០០គ្រឿងនៅអឺរ៉ុប ត្រឹមឆ្នាំ២០២៥។

ជាមួយនឹងប្រវែង ៩ ៤៧៥មីល្លីម៉ែត្រ រថយន្ត Hyundai Xcient ដំណើរការដោយ hydrogen fuel cell system កម្លាំង ១៩០គីឡូវ៉ាត់ (២៥៥សេះ) ជាមួយ dual fuel cell stacks កម្លាំង ៩៥គីឡូវ៉ាត់ (១២៧សេះ)។ វាអាចបើកបរបានចម្ងាយប្រហែល ៤០០គីឡូម៉ែត្រ ហើយការចាក់បំពេញអ៊ីដ្រូហ្សែនមួយពេញត្រូវចំណាយពេលប្រហែល ៨ ទៅ ២០នាទី៕

ផ្ទាំងផ្សាយពាណិជ្ជកម្ម

Jaguar សម្រេចផ្តាច់ជីវិតឡាន ២ម៉ូដែល នៅទីផ្សារអាមេរិក

October 10, 2020

ក្រុមហ៊ុន Jaguar បានបញ្ជាក់ហើយថា ២០២០ នឹងជាឆ្នាំចុងក្រោយបង្អស់នៃរថយន្ត XE Sedan សម្រាប់ទីផ្សារអាមេរិក ស្របពេលដែលក្រុមហ៊ុនរថយន្តអង់គ្លេសមួយនេះ កំពុងតែរៀបចំឡើងវិញនូវត្រកូលរថយន្តរបស់ខ្លួន ដើម្បីឲ្យត្រូវតាមតម្រូវការលើទីផ្សារអាមេរិក។

ដើម្បីបំពេញបន្លោះប្រហោងនេះ Jaguar នឹងទម្លាក់តម្លៃរថយន្ត XF Sedan ឆ្នាំ២០២១ មកសល់ត្រឹមចាប់ពី ៤៣ ៩៩៥ដុល្លារ សម្រាប់ប្រភេទ Base Model ម៉ូដែល (P250S)។ Jaguar ក៏បន្ថែមទៀតថា រថយន្ត XE Sedan ឆ្នាំ២០២០ ដែលនៅសល់ ក៏នឹងដាក់លក់ក្នុងតម្លៃចាប់ពី ៤៣ ៩៩៥ដុល្លារដែរ។

ទោះជាយ៉ាងណាក៏ដោយ Jaguar ក៏នឹងឈប់លក់រថយន្ត XF Sportbrake ដែរសម្រាប់ឆ្នាំ២០២១ ពោលគឺទុកតែ XF Sedan ប៉ុណ្ណោះសម្រាប់ទីផ្សារអាមេរិក។

គួរឲ្យដឹងថា បច្ចុប្បន្ននេះ Jaguar មានលក់រថយន្ត SUV ជាច្រើនម៉ូដែល ដូចជា F-Pace តម្លៃចាប់ពី ៤៩ ៩៩៥ដុល្លារ, I-Pace ដំណើរការដោយថាមពលអគ្គិសនីសុទ្ធបានចម្ងាយ ៣៨០គីឡូម៉ែត្ររាល់ពេលសាកភ្លើងពេញម្តង និង E-Pace ដែលជា SUV មានតម្លៃថោកបំផុតរបស់ខ្លួន ផងដែរ៕

ផ្ទាំងផ្សាយពាណិជ្ជកម្ម

Tesla Model 3 វាយផ្ដាច់តំណែងឡានអគ្គិសនីលក់ដាច់ជាងគេនៅប្រទេសជាច្រើន

October 9, 2020

វិបសាយ Uswitch បានធ្វើការវិភាគលើទិន្នន័យ ដើម្បីស្វែងរកមើលថារថយន្តអគ្គិសនីថាដែលមានការពេញនិយមជាងគេនៅក្នុងបណ្ដាប្រទេសជាច្រើន។ លទ្ធផលឃើញថាម៉ាករថយន្ត Tesla ស្ថិតនៅតំណែងកំពូលក្នុងប្រទេសចំនួន ២១ ក្នុងចំណោមប្រទេសចំនួន ៦០ដែលគេបានវិភាគ។

ក្នុងចំណោម ២១ប្រទេសនោះដែរ រថយន្ត Tesla Model 3 ជាម៉ូដែលដែលលក់ដាច់ជាងគេក្នុងចំណោម ១៩ប្រទេសឯណោះ ដែលមានដូចជានៅប្រទេសចិន, សហរដ្ឋអាមេរិក, អូស្ត្រាលី និងកាណាដាជាដើម។

ម៉ាករថយន្តអគ្គិសនីពេញនិយមលំដាប់លេខពីរគឺ Nissan ដែលពេញនិយមខ្លាំងក្នុងប្រទេសចំនួន ៩ ហើយម៉ូដែល Nissan Leaf ជាម៉ូដែលដែលពេញនិយមជាងគេ។ បន្ទាប់មកគឺម៉ាករថយន្ត Renault ពេញនិយមក្នុងប្រទេសចំនួន ៧ ដែលមានម៉ូដែល Renault Zoe ជាម៉ូដែលពេញនិយម។

បន្តបន្ទាប់មកទៀតមានដូចជាម៉ាក BAIC (៦ប្រទេស), Volkswagen (៥ប្រទេស), Audi (២ប្រទេស), BMW (២ប្រទេស) និងម៉ាក Skoda (២ប្រទេស)៕

ផ្ទាំងផ្សាយពាណិជ្ជកម្ម

អីយ៉ាស់! Lexus លក់ឡានបានច្រើនជាង Mercedes និង BMW នៅត្រីមាសទី៣

October 9, 2020

ក្នុងត្រីមាសទីបីនៃឆ្នាំ ២០២០ នេះ ម៉ាកជប៉ុន Lexus បាននាំមុខគូប្រជែងពីរមកពីអាល្លឺម៉ង់ ក្លាយជាក្រុមហ៊ុនដែលអាចលក់រថយន្តប្រណីតបានច្រើនជាងគេនៅលើទីផ្សារសហរដ្ឋអាមេរិក។

រយៈពេលបីខែចុងក្រោយកន្លងមកនេះ (កក្កដា-កញ្ញា) Lexus អាចលក់រថយន្តបានសរុប ៧៥ ២៨៥គ្រឿង ខណៈ Mercedes អាចលក់បាន ៦៩ ៦៣១គ្រឿង និង BMW អាចលក់រថយន្តបាន ៦៩ ៥៧០គ្រឿង។ ហេតុផលពីក្រោយជោគជ័យនៃការលក់ប្រចាំត្រីមាសទីបីនេះ ទំនងដោយសារ Lexus អាចរក្សាចំនួនរថយន្តសម្រាប់ផ្គត់ផ្គង់ដល់អតិថិជនបានល្អ ខណៈក្រុមហ៊ុនពីរទៀតប្រឈមមុខបញ្ហាផ្គត់ផ្គង់ដោយសារជំងឺកូវីដ១៩។

ជោគជ័យក្នុងត្រីមាសទីបីនេះដែរ មិនមានន័យថា Lexus អាចនឹងផ្ដួល BMW និង Mercedes សម្រាប់ចំនួនលក់ពេញមួយឆ្នាំ ២០២០ នេះទេ ដោយសារនៅសល់រយៈពេល ៣ខែ។ ប៉ុន្តែបើសង្កេតមើលចំនួនលក់សរុបគិតត្រឹមបច្ចុប្បន្ននៃម៉ាករថយន្តទាំងបីឃើញថាម៉ាករថយន្តទាំងបីកំពុងតែប្រកៀកប្រកិតគ្នាខ្លាំង។

រយៈពេល៩ខែដំបូងនៃឆ្នាំ ២០២០ នេះ Lexus អាចលក់រថយន្តបាន ១៨២ ០៨៧គ្រឿង, BMW អាចលក់រថយន្តបាន ១៧៩ ៩៨២គ្រឿង និង Mercedes អាចលក់រថយន្តបាន ១៩៦ ៨៣៨គ្រឿង៕

ផ្ទាំងផ្សាយពាណិជ្ជកម្ម

Kia Stonic ថ្មីប្រើបច្ចេកវិទ្យា Mild Hybrid តម្លៃតែជាង ២ម៉ឺនដុល្លារ

October 9, 2020

ក្រុមហ៊ុន Kia បានប្រកាសចេញរថយន្តម៉ូដែល Stonic ថ្មីរបស់ខ្លួនជាផ្លូវការសម្រាប់ទីផ្សារអង់គ្លេស ដែលប្រើបច្ចេកវិទ្យា Mild-hybrid ថ្មី។

រថយន្ត Kia Stonic ថ្មីប្រើម៉ាស៊ីនសាំងចំណុះ ១,០លីត្រ T-GDi ជាមួយបច្ចេកវិទ្យា Mild-hybrid ដំណើរការដោយប្រអប់លេខអូតូ ៧វគ្គ ប្រភេទ dual-clutch ហើយក៏មាន Option លេខដៃ intelligent Manual Transmission (iMT) ផងដែរ។ ម៉ាស៊ីននេះបង្កើតកម្លាំងបានសរុប ៩៧សេះ។

រថយន្ត SUV ខ្នាតតូចនេះមានបំពាក់អេក្រង់កម្សាន្ត Touchscreen ទំហំ ៨អ៊ីញមកស្តង់ដារ និងកុងទ័រឌីជីថលទំហំ ៤,២អ៊ីញ។ វាក៏មានបំពាក់មុខងារសុវត្ថិភាពជាច្រើន ដូចជា Forward Collision-Avoidance Assist (FCA) with pedestrian and cyclist detection, Lane Keeping Assist System (LKAS), Driver Attention Warning (DAW), High Beam Assist (HBA), Blind Spot Collision Warning (BCW) និង Intelligent Speed Limit Assist (ISLA) ផងដែរ។

Kia Stonic ត្រូវបានដាក់លក់ក្នុងតម្លៃចាប់ពី ២៣ ៥០០ដុល្លារ សម្រាប់ប្រភេទ Base Model នៅលើទីផ្សារប្រទេសអង់គ្លេស និងឡើងរហូតដល់ ២៦ ៨០០ដុល្លារ៕

ផ្ទាំងផ្សាយពាណិជ្ជកម្ម

Subaru បំបែកកំណត់ត្រាពិភពលោកថ្មី ដែលក្រុមហ៊ុនផ្សេងមិនអាចធ្វើបាន

October 9, 2020

ក្រុមហ៊ុនរថយន្ត Subaru បានបំបែកកំណត់ត្រា Guinness World Record ថ្មីមួយ នៅឯកម្មវិធី Subiefest 2020 ដែលធ្វើឡើងកាលពីសប្តាហ៍មុន និងជាការជួបជុំគ្នាដ៏ធំបំផុតប្រចាំឆ្នាំ នៃអ្នកងប់ងល់នឹងរថយន្ត Subaru នៅសហរដ្ឋអាមេរិក។

កំណត់ត្រាថ្មីនោះគឺការបើកដង្ហែរក្បួននៃរថយន្ត Subaru សរុប ១ ៧៥១គ្រឿង ដែលបើកបរដោយម្ចាស់ផ្ទាល់តែ ហើយបានបំបែកកំណត់ត្រាចាស់ កាលពីឆ្នាំ២០១៥ ដែលមានត្រឹម ៥៤៩គ្រឿង។

ជំនួសឲ្យការលក់សំបុត្រ ឆ្នាំនេះក្រុមហ៊ុន Subaru បានស្នើសុំឲ្យអ្នកចូលរួមទាំងអស់បរិច្ចាគទៅកាន់អង្គការមិនស្វែងរកប្រាក់ចំណេញ Feeding America ដើម្បីផ្គត់ផ្គង់ទៅកាន់ឃ្លាំងអាហារចំនួន ២ គឺ Los Angeles Regional Food Bank និង Second Harvest Orange County។

ការបរិច្ចាគនោះនឹងផ្តល់នូវអាហារចំនួន ២៤១ ៨០០ចាន ហើយក្រុមហ៊ុន Subaru of America បានបន្ថែមឲ្យគ្រប់រហូតដល់ ៥០០ ០០០ចានតែម្តង។ គួរឲ្យដឹងថា វាគឺជាផ្នែកមួយនៃកិច្ចសហការណ៍រវាង ក្រុមហ៊ុន Subaru និង Feeding America ដែលនឹងផ្តល់អាហារសរុប ៥០លានចានដល់អ្នកដែលរងគ្រោះដោយសារតែជំងឺកូវីដ១៩៕

ផ្ទាំងផ្សាយពាណិជ្ជកម្ម

Mazda ចេញលក់ MX-30 នៅជប៉ុន តែមិនមែនប្រើថាមពលអគ្គិសនីសុទ្ធ

October 8, 2020

កាលពីពេលថ្មីៗកន្លងទៅនេះ Mazda បានចេញលក់រថយន្តដំណើរការដោយថាមពលអគ្គិសនីសុទ្ធ MX-30 សម្រាប់ទីផ្សារអឺរ៉ុប ហើយឥឡូវនេះវាទើបតែចេញលក់នៅក្នុងប្រទេសជប៉ុនទៀត ប៉ុន្តែប្រើម៉ាស៊ីនសាំងជាមួយប្រព័ន្ធ Mild-hybrid ទៅវិញ។

Mazda ហៅម៉ាស៊ីននេះថា e-Skyactiv G ដែលគួបផ្សំរវាងម៉ាស៊ីនសាំង Skyactiv-G ចំណុះ ២លីត្រ naturally aspirated ជាមួយប្រព័ន្ធ M Hybrid កម្លាំង ៥,១គីឡូវ៉ាត់ ដើម្បីជួយដល់ម៉ូទ័រ និងអាគុយ។ ប្រព័ន្ធ Mild-hybrid នេះនឹងជួយឲ្យ MX-30 ខ្លាំងជាងមុន និងជាន់ស្ទុះជាងមុន ទោះបីជាវាមិនសូវសន្សំសំចៃដូចប្រភេទប្រើថាមពលអគ្គិសនីសុទ្ធក៏ដោយ។

យ៉ាងណាក៏ដោយ Mazda ក៏នឹងចេញលក់រថយន្ត MX-30 ប្រើអគ្គិសនីសុទ្ធនៅក្នុងប្រទេសជប៉ុន នាឆ្នាំក្រោយដែរ។

គួរឲ្យដឹងថា រថយន្ត Mazda MX-30 (ប្រើ mild-hybrid) នេះមានតម្លៃចាប់ពី ២ ៤២០ ០០០យ៉េន (២២ ៩០០ដុល្លារ) និងអាចឡើងដល់ ៣ ៣៩៣ ៥០០យ៉េន (៣២ ១០០ដុល្លារ) ឯណោះ។ វាមានទាំងជម្រើសប៉ុងមួយ 2WD និង ប៉ុងពីរ AWD៕